လံာ်ဧၤမိၣ် 9:7 - Sgaw Karen Common Bible

⁷ ယွၤစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ဧၢ, သုလီၤဂာ်ဒီးပှၤကူၤၡးဖိလၢယဂီၢ်တမ့ၢ်ဘၣ်ဧါ. ဒ်ယဒုးဟးထီၣ်သုလၢကီၢ်အဲၤကူပတူးအပူၤအသိး, ယဒုးဟးထီၣ်ပှၤဖလ့ၡသးဖိလၢကီးကြ့တ့ၤဒီးပှၤစူၤရံဖိလၢ ကီၢ်ကံၢ်န့ၣ်တမ့ၢ်ဘၣ်ဧါ.

လံာ်ဧၤမိၣ် 9:7 Iomraidhean Croise

လံာ်စီၤပၤခံဘ့ၣ်တဘ့ၣ် 16:9

လၢတၢ်စံးဆၢက့ၤစီၤအၤဃးအတၢ်ဃ့ကညးအဂီၢ်န့ၣ်စီၤတံးကလး ပလ့စ့ၢ်ဟးထီၣ်လၢတၢ်ဒုးအဂီၢ်ဃုာ်ဒီးအသုးမုၢ်လၢကထီဒါဝ့ၢ် ဒၤမ့ၤစ့းအဂီၢ်ဒီးမၤန့ၢ်အီၤ, မၤသံကွံာ်စီၤပၤရစံၣ်ဒီးက့ၤကိးပှၤဂီၢ်မုၢ်ဆူဝ့ၢ်ကံၢ်ဒ် ပှၤဘၣ်တၢ်စၢဃာ်တဖၣ်အသိးန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 14:12

ယွၤမၤနၢၤကွံာ်ပှၤကူၤၡးဖိအသုးမုၢ်, ဖဲစီၤအၤစါဒီးပှၤ ယူဒၤသုးမုၢ်ဟဲထီၣ်ဒုးအဝဲသ့ၣ်န့ၣ်လီၤ. အဝဲသ့ၣ်ထွးထီၣ်ဃ့ၢ်ကွံာ်ဝဲ,

လံာ်ကွဲးနီၣ်တၢ်ခံဘ့ၣ်တဘ့ၣ် 14:9

ပှၤကူၤၡးဖိလၢအမံၤမ့ၢ်စီၤစ့ရၤဟဲနုာ်လီၤဒုးကီၢ်ယူဒၤ လၢသုးမုၢ်တဖုလၢအပှၤသုးဖိအိၣ်ဝဲ အကလီၢ်တကယၤ ဂၤဒီးအလ့ၣ်ကဟၣ်ဒုးသုးအိၣ်ဝဲအဆိ သၢကယၤ ဒီးလဲၤထီၣ်ဝဲယံၤတုၤဆူဝ့ၢ်မရ့ၡၤန့ၣ်လီၤ.

လံာ်တၢ်ဟးထီၣ်ကွံာ် 12:51

ဒီးလၢမုၢ်နံၤအဝဲန့ၣ်, ယွၤထုးထီၣ်ကွံာ်ပှၤအံၣ်စရ့လးဖိ အဒူၣ်တဖၣ်လၢကီၢ်အဲၤကူပတူးအပူၤန့ၣ်လီၤ.

လံာ်ယၡါယၤ 20:4

ကီၢ်အၤၡူၢ်အစီၤပၤဖးဒိၣ်ကဆှၢကွံာ်ပှၤလၢအဖီၣ်န့ၢ်ဝဲလၢထံကီၢ်ခံ ဘ့ၣ်န့ၣ်လၢတၢ်အိၣ်ဘ့ၣ်ဆ့အပူၤလီၤ. သးပှၢ်ဂ့ၤ, သးစၢ်ဂ့ၤ, အဝဲသ့ၣ်ကဟးဝဲအိၣ်ဘ့ၣ်ဆ့အိၣ်ဘ့ၣ်ခီၣ်, အခံခိၣ်တဖၣ်အိၣ်ဖျါ လၢခိဒီးဟဲစိာ်တၢ်မဲာ်ဆှးလၢကီၢ်အဲၤကူပတူးအဂီၢ်လီၤ.

လံာ်ယၡါယၤ 22:6

ပှၤသုးဖိလၢကီၢ်ဧ့ၤလၣ်တဖၣ်ဟဲဒိးကသ့ၣ်, အိၣ်ဒီးစုကဝဲၤလၢအမ့ၢ်ချံၣ်ဒီးပျၢ်တဖၣ်လီၤ. ပှၤသုးဖိလၢကီၢ်ကံၢ်တဖၣ်ကတဲာ်ကတီၤပာ် အကတီၤတဖၣ်လီၤ.

လံာ်ယၡါယၤ 43:3

အဂ့ၢ်ဒ်အံၤ, ယမ့ၢ်ယွၤ, နကစၢ်ယွၤ, ကီၢ်အံၣ်စရ့လးအကစၢ်ယွၤစီဆှံလၢအအုၣ်က့ၤခီၣ်က့ၤနၤလီၤ. ယကဟ့ၣ်လီၤကွံာ်ကီၢ်အဲၤကူပတူးလၢနကထူၣ်ဖျဲးထီၣ်အဂီၢ်လီၤ. ယကဟ့ၣ်လီၤကွံာ်ကီၢ်ကူၤၡးဒီးကီၢ်စဘၤလၢ နလီၢ်လီၤ.

လံာ်ယံးရမံယၤ 13:23

ပှၤသူဖံးဖိတဂၤလဲလိာ်ကွံာ်အဖံးအလွဲၢ်မ့ၢ်ဂ့ၤ, ခ့စံၣ်ပိၣ်တဒုသုးကွံာ် အဖံးအကံၣ်ဃ့အဖျၢၣ်မ့ၢ်ဂ့ၤဘၣ်ကသ့ဧါ. အဝဲသ့ၣ်မၤဝဲမ့ၢ်သ့ဒီး နဲဒၣ်လၢအမၤထဲတၢ်အၢဒီးတမၤတၢ်အဂၤနီတမံၤဘၣ်န့ၣ်, မၤလိမၤတၢ်အဘၣ်ကသ့စ့ၢ်ကီးလီၤ.

လံာ်ယံးရမံယၤ 47:4

တၢ်ဆၢကတီၢ်တုၤလံဝဲလၢ တၢ်ကမၤဟးဂီၤကီၢ်ဖလ့ၡသးအဂီၢ် ဒီးလၢတၢ်ဒီၣ်တဲာ်ကွံာ် တၢ်မၤစၢၤလၢ အအိၣ်လီၤတဲာ်ဒံး ခဲလၢာ်လၢ ဝ့ၢ်ထါယၢၣ်ဒီး စံဒိၣ်အဂီၢ်န့ၣ်လီၤ. ယၤ, ယွၤအံၤ, ယကမၤဟးဂီၤ ကယဲၢ်ပှၤဖလ့ၡသးဖိးတဖၣ်ခဲလၢာ်လၢအဟဲလၢ အထံကၢၢ်နံၤတဖၣ်န့ၣ်လီၤ.

လံာ်ဟိၤၡ့ 12:13

ယွၤဆှၢလီၤဝံတဂၤဒ်သိးကမၤထူၣ်ဖျဲးကီၢ် အံၣ်စရ့လးအပှၤဂီၢ်မုၢ်လၢတၢ်ကဲကုၢ်အလီၢ်လၢကီၢ်အဲၤ ကူပတူးအပူၤဒီးလၢကအံးထွဲကွၢ်ထွဲအဝဲသ့ၣ်အဂီၢ်လီၤ.

လံာ်ဧၤမိၣ် 1:5

ဒီးယကဒိကၢ်ကွံာ်ဝ့ၢ်ဒၤမ့ၤစ့းအပဲတြီတဖၣ်ဒီးသုးကွံာ်ပှၤ အိၣ်ဖဲအၤဝ့ၣ်ကစၢၢ်ကဆူးအတၢ်ပၢၤခိၣ်ဒီးဘ့ၤသဧ့ၤဒၣ် အစီၤပၤန့ၣ်လီၤ. ဒီးပှၤကီၢ်စူၤရံဖိကဘၣ်တၢ်စိာ်ကွံာ်အီၤဒ်ကုၢ် တဖၣ်အသိးဆူကီၢ်ကံၢ်အပူၤန့ၣ်လီၤ.”

လံာ်ဧၤမိၣ် 2:10

ယထုးထီၣ်သုလၢကီၢ်အဲၤကူပတူးအပူၤ, ဒီးဆှၢတ့ၢ်သုလၢပှၢ် မုၢ်ကနၢအနံၣ်လွံၢ်ဆံဒီးဟ့ၣ်လီၤတ့ၢ်သုလၢပှၤအမိၢ် ဖိအကီၢ်လၢကကဲထီၣ်သုကီၢ်န့ၣ်လီၤ.

လံာ်သိၣ်လီၤသီလီၤတၢ် 2:23

ဖဲကီၢ်လၢအအိၣ်လၢ ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်အကၢၢ် ခိၣ်တရဲာ်န့ၣ်ပှၤဂီၢ်မုၢ်လၢကီးကြ့တ့ၤတဖၣ် သူၣ်လီၤဆီလီၤအတၢ်အိၣ်တၢ်ဆိးအလီၢ်န့ၣ်လီၤ. အဝဲသ့ၣ်မၤဟးဂီၤကွံာ် ပှၤဧ့ၤဝံဖိလၢအအိၣ်ဆိးတ့ၢ်လၢပျၢၤလံၤ လံၤဖဲန့ၣ်တဖၣ်ဒီးဟံးန့ၢ်ကွံာ်အဝဲသ့ၣ်အကီၢ်ယံၤဝဲလၢ ကလံၤထံးတကပၤတုၤလၢဝ့ၢ်ဧးစၤန့ၣ်လီၤ.)