လံာ်ဧၤမိၣ် 9:4 - Sgaw Karen Common Bible

⁴ မ့ၢ်ဘၣ်တၢ်စိၣ်အီၤဆူတၢ်မၢကဲကုၢ်အလီၢ်လၢအဒုၣ်အဒါတဖၣ်ဒၣ် လဲာ်ယကမၤလိာ်လၢအဝဲသ့ၣ်ကဘၣ်တၢ်မၤသံကွံာ်အီၤန့ၣ်လီၤ. ယပာ်လီၤတ့ၢ်ယသးလၢယကမၤဟးဂီၤကွံာ်အီၤလီၤ. တမ့ၢ်လၢယကမၤစၢၤအီၤအဂီၢ်ဘၣ်.

လံာ်ဧၤမိၣ် 9:4 Iomraidhean Croise

လံာ်တၢ်ကဲထီၣ်အခီၣ်ထံး 44:21

ကစၢ်ဧၢ, နမၢပဟဲကိးတ့ၢ်အီၤဖဲအံၤ, ဒ်သိးနထံၣ်အီၤကသ့ အဂီၢ်,

လံာ်ကွဲးနီၣ်တၢ်ခံဘ့ၣ်တဘ့ၣ် 16:9

ယွၤကွၢ်ထံကွၢ်ဆးတၢ်လၢဟီၣ်ခိၣ်ဒီဘ့ၣ်ညါအဖီခိၣ်, ဒ်သိးအကဟ့ၣ်ဂံၢ်ဟ့ၣ်ဘါပှၤတဖၣ်လၢအအိၣ်ဒီးတၢ်သးတီဒီးအီၤ န့ၣ်လီၤ. နမၤတ့ၢ်လံတၢ်ဒ်ပှၤအမၢးတဂၤဒီးစးထီၣ်ခဲအံၤန့ၣ်နကဘၣ်ဒုး တၢ်ယၤတၢ်ထီဘိန့ၣ်လီၤ.”

စံးထီၣ်ပတြၢၤ 34:17

ဖဲပှၤတီပှၤလိၤကိးထီၣ်ယွၤလၢတၢ်မၤစၢၤအဂီၢ်န့ၣ် ဒီးယွၤဒိကနၣ်အီၤလီၤ. ယွၤမၤပူၤဖျဲးအီၤလၢ အတၢ်ကိၢ်တၢ်ဂီၤခဲလၢာ်န့ၣ်လီၤ.

လံာ်တၢ်ဟးထီၣ်ကွံာ် 14:24

ဘူးလၢမုၢ်ကဆ့ၣ်ထီၣ်ဂီၤထၢၣ်သၢန့ၣ်ယွၤကွၢ်လီၤတၢ်ဆူ ပှၤအဲၤကူပတူးဖိတဖၣ်အအိၣ်လၢမ့ၣ်အူဒီးတၢ်အၢၣ်အထူၣ်အလိၤ ဒီးမၤပျံၤမၤဖုးအဝဲသ့ၣ်နးနးကလဲာ်လီၤ.

လံာ်ယံးရမံယၤ 12:12

ပှၤတဖၣ်ဟဲခီဂာ်ကယဲၢ်မဲးမုၢ်ခိၣ်အလီၢ်ထီၣ်ထီတဖၣ် လၢကဂုာ်ဆူၣ်ပျိဆူၣ်တၢ်အဂီၢ်လီၤ. ယမၢလီၤတၢ်ဒုးတၢ်ယၤလၢကမၤဟးဂီၤ ထံကီၢ်ဒီဘ့ၣ်ညါအဂီၢ်န့ၣ်လီၤ. ပှၤအိၣ်မူလၢတၢ်မုာ်တၢ်ခုာ်အပူၤတသ့ဝဲ နီတဂၤဘၣ်လီၤ.

လံာ်ယံးရမံယၤ 21:10

ယပာ်လီၤတ့ၢ်ယသးလၢယတပျၢ်ဖျဲးဝ့ၢ်အံၤဘၣ်. မ့မ့ၢ်ယကမၤဟးဂီၤကွံာ်အီၤန့ၣ်လီၤ. ဝ့ၢ်အံၤကဘၣ်တၢ်ဟ့ၣ်လီၤ အီၤဆူကီၢ်ဘၤဘူၤလိၣ်အစီၤပၤအစုပူၤဒီးအဝဲဒၣ်ကဒွဲၣ် အူကွံာ်အီၤခဲလၢာ်န့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယံးရမံယၤ 24:6

ယကအံးက့ၤကွၢ်က့ၤအဝဲသ့ၣ်ဒီးဟဲက့ၤစိာ်က့ၤအဝဲသ့ၣ်ဆူကီၢ် အံၤန့ၣ်လီၤ. ယကမၤထီၣ်မၤထီအဝဲသ့ၣ်ဒီးတမၤလီၤပှီၢ်ကွံာ်အီၤဘၣ်. ယကသူၣ်လီၤဖျးလီၤအဝဲသ့ၣ်ဒီးတထဲးထီၣ်ကွံာ်ဘၣ်အဝဲသ့ၣ်ဘၣ်.

လံာ်ယံးရမံယၤ 39:12

လဲၤဒီး ဃုထံၣ်န့ၢ် စီၤယံးရမံယၤဒီး ကွၢ်ထွဲအီၤဂ့ၤဂ့ၤတက့ၢ်. တဘၣ်မၤဆူးမၤဆါအီၤတဂ့ၤ. ဒီးတၢ်လၢအသးလီဝဲန့ၣ် မၤန့ၢ်အီၤခဲ လၢာ်တက့ၢ်.”

လံာ်ယံးရမံယၤ 39:16

ယကတဲဘၣ်စီၤဧ့ၤဘ့းမ့လ့းလၢ, ယွၤသ့တၢ်လၢာ်, အံၣ်စရ့လးအကစၢ်ယွၤ စံးတ့ၢ်ဝဲဒ်အံၤ, ဒ်ယစံးတ့ၢ်လၢ ယကမၤအသိးန့ၣ်, ယကဒုးဘၣ် တၢ်ဟးဂီၤလၢ ဝ့ၢ်အံၤအလိၤဒီး တမ့ၢ်တၢ်ဘီၣ်တၢ်ညီဘၣ်လီၤ. ဖဲတၢ်အံၤမၤအသးန့ၣ်, နကအိၣ်ဖဲန့ၣ်လၢနကထံၣ်ဘၣ်အီၤ အဂီၢ်န့ၣ်လီၤ.

လံာ်ယံးရမံယၤ 44:11

အဃိဒီးယၤ, ယွၤသ့တၢ်လၢာ်, အံၣ်စရ့လးအကစၢ်ယွၤ ကဃၣ်ကွံာ်အသးထီဒါသုဒီး မၤဟးဂီၤကွံာ် ကီၢ်ယူဒၤခဲ လၢာ်န့ၣ်လီၤ.

လံာ်ယဃ့းစက့လး 5:12

နပှၤဂီၢ်မုၢ်သၢပူတပူကသံဝဲလၢတၢ်ဆူးတၢ်ဆါဒီးတၢ်သၣ်ဝံၤ လီၤဒိအဃိလၢဝ့ၢ်ပူၤလီၤ. သၢပူတပူကဘၣ်တၢ်ကျီကွံာ်အီၤလၢနးတဖၣ်လၢဝ့ၢ်အချၢ, ဒီးလၢခံကတၢၢ်သၢပူတပူန့ၣ်, ယကမၤလီၤပြံပြါအီၤလၢကလံၤကျါဒီးလူၤထွဲအဝဲသ့ၣ်အခံလၢ နးတဘ့ၣ်န့ၣ်လီၤ.

လံာ်ယဃ့းစက့လး 5:2

တုၤတၢ်ကဝီၤဃာ်ဝ့ၢ်ဝံၤဝဲဒီး, သၢပူတပူၤန့ၣ်ဆူးထီၣ်ကွံာ် အီၤလၢဝ့ၢ်အသးကံၢ်ပူၤတက့ၢ်. ဟံးန့ၢ်အဂၤသၢပူတပူၤဒီးဒီၣ်တဲာ်ကွံာ်အီၤလၢနနးဖဲနသုး ထီၣ်သုးလီၤနသးဝးတရံးဝ့ၢ်အချၢအခါန့ၣ်တက့ၢ်. အိၣ်တီၢ်သၢပူတပူန့ၣ်, မၤလီၤပြံလီၤပြါအီၤလၢကလံၤကျါ, ဒီးယကလူၤထွဲအီၤလၢယနးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 17:10

ဒီးပှၤအံၣ်စရ့လးဖိတဂၤလၢ်လၢ်မ့ၢ်ဂ့ၤ, ပှၤတခီဘီမုၢ်ဖိအိၣ်လၢအကျါတဂၤလၢ်လၢ်မ့ၢ်ဂ့ၤမ့ၢ်အီၣ်ဘၣ်တၢ် ညၣ်လၢအအိၣ်ဒီးတၢ်သွံၣ်န့ၣ်, ယွၤကညိကွံာ်အီၤ, ဒီးတမ့ၢ်လၢၤဘၣ်ပှၤတဂၤလၢယွၤအပှၤဂီၢ်မုၢ် အကျါလၢၤဘၣ်.

လံာ်တၢ်ဘူၣ်ထီၣ်ဘါထီၣ် 26:33

ဒီးယကဟဲစိာ်တၢ်ဒုးတၢ်ယၤဒီးသုကလီၤပြ လီၤပြါဆူပှၤကလုာ်ဂၤအကျါလီၤ. သုထံဧိၤကီၢ်ဧိၤကအိၣ်သယုၢ်ဒီးသုဝ့ၢ်တဖၣ်ကအိၣ်လၢတၢ်ဟးဂီၤ အပူၤန့ၣ်လီၤ.

လံာ်ဧၤမိၣ် 9:8

ကွၢ်ကွၢ်ယၤ, တၢ်စိတၢ်ကမီၤခဲလၢာ်အယွၤဒိးအမဲာ်ကွၢ်တၢ်ဆူတၢ် ဒဲးဘးအဘီအမုၢ်, ကီၢ်အံၣ်စရ့လးအအိၣ်ဒီးစံးဝဲဒၣ်, ယကမၤဟးဂီၤကွံာ်အီၤလၢဟီၣ်ခိၣ်ချၢလီၤ. ဘၣ်ဆၣ်ဒီးစီၤယၤကိာ်အဟံၣ်န့ၣ်, ယတမၤဟးဂီၤဘၣ်အီၤခဲလၢာ်ဘၣ်.

လံာ်စကၤရယၤ 8:10

တချုးတၢ်ဆၢကတီၢ်အဝဲန့ၣ်ဒံးဘၣ်န့ၣ်, ပှၤဒိးလဲပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤတန့ၢ်နီတဂၤ, ဒီးပှၤတပူၤဖျဲးဘၣ်လၢအဒုၣ်အဒါတဖၣ်နီတဂၤဘၣ်. ယထိၣ်ဂဲၤပှၤဂီၢ်မုၢ်လၢကထီဒါလိာ်အသးတဂၤဒီးတဂၤလီၤ.