လံာ်ဧၤမိၣ် 9:8 - Sgaw Karen Common Bible

⁸ ကွၢ်ကွၢ်ယၤ, တၢ်စိတၢ်ကမီၤခဲလၢာ်အယွၤဒိးအမဲာ်ကွၢ်တၢ်ဆူတၢ် ဒဲးဘးအဘီအမုၢ်, ကီၢ်အံၣ်စရ့လးအအိၣ်ဒီးစံးဝဲဒၣ်, ယကမၤဟးဂီၤကွံာ်အီၤလၢဟီၣ်ခိၣ်ချၢလီၤ. ဘၣ်ဆၣ်ဒီးစီၤယၤကိာ်အဟံၣ်န့ၣ်, ယတမၤဟးဂီၤဘၣ်အီၤခဲလၢာ်ဘၣ်.

လံာ်ဧၤမိၣ် 9:8 Iomraidhean Croise

လံာ်တၢ်ကဲထီၣ်အခီၣ်ထံး 6:7

တုၤဒၣ်လဲာ်အစံးဝဲ, “ယကတြူာ်ကွံာ်ပှၤဂီၢ်မုၢ်အံၤလၢယတ့ လီၤတ့ၢ်အီၤ, ဒီးဆၣ်ဖိကီၢ်ဖိဒီးထိၣ်ဖိလံၣ်ဖိသ့ၣ်တဖၣ်စ့ၢ်ကီးန့ၣ်လီၤ. အဂ့ၢ်ဒ်အံၤ, ယသးအုးလၢယတ့လီၤအဝဲသ့ၣ်တဂၤလၢ်လၢ်အဃိန့ၣ်လီၤ.”

လံာ်တၢ်ကဲထီၣ်အခီၣ်ထံး 7:4

စးထီၣ်ခဲအံၤဒီးဆူညါနွံနံၤန့ၣ်ယကဒုးစူၤလီၤမူခိၣ်ဒီး ကစူၤဝဲအနံၤလွံၢ်ဆံဒီးအနၤလွံၢ်ဆံလၢကမၤဟးဂီၤကွံာ်ကယဲၢ် တၢ်လၢအမူအသါတဖၣ်လၢယတ့တ့ၢ်အီၤခဲလၢာ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 13:34

တၢ်ဒဲးဘးလၢအဝဲမၤအံၤ, ဟဲစိာ်တၢ်ဟးဂူာ်ဟးဂီၤဒီးတၢ်မၤ ကတၢၢ်ကွံာ်လၢာ်လၢာ်ဆ့ဆ့လၢအဝဲအစီၤပၤအစၢၤအသွဲၣ်အစိၤအဂီၢ် န့ၣ်လီၤ.

တၢ်ကတိၤဒိ. 15:3

ယွၤထံၣ်တၢ်မၤအသးလၢတၢ်အလီၢ်ကိးပူၤဒဲးလီၤ. ဒီးမ့ၢ်ပမၤတၢ်ဂ့ၤဧါ, တၢ်အၢဧါန့ၣ်, အဝဲခိးကွၢ်ပှၤန့ၣ်လီၤ.

တၢ်ကတိၤဒိ. 5:21

ယွၤထံၣ်တၢ်လၢနမၤအီၤကိးမံၤဒဲးလီၤ. အဝဲခိးကွၢ်နကျဲတဖၣ်လီၤ.

လံာ်ယံးရမံယၤ 30:11

ယကဟဲဆူသုအိၣ်ဒီး အုၣ်က့ၤခီၣ်က့ၤသုန့ၣ်လီၤ. ယတမၤဟးဂီၤကွံာ်သုဘၣ်. ယတပျဲပူၤသုလၢ တၢ်စံၣ်ညီၣ်ဘၣ်. ဘၣ်ဆၣ်ဖဲယစံၣ်ညီၣ်သုန့ၣ်, ယကမၤအီၤဖဲ အတီအဘၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 44:27

ယကမၤတုၤသုတဘီၣ်ထီၣ် ညီထီၣ်လၢၤဘၣ်ဒီးသုကဘၣ်တၢ်မၤဟးဂီၤကွံာ်သုန့ၣ်လီၤ. သုဝဲခဲလၢာ်သုကသံ, လၢတၢ်ဒုးအပူၤ မ့တမ့ၢ်လၢ တၢ်ဆူးတၢ်ဆါအဃိ, တုၤသုတအိၣ်လီၤတဲာ်လၢၤ နီတဂၤဘၣ်န့ၣ်လီၤ.

လံာ်ယံးရမံယၤ 46:28

ယကဟဲဆူ သုအိၣ်ဒီးအုၣ်က့ၤခီၣ်က့ၤသုလီၤ. ယကမၤဟးဂီၤပှၤကလုာ်ခဲလၢာ်လၢယမၤလီၤပြံလီၤပြါတ့ၢ် သုလၢအကျါ, ဘၣ်ဆၣ်ဒီး ယတမၤဟးဂီၤသုဘၣ်. ယတပျၢ်ဖျဲးသုလၢ တၢ်စံၣ်ညီၣ်အပူၤဘၣ်. မ့မ့ၢ်, ဖဲယစံၣ်ညီၣ်သုဒီး ယကမၤအီၤဖဲအတီအဘၣ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 5:10

ယဆှၢလီၤဒုၣ်ဒါတဖၣ်လၢကကျီလီၤကွံာ် ယပှၤဂီၢ်မုၢ်အစပံးအလီၢ်တဖၣ်, ဘၣ်ဆၣ်ဒီးတမ့ၢ်လၢကဘၣ်မၤဟးဂီၤကွံာ်ဝဲ လၢာ်လၢာ်ဆ့ဆ့ဘၣ်. ယကတဲဘၣ်အဝဲသ့ၣ်လၢကပဲာ်တဲာ်ကွံာ်အဒ့တဖၣ်, မ့ၢ်လၢဒ့တဖၣ်အံၤတမ့ၢ်ယတၢ်ဘၣ်အဃိလီၤ.

လံာ်ဟိၤၡ့ 1:4

ယွၤတဲဘၣ်စီၤဟိၤၡ့, “ကိးအမံၤလၢစီၤယံးစရ့လးတက့ၢ်. အဂ့ၢ်ဒ်အံၤ, တယံာ်ဘၣ်ဒီးယကစံၣ်ညီၣ်ကီၢ်အံၣ်စရ့လးအစီၤပၤ, လၢတၢ်မၤသံလၢပှၤလၢအဝဲအစၢၤအသွဲၣ်တဂၤ, စီၤယ့ၤဟူ မၤတ့ၢ်ဝဲလၢယံးစရ့လးအတြီၤပူၤအဃိန့ၣ်လီၤ. ယကဒုးကတၢၢ်ကွံာ်စီၤယ့ၤဟူအဘီအမုၢ်န့ၣ်လီၤ.

လံာ်ဟိၤၡ့ 1:6

နီၢ်ကိမၢၤမၤန့ၢ်ကဒီးအဖိခံဂၤတဂၤ, တဘျီအံၤမ့ၢ်အပိာ်မုၣ်ဖိ န့ၣ်လီၤ. ယွၤတဲဘၣ်ကဒီးစီၤဟိၤၡ့, ကိးအမံၤလၢနီၢ်လိၤရူ ဃမၤတက့ၢ်. အဂ့ၢ်ဒ်အံၤ, ယတဒုးနဲၣ်ယတၢ်အဲၣ်ဆူ ကီၢ်အံၣ်စရ့လးအပှၤဂီၢ်မုၢ်မ့ၢ်ဂ့ၤ, တပျၢ်အဝဲသ့ၣ်အတၢ် ကမၣ်မ့ၢ်ဂ့ၤလၢၤဘၣ်.

လံာ်ယိၤအ့လး 2:32

ဘၣ်ဆၣ်ဒီးကယဲၢ်ပှၤလၢအဃ့တၢ်မၤစၢၤလၢ ယွၤခဲလၢာ်န့ၣ်ကဘၣ်တၢ်အုၣ်က့ၤခီၣ်က့ၤအီၤလီၤ. ဒ်ယွၤစံးတ့ၢ်ဝဲအသိး, “ပှၤလၢဝ့ၢ်ယရူၤၡလ့ၣ်အပူၤတနီၤကထူၣ်ဖျဲးဝဲ ဒီးပှၤလၢယဃုထၢအီၤန့ၣ်ကပူၤဖျဲးဝဲန့ၣ်လီၤ.”

လံာ်ဧၤမိၣ် 3:12

ယွၤစံးဝဲဒၣ်, “ဒ်ပှၤကွၢ်သိဂုာ်န့ၢ်က့ၤသိဖိအခီၣ်ခံခီမ့ၢ်ဂ့ၤအနၢ်တစဲး မ့ၢ်ဂ့ၤလၢခ့ယုၢ်အထးခိၣ်အသိးန့ၣ်, အံၣ်စရ့လးအဖိတဖၣ် လၢအအိၣ်လၢကီၢ်ၡၤမရံအပူၤန့ၣ်ကဘၣ်တၢ်မၤပူၤဖျဲး အီၤထဲသိးဒၣ်လီၢ်မံခးအခီၣ်ခံခီဒီးလီၢ်ဆ့ၣ်နီၤအက့အခီဖိဧိၤလီၤ.

လံာ်ဧၤမိၣ် 7:17

မၤသးဒ်န့ၣ်ဒီးစီၤအမၤစယါဧၢ, ယွၤစံးဘၣ်နၤ, နမါကကဲထီၣ်ဃဲသဲမုၣ်လၢဝ့ၢ်ပူၤ, နဖိတဖၣ် ကသံလၢတၢ်ဒုးအပူၤလီၤ. နထံနကီၢ်ကဘၣ်တၢ်နီၤဖးကွံာ်အီၤဒီး ကဘၣ်တၢ်ဟ့ၣ်လီၤကွံာ်အီၤဆူပှၤဂၤန့ၣ်လီၤ. ဒီးနဲဒၣ်, နကစၢ်ဒၣ်နဲနကသံလၢကီၢ်တကဆှီဘၣ်တဘ့ၣ်အပူၤန့ၣ်လီၤ. ဒီးကီၢ်အံၣ်စရ့လးအပှၤဂီၢ်မုၢ်ကဘၣ်တၢ်စိာ်ထီၣ်ကွံာ်အီၤလၢ အကီၢ်ဒၣ်ဝဲအပူၤဆူတၢ်စိာ်မၢကဲကုၢ်အပူၤသပှၢ်တၢၢ်န့ၣ်လီၤ.

လံာ်ဧၤမိၣ် 9:10

ပှၤတၢ်ဒဲးဘးဖိတဖၣ်လၢယပှၤဂီၢ်မုၢ်အကျါလၢအစံး, “ကစၢ်ယွၤတပျဲတၢ်အၢတၢ်သီဟဲဘူးဒီးပှၤဘၣ်” တဖၣ်န့ၣ်, ကဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤလီၤ.

လံာ်ဧၤမိၣ် 9:4

မ့ၢ်ဘၣ်တၢ်စိၣ်အီၤဆူတၢ်မၢကဲကုၢ်အလီၢ်လၢအဒုၣ်အဒါတဖၣ်ဒၣ် လဲာ်ယကမၤလိာ်လၢအဝဲသ့ၣ်ကဘၣ်တၢ်မၤသံကွံာ်အီၤန့ၣ်လီၤ. ယပာ်လီၤတ့ၢ်ယသးလၢယကမၤဟးဂီၤကွံာ်အီၤလီၤ. တမ့ၢ်လၢယကမၤစၢၤအီၤအဂီၢ်ဘၣ်.

လံာ်သိၣ်လီၤသီလီၤတၢ် 4:31

အဝဲမ့ၢ်ကစၢ်ယွၤတဂၤလၢအသူၣ်ကညီၤသးကညီၤတၢ်လီၤ. အဝဲတပာ်လီၤတဲာ်ကွံာ်သုမ့ၢ်ဂ့ၤ, မၤဟးဂီၤသုမ့ၢ်ဂ့ၤဘၣ်. ဒီးအဝဲတသးပ့ၤနီၣ်တၢ်အၢၣ်လီၤအီလီၤလၢအနီၢ်ကစၢ်ဒၣ်ဝဲ မၤတ့ၢ်ဒီးသုမိၢ်ပၢ်ဖံဖုလၢပျၢၤတဖၣ်န့ၣ်ဘၣ်.

လံာ်သိၣ်လီၤသီလီၤတၢ် 6:15

သုမ့ၢ်ဘူၣ်ထီၣ်ဘါထီၣ်ကစၢ်အဂၤတဖၣ်ဒီး, ယွၤအတၢ်သးဒိၣ်ကဟဲထီ ဒါသုဒ်မ့ၣ်အူအသိး, ဒီးကမၤဟးဂီၤကွံာ်သုလၢာ်လၢာ်ဆ့ဆ့မ့ၢ်လၢယွၤ, သုကစၢ်ယွၤလၢအအိၣ်ဒီးသုအံၤမ့ၢ်ကစၢ်တဂၤလၢအသးက့ၣ်တၢ်အဃိ န့ၣ်လီၤ.