ကလီးစဲ 1:12 - Sgaw Karen Common Bible

¹² ဒီးလၢတၢ်သူၣ်ခုသးခုအပူၤစံးထီၣ်ပတြၢၤပၢ်လၢအဒုးထီၣ် ဘးလံပှၤဒ်သိးပကန့ၢ်သါဃုာ်တၢ်ဒီးပှၤစီဆှံတဖၣ်လၢတၢ်ကပီၤ အဘီအမုၢ်အပူၤန့ၣ်တက့ၢ်.

ကလီးစဲ 1:12 Iomraidhean Croise

လံာ်စီၤပၤအခီၣ်ထံးတဘ့ၣ် 6:7

လၢၢ်တဖၣ်လၢတၢ်ဘှီထီၣ်ယွၤအတၢ်လုၢ်ဟံၣ်န့ၣ်, ဘၣ်တၢ်ကတဲာ်ကတီၤပာ်စၢၤအီၤလၢတၢ်ခူၣ်လၢၢ်အလီၢ်, ဒ်သိးတၢ်သီၣ်တၢ်သဲလၢခံၣ်ခူၣ်မ့ၢ်ဂ့ၤ, ကွါမ့ၢ်ဂ့ၤ, တၢ်ပီးတၢ်လီလၢထးအဂၤမ့ၢ်ဂ့ၤအသုတအိၣ်တဂ့ၤ, ဖဲတၢ်ဘှီထီၣ်ယွၤအတၢ်လုၢ်ဟံၣ်အခါန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 29:20

အန့ၣ်ဝံၤဒီး, စီၤဒၤဝံးမၤလိာ်လီၤပှၤဂီၢ်မုၢ်, “စံးထီၣ်ပတြၢၤယွၤသုကစၢ်ယွၤန့ၣ်တက့ၢ်.” ဒီးပှၤဂီၢ်မုၢ်လၢအဟဲအိၣ်ဖှိၣ်ရိဖှိၣ်ခဲလၢာ်စံးထီၣ်ပတြၢၤယွၤ, အမိၢ်ပၢ်ဖံဖုလၢပျၢၤသ့ၣ်တဖၣ်အကစၢ်ယွၤ, ဒီးအဝဲသ့ၣ်သကူးလီၤအသးဒီးဟ့ၣ်တၢ်ယူးယီၣ်ဆူယွၤဒီးဆူ စီၤပၤစ့ၢ်ကီးန့ၣ်လီၤ.

စံးထီၣ်ပတြၢၤ 116:7

ယသးဧၢ, သးဒ့ဒီတဂ့ၤ အဂ့ၢ်ဒ်အံၤယွၤမၤဂ့ၤတ့ၢ်လံနၤလံ.

စံးထီၣ်ပတြၢၤ 36:9

တၢ်မူအထံထီၣ်ပၢၢ်အိၣ်ဒီးနၤ ဒီးပထံၣ်တၢ်ကပီၤလၢနတၢ်ကပီၤအပူၤန့ၣ်လီၤ.

စံးထီၣ်ပတြၢၤ 79:13

ဒီးပဝဲဒၣ်, နပှၤဂီၢ်မုၢ်, နတၢ်အီၣ်ဆၣ်အလီၢ်အသိအံၤကစံးဘျုးစံးဖှိၣ်နၤ ဒီးစံးထီၣ်ပတြၢၤနၤလီၤထူလီၤယိာ်တစိၤဘၣ်တစိၤ န့ၣ်လီၤ.

စံးထီၣ်ပတြၢၤ 97:11

တၢ်ကပီၤကပီၤထီၣ်ဝဲလၢပှၤတီပှၤလိၤအဂီၢ်, ဒီးတၢ်သူၣ်ခုသးခုလၢ ပှၤလၢအသူၣ်တီသးလိၤအဂီၢ်န့ၣ်လီၤ.

တၢ်ကတိၤဒိ. 16:1

ပကအိၣ်ဒီးပတၢ်ကူၣ်တၢ်တိာ်တဖၣ်လီၤ. ဘၣ်ဆၣ်ဒီးတၢ်စံၣ်ညီၣ်တဲာ်အိၣ်ဒီးကစၢ်ယွၤလီၤ.

တၢ်ကတိၤဒိ. 4:18

ကျဲလၢပှၤတီပှၤလိၤပိာ်ဝဲန့ၣ်လီၤဂာ်ဒ်မုၢ်ဟဲထီၣ်ဒီးကပီၤ ဒံးယံာ်ဒံးဂ့ၤထီၣ်တုၤလၢမုၢ်ထူၣ်အသိးန့ၣ်လီၤ.

လံာ်ဒၤနံးယ့လး 2:23

ယစံးထီၣ်ပတြၢၤနၤဒီးမၤလၤကပီၤနၤ, ပှၤလၢယဟဲလီၤစၢၤလီၤသွဲၣ်လၢအီၤတဖၣ်အကစၢ်ယွၤဧၢ, နဟ့ၣ်လီၤတ့ၢ်ယၤတၢ်ကူၣ်သ့ဒီးတၢ်ဂံၢ်တၢ်ဘါလီၤ. နစံးဆၢတ့ၢ်ယတၢ်ထုကဖၣ် ဒီးနဒုးနဲၣ်တ့ၢ်ပှၤတၢ်လၢပကဘၣ်တဲဘၣ် စီၤပၤန့ၣ်လီၤ.”

လံာ်မးသဲ 25:34

တုၤနုၤတစု, စီၤပၤကစံးဘၣ်ပှၤအိၣ်လၢအစုထွဲတဖၣ်ဒ်အံၤ, ‘ဟဲ, သုလၢအဘၣ်ဆိၣ်ဂ့ၤလၢယပၢ်သ့ၣ်ဧၢ, ဟဲဒီးန့ၢ်သါဘၣ်ဘီမုၢ်လၢအဘၣ်တၢ်ကတဲာ်ကတီၤပာ်န့ၢ်လၢသု ဂီၢ်, စးထီၣ်လၢဟီၣ်ခိၣ်ဘၣ်တၢ်တ့လီၤအီၤလံၤလံၤန့ၣ်တက့ၢ်.

လံာ်ယိၤဟၣ် 14:6

ယ့ၣ်ၡူးစံးဆၢအီၤ, “ယဲဒၣ်အံၤယမ့ၢ်ကျဲ, တၢ်မ့ၢ်တၢ်တီ, ဒီးတၢ်မူလီၤ. မ့တမ့ၢ်လၢအခီဖျိယၤဘၣ်ဒီး, ပှၤလဲၤဆူပၢ်အအိၣ်တသ့နီတဂၤဘၣ်.

လံာ်ယိၤဟၣ် 20:17

ယ့ၣ်ၡူးစံးဘၣ်အီၤ, “တဘၣ်ဖိးဃာ်ယၤတဂ့ၤ. အဂ့ၢ်ဒ်လဲၣ်န့ၣ်, ယတက့ၤထီၣ်ဘၣ်ဆူပၢ်အအိၣ်ဒံးဘၣ်. မ့မ့ၢ်လဲၤဆူယဒီပုၢ်ဝဲၢ် တဖၣ်အအိၣ်ဒီးစံးဘၣ်တဲဘၣ်အဝဲသ့ၣ်လၢယက့ၤထီၣ်ကဒါ က့ၤဆူပှၤလၢအမ့ၢ်ယပၢ်ဒီးမ့ၢ်အဝဲသ့ၣ်အပၢ်, ယကစၢ်ယွၤဒီးအဝဲသ့ၣ်အကစၢ်ယွၤအအိၣ်န့ၣ်တက့ၢ်.”

လံာ်ယိၤဟၣ် 4:23

မ့မ့ၢ်အဆၢကတီၢ်နၣ်ရံၣ်ကဘၣ်ဝဲ, ဒီးဘၣ်ခဲကနံၣ်အံၤဒၣ် လဲာ်ဖဲပှၤလၢအဘူၣ်ထီၣ်ဘါထီၣ်တၢ်နီၢ်နီၢ်တဖၣ် ကဘူၣ်ထီၣ်ဘါထီၣ်ပၢ်ယွၤလၢသူၣ်လၢသးဒီးလၢတၢ်မ့ၢ် တၢ်တီလီၤ. အဂ့ၢ်ဒ်အံၤ, ပၢ်ယွၤအဲၣ်ဒိးပှၤလၢအဘူၣ်ထီၣ်ဘါထီၣ်အီၤဒ်န့ၣ်အသိး တဖၣ်လီၤ.

မၤတၢ် 20:32

ဒီးခဲကနံၣ်အံၤ, ယဟ့ၣ်လီၤသုဆူကစၢ်ယွၤအတၢ်အံးတၢ်ကွၢ်ဒီးတၢ်ကစီၣ်ဘၣ်ဃး အဝဲဒၣ်အဘျုးအဖှိၣ်အပူၤ, လၢအမၤထီၣ်မၤထီသုသ့ဝဲဒီးဟ့ၣ်သုတၢ်ဆိၣ်ဂ့ၤဆိၣ်ဝါလၢ အကတဲာ်ကတီၤပာ်ဝဲလၢအပှၤဂီၢ်မုၢ်ခဲလၢာ်အဂီၢ်န့ၣ်လီၤ.

မၤတၢ် 26:18

နကဘၣ်အိးထီၣ်အဝဲသ့ၣ်အမဲာ်ချံဒီးဃၣ်ကွံာ်အဝဲသ့ၣ် လၢတၢ်ခံးတၢ်နၤဆူတၢ်ကပီၤ, ဒီးလၢမုၣ်ကီၤလံၢ်အစိကမီၤ ဆူကစၢ်ယွၤအစိကမီၤ, ဒ်သိးခီဖျိအဝဲသ့ၣ်တဖၣ်အတၢ်စူၢ် တၢ်နာ်လၢယပူၤန့ၣ်, အဝဲသ့ၣ်အတၢ်ကမၣ်ကဘၣ်တၢ်ပျၢ် ကွံာ်အီၤ, ဒီးကဒိးန့ၢ်ဘၣ်အလီၢ်လၢယွၤအပှၤဃုထၢဖိတဖၣ် အကျါန့ၣ်လီၤ.’

ရိမ့ၤ 11:17

သ့ၣ်စၤယံးအဒၢအဒ့တနီၤဘၣ်တၢ်မၤကၢ်ကွံာ်အီၤ, ဒီးသ့ၣ်စၤယံးအမံၤတထူၣ်အဒ့ဘၣ်တၢ်ဘိၣ်ဒုးစဲဘူးအီၤ လၢအလီၢ်န့ၣ်လီၤ. သုဝဲပှၤကလုာ်ဂၤတဖၣ် သုလီၤဂာ်ဒီးသ့ၣ် စၤယံးအမံၤအံၤဒီးခဲအံၤသုဒိးန့ၢ်ဃုာ်တၢ်အိၣ်မူအတၢ်ဂံၢ်တၢ် ဘါဒီးအထုးအစီလၢအမ့ၢ်ပှၤယူဒၤဖိတဖၣ်အတၢ်န့ၣ်လီၤ.

ရိမ့ၤ 15:27

အဝဲသ့ၣ်အကစၢ်ဒၣ်ဝဲအသးဆူၣ်သးခုမၤတၢ်အံၤလီၤ. ဘၣ်ဆၣ်ဒီးနီၢ်နီၢ်တခီအဝဲသ့ၣ်အိၣ်ဒီးအမူအဒါလၢအကမၤစၢၤ ပှၤတဖၣ်န့ၣ်လီၤ. အဂ့ၢ်ဒ်လဲၣ်န့ၣ်, ဒ်ပှၤယူဒၤဖိတဖၣ်နီၤဟ့ၣ်ပှၤကလုာ်ဂၤတဖၣ်လၢနီၢ်သးအတၢ်ဆိၣ် ဂ့ၤအသိးန့ၣ်ပှၤကလုာ်ဂၤတဖၣ်ကြၢးမၤစၢၤပှၤယူဒၤဖိတဖၣ်လၢနီၢ်ခိ အတၢ်ဆိၣ်ဂ့ၤတကပၤန့ၣ်လီၤ.

ရိမ့ၤ 8:17

မ့ၢ်လၢပမ့ၢ်အဖိတဖၣ်အဃိ, ပကန့ၢ်သါတၢ်ဆိၣ်ဂ့ၤတဖၣ် လၢအပာ်ဃာ်ဝဲလၢအပှၤဂီၢ်မုၢ်အဂီၢ်, ဒီးပကန့ၢ်သါဃုာ် ဒီးခရံာ်တၢ်လၢကစၢ်ယွၤပာ်ဃာ်လၢအဝဲအဂီၢ်စ့ၢ်ကီးန့ၣ် လီၤ. အဂ့ၢ်ဒ်လဲၣ်န့ၣ်, ပမ့ၢ်ဒိးဃုာ်တၢ်နးတၢ်ဖှီၣ်ဒီးခရံာ် ဒီးပကဘၣ်ဃုာ်တၢ်လၤတၢ်ကပီၤဒီးအီၤစ့ၢ်ကီးလီၤ.

ရိမ့ၤ 9:23

အါန့ၢ်အန့ၣ်, အဝဲသးအိၣ်လီၣ်ဖျါထီၣ်စ့ၢ်ကီး အလၤကပီၤ ထူးတီၤလၢအဘၣ်တၢ်ဂၢ်လီၤအီၤလၢပဝဲလၢအသးကညီၤ ဘၣ်ဝဲ, ဒီးကတဲာ်ကတီၤပာ်စၢၤဝဲလၢအကဒိးန့ၢ်ဘၣ်အလၤ ကပီၤအဂီၢ်တဖၣ်အလိၤန့ၣ်လီၤ.

1 ကရံၣ်သူး 8:6

လၢပဝဲဒၣ်ပဂီၢ်, ကစၢ်ယွၤအိၣ်ထဲတဂၤဧိၤ, လၢအမ့ၢ်ပၢ်ကစၢ်, လၢအမ့ၢ်ပှၤတ့လီၤပာ်လီၤတၢ်ကိးမံၤဒဲး ဒီးလၢပမူလၢအဂီၢ်, ဒီးကစၢ်အိၣ်ထဲတဂၤ, ယ့ၣ်ၡူးခရံာ်လၢတၢ်ကိးမံၤဒဲးဘၣ်တၢ်တ့လီၤခီဖျိအီၤ, ဒီးလၢပမူပဝဲခီဖျိအီၤန့ၣ်လီၤ.

1 ကရံၣ်သူး 9:23

တၢ်သ့ၣ်တဖၣ်အံၤခဲလၢာ်န့ၣ်ယမၤအီၤလၢတၢ်သးခုကစီၣ် အဃိဒ်သိးယကဒိးန့ၢ်ဘၣ်ဃုာ်အတၢ်ဆိၣ်ဂ့ၤဆိၣ်ဝါတဖၣ် အဂီၢ်န့ၣ်လီၤ.

၂ ကရံၣ်သူး 11:14

အဝဲန့ၣ်တမ့ၢ်တၢ်လီၤကမၢကမၣ်ဘၣ်. မုၣ်ကီၤလံၢ်ဒၣ်လဲာ်ပျိာ်လဲလိာ်အသးဒ်သိးအကလီၤဂာ်ဒီးတၢ် ကပီၤအကလူးန့ၣ်သ့ဝဲလီၤ.

၂ ကရံၣ်သူး 5:5

ကစၢ်ယွၤမ့ၢ်ပှၤလၢအအိၣ်ကတဲာ်ကတီၤပာ်ပှၤလၢ တၢ်လဲလိာ်တမံၤအံၤအဂီၢ်, ဒီးအဝဲဒၣ်ဟ့ၣ်ပှၤအသးစီဆှံဒ်ပှၤအုၣ်ခီၣ်အသးဘၣ် ဃးဒီးတၢ်ခဲလၢာ်လၢအဝဲအိၣ်ကတဲာ်ကတီၤပာ်ဝဲလၢ ပဂီၢ်န့ၣ်လီၤ.

အ့းဖ့းစူး 1:11

တၢ်ခဲလၢာ်ဘၣ်တၢ်မၤအီၤဒ်ကစၢ်ယွၤအတၢ်ရဲၣ်တၢ်ကျဲၤဒီး အတၢ်စံၣ်ညီၣ်တဲာ်တၢ်အသိးလီၤ. ယွၤဃုထၢထီၣ်ပှၤဒ်သိး ပကကဲထီၣ်အပှၤဂီၢ်မုၢ်ခီဖျိတၢ်အိၣ်မူလၢခရံာ်အပူၤ, ဒ်အတၢ်တိာ်အိၣ်ဝဲအသိး, သန့ၤထီၣ်အသးလၢယွၤ အတၢ်စံၣ်ညီၣ်တဲာ်တ့ၢ်ဝဲလၢတၢ်အခီၣ်ထံးလံၤလံၤန့ၣ်လီၤ.

အ့းဖ့းစူး 1:18

ယဃ့လၢသုသးအမဲာ်ကအိးထီၣ်အသးဒီးသုကထံၣ်အတၢ် ကပီၤ, ဒ်သိးဒီးသုကနၢ်ပၢၢ်အဝဲအတၢ်ကိးန့ၢ်သုဆူတၢ်မုၢ် လၢ်မနုၤတမံၤအအိၣ်လဲၣ်, ဒီးတၢ်ဆိၣ်ဂ့ၤလၢအဝဲတိာ်ပာ် ဒီးစံးပာ်လၢအကဟ့ၣ်အပှၤဂီၢ်မုၢ်န့ၣ်ထူးတီၤဆံးဒိၣ်လဲၣ်,

အ့းဖ့းစူး 2:18

ခီဖျိခရံာ်န့ၣ်, ပဝဲကိးဂၤဒဲး, ယူဒၤဖိတဖၣ်ဒီးပှၤကလုာ်ဂၤတဖၣ် ပလဲၤနုာ်ဆူပၢ်အမဲာ်ညါလၢသးစီဆှံတဂၤဃီအပူၤသ့ဝဲလီၤ.

အ့းဖ့းစူး 3:6

တၢ်ခူသူၣ်မ့ၢ်ဝဲ, ခီဖျိတၢ်သးခုကစီၣ်န့ၣ်, ပှၤကလုာ်ဂၤတဖၣ်မ့ၢ်ပှၤန့ၢ်သါဘၣ်ဃုာ်ကစၢ်ယွၤအတၢ်ဆိၣ်ဂ့ၤ တဖၣ်ဒီးပှၤယူဒၤဖိ, အဝဲသ့ၣ်မ့ၢ်နီၢ်တဂၤဃီအက့ၢ်အဂီၤတဖၣ် ဒီးဒိးန့ၢ်ဃုာ်တၢ်စံးပာ်လၢကစၢ်ယွၤစံးပာ်တ့ၢ်ဝဲခီဖျိယ့ၣ်ၡူးခရံာ် န့ၣ်လီၤ.

အ့းဖ့းစူး 4:6

ပှၤဟီၣ်ခိၣ်ဖိခဲလၢာ်အပၢ်ကစၢ်ယွၤအိၣ်တဂၤဧိၤလၢအကဲ ကစၢ်လၢတၢ်ခဲလၢာ်အဖီခိၣ်ဒီးလၢအမၤတၢ်ခီဖျိပှၤခဲလၢာ် ဒီးအိၣ်လၢပှၤခဲလၢာ်အပူၤလီၤ.

အ့းဖ့းစူး 5:11

တဘၣ်မၤဃုာ်တၢ်ခံးတၢ်နၤအတၢ်မၤလၢအဘျုးတအိၣ်ဘၣ် လၢပှၤအဂၤမၤဝဲတဖၣ်န့ၣ်တဂ့ၤ. မ့မ့ၢ်မၤဖျါထီၣ်အီၤတက့ၢ်.

အ့းဖ့းစူး 5:20

လၢပကစၢ်ယ့ၣ်ၡူးခရံာ်အမံၤအပူၤန့ၣ်, စံးဘျုးကစၢ်ယွၤလၢအမ့ၢ်ပပၢ်လၢတၢ်ခဲလၢာ်အဃိထီဘိတက့ၢ်.

အ့းဖ့းစူး 5:4

တၢ်ကတိၤဘၣ်အၢဘၣ်သီ, တၢ်ကတိၤဟးဂူာ်ဟးဂီၤ, ဒီးတၢ်ကတိၤလီၤလူလီၤဘျၢၣ်တဖၣ်န့ၣ်, မ့ၢ်တၢ်လၢအတကြၢးတဘၣ်သတးဒီးတဘၣ်ကတိၤအီၤ တဂ့ၤ. မ့မ့ၢ်စံးထီၣ်ပတြၢၤကစၢ်ယွၤတက့ၢ်.

အ့းဖ့းစူး 5:8

တဘျီန့ၣ်သုအိၣ်မူတ့ၢ်သုဝဲလၢတၢ်ခံးတၢ်နၤအပူၤဘၣ်ဆၣ် ဒီး, ဒ်သုကဲထီၣ်တ့ၢ်လံယွၤအပှၤတကလုာ်အသိးန့ၣ်, သုတုၤက့ၤလၢတၢ်ကပီၤအပူၤလီၤ. လၢတၢ်န့ၣ်အဃိ, အိၣ်မူဒ်ပှၤတၢ်ကပီၤဖိအသိးန့ၣ်တက့ၢ်.

ကလီးစဲ 2:2

ယတၢ်ကျဲးစၢးမ့ၢ်ဒ်သိးဒီးသုကလၢထီၣ်ပှဲၤထီၣ်လၢတၢ်သူၣ်ဒူ သးဒူ, ဒီးလၢသုကအိၣ်ဒီးတၢ်သးတဖျၢၣ်ဃီလၢတၢ်အဲၣ်တၢ်ကွံ အပူၤ, ဒ်သိးသုကဒိးန့ၢ်တၢ်လုၢ်ဒိၣ်ပှ့ၤဒိၣ်ခဲလၢာ်ဘၣ်ဃးဒီးတၢ် သူၣ်ဂၢၢ်သးကျၢၤလၢတၢ်သ့ၣ်ညါနၢ်ပၢၢ်နီၢ်နီၢ်ဟဲစိာ်ဝဲဒီးတၢ် သ့ၣ်ညါကစၢ်ယွၤအတၢ်ခူသူၣ်လၢအမ့ၢ်ခရံာ်န့ၣ်လီၤ.

ကလီးစဲ 3:15

မ်ခရံာ်အတၢ်ဃူတၢ်ဖိးပၢတၢ်လၢသုသူၣ်ကံၢ်သးလဲအပူၤ တက့ၢ်. အဂ့ၢ်ဒ်အံၤကစၢ်ယွၤကိးသုဆူတၢ်ကဲထီၣ်နီၢ်တဂၤ ဃီလၢတၢ်အိၣ်ဖှိၣ်အပူၤဒ်သိးသုကကလၢၢ်ဘၣ်တၢ်ဃူ တၢ်ဖိးအံၤန့ၣ်လီၤ. ဒီးသုဘၣ်စံးဘျုးယွၤလီၤ.

ကလီးစဲ 3:17

ကယဲၢ်သုမၤတၢ်တမံၤလၢ်လၢ်န့ၣ်, လၢတၢ်ကတိၤမ့ၢ်ဂ့ၤ, တၢ်ဖံးတၢ်မၤမ့ၢ်ဂ့ၤ, မၤတၢ်ကိးမံၤဒဲးလၢကစၢ်ယ့ၣ်ၡူးအမံၤ အပူၤ, အိၣ်ဒီးတၢ်စံးထီၣ်ပတြၢၤပၢ်ယွၤခီဖျိအီၤတက့ၢ်.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

ဧ့ၤဘြံၤ 12:23

ဆူပှၤဂီၢ်မုၢ်လၢအပှဲၤဒီးတၢ်သးခုဒီးတၢ်အိၣ်ဖှိၣ်ဘၣ်ဃးဒီး ဝဲၢ်ကိလၢအမံၤအိၣ်ကွဲးအသးလၢမူခိၣ်တဖၣ်အအိၣ်, ဒီးဆူကစၢ်ယွၤလၢအစံၣ်ညီၣ်ပှၤခဲလၢာ်အအိၣ်, ဒီးဆူပှၤအတီအလိၤအသးလၢအဘၣ်တၢ်မၤလၢထီၣ်ပှဲၤထီၣ်အီၤ တဖၣ်အအိၣ်,

ဧ့ၤဘြံၤ 3:1

ယဒီပုၢ်ဝဲၢ်ခရံာ်ဖိလၢအဘၣ်တၢ်ကိးန့ၢ်စ့ၢ်ကီးအီၤလၢကစၢ်ယွၤ သ့ၣ်ဧၢ, ကွၢ်ထံဆိကမိၣ်ယ့ၣ်ၡူးလၢကစၢ်ယွၤမၢလီၤအီၤလၢ အကမ့ၢ်ပတၢ်စူၢ်တၢ်နာ်အပှၤလုၢ်တၢ်အခိၣ်အဒိၣ်ကတၢၢ် တဂၤန့ၣ်တက့ၢ်.

ဧ့ၤဘြံၤ 3:14

အဂ့ၢ်ဒ်အံၤ, ပမ့ၢ်ဟံးဃာ်ပတၢ်သူၣ်ဂၢၢ်သးကျၢၤလၢပဒိးန့ၢ်တ့ၢ်လံလၢ တၢ်အခီၣ်ထံးလံၤလံၤတုၤအကတၢၢ်န့ၣ်, ပကမ့ၢ်ပှၤလၢအဘၣ်ဃးဒီး ခရံာ်န့ၣ်လီၤ.

ယၤကိာ် 3:9

ပသူအီၤလၢတၢ်စံးထီၣ်ပတြၢၤပကစၢ်ဒီးပပၢ်, ဒီးပသူစ့ၢ်ကီးအီၤလၢတၢ်ဆိၣ်အၢပပှၤကညီကဒဲကဒဲလၢ အဘၣ်တၢ်တ့လီၤအီၤဒ်ကစၢ်ယွၤအက့ၢ်အဂီၤအသိး န့ၣ်လီၤ.

၁ ပ့းတရူး 5:1

ယၤ, လၢအမ့ၢ်ပှၤသးပှၢ်တဂၤစ့ၢ်ကီး, ယဃ့ကညးဘၣ်တၢ်အိၣ်ဖှိၣ်သူၣ်က့သးပှၢ်တဖၣ်လၢ အအိၣ်လၢသုကျါန့ၣ်လီၤ. ယမ့ၢ်ပှၤအုၣ်အသးလၢခရံာ် အတၢ်နးတၢ်ဖှီၣ်တဖၣ်, အဂ့ၢ်ဒီးယကဒိးန့ၢ်ဃုာ်တၢ်လၤကပီၤလၢအကဘၣ်တၢ်လီၣ်ဖျါ ထီၣ်အီၤန့ၣ်လီၤ.

၁ ယိၤဟၣ် 1:3

တၢ်လၢပထံၣ်ဘၣ်ဒီးနၢ်ဟူဘၣ်တ့ၢ်လံန့ၣ်, ပစံးဘၣ်တဲဘၣ် စ့ၢ်ကီးသု, ဒ်သိးသုကရ့လိာ်မုာ်လိာ်သုသးဒီးပှၤန့ၣ်လီၤ. ပတၢ်ရ့လိာ်အံၤမ့ၢ်ပရ့လိာ်ပသးဒီးပၢ်, ဒီးအဖိခွါယ့ၣ်ၡူးခရံာ် န့ၣ်လီၤ.

လံာ်လီၣ်ဖျါ 21:23

ဝ့ၢ်န့ၣ်တလိၣ်ဘၣ်မုၢ်မ့ၢ်ဂ့ၤ, လါမ့ၢ်ဂ့ၤ, လၢအကကပီၤလီၤလၢ အလိၤအဂီၢ်ဘၣ်. အဂ့ၢ်ဒ်အံၤ, ကစၢ်ယွၤအလၤကပီၤကပီၤလီၤ လၢအလိၤ, ဒီးအမ့ၣ်အူဒၢန့ၣ်မ့ၢ်ဝဲသိဖိတဒုန့ၣ်လီၤ.

လံာ်လီၣ်ဖျါ 22:14

ပှၤသ့ၣ်တဖၣ်လၢအသ့စီကွံာ်အဆ့ကၤဖးထီသတးဒီး အိၣ်ဒီးအခွဲးအယာ်လၢအကအီၣ်သ့ၣ်တၢ်မူအသၣ် ဒီးလဲၤခီဂာ်တြဲၤဖးဒိၣ်တဖၣ်ဆူဝ့ၢ်တဖျၢၣ်န့ၣ်အပူၤန့ၣ်, ဘၣ်ဆိၣ်ဂ့ၤဝဲလီၤ.

လံာ်လီၣ်ဖျါ 22:5

မုၢ်နၤတအိၣ်လၢၤဘၣ်. ဒီးအဝဲသ့ၣ်တလိၣ်ဘၣ်မ့ၣ်အူဒၢမ့ၢ်ဂ့ၤ, မုၢ်အတၢ်ကပီၤမ့ၢ်ဂ့ၤန့ၣ်ဘၣ်. အဂ့ၢ်မ့ၢ်လၢကစၢ်ယွၤကမ့ၢ်အဝဲသ့ၣ် အတၢ်ကပီၤ, ဒီးအဝဲသ့ၣ်ကပၢတၢ်ဒ်စီၤပၤတဖၣ်အသိးလီၤ စိၤလီၤထီလီၤ.