လံာ်ဧၤမိၣ် 9:6 - Sgaw Karen Common Bible

⁶ ယွၤသူၣ်ထီၣ်အဒၢးထီၣ်ထီတဖၣ်လၢမူခိၣ်အလီၢ်တဖၣ်, ဒီးကျၢၢ်လီၤဝဲမူခိၣ်ဒ်တၢ်အခိၣ်ဒုးလၢဟီၣ်ခိၣ်အဖီခိၣ်လီၤ. အဝဲကိးထီၣ်ထံလၢပီၣ်လဲၣ်ပူၤဒီးလူလီၤဝဲလၢဟီၣ်ခိၣ်လိၤ န့ၣ်လီၤ. အမံၤမ့ၢ်ယွၤလီၤ.

လံာ်ဧၤမိၣ် 9:6 Iomraidhean Croise

လံာ်တၢ်ကဲထီၣ်အခီၣ်ထံး 2:1

မၤသးဒ်န့ၣ်ဒီးကယဲၢ်တၢ်ဘၣ်တ့လၢမူခိၣ်ဟီၣ်ခိၣ်ခဲလၢာ်ဝံၤဝဲဒၣ်န့ၣ်လီၤ.

စံးထီၣ်ပတြၢၤ 104:13

နဒုးစူၤလီၤတၢ်လၢမူခိၣ်ဆူ တၢ်လူၢ်တဖၣ်အလိၤ ဒီးဟီၣ်ခိၣ်ပှဲၤဝဲဒီးနတၢ်ဆိၣ်ဂ့ၤတဖၣ်လီၤ.

စံးထီၣ်ပတြၢၤ 104:3

ဒီးနသူၣ်ထီၣ်နဟံၣ်လၢ ထံဖီခိၣ်လီၤ နသူတၢ်အၢၣ်တဖၣ်ဒ် နလ့ၣ်ကဟၣ်အသိး ဒီးလဲၤတၢ်လၢကလံၤအဒံးဆ့အဖီခိၣ်လီၤ.

လံာ်ယံးရမံယၤ 5:22

ယမ့ၢ်ယွၤလီၤ. သုတပျံၤယၤဘၣ်မနုၤအဃိလဲၣ်. ဘၣ်မနုၤအဃိသုကကနိးကစုာ်လၢယမဲာ်ညါန့ၣ်လဲၣ်. ယပာ်လီၤတ့ၢ်မဲးဧိၤဟီၣ်ဧိၤဒ်ပီၣ်လဲၣ်အဆၢအသိး, တၢ်အဆၢအဂၢၢ်အကျၢၤလၢတၢ်ခီဂာ်အီၤတသ့ဘၣ်လီၤ. ပီၣ်လဲၣ်မ့ၢ်စံၣ်ပီပုဘၣ်ဆၣ်, လဲၤပျံကွံာ်အီၤတသ့ဘၣ်. လပီတဖၣ်မ့ၢ်သီၣ်ထီၣ်ရူၢ်ရူၢ်ဘၣ်ဆၣ်, လဲၤခီပတာ်အီၤတသ့ဘၣ်.

လံာ်ဧၤမိၣ် 4:13

အဂ့ၢ်ဒ်အံၤ, ကွၢ်ကွၢ်, ပှၤလၢအမၤကစၢၢ်ကလိ ဒီးတ့လီၤကလံၤသီၣ်ဂီၤ, လၢအဒုးသ့ၣ်ညါပှၤကညီလၢအတၢ်ဆိကမိၣ်, လဲလိာ်မုၢ်နံၤဆူမုၢ်နၤ ဒီးယီၢ်လီၤဟီၣ်ခိၣ်အလီၢ်ထီၣ်ထီတဖၣ်န့ၣ်, မ့ၢ်ကစၢ်ယွၤ, တၢ်သုးမုၢ်ဂီၢ်မုၢ်အကစၢ်မ့ၢ်အမံၤလီၤ.

လံာ်ဧၤမိၣ် 5:8

ယွၤတ့လီၤဆၣ်တဖၣ်, ဆၣ်ဒၢမုၢ်ဒီးဆၣ်ယိးမါလီၤ. လဲလိာ်ကွံာ်ဝဲတၢ်ခံးတၢ်နၤဆူမုၢ်နံၤအတၢ်ကပီၤ ဒီးမုၢ်နံၤဆူမုၢ်နၤန့ၣ်လီၤ. အဝဲကိးန့ၢ်ပီၣ်လဲၣ်အထံဒီးလူလီၤအီၤလၢ ဟီၣ်ခိၣ်အဖီခိၣ်လီၤ. အမံၤမ့ၢ်ယွၤလီၤ.