ကလီးစဲ 1:28 - Sgaw Karen Common Bible

²⁸ ပစံၣ်တဲၤတဲလီၤခရံာ်ဒီးတဲပလီၢ်ပှၤကိးဂၤဒီးသိၣ်လိသီ လိပှၤကိးကလုာ်ဒဲးလၢတၢ်ကူၣ်သ့ခဲလၢာ်အပူၤ, ဒ်သိးပကဆှၢက့ၤပှၤတဂၤစုာ်စုာ်ဒ်ပှၤဒိၣ်တုာ်ခိၣ်ပှဲၤလၢခရံာ် အပူၤအသိးဆူကစၢ်ယွၤအအိၣ်အဂီၢ်န့ၣ်လီၤ.

ကလီးစဲ 1:28 Iomraidhean Croise

လံာ်စီၤဧ့စြၤ 7:25

စီၤဧ့စြၤဧၢ, သူတၢ်ကူၣ်သ့လၢနကစၢ်ယွၤဟ့ၣ်လီၤတ့ၢ်လံနၤ ဒီးဃုထၢပာ်လီၤပှၤပၢဆှၢတၢ်တဖၣ်ဒီးစံၣ်ညီၣ်ကွီၢ်တဖၣ်လၢ ကပၢကယဲၢ်ပှၤဂီၢ်မုၢ်လၢကီၢ်ဖရၤသးအမုၢ်နုာ်လၢအအိၣ်မူဝဲဒ် ယူဒၤအတၢ်သိၣ်တၢ်သီလၢနကစၢ်ယွၤဟ့ၣ်လီၤဝဲတက့ၢ်. နကဘၣ်သိၣ်လိယူဒၤအတၢ်သိၣ်တၢ်သီန့ၣ်ဆူပှၤတဂၤ လၢ်လၢ်လၢအတသ့ၣ်ညါဝဲန့ၣ်လီၤ.

တၢ်ကတိၤဒိ. 8:5

မ့ၢ်သုတဒိၣ်တုာ်ခိၣ်ပှဲၤဘၣ်ဧါ. မၤလိတၢ်ဒ်သိးသုကဒိၣ်တုာ် ခိၣ်ပှဲၤတက့ၢ်. မ့ၢ်သုသူၣ်တထံသးတဆးဘၣ်ဧါ. မၤလိအိၣ်ဒီးတၢ်သူၣ်ထံ သးဆးတက့ၢ်.

လံာ်ပှၤစံၣ်တဲၤတဲလီၤတၢ် 12:9

ဘၣ်ဆၣ်မ့ၢ်လၢပှၤဆိကမိၣ်တၢ်အဒိၣ်အယိာ်တဂၤအံၤကူၣ်တၢ် သ့အဃိ, အဝဲသိၣ်လိဒံးဒၣ်ပှၤဂီၢ်မုၢ်လၢတၢ်လၢအဝဲသ့ၣ်ညါတ့ၢ် ဝဲန့ၣ်လီၤ. အဝဲမၤလိတၢ်ကတိၤဒိတဖၣ်ဒီးမၤကွၢ်အတၢ်မ့ၢ်တၢ်တီ, တီတီလိၤလိၤလီၤ.

လံာ်ယံးရမံယၤ 3:15

ယကဟ့ၣ်လီၤသုလၢပှၤပၢတၢ်တဖၣ်လၢအစူၢ်ယၤ, ဒီးအဝဲသ့ၣ်ကပၢသုလၢတၢ်ကူၣ်သ့ဒီးတၢ် သ့ၣ်ညါနၢ်ပၢၢ်အပူၤန့ၣ်လီၤ.

လံာ်ယံးရမံယၤ 6:10

ယစံးဆၢတ့ၢ်အီၤ, “ယမ့ၢ်ကတိၤတၢ်ဒီးအဝဲသ့ၣ်ဒီးဟ့ၣ်ပလီၢ် အဝဲသ့ၣ်ဒီး, မ့ၢ်မတၤကဒိကနၣ်ယၤန့ၣ်လဲၣ်. အဝဲသ့ၣ်အခိၣ်ကိၤ ဒီးတဒိကနၣ်နတၢ်ကစီၣ်ဘၣ်. အဝဲသ့ၣ်နံၤဘၣ်ဖၣ်လဲတၢ်လၢ နမၢယစံးကတိၤန့ၣ်လီၤ.

လံာ်ယဃ့းစက့လး 7:10

တၢ်တတၢးတနါအမုၢ်တနံၤဟဲဝဲလံလၢကီၢ်အံၣ်စရ့လးအဂီၢ်လံ. တၢ်မၤဆူၣ်မၤစိးတၢ်တဖၣ်အါထီၣ်ဂီၢ်ထီၣ်လံ. တၢ်ပာ်ထီၣ်ထီသးအိၣ်လံလၢအလီၢ်အထီကတၢၢ်န့ၣ်လံ.

လံာ်မးသဲ 28:20

ဒီးသိၣ်လိသီလိအဝဲသ့ၣ်လၢအကတိၢ်န့ၢ်ဒီး မၤထွဲတၢ်လၢယမၤလိာ်တ့ၢ်သုကိးမံၤဒဲးန့ၣ်တက့ၢ်. ဒီးယကအိၣ်ဒီးသုထီဘိ တုၤတၢ်အစိၤကတၢၢ်တစုန့ၣ်လီၤ.”

လံာ်မးသဲ 3:7

တုၤစီၤယိၤဟၣ်ထံၣ်ဘၣ်ပှၤဖၤရံၤၡဲဒီးပှၤစးဒူၤကဲအါဒံအါ ဂၤလၢအဟဲလၢကဒိးဘျၢအသးလၢထံအဂီၢ်န့ၣ်ဒီးစံးဘၣ်အဝဲသ့ၣ်, “ဂုၢ်ဘီၣ်အီးသ့ၣ်ဧၢ, မတၤဟ့ၣ်ပလီၢ်သုလၢသုကဃ့ၢ်ပူၤကွံာ်လၢ ကစၢ်ယွၤအတၢ်စံၣ်ညီၣ်လၢအကဟဲန့ၣ်လဲၣ်.

လံာ်မးသဲ 5:48

လၢတၢ်န့ၣ်အဃိ, ဒ်သုပၢ်လၢမူခိၣ်လၢပှဲၤဝဲအသိးန့ၣ် လၢထီၣ်ပှဲၤထီၣ်သုဝဲဒ်န့ၣ်အသိးတက့ၢ်.

လံာ်မၢ်ကူး 6:34

တုၤယ့ၣ်ၡူးစံၣ်လီၤလၢချံပူၤဝံၤဒီးထံၣ်ဘၣ်ပှၤဂီၢ်မုၢ်ဖး ဒိၣ်အံၤန့ၣ်သးကညီၤဘၣ်အဝဲသ့ၣ်, မ့ၢ်လၢအဝဲသ့ၣ်လီၤဂာ်ဒီးသိတဖုလၢပှၤကွၢ်အီၤတအိၣ်ဘၣ် အသိးအဃိန့ၣ်လီၤ. လၢတၢ်န့ၣ်အဃိ, အဝဲစးထီၣ်သိၣ်လီၤသီလီၤအဝဲသ့ၣ်လၢတၢ်မၤလိအါထံၣ်အါဘီလီၤ.

လံာ်လူၤကၣ် 21:15

အဂ့ၢ်ဒ်အံၤ, ယကဟ့ၣ်သုတၢ်စံးတၢ်ကတိၤတဖၣ် ဒီးတၢ်ကူၣ်ဘၣ်ကူၣ်သ့တုၤဒၣ်လဲာ်သုဒုၣ်သုဒါထီဒါတၢ်လၢသုတဲမ့ၢ်ဂ့ၤ, ဂ့ၢ်လိာ်ဝဲမ့ၢ်ဂ့ၤတသ့ဘၣ်နီတဂၤန့ၣ်လီၤ.

မၤတၢ် 10:36

သုသ့ၣ်ညါတၢ်ကစီၣ်လၢအဝဲဒၣ်ဆှၢလီၤဆူပှၤအံၣ်စရ့လးဖိ တကလုာ်အအိၣ်, လၢအဘိးဘၣ်သ့ၣ်ညါတၢ်သးခုအကစီၣ်ဘၣ်ဃးဒီးတၢ်ဃူတၢ်ဖိး ခီဖျိယ့ၣ်ၡူးခရံာ်, လၢအမ့ၢ်ပှၤကိးဂၤဒဲးအကစၢ်န့ၣ်လီၤ.

မၤတၢ် 11:20

မ့မ့ၢ်ပှၤစူၢ်က့ၤနာ်က့ၤတၢ်အဂၤတနီၤလၢကီးကူပြူးဒီးကီၢ်ကူၤရ့ၤန့ တဖၣ်, လဲၤဝဲတုၤလၢဝ့ၢ်အၣ်တံၤအီာ်ဒီးစံၣ်တဲၤတဲလီၤတၢ်ကစီၣ်လၢ ပှၤကလုာ်ဂၤတဖၣ်စ့ၢ်ကီး, ဒီးစံးဘၣ်တဲဘၣ်အဝဲသ့ၣ်တၢ်သးခုအကစီၣ်ဘၣ်ဃးကစၢ်ယ့ၣ်ၡူး အဂ့ၢ်န့ၣ်လီၤ.

မၤတၢ် 13:38

လၢတၢ်န့ၣ်အဃိ, ဒီပုၢ်ဝဲၢ်ခဲလၢာ်သ့ၣ်ဧၢ, ယသးအိၣ်လၢသုကသ့ၣ်ညါသုဝဲသပှၢ်ကတၢၢ်လၢခီဖျိယ့ၣ်ၡူးန့ၣ် တၢ်ကစီၣ်ဘၣ်ဃးတၢ်ပျၢ်တၢ်ဒဲးဘးဘၣ်တၢ်စံၣ်တဲၤတဲလီၤန့ၢ်သု,

မၤတၢ် 17:18

ပှၤအ့းပံၤကူၤရူးဖိအသရၣ်ဒီးပှၤစတီးအၤဖိအသရၣ်တနီၤ ကတိၤဂ့ၢ်လိာ်ဘှီလိာ်စ့ၢ်ကီးတၢ်ဒီးအီၤန့ၣ်လီၤ. အဝဲသ့ၣ်တနီၤစံးဝဲ, “ပှၤတသ့ၣ်ညါနၢ်ပၢၢ်တၢ်ဒီးလိာ်သ့အသးတဂၤအံၤမ့ၢ်အအဲၣ်ဒိး တဲတၢ်မနုၤလဲၣ်.” ပှၤအဂၤတနီၤစံးဝဲ, “ဖျါလၢအဝဲကတိၤတၢ်ဘၣ်ဃးထံဂၤကီၢ်ဂၤအကစၢ်ယွၤ တဖၣ်အဂ့ၢ်လီၤ.” အဝဲသ့ၣ်စံးတၢ်ဒ်သိးအံၤန့ၣ်မ့ၢ်လၢစီၤပီလူးစံၣ်တဲၤတဲ လီၤတၢ်ဘၣ်ဃးယ့ၣ်ၡူးဒီးတၢ်ဂဲၤဆၢထၢၣ်သမူထီၣ်က့ၤအဂ့ၢ် အဃိလီၤ.

မၤတၢ် 17:3

တဲနၢ်ပၢၢ်အဝဲသ့ၣ်လၢတၢ်ကွဲးအသးစီဆှံတဖၣ်, ဒီးဟ့ၣ်တၢ်အုၣ်အသးလၢခရံာ်ကဘၣ်တူၢ်တၢ်ဒီးဂဲၤဆၢထၢၣ် က့ၤလၢတၢ်သံအဂ့ၢ်န့ၣ်လီၤ. စီၤပီလူးစံးဝဲ, “ယ့ၣ်ၡူးလၢယဘိးဘၣ်သ့ၣ်ညါသုလၢအဂ့ၢ်တဂၤအံၤမ့ၢ် ခရံာ်န့ၣ်လီၤ.”

မၤတၢ် 20:31

လၢတၢ်န့ၣ်အဃိ, အိၣ်ပလီၢ်သူၣ်ပလီၢ်သးဒီးသ့ၣ်နီၣ်ထီၣ်လၢ, သၢနံၣ်အတီၢ်ပူၤလၢမုၢ်ဆါဆဲးလၢမုၢ်နၤယသိၣ်လီၤသီလီၤဒီး ဟ့ၣ်ပလီၢ်သုလၢမဲာ်ထံမဲာ်နိအဒိၣ်အအါအပူၤန့ၣ်တက့ၢ်.

မၤတၢ် 3:20

ကစၢ်ကဟ့ၣ်လီၤသးအတၢ်န့ၢ်ဂံၢ်န့ၢ်ဘါအကတီၢ်တဖၣ်, ဒီးကမၢလီၤယ့ၣ်ၡူးလၢအမ့ၢ်ခရံာ်လၢအဃုထၢပာ်တ့ၢ်လံဝဲလၢ သုဂီၢ်န့ၣ်လီၤ.

မၤတၢ် 5:42

ဒီးကိးနံၤဒဲးလၢတၢ်လုၢ်ဟံၣ်ပူၤဒီးလၢဟံၣ်တဖၣ်အပူၤစ့ၢ်ကီးန့ၣ်, အဝဲသ့ၣ်သိၣ်လီၤသီလီၤဒီးစံၣ်တဲၤတဲလီၤဝဲလၢယ့ၣ်ၡူးမ့ၢ်ခရံာ်, ဒီးတဆိတ့ၢ်ဝဲနီတစုဘၣ်န့ၣ်လီၤ.

မၤတၢ် 8:35

အန့ၣ်ဒီးစီၤဖံလံးပူးကတိၤထီၣ်တၢ်စးထီၣ်လၢတၢ်ကွဲး အသးတတီၤအံၤဝံၤ, စံးဘၣ်တဲဘၣ်အီၤလၢတၢ်သးခုအကစီၣ်ဘၣ်ဃး ယ့ၣ်ၡူးန့ၣ်လီၤ.

မၤတၢ် 8:5

စီၤဖံလံးပူးလဲၤဝဲဆူကီၢ်ၡၤမရံအဝ့ၢ်ခိၣ်အပူၤ, ဒီးစံၣ်တဲၤတဲလီၤခရံာ်အဂ့ၢ်လၢပှၤအိၣ်ဖဲန့ၣ်တဖၣ်အဂီၢ်လီၤ.

မၤတၢ် 9:20

အဝဲဒၣ်လဲၤဝဲတဘျီဃီဆူဘူၣ်ဘျီၣ်လၢအမ့ၢ်တၢ်ဘါလီၢ် တဖၣ်, ဒီးစံၣ်တဲၤတဲလီၤဝဲလၢယ့ၣ်ၡူးမ့ၢ်ကစၢ်ယွၤအဖိခွါန့ၣ် လီၤ.

ရိမ့ၤ 16:25

မ်ပဟ့ၣ်ကစၢ်ယွၤတၢ်လၤကပီၤတက့ၢ်. အဝဲဒၣ်ဒုးဆၢထၢၣ်ဂၢၢ်ကျၢၤသုလၢသုတၢ်စူၢ်တၢ်နာ်အပူၤ သ့ဝဲ, ဒ်တၢ်သးခုကစီၣ်လၢယစံၣ်တဲၤတဲလီၤန့ၢ်သုအသိး, တၢ်သးခုကစီၣ်ဘၣ်ဃးဒီးယ့ၣ်ၡူးဒီးဒ်တၢ်မ့ၢ်တၢ်တီခူသူၣ်လၢ အအိၣ်ဘံၣ်အိၣ်ဘၢဝဲအစိၤစိၤအဃၣ်ဃၣ်လၢပျၢၤအတၢ်လီၣ်ဖျါထီၣ် အသးအသိးန့ၣ်လီၤ.

1 ကရံၣ်သူး 1:23

မ့မ့ၢ်ပဝဲသ့ၣ်တဖၣ်အံၤ, ပစံၣ်တဲၤတဲလီၤခရံာ်လၢအဘၣ်တၢ်ပျၤထီအီၤလၢထူၣ်စုညါ အလိၤ, တၢ်ကစီၣ်လၢအမၤဆါပှၤယူဒၤဖိတဖၣ်အသး, ဒီးမ့ၢ်တၢ်ကလီကလီလၢပှၤကလုာ်ဂၤသ့ၣ်တဖၣ်အဂီၢ်န့ၣ်လီၤ.

1 ကရံၣ်သူး 1:30

မ့မ့ၢ်ကစၢ်ယွၤပာ်ဖှိၣ်တ့ၢ်သုဒီးယ့ၣ်ၡူးခရံာ်, ဒီးကစၢ်ယွၤဒုးကဲယ့ၣ်ၡူးလၢပတၢ်ကူၣ်ဘၣ်ကူၣ်သ့န့ၣ်လီၤ. ခီဖျိခရံာ်န့ၣ်ပဘၣ်တၢ်မၤဘၣ်လိာ်ဖိးဒ့ပှၤဒီးယွၤ, ပကဲထီၣ်ယွၤအပှၤစီဆှံတကလုာ်ဒီးဘၣ်တၢ်ဒုးထူၣ်ဖျဲးထီၣ်ကွံာ်ပှၤလီၤ.

1 ကရံၣ်သူး 12:8

သးစီဆှံဟ့ၣ်ပှၤတဂၤတၢ်ကစီၣ်လၢအလၢပှဲၤဒီးတၢ်ကူၣ်ဘၣ်ကူၣ် သ့, ဖဲပှၤတဂၤဒၣ်ဘၣ်တၢ်ဟ့ၣ်အီၤတၢ်ကစီၣ်လၢပှဲၤဒီး တၢ်သ့ၣ်ညါနၢ်ပၢၢ်, လၢသးစီဆှံတဂၤဃီလီၤ.

1 ကရံၣ်သူး 15:12

ခဲကနံၣ်အံၤ, မ့ၢ်လၢပတၢ်ကစီၣ်မ့ၢ်ဝဲခရံာ်ဘၣ်တၢ်ဒုးဂဲၤဆၢထၢၣ်သမူ ထီၣ်က့ၤအီၤလၢတၢ်သံအဃိဒီး, သုဝဲတနီၤသုစံးလၢပှၤသံတဖၣ်တဘၣ်တၢ်ဒုးဂဲၤဆၢထၢၣ် သမူထီၣ်က့ၤအီၤန့ၣ်သ့ဝဲလၢကျဲဒ်လဲၣ်.

1 ကရံၣ်သူး 2:15

မ့မ့ၢ်ပှၤတဂၤလၢ်လၢ်လၢအအိၣ်ဒီးယွၤအသးစီဆှံန့ၣ်, သ့ၣ်ညါနၢ်ပၢၢ်တၢ်ခဲလၢာ်အလုၢ်အပှ့ၤသ့ဝဲ, ဘၣ်ဆၣ်ပှၤသ့ၣ်ညါနၢ်ပၢၢ်ပှၤအဝဲန့ၣ်တသ့ဘၣ်နီတဂၤဘၣ်.

1 ကရံၣ်သူး 2:6

မ့ၢ်သနာ်က့ဒ်န့ၣ်ဒီး, ဆူပှၤဒိၣ်တုာ်ခိၣ်ပှဲၤလၢသူၣ်လၢသးတကပၤ အအိၣ်န့ၣ်, ယစံၣ်တဲၤတဲလီၤတၢ်ကစီၣ်ဘၣ်ဃးဒီးတၢ်ကူၣ်ဘၣ် ကူၣ်သ့ကစီဒီလီၤ. ဘၣ်ဆၣ်ဒီးအဝဲအံၤတမ့ၢ်တၢ်ကူၣ်ဘၣ်ကူၣ်သ့လၢအဘၣ်ဃး ဒီးဟီၣ်ခိၣ်တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤလၢအပၢဟီၣ်ခိၣ် တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤတဖၣ်လၢအစိကမီၤလီၤမၢ်ကွံာ်ဝဲ န့ၣ်ဘၣ်.

1 ကရံၣ်သူး 4:14

ယကွဲးတၢ်အဝဲအံၤဆူသုအိၣ်, တမ့ၢ်လၢယသးအိၣ်မၤမဲာ်ဆှးသု အဃိဘၣ်. မ့မ့ၢ်တခီ, မ့ၢ်ဝဲဒ်သိးယကသိၣ်လိသီလိသုဒ်ယဖိသး ဘိဒၣ်ဝဲတဖၣ်အသိးန့ၣ်လီၤ.

၂ ကရံၣ်သူး 10:14

ဒီးမ့ၢ်လၢသုအိၣ်လၢတၢ်အဆၢတၢ်အကဝီၤတဖၣ်အံၤအပူၤ အဃိ, တမ့ၢ်ပလဲၤဖျိလဲၤတလၢကွံာ်အီၤ, ဖဲပဟဲဆူသုအိၣ်, စိာ်ဃုာ်ဒီးတၢ်သးခုကစီၣ်ဘၣ်ဃးခရံာ်အဂ့ၢ်န့ၣ်ဘၣ်.

၂ ကရံၣ်သူး 11:2

ယသးက့ၣ်တၢ်လၢသုဂီၢ်ဒ်ကစၢ်ယွၤသးက့ၣ်ဝဲအသိးန့ၣ်လီၤ. သုလီၤဂာ်ဒီးမုၣ်ကနီၤနီၢ်နီၢ်တဂၤ လၢယအၢၣ်လီၤအီလီၤတ့ၢ် ယဲလၢယကဒိးတ့ဒိးဖျီအီၤဒီးပိာ်ခွါထဲတဂၤဧိၤ, ခရံာ်အနီၢ်ကစၢ်ဒၣ်ဝဲန့ၣ်လီၤ.

၂ ကရံၣ်သူး 4:5

အဂ့ၢ်ဒ်အံၤ, တမ့ၢ်ပစံၣ်တဲၤတဲလီၤပနီၢ်ကစၢ်ဒၣ်ဝဲအဂ့ၢ် ဘၣ်. မ့ၢ်ပစံၣ်တဲၤတဲလီၤယ့ၣ်ၡူးခရံာ်ဒ်ကစၢ်, ဒီးပနီၢ်ကစၢ်ဒၣ်ပဝဲဒ်သုခ့သုပှၤတဖၣ်လၢယ့ၣ်ၡူးအဃိ အသိးန့ၣ်လီၤ.

အ့းဖ့းစူး 3:8

ယမ့မ့ၢ်ပှၤအဆံးန့ၢ်ဒံးပှၤအဆံးကတၢၢ်လၢပှၤစီဆှံတဖၣ် အကျါနာ်သက့, ကစၢ်ယွၤဟ့ၣ်ယၤတၢ်ဘျုးတၢ်ဖှိၣ်အံၤလၢယကစံၣ် တဲၤတဲလီၤန့ၢ်ဘၣ်ပှၤကလုာ်အဂၤတဖၣ်လၢခရံာ် အတၢ်လုၢ်ဒိၣ်ပှ့ၤဒိၣ်လၢတၢ်ဃုထံၣ်န့ၢ်အီၤတလၢာ်ဘၣ်,

အ့းဖ့းစူး 5:27

ဒ်သိးဒီးအကဒိးန့ၢ်ဘၣ်လၢအဂီၢ်ဒၣ်ဝဲတၢ်အိၣ်ဖှိၣ်အိၣ်ဒီး အဃံအလၤ, ဒီးအမဲၣ်သူမဲၣ်ဂီၤမ့ၢ်ဂ့ၤ, အဖံးသွံးမ့ၢ်ဂ့ၤ, တၢ်ဒ်န့ၣ်သိးတဖၣ်မ့ၢ်ဂ့ၤတအိၣ်ဘၣ်, မ့ၢ်ဒ်သိးအကစီကဆှံ, ဒီးပူၤဖျဲးဒီးတၢ်ကမူၤကမၣ်အဂီၢ်န့ၣ်လီၤ.

လံာ်သိၣ်လီၤသီလီၤတၢ် 4:5

ယသိၣ်လိတ့ၢ်သုလၢကယဲၢ်တၢ်ဘူၣ်တၢ်ဘါအတၢ်သိၣ်တၢ်သီ ခဲလၢာ်, ဒ်ယွၤ, ပကစၢ်ယွၤတဲဘၣ်ယၤလၢယကဘၣ်မၤအီၤအသိးန့ၣ် လီၤ. စူၢ်အီၤလၢကီၢ်တဘ့ၣ်လၢသုကလဲၤနုာ်ဒုးဒီးမၤန့ၢ်အီၤအပူၤ န့ၣ်တက့ၢ်.

ကလီးစဲ 1:22

ဘၣ်ဆၣ်အခဲအံၤ, ခီဖျိခရံာ်အတၢ်ဒိးသံအသးလၢနီၢ်ခိနီၢ်ခီ န့ၣ်, ကစၢ်ယွၤဒုးကဲထီၣ်သုလၢအတံၤအသကိးတဖၣ်ဒ်သိး အကကိးက့ၤသုဆူအအိၣ်ဒီးလၢအဝဲအမဲာ်ညါန့ၣ်သုကစီဆှံ, တအိၣ်ဘၣ်ဒီးတၢ်ကမၣ်ဘၣ်ဒီးတၢ်ပာ်ဒ့ၣ်ပာ်ကမၣ်တသ့ဘၣ် အဂီၢ်န့ၣ်လီၤ.

ကလီးစဲ 2:10

လၢသုအိၣ်မူလၢခရံာ်လၢအဒိၣ်စိလၢပှၤပၢတၢ်တဖၣ်ဒီး တၢ်စိတၢ်ကမီၤကိးမံၤဒဲးဘၣ်ဃးဒီးသူၣ်ဒီးသးအဖီခိၣ် တဂၤအံၤအပူၤအဃိန့ၣ်, သုဘၣ်တၢ်ဟ့ၣ်လီၤသုလၢတၢ်မူ အလၢအပှဲၤန့ၣ်လီၤ.

ကလီးစဲ 2:3

ခရံာ်လီၣ်ဖျါထီၣ်ကစၢ်ယွၤအတၢ်ကူၣ်သ့ဒီးအတၢ်သ့ၣ်ညါခဲလၢာ် လၢအလီၤဂာ်ဒီးတၢ်ထူးတၢ်တီၤလုၢ်ဒိၣ်ပှ့ၤဒိၣ်လၢအအိၣ်သဒၢ တဖၣ်န့ၣ်လီၤ.

ကလီးစဲ 3:16

ခရံာ်အတၢ်ကစီၣ်မ်အမူလၢသုပူၤထူးထူးတီၤတီၤတက့ၢ်. သိၣ်လိသီလိဒီးသိၣ်က့ၤသီက့ၤလိာ်သုသးလၢတၢ်ကူၣ် သ့ကူၣ်ဘၣ်အပူၤတက့ၢ်. သးဝံၣ်ထါစံးထီၣ်ပတြၢၤဒီးထါသးဝံၣ်, ဒီးတၢ်ဘူၣ်တၢ်ဘါအတၢ်သးဝံၣ်အိၣ်ဒီးတၢ်စံးဘျုးစံးဖှိၣ် ကစၢ်ယွၤလၢသုသူၣ်ကံၢ်သးလဲအပူၤတက့ၢ်.

ကလီးစဲ 4:12

ပှၤလၢအဘၣ်ဃးဒီးသု, ယ့ၣ်ၡူးခရံာ်အခ့အပှၤ, စီၤအ့းပၤဖြါတဂၤ ဆၢဂ့ၤဆၢဝါလီၤသုဒီးထီဘိန့ၣ်ဃ့ဘါထုကဖၣ်ကစၢ်ယွၤသပှၢ် ပှၢ်လၢသုဂီၢ်ဒ်သိးသုကဆၢထၢၣ်ဂၢၢ်ဂၢၢ်ကျၢၤကျၢၤလၢတၢ်လူၤဘၣ် ယွၤအသးအပူၤ, ဒ်ပှၤခရံာ်ဖိလၢအနာ်တၢ်နီၢ်နီၢ်ဒီးဒိၣ်တုာ်ခိၣ် ပှဲၤဝဲတဖၣ်အသိးန့ၣ်လီၤ.

၁ သ့းစၤလနံ 4:6

ဖဲလၢအဘၣ်ဃးဒီးတၢ်ဂ့ၢ်အံၤန့ၣ်, ပှၤတဘၣ်မၤကမၣ်ဒီးဃုအဘျုးဒၣ်ဝဲလၢအဒီပုၢ်ဝဲၢ် ပှၤစူၢ်က့ၤနာ်က့ၤတၢ်အဖီခိၣ်နီတဂၤဘၣ်. ပစံးဘၣ်တဲဘၣ်တ့ၢ်လံသုလၢအပူၤကွံာ်, ဒီးပဟ့ၣ်ပလီၢ်သုဆူၣ်ဆူၣ်ကလဲာ်လၢကစၢ်ကစံၣ်ညီၣ်ပှၤလၢ အမၤတၢ်န့ၣ်တဖၣ်လီၤ.

၁ တံၤမသ့း 3:16

ပတၢ်ဘူၣ်တၢ်ဘါအတၢ်ခူသူၣ်အံၤဒိၣ်ဝဲယိာ်ဝဲထဲလဲၣ်ထဲလဲၣ် န့ၣ်, ပှၤသမၢဝဲတသ့နီတဂၤဘၣ်. ယွၤအိၣ်ဖျါထီၣ်လၢပှၤကညီအက့ၢ်အဂီၤ, ဘၣ်တၢ်ပာ်တီပာ်လိၤအီၤလၢယွၤအသး, ဒီးဘၣ်တၢ်ထံၣ်ဘၣ်အီၤလၢမူခိၣ်ကလူးတဖၣ်န့ၣ်လီၤ. အဂ့ၢ်ဘၣ်တၢ်စံၣ်တဲၤတဲလီၤအီၤလၢ ပှၤကလုာ်တဖၣ်အကျါ, ဘၣ်တၢ်စူၢ်က့ၤနာ်က့ၤအီၤသကုၤဟီၣ်ခိၣ်ချၢ, ဒီးဘၣ်တၢ်စိာ်ထီၣ်အီၤဆူမူခိၣ်န့ၣ်လီၤ.

၁ တံၤမသ့း 3:2

တၢ်အိၣ်ဖှိၣ်အခိၣ်အနၢ်တဂၤကဘၣ်မ့ၢ်ပှၤလၢအတၢ်ကမၣ် တအိၣ်ဘၣ်, ကဘၣ်အိၣ်ဒီးအမါထဲတဂၤဧိၤ, ပာ်အသးသညူးသပှၢ်, ပၢၤအသး, ဒီးအိၣ်မူကဒုလီၤတံၢ်န့ၣ်လီၤ. အဝဲကဘၣ်တူၢ်တံၢ်တူၢ်သမှံၤလၢအဟံၣ်ပူၤ, ဒီးကဘၣ်သ့သိၣ်လိသီလိတၢ်န့ၣ်လီၤ.

ဧ့ၤဘြံၤ 10:14

အဂ့ၢ်ဒ်အံၤခီဖျိတၢ်လုၢ်ထီၣ်ပာ်ထီၣ်တဘျီဧိၤန့ၣ်အဝဲဒၣ် မၤလၢထီၣ်ပှဲၤထီၣ်လံပှၤလၢအဘၣ်တၢ်မၤစီဆှံအီၤ တဖၣ်န့ၣ်လံ.

ဧ့ၤဘြံၤ 13:21

မ်တၢ်ဃူတၢ်ဖိးအကစၢ်ယွၤမၤလၢမၤပှဲၤသုလၢတၢ် အဂ့ၤခဲလၢာ်လၢသုလိၣ်ဘၣ်အီၤ, ဒ်သိးသုကမၤအတၢ်ဘၣ် အသး, ဒီးခီဖျိယ့ၣ်ၡူးခရံာ်န့ၣ်, မ်အဝဲမၤအတၢ်ဘၣ်အသး လၢပပူၤန့ၣ်တက့ၢ်. မ်ခရံာ်ဒိးဘၣ်တၢ်လၤကပီၤအစိၤစိၤ အဃၣ်ဃၣ်တက့ၢ်. အၤမ့ၣ်.

၂ ပ့းတရူး 3:15

ပာ်ပကစၢ်အတၢ်ဝံသးစူၤဒ်အမ့ၢ်တၢ်ခွဲးတၢ်ယာ်လၢအဟ့ၣ် သုလၢသုကတုၤလၢတၢ်အုၣ်က့ၤခီၣ်က့ၤအဂီၢ်, ဒ်ပဒီပုၢ်ဝဲၢ်သးဘိစီၤပီလူးကွဲးန့ၢ်သုအိၣ်ဒီးတၢ်သူတၢ် ကူၣ်သ့ကူၣ်ဘၣ်လၢကစၢ်ယွၤဟ့ၣ်အီၤအသိးန့ၣ်တက့ၢ်.