လံာ်ဧၤမိၣ် 9:13 - Sgaw Karen Common Bible

¹³ ယွၤစံးဝဲဒၣ်, မုၢ်နံၤတဖၣ်ဟဲဝဲ, ဖဲဘုဧိၤဟုဧိၤတဖၣ်ကမဲထီၣ်ချ့န့ၢ်ဒံး တၢ်ကူးအီၤကသ့အကတီၢ်, ဒီးစပံးမုၢ်တဖၣ်ဒိၣ်ထီၣ်ဝဲကချ့န့ၢ်ဒံး တၢ်မၤစပံးထံကသ့အကတီၢ်န့ၣ်လီၤ. ကစၢၢ်ကလိတဖၣ်ကလီၤစီၤဒီးစပံးထံအဆၢဒီးတၢ်လူၢ်ခိၣ် တဖၣ်ကယွၤလီၤဃုာ်ဒီးစပံးထံန့ၣ်လီၤ.

လံာ်ဧၤမိၣ် 9:13 Iomraidhean Croise

လံာ်တၢ်ကဲထီၣ်အခီၣ်ထံး 49:11

အဝဲစၢဃာ်အကသ့ၣ်ယီၤဖိလၢစပံးမုၢ်တမုၢ်, လၢစပံးမုၢ်တဖၣ်အကျါအဂ့ၤကတၢၢ်တမုၢ်လီၤ. အဝဲဆှူၣ်အကူအသိးတဖၣ်လၢစပံးထံလၢအဂီၤဒ်တၢ်သွံၣ်အသိး, အပူၤန့ၣ်လီၤ.

စံးထီၣ်ပတြၢၤ 97:5

ကစၢၢ်ကလိပှံၢ်လီၤဝဲဒ်ဃိးအသိးလၢယွၤအမဲာ်ညါ, လၢဟီၣ်ခိၣ်ဒီဘ့ၣ်ညါအကစၢ်အမဲာ်ညါလီၤ.

လံာ်ယၡါယၤ 16:10

လၢစံာ်ပျီလၢဟီၣ်ခိၣ်ညၣ်ထ့ၣ်ဂ့ၤတဖၣ်အပူၤ, ပှၤတသးခုလၢၤ နီတဂၤလၢၤဘၣ်. လၢစပံးလီၢ်တဖၣ်အပူၤပှၤကကိးပသူထီၣ် ဒီးသူၣ်ဝံၣ်သးဆၢတၢ်တအိၣ်လၢၤနီတဂၤလၢၤဘၣ်. ပှၤကယီၢ်စပံးသၣ်လၢကဒုးကဲထီၣ်စပံးထံအဂီၢ်တအိၣ်လၢၤ နီတဂၤလၢၤဘၣ်. တၢ်သးခုအတၢ်ကိးပသူထီၣ်တဖၣ် ဆိကတီၢ်အသးလံ.

လံာ်ယၡါယၤ 55:13

ဖဲတၤဆှုၣ်တၤမဲအိၣ်ဝဲအလီၢ်ခဲအံၤ, သ့ၣ်ဆှိတဖၣ်ကမဲထီၣ်ဝဲ, ဒီးလၢတၤဆှုၣ်အလီၢ်န့ၣ်သမ့ၤဟဒးကဟဲမဲထီၣ်ဝဲလီၤ. အဝဲအံၤကမ့ၢ်တၢ်ပနီၣ်တမံၤလၢကအိၣ်လီၤထူလီၤယိာ် ဒီးတၢ်ဒုးသ့ၣ်နီၣ်ထီၣ်တမံၤလၢယၤ, ယွၤ, မၤတ့ၢ်ဝဲန့ၣ်လီၤ.”

လံာ်ယဃ့းစက့လး 28:26

အဝဲသ့ၣ်ကအိၣ်ဆိးဝဲဖဲန့ၣ်လၢတၢ်ဘံၣ်တၢ်ဘၢအပူၤန့ၣ်လီၤ. အဝဲသ့ၣ်ကဘှီထီၣ်ဟံၣ်တဖၣ်ဒီး ကသူၣ်လီၤစပံးမုၢ်လီၢ်တဖၣ်လီၤ. ယကစံၣ်ညီၣ်ကယဲၢ်ပှၤအိၣ်ခိၣ် အိၣ်ဃၢၤအဝဲသ့ၣ်တဖၣ်လၢအဒုၣ်ဒွဲၣ်တ့ၢ်အဝဲသ့ၣ်, ဒီးကီၢ်အံၣ်စရ့လး ကအိၣ်ဂၢၢ်ဆိးကျၢၤဝဲလီၤ. အန့ၣ်တစု, အဝဲသ့ၣ်ကသ့ၣ်ညါဝဲလၢယမ့ၢ်ယွၤအဝဲသ့ၣ်အကစၢ်ယွၤန့ၣ်လီၤ.”

လံာ်ယဃ့းစက့လး 36:35

ပှၤကိးဂၤကစံးဝဲလၢကီၢ်အံၤ, တဘျီမ့ၢ်ပှၢ်မုၢ်ကနၢတပူၤ, ခဲကနံၣ်အံၤကဲထီၣ်ဒ်ဧ့ၤဒ့ၣ်တၤသၣ်လီၢ်အသိးဒ်လဲၣ်, ဒီးဝ့ၢ်တဖၣ် လၢအဘၣ်တၢ်မၤလီၤပှီၢ်ကွံာ်အီၤ, ဘၣ်တၢ်ဂုာ်ဆူၣ်ပျီဆူၣ်ဒီးဘၣ် တၢ်ပာ်လီၤတဲာ်ကွံာ်အီၤလၢတၢ်ဟးဂီၤတဖၣ်အပူၤန့ၣ်, ခဲအံၤ ပှၤအိၣ်ဝဲဆိးဝဲဒီးဘၣ်တၢ်မၤကျၢၤခၢၣ်သနၢၣ်ထီၣ်အီၤန့ၣ်ဒ်လဲၣ်.

လံာ်ယိၤအ့လး 2:24

ကြဲၢ်ပူၤတဖၣ်ကပှဲၤဒီးဘုဧိၤဟုဧိၤ, သပၢၤလၢဆၢၣ်ဂူာ်ကပၤတဖၣ်ကပုာ်ထီၣ် ယွၤလီၤဝဲဒီးစပံးထံဒီးသ့ၣ်စၤယံးအသိန့ၣ်လီၤ.

လံာ်ယိၤအ့လး 3:18

လၢအဆၢကတီၢ်ဖဲန့ၣ်, ကစၢၢ်ကလိတဖၣ်ကပှဲၤဝဲဒီးစပံးလီၢ်တဖၣ်, ဒီးဂီၤဘုၣ်ဂီၤဖံးတဖၣ်ကဘၣ်တၢ်ထံၣ်န့ၢ်အီၤလၢကစၢၢ်ကိးဖျၢၣ်ဒဲးအလိၤ, ဒီးထံကယွၤလီၤဝဲအါအါဂီၢ်ဂီၢ်လၢကီၢ်ယူဒၤအထံ ဖိကျိခဲလၢာ်အပူၤန့ၣ်လီၤ. ဒီးထံထီၣ်ပၢၢ်တပူၤကယွၤလီၤဝဲလၢယွၤအတၢ်လုၢ်ဟံၣ် ဒီးကမၤဘၣ်စီၣ်ကီၢ်အဃါယၤအတၢ်တြီၤန့ၣ်လီၤ.

လံာ်ယိၤအ့လး 3:20

ယကမၤကၣ်တၢ်လၢပှၤလၢအဘၣ်တၢ် မၤသံကွံာ်လံအီၤတဖၣ်အဂီၢ်, ယတပာ်ကီၤဃာ်ဘၣ်ပှၤလၢအတၢ်ကမၣ်အိၣ်န့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 26:5

သုတၤသူတၤသၣ်တဖၣ်ကအိၣ်ပှဲၤလုၣ်ကွံာ်တုၤ, သုကကူးဒံးဘုဧိၤဟုဧိၤဖဲတၢ်ဒဲးစပံးသၣ်တဖၣ်အကတီၢ်, ဒီးသုကဒဲးဒံးစပံးသၣ်တဖၣ်ဖဲတၢ်သူၣ်လီၤဘုဧိၤဟုဧိၤအကတီၢ်န့ၣ်လီၤ. သုကအိၣ်ဒီးတၢ်လၢသုအဲၣ်ဒိးအီၣ်အီၤခဲလၢာ်, ဒီးသုကအိၣ်ဆိးပူၤဖျဲးလၢသုထံသုကီၢ်အပူၤန့ၣ်လီၤ.

လံာ်ဧၤမိၣ် 9:5

တၢ်စိတၢ်ကမီၤခဲလၢာ်အယွၤ, သ့တၢ်လၢာ်ကစၢ်ထိးဘၣ်ဟီၣ်ခိၣ်ဒီး ဟူးဝးဝဲ, ဒီးကယဲၢ်ပှၤအိၣ်လၢအပူၤခဲလၢာ်ဟီၣ်ဝဲယၢၤဝဲလီၤ. ဟီၣ်ခိၣ်ဒီဘ့ၣ်စံၣ်စုးဒီးလီၤသွီဒ်ထံကျိနံၤလါလၢကီၢ်အဲၤကူပတူး အသိးန့ၣ်လီၤ.

လံာ်ယိၤဟၣ် 4:35

သုညီနုၢ်စံး, ‘ဆူညါလွံၢ်လါဒီး ကူးဘုအကတီၢ်ကဘၣ်ဝဲလီၤ.’ ဘၣ်ဆၣ် ယစံးဘၣ်သု, ကွၢ်စံာ်ပျီတဖၣ်လီၤတံၢ်လီၤဆဲးတက့ၢ်. ဘုဂီၤထီၣ်လံဒီးတၢ်ကူးအီၤအကတီၢ်ဘၣ်လံ.

လံာ်ပှၤစံၣ်ညီၣ်ကွီၢ် 5:5

ကစၢၢ်ကလိတဖၣ်ဟူးဝးဝဲလၢကစၢၢ်စံၤနါအကစၢ်ယွၤ အမဲာ်ညါ, လၢယွၤ, အံၣ်စရ့လးအကစၢ်အမဲာ်ညါန့ၣ်လီၤ.