ကလီးစဲ 1:21 - Sgaw Karen Common Bible

²¹ တဘျီန့ၣ်, သုအိၣ်ယံၤဒီးကစၢ်ယွၤဒီးသုထီဒါအီၤခီဖျိတၢ် ဆိကမိၣ်, ဒီးတၢ်ဖံးတၢ်မၤအအၢအသီတဖၣ်န့ၣ်လီၤ.

ကလီးစဲ 1:21 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 22:24

အဝဲသ့ၣ်ညါဝဲလၢယတၢ်ကမၣ်တအိၣ်ဘၣ်, ဒီးလၢယပၢၤဃာ်ယသးဒ်သိးယသုတမၤကမၣ်တၢ်တဂ့ၤန့ၣ်လီၤ.

လံာ်ယဃ့းစက့လး 14:5

တၢ်ဂီၤတၢ်ဖီၣ်တဖၣ်န့ၣ်ဃၣ်ကွံာ်လံပှၤအံၣ်စရ့လးဖိလၢ ယအိၣ်လံဘၣ်ဆၣ်ခီဖျိယတၢ်စံးဆၢန့ၣ်, ယမုၢ်လၢ်လၢယကမၤန့ၢ်က့ၤအဝဲသ့ၣ်အတၢ်သးတီဒီးယၤန့ၣ်လီၤ.

ရိမ့ၤ 1:30

အဝဲသ့ၣ်သီၣ်ဝံသဲကလၤ, ကတိၤအၢကတိၤသီလိာ်သးတဂၤဒီးတဂၤ န့ၣ်လီၤ. အဝဲသ့ၣ်သူၣ်ဟ့သးဟ့ကစၢ်ယွၤ, တယူးယီၣ်ပာ်ကဲတၢ်ဘၣ်, ပာ်ကဖၢလၢအသးဒီးတဲဒိၣ်တဲသွါလီၤအသးန့ၣ်လီၤ. အဝဲသ့ၣ်ဃုဆိကမိၣ်အါထီၣ်ကျဲလၢအကမၤတၢ်အၢတၢ်သီဒီး တဒိကနၣ်အမိၢ်အပၢ်တဖၣ်အကလုၢ်န့ၣ်ဘၣ်.

အ့းဖ့းစူး 2:12

အကတီၢ်ဖဲန့ၣ်သုတဘၣ်ဃးဘၣ်ဒီးခရံာ်ဘၣ်. သုမ့ၢ်တ့ၢ်ပှၤတခီထံ တခီကီၢ်ဖိဒီးတဘၣ်ဃးဘၣ်ဒီးကစၢ်ယွၤအပှၤဂီၢ်မုၢ်, ပှၤဃုထၢဖိ တဖၣ်ဘၣ်. တၢ်အၢၣ်လီၤအီလီၤလၢကစၢ်ယွၤစံးပာ်တ့ၢ်လၢ အပှၤဂီၢ်မုၢ်အဂီၢ်န့ၣ်, တဘၣ်ဃးဘၣ်ဒီးသုဘၣ်. ဒီးသုအိၣ်မူတ့ၢ်သုဝဲလၢဟီၣ်ခိၣ်တဘ့ၣ်အံၤအချၢလၢတၢ်မုၢ် လၢ်တအိၣ်ဘၣ်အပူၤဒီးလၢတၢ်တသ့ၣ်ညါထူသ့ၣ်ညါယွၤ အပူၤလီၤ.

အ့းဖ့းစူး 2:15

အဝဲတြူာ်ကွံာ်ပှၤယူဒၤဖိအတၢ်သိၣ်တၢ်သီဃုာ်ဒီးအတၢ်မၤ လိာ်ဒီးအတၢ်ဘျၢတဖၣ်ဒ်သိးအကဒုးကဲထီၣ်ပှၤခံကလုာ်လၢပှၤ တကလုာ်ဃီလၢအဝဲအပူၤ, ဒီးလၢကျဲဒ်အံၤအပူၤဒုးအိၣ်ထီၣ်တၢ် ဃူတၢ်ဖိးလီၤ.

အ့းဖ့းစူး 2:19

လၢတၢ်န့ၣ်အဃိ, သုဝဲလၢအမ့ၢ်ပှၤကလုာ်အဂၤတဖၣ်န့ၣ် သုတမ့ၢ်ပှၤတခီထံတခီကီၢ်ဖိဒီးပှၤသမှံၤတဖၣ်လၢၤဘၣ်. မ့မ့ၢ်သုမ့ၢ်ပှၤထံဖိကီၢ်ဖိသကိးဒီးကစၢ်ယွၤအပှၤဂီၢ်မုၢ်ဒီး ကစၢ်ယွၤအဒူၣ်ဖိထၢဖိတဖၣ်န့ၣ်လီၤ.

အ့းဖ့းစူး 4:18

အဝဲသ့ၣ်အသူၣ်ခံးအသးခံးသတးဒီးလီၤဖးကွံာ်ဒီးတၢ်မူလၢ ကစၢ်ယွၤဟ့ၣ်လီၤဝဲ, အဂ့ၢ်မ့ၢ်လၢအဝဲသ့ၣ်အပူၤန့ၣ်တၢ်သ့ၣ်ညါနၢ်ပၢၢ်တအိၣ်ဘၣ်နီ တစဲးဘၣ်ဒီးအသူၣ်ကိၤသးကိၤဒိၣ်နီၢ်မးအဃိန့ၣ်လီၤ.

ယၤကိာ် 4:4

ပှၤလၢအသးတတီဒီးကစၢ်ယွၤသ့ၣ်ဧၢ, မ့ၢ်သုတသ့ၣ်ညါဘၣ်လၢတၢ်ကဲဟီၣ်ခိၣ်အတံၤသကိး န့ၣ်အခီပညီမ့ၢ်တၢ်ကဲကစၢ်ယွၤအဒုၣ်အဒါန့ၣ်ဘၣ်ဧါ. ပှၤတဂၤဂ့ၤတဂၤဂ့ၤလၢသးအိၣ်ကဲဟီၣ်ခိၣ်အတံၤ သကိးန့ၣ်, ဒုးကဲထီၣ်အသးလၢကစၢ်ယွၤအဒုၣ်အဒါ တဖၣ်န့ၣ်လီၤ.