ကလီးစဲ 1:9 - Sgaw Karen Common Bible

⁹ လၢတၢ်န့ၣ်အဃိ, စးထီၣ်မုၢ်တနံၤလၢပနၢ်ဟူဘၣ်သုဂ့ၢ်လံၤလံၤ န့ၣ်ပတဆိတ့ၢ်ဘါထုကဖၣ်လၢသုဂီၢ်ဘၣ်. ပတၢ်ထုကဖၣ်လၢ သုဂီၢ်မ့ၢ်ဒ်သိးယွၤကမၤပှဲၤသုဒီးတၢ်သ့ၣ်ညါအတၢ်ဘၣ်အသးဒီး တၢ်ကူၣ်ဘၣ်ကူၣ်သ့ဒီးတၢ်သ့ၣ်ညါနၢ်ပၢၢ်ခဲလၢာ်လၢယွၤ အသးဟ့ၣ်လီၤဝဲ,

ကလီးစဲ 1:9 Iomraidhean Croise

စံးထီၣ်ပတြၢၤ 119:99

ယအိၣ်ဒီးတၢ်နၢ်ပၢၢ်အါန့ၢ် ပှၤသိၣ်လိယၤခဲလၢာ်တက့ၢ်လီၤ. အဂ့ၢ်ဒ်အံၤ, ယဆိကမိၣ် နတၢ်အုၣ်နသးတဖၣ်အဂ့ၢ်အကျိၤလီၤ.

စံးထီၣ်ပတြၢၤ 143:10

သိၣ်လိယၤဒ်သိးယကမၤတၢ်ဘၣ်နသးတက့ၢ်. အဂ့ၢ်ဒ်အံၤ, နမ့ၢ်ယကစၢ်ယွၤလီၤ. မ်နသးလၢအဂ့ၤန့ၣ်ဆှၢယၤလၢကျဲလၢ အမုာ်အပၢၤန့ၣ်တက့ၢ်.

လံာ်ယိၤဟၣ် 7:17

ပှၤတဂၤဂ့ၤတဂၤဂ့ၤအသးမ့ၢ်အိၣ်လၢကမၤဘၣ်ကစၢ်ယွၤ အတၢ်ဘၣ်အသးဒီး, အဝဲကသ့ၣ်ညါဝဲလၢယတၢ်သိၣ်လိသီလိအံၤဟဲလၢ ကစၢ်ယွၤအအိၣ်ဧါ, မ့တမ့ၢ်ဒီးလၢယကတိၤဒၣ်တၢ်လၢယစိကမီၤဒၣ်ယဲလဲၣ်န့ၣ်လီၤ.

မၤတၢ် 12:5

လၢတၢ်န့ၣ်အဃိ, စီၤပ့းတရူးဘၣ်တၢ်ဒုးဃာ်ပာ်အီၤလၢဃိာ်ပူၤ, ဘၣ်ဆၣ်တၢ်အိၣ်ဖှိၣ်ဖိတဖၣ်ဃ့ဘါထုကဖၣ်ကစၢ်ယွၤသပှၢ်ပှၢ်လၢ အဝဲဒၣ်အဂီၢ်လီၤ.

ရိမ့ၤ 12:2

တဘၣ်အိၣ်မူထိၣ်သုသးလၢပှၤဟီၣ်ခိၣ်ဖိတဖၣ်အတၢ်အိၣ်မူ အတီၤတဂ့ၤ. မ့မ့ၢ်တခီ ပျဲယွၤလဲလိာ်သုလၢသုသူၣ်ကံၢ်သးလဲ ခီဖျိတၢ်လဲလိာ်ကွံာ်သုတၢ်ဆိကမိၣ်လၢာ်လၢာ်ဆ့ဆ့တက့ၢ်. အန့ၣ်ဒီး, သုကသ့ၣ်ညါကစၢ်ယွၤအတၢ်ဘၣ်အသး - တၢ်လၢ အဂ့ၤ, ဒီးတၢ်လၢအဒုးသးမုာ်သးခုအီၤ, ဒီးတၢ်လၢတၢ် ပှဲၤမ့ၢ်တၢ်ဒ်လဲၣ်ဒ်လဲၣ်န့ၣ်လီၤ.

1 ကရံၣ်သူး 1:5

အဂ့ၢ်ဒ်အံၤ, လၢတၢ်ပာ်ဖှိၣ်ဃုာ်သုသးတဖျၢၣ်ဃီဒီးခရံာ်အပူၤ န့ၣ်, သုထူးထီၣ်တီၤထီၣ်တ့ၢ်လၢတၢ်ကိးမံၤဒဲးအပူၤ, ဃုာ်ဒီးတၢ်စံးတၢ်ကတိၤခဲလၢာ်, ဒီးတၢ်သ့ၣ်ညါနၢ်ပၢၢ်ခဲလၢာ် န့ၣ်လီၤ.

အ့းဖ့းစူး 1:8

တၢ်ဘျုးတၢ်ဖှိၣ်လၢအလူလီၤဂၢ်လီၤဝဲလၢပလိၤဒိၣ်ဒိၣ် အါအါန့ၣ်လီၤ.

အ့းဖ့းစူး 5:10

ကျဲးစၢးမၤလိန့ၢ်တၢ်လၢအဘၣ်ကစၢ်ယွၤအသးန့ၣ်တက့ၢ်.

အ့းဖ့းစူး 5:17

တဘၣ်အိၣ်မူဒ်ပှၤဟးဂီၤဖိတဖၣ်အသိးတဂ့ၤ. မ့မ့ၢ်ကျဲးစၢးဃုသ့ၣ်ညါနၢ်ပၢၢ်တၢ်လၢကစၢ်ဘၣ် အသးလၢသုကမၤအီၤန့ၣ်တက့ၢ်.

အ့းဖ့းစူး 6:6

တမ့ၢ်ဘၣ်ဒ်ပှၤလၢအမၤတၢ်လၢပှၤကညီကထံၣ်, ဒီးဘၣ်သူၣ်ဘၣ်သးအီၤအဂီၢ်အသိးန့ၣ်ဘၣ်. မ့မ့ၢ်လၢသုသးဒီဖျၢၣ်ညါန့ၣ်မၤတၢ်ဘၣ်ကစၢ်ယွၤအသးဒ်ခရံာ် အကုၢ်တဖၣ်အသိးန့ၣ်တက့ၢ်.

ဖံလံးပံၤ 1:4

ဒီးတဘျီလၢ်လၢ်ဖဲယဃ့ဘါထုကဖၣ်တၢ်လၢသုဂီၢ်န့ၣ်, ယဘါထုကဖၣ်လၢတၢ်သးခုအပူၤ,

ကလီးစဲ 1:6

တၢ်သးခုအကစီၣ်အံၤဟဲစိာ်ဃုာ်ဒီးတၢ်ဆိၣ်ဂ့ၤ, ရၤလီၤအသးသကုၤဟီၣ်ခိၣ်ဒီဘ့ၣ်ညါ, ဒ်အမၤတ့ၢ်လံ အသးလၢသုကျါစးထီၣ်မုၢ်တနံၤဖဲသုနၢ်ဟူတၢ်ဘၣ်ဃး ယွၤအဘျုးအဖှိၣ်အဆိကတၢၢ်တဘျီ, ဒီးသ့ၣ်ညါထံအီၤဒ် အမ့ၢ်တၢ်နီၢ်နီၢ်အသိး,

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.

ကလီးစဲ 4:12

ပှၤလၢအဘၣ်ဃးဒီးသု, ယ့ၣ်ၡူးခရံာ်အခ့အပှၤ, စီၤအ့းပၤဖြါတဂၤ ဆၢဂ့ၤဆၢဝါလီၤသုဒီးထီဘိန့ၣ်ဃ့ဘါထုကဖၣ်ကစၢ်ယွၤသပှၢ် ပှၢ်လၢသုဂီၢ်ဒ်သိးသုကဆၢထၢၣ်ဂၢၢ်ဂၢၢ်ကျၢၤကျၢၤလၢတၢ်လူၤဘၣ် ယွၤအသးအပူၤ, ဒ်ပှၤခရံာ်ဖိလၢအနာ်တၢ်နီၢ်နီၢ်ဒီးဒိၣ်တုာ်ခိၣ် ပှဲၤဝဲတဖၣ်အသိးန့ၣ်လီၤ.

ကလီးစဲ 4:5

လၢသုတၢ်ဘၣ်ထွဲဒီးပှၤတစူၢ်တနာ်တၢ်တဖၣ်အပူၤန့ၣ်, အိၣ်ဒီးတၢ်ကူၣ်သ့တက့ၢ်. တၢ်ဆၢကတီၢ်ဒီးတၢ်ခွဲးတၢ်ယာ်လၢသုဒိးန့ၢ်ကိးကတီၢ်ဒဲးန့ၣ်, သူအီၤအဂ့ၤကတၢၢ်တက့ၢ်.

၁ သ့းစၤလနံ 1:3

တဘျီလၢ်လၢ်ဖဲပဃ့ဘါထုကဖၣ်တၢ်ဆူပကစၢ်ယွၤဒီးပပၢ် အအိၣ်န့ၣ်, ပသ့ၣ်နီၣ်ထီၣ်သုအိၣ်မူမၤထွဲသုတၢ်စူၢ်တၢ်နာ် အခံဒ်လဲၣ်, သုဖံးသုမၤတၢ်ဆူၣ်ဆူၣ်လၢတၢ်အဲၣ်အဃိဒ်လဲၣ်, ဒီးသုတၢ်မုၢ်လၢ်လၢပကစၢ်ယ့ၣ်ၡူးခရံာ်အပူၤဂၢၢ်ကျၢၤဒ်လဲၣ် အဂ့ၢ်န့ၣ်လီၤ.

၂ သ့းစၤလနံ 1:11

လၢတၢ်န့ၣ်အဃိ, ထီဘိန့ၣ်ပဃ့ဘါထုကဖၣ်တၢ်လၢသုဂီၢ်ဒ်သိးပကစၢ် ယွၤကဒုးကြၢးဒုးဘၣ်သုဒီးတၢ်အိၣ်မူလၢအဝဲဒၣ်ကိးဃီၤ သုလၢသုကအိၣ်မူအီၤန့ၣ်လီၤ. ဒီးခီဖျိအစိအကမီၤန့ၣ်, မ်ကစၢ်ယွၤမၤစၢၤသုလၢသုကမၤတၢ်အဂ့ၤတမံၤလၢ်လၢ်လၢ သုသးအိၣ်မၤအီၤ, ဒီးမၤလၢမၤပှဲၤတၢ်ဖံးတၢ်မၤလၢ သုမၤတ့ၢ်လံအီၤခီဖျိတၢ်စူၢ်တၢ်နာ်န့ၣ်တက့ၢ်.

ဖံၤလ့မိၣ် 1:4

ဒီပုၢ်ဝဲၢ်စီၤဖံၤလ့မိၣ်ဧၢ, တဘျီလၢ်လၢ်ဖဲယဃ့ဘါထုကဖၣ် ယွၤန့ၣ်, ယသ့ၣ်နီၣ်ဘၣ်နၤဒီးစံးထီၣ်ပတြၢၤကစၢ်ယွၤလီၤ.

ဖံၤလ့မိၣ် 1:6

ယတၢ်ထုကဖၣ်မ့ၢ်ဝဲလၢပတၢ်ဘၣ်ထွဲဒီးနၤဒ်ပှၤစူၢ်က့ၤနာ်က့ၤ တၢ်တဂၤအသိးအံၤန့ၣ်, ကဒုးအါထီၣ်ယိာ်ထီၣ်တၢ်သ့ၣ်ညါနၢ်ပၢၢ်တၢ်ဆိၣ်ဂ့ၤခဲလၢာ်လၢ အအိၣ်ဒီးပှၤ, ခီဖျိတၢ်အိၣ်မူလၢခရံာ်အပူၤန့ၣ်လီၤ.

ဧ့ၤဘြံၤ 10:36

သုကဘၣ်ဝံသးစူၤဒီးတူၢ်တၢ်ဒ်သိးသုကမၤတၢ်ဘၣ်ကစၢ်ယွၤ အသးဝံၤ, ဒီးဒိးန့ၢ်ဘၣ်တၢ်လၢအဘၣ်တၢ်စံးပာ်တ့ၢ်အီၤန့ၣ်လီၤ.

ဧ့ၤဘြံၤ 13:21

မ်တၢ်ဃူတၢ်ဖိးအကစၢ်ယွၤမၤလၢမၤပှဲၤသုလၢတၢ် အဂ့ၤခဲလၢာ်လၢသုလိၣ်ဘၣ်အီၤ, ဒ်သိးသုကမၤအတၢ်ဘၣ် အသး, ဒီးခီဖျိယ့ၣ်ၡူးခရံာ်န့ၣ်, မ်အဝဲမၤအတၢ်ဘၣ်အသး လၢပပူၤန့ၣ်တက့ၢ်. မ်ခရံာ်ဒိးဘၣ်တၢ်လၤကပီၤအစိၤစိၤ အဃၣ်ဃၣ်တက့ၢ်. အၤမ့ၣ်.

ယၤကိာ် 1:5

ဘၣ်ဆၣ်ဒီး, “သုဝဲသ့ၣ်အကျါတဂၤဂၤမ့ၢ်လိၣ်ဘၣ်တၢ်ကူၣ် သ့န့ၣ်, အဝဲကြၢးဃ့ထုကဖၣ်ကစၢ်ယွၤဒီးကဟ့ၣ်လီၤအီၤ န့ၣ်လီၤ. အဂ့ၢ်မ့ၢ်လၢကစၢ်ယွၤဟ့ၣ်တၢ်ညီဒီးဟ့ၣ်တၢ်လၢတၢ်သူၣ် ကညီၤသးကညီၤလၢပှၤခဲလၢာ်အဂီၢ်အဃိန့ၣ်လီၤ.

ယၤကိာ် 3:17

ဘၣ်ဆၣ်ဒီးတၢ်ကူၣ်သ့လၢအဟဲလၢထးအံၤအဆိကတၢၢ်န့ၣ် ကဆှီဝဲလီၤ. မ့ၢ်စ့ၢ်ကီးတၢ်လၢအဒုးအိၣ်ထီၣ်တၢ်ဃူတၢ်ဖိး တၢ်မုာ်တၢ်ခုၣ်, ဒီးတၢ်သ့ကွၢ်ဆိကမိၣ်တၢ်လၢပှၤအဂီၢ်န့ၣ်လီၤ. တၢ်ကူၣ်သ့အံၤပှဲၤဒီးတၢ်သးကညီၤဒီးတၤသၣ်အဂ့ၤတဖၣ်လီၤ. ပူၤဖျဲးဒီးတၢ်ကွၢ်မဲာ်တၢ်ဒီးတၢ်ပာ်မၤအသးတဖၣ်န့ၣ်လီၤ.

၁ ပ့းတရူး 2:15

အဂ့ၢ်ဒ်လဲၣ်န့ၣ်, ကစၢ်ယွၤအသးအိၣ်လၢသုကမၤဘှ့ၣ်မၤဘှီၣ် ပှၤဟးဂီၤဖိတဖၣ်အတၢ်ကတိၤလၢအခီပညီတအိၣ်ဘၣ်, ခီဖျိသုတၢ်မၤအဂ့ၤတဖၣ်န့ၣ်လီၤ.

၁ ပ့းတရူး 4:2

ခဲအံၤဒီးဆူညါ, သုကဘၣ်အိၣ်မူသုတၢ်အိၣ်မူလၢအအိၣ်တ့ၢ်ဒံးလၢဟီၣ်ခိၣ် အံၤလၢကစၢ်ယွၤအတၢ်ဘၣ်သးအပူၤ, ဒီးတမ့ၢ်လၢပှၤကညီအတၢ်သးကွံတဖၣ်အပူၤလၢၤဘၣ်.

၁ ယိၤဟၣ် 2:17

ဟီၣ်ခိၣ်ဒီးတၢ်လၢအအိၣ်လၢအပူၤခဲလၢာ်လၢပှၤကညီ သူၣ်လီသးကွံဝဲန့ၣ်ကလဲၤပူၤကွံာ်ဝဲ, ဘၣ်ဆၣ်ပှၤလၢအမၤတၢ်ဘၣ်ကစၢ်ယွၤအသးန့ၣ်အိၣ်မူဝဲလီၤ ထူလီၤယိာ်လီၤ.

၁ ယိၤဟၣ် 5:20

ပသ့ၣ်ညါလၢကစၢ်ယွၤအဖိခွါဟဲဝဲဒီးဟ့ၣ်တ့ၢ်လံ ပှၤတၢ်သ့ၣ်ညါနၢ်ပၢၢ်, ဒ်သိးပကသ့ၣ်ညါကစၢ်ယွၤ အမ့ၢ်အတီတဂၤအဂီၢ်န့ၣ်လီၤ. ပအိၣ်မူလၢကစၢ်ယွၤ အမ့ၢ်အတီတဂၤအံၤအပူၤ, လၢအဖိခွါယ့ၣ်ၡူးခရံာ် အပူၤန့ၣ်လီၤ. အအံၤမ့ၢ်ကစၢ်ယွၤနီၢ်နီၢ်, ဒီးအအံၤမ့ၢ် တၢ်မူအထူအယိာ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 12:23

မ့မ့ၢ်ယၤန့ၣ်, ယွၤတြီတၢ်လၢယကမၤတၢ်ဒဲးဘးထီဒါအီၤခီဖျိ ယတဘၣ်ဘါထုကဖၣ်လၢၤလၢသုဂီၢ်နီတစုဘၣ်န့ၣ်လီၤ. အခိၣ်တလိာ်, ယကသိၣ်လိသုလၢတၢ်မနုၤဂ့ၤဝဲဒီးဘၣ်ဝဲ လၢသုဂီၢ်လၢသုကမၤအီၤအဂီၢ်န့ၣ်လီၤ.