လံာ်ဧၤမိၣ် 9:11 - Sgaw Karen Common Bible

¹¹ ယွၤစံးဝဲဒၣ်, မုၢ်တနံၤဟဲဝဲ, ဖဲယကမၤအိၣ်ထီၣ်က့ၤစီၤဒၤဝံးအဘီအမုၢ်လၢအလီၤဂာ်ဝဲဒ်ဟံၣ် တဖျၢၣ်လၢအလီၤပှီၢ်ကွံာ်ဆူတၢ်ဟးဂီၤတဖၣ်အပူၤအသိးန့ၣ်လီၤ. ယကဘှီက့ၤအဒူၣ်တဖၣ်ဒီးမၤကျၢၤထီၣ်အီၤလီၤ. ယကသူၣ်ထီၣ်ကဒါက့ၤအီၤဒီးပာ်က့ၤဒ်လၢပျၢၤအသိးန့ၣ်လီၤ.

လံာ်ဧၤမိၣ် 9:11 Iomraidhean Croise

လံာ်စီၤယိၤဘး 1:10

နကဟုဘံၣ်ကယာ်ဘၢအီၤ, အပှၤဟံၣ်ဖိဃီဖိဒီးတၢ်လၢအအိၣ် ဒီးအီၤခဲလၢာ်ထီဘိန့ၣ်လီၤ. နဆိၣ်ဂ့ၤတၢ်လၢအမၤဝဲခဲလၢာ် ဒီးနဟ့ၣ်တ့ၢ်လံအီၤဂီၤဖံးလၢလၢပှဲၤပှဲၤတုၤအကမၤပှဲၤထံကီၢ် ဒီဘ့ၣ်န့ၣ်လီၤ.

စံးထီၣ်ပတြၢၤ 143:5

ယသ့ၣ်နီၣ်ထီၣ်က့ၤမုၢ်နံၤမုၢ်သီလၢ အပူၤကွံာ်သ့ၣ်တဖၣ်, ယဆိကမိၣ်ထီၣ်က့ၤတၢ်ဂ့ၢ်လၢနမၤတ့ၢ်ခဲလၢာ်, ယသးဆိကမိၣ်ထီၣ်က့ၤ နတၢ်မၤခဲလၢာ်သ့ၣ်တဖၣ်န့ၣ်လီၤ.

စံးထီၣ်ပတြၢၤ 80:12

ဘၣ်မနုၤလၢနမၤဟးဂီၤကရၢၢ်လၢအအိၣ်ဝးတရံး အီၤန့ၣ်လီၤ. ခဲအံၤပှၤလၢအလဲၤခီဂာ်တၢ်တဂၤလၢ်လၢ်ဟုၣ်အစပံးသၣ်တဖၣ် သ့ဝဲလီၤ.

စံးထီၣ်ပတြၢၤ 89:40

နမၤလီၤပှီၢ်ကွံာ်အဝ့ၢ်ခိၣ်ဒူတဖၣ်ခဲလၢာ် ဒီးနမၤဟးဂီၤတ့ၢ်လံအတိာ်ဧိၤတာ်ဧိၤန့ၣ်လံလီၤ.

လံာ်ယၡါယၤ 16:5

အန့ၣ်ဒီး, စီၤပၤဒၤဝံးအစၢၤအသွဲၣ်အကျါတဂၤကကဲစီၤပၤ, ဒီးအဝဲကပၢပှၤဂီၢ်မုၢ်လၢတၢ်သးတီဒီးတၢ်အဲၣ်တၢ်ကွံအပူၤလီၤ. တၢ်လၢအဘၣ်န့ၣ်, အဝဲကမၤဝဲချ့ချ့လီၤ. ဒီးတၢ်စံၣ်ညီၣ်တီ မၤအသးကစီဒီဧါန့ၣ်, ကကွၢ်ထွဲဝဲလီၤ.)

လံာ်ယၡါယၤ 5:5

ယကမၤတၢ်အံၤလၢယစပံးလီၢ်အဂီၢ်လီၤ. ယကဟံးထီၣ်က ရၢၢ်လၢအအိၣ်ဝးတရံးအီၤ, ဂုၤလီၤပှီၢ်တၢ်အဒူၣ်လၢအဒီဒၣ်အီၤ, ဒီးပျဲဆၣ်ဖိကီၢ်ဖိအမံၤတဖၣ်အီၣ်အီၤဒီးယီၢ်တံၢ်အီၤလီၤ.

လံာ်ယၡါယၤ 58:12

သုပှၤဂီၢ်မုၢ်ကသူၣ်ထီၣ်ဘှီထီၣ်ကဒါက့ၤတၢ်လၢအအိၣ်ယံာ် တ့ၢ်လံလၢတၢ်ဟးဂီၤအပူၤတဖၣ်, သူၣ်ထီၣ်ဘှီထီၣ်ကဒါက့ၤ တၢ်လၢတၢ်အခီၣ်ထံးလီၢ်လံၤတဖၣ်အဖီခိၣ်န့ၣ်လီၤ. သုကဘၣ်တၢ်သ့ၣ်ညါသုဒ်, ပှၤဂီၢ်မုၢ်တဖုလၢအသူၣ်ထီၣ်ဘှီ ထီၣ်ကဒါက့ၤတၢ်အခိၣ်ဒူတဖၣ်ဒီးမၤထီၣ်ကဒါက့ၤဟံၣ်ဃီ လၢအဟးဂီၤတဖၣ်, အသိးန့ၣ်လီၤ.”

လံာ်ယၡါယၤ 63:11

အန့ၣ်တစု, အဝဲသ့ၣ်သ့ၣ်နီၣ်ထီၣ်က့ၤတၢ်လၢအပူၤကွံာ်, မုၢ်နံၤတဖၣ်လၢယွၤအခ့အပှၤစီၤမိၤၡ့အစိၤဒီးအဝဲသ့ၣ်သံကွၢ်တၢ်, “ယွၤလၢအအုၣ်က့ၤခီၣ်က့ၤအပှၤဂီၢ်မုၢ် အခိၣ်အနၢ်တဖၣ်လၢပီၣ်လဲၣ်ပူၤန့ၣ်, ခဲအံၤအိၣ်ဖဲလဲၣ်. ယွၤလၢအဟ့ၣ်လီၤစီၤမိၤၡ့လၢအသးဒၣ်ဝဲန့ၣ်, အိၣ်ဖဲလဲၣ်.

လံာ်ယၡါယၤ 65:9

ယကဆိၣ်ဂ့ၤပှၤအံၣ်စရ့လးဖိတဖၣ်လၢအဘၣ်ဃးဒီးယူဒၤ အဒူၣ်, ဒီးအဝဲသ့ၣ်အစၢၤအသွဲၣ်တဖၣ်ကန့ၢ်သါဘၣ် ယကီၢ်လၢအပှဲၤဒီးကစၢၢ်ကလိတဖၣ်လီၤ. ယပှၤဂီၢ်မုၢ်လၢယဃုထၢအီၤလၢအမၤယတၢ်ခ့တၢ်ပှၤ အတၢ်မၤတဖၣ်ကအိၣ်ကဆိးဖဲန့ၣ်န့ၣ်လီၤ.

လံာ်ယံးရမံယၤ 18:9

ဒီးလၢအဂၤတဘျီန့ၣ်, ယမ့ၢ်စံးလၢယကသူၣ်လီၤ, မ့တမ့ၢ် သူၣ်ထီၣ်ဘှီထီၣ်ပှၤတကလုာ်ဂ့ၤတကလုာ်ဂ့ၤ, မ့တမ့ၢ်ဘီမုၢ်တဘ့ၣ်ဂ့ၤ တဘ့ၣ်ဂ့ၤနာ်က့ဒီး,

လံာ်ယံးရမံယၤ 30:9

အခိၣ်တလိာ်, အဝဲသ့ၣ်ကမၤယၤ, ယွၤအဝဲသ့ၣ် အကစၢ်ယွၤ, ဒီးစီၤဒၤဝံးအစၢၤ အသွဲၣ်လၢယကပာ် ထီၣ်အီၤလၢ စီၤပၤအလီၢ်တဂၤ, အတၢ်မၤန့ၣ်လီၤ.

လံာ်ယံးရမံယၤ 46:26

ဒီးဟ့ၣ်လီၤကွံာ်အဝဲသ့ၣ် ဆူပှၤတဖၣ်လၢအသးအိၣ်မၤသံအဝဲသ့ၣ်, လၢအမ့ၢ်ကီၢ်ဘၤဘူၤလိၣ်အစီၤပၤနဘူၤကးန့စၢ်ဒီးအသုးမုၢ်, အစုပူၤန့ၣ်လီၤ. ဘၣ်ဆၣ်ဒီး လၢခံက့ၤန့ၣ်, ပှၤဂီၢ်မုၢ်ကအိၣ်ကဆိး ကဒီးလၢကီၢ်အဲၤကူပတူးအပူၤ, ဒ်အဝဲသ့ၣ်အိၣ်ဆိးတ့ၢ်ဝဲလၢ ခ့ခါပူၤကွံာ်အသိးန့ၣ်လီၤ. ယၤ, ယွၤအံၤကတိၤလံတၢ်လံ.”

လံာ်သးသယုၢ်တၢ် 5:21

ဟဲက့ၤစိာ်က့ၤပှၤဆူနအိၣ်, ယွၤဧၢ, ဟဲက့ၤစိာ်ကဒါက့ၤပှၤတက့ၢ်. မၤအိၣ်ထီၣ်က့ၤပတၢ်လၤကပီၤလၢပျၢၤန့ၣ်တက့ၢ်.

လံာ်ယဃ့းစက့လး 17:24

ကယဲၢ်သ့ၣ်ခဲလၢာ်လၢထံကီၢ်န့ၣ်အပူၤကသ့ၣ်ညါဝဲလၢယမ့ၢ်ယွၤ လီၤ. ကကူာ်လီၤကွံာ်သ့ၣ်လၢအထီတဖၣ်ဒီးယမၤထီထီၣ်သ့ၣ်လၢ အဖုၣ်တဖၣ်လီၤ. ယမၤလီၤညွံးလီၤဘဲကွံာ်သ့ၣ်လၢအသံကစဲာ်တဖၣ်ဒီးဒုးကဲထီၣ် သ့ၣ်အဃ့တဖၣ်ဆူသ့ၣ်အသံကစဲာ်တဖၣ်လီၤ. ယၤယွၤအံၤကတိၤလံတၢ်လံ. ယကမၤတၢ်လၢယစံးတ့ၢ်ယဲ လၢယကမၤအီၤန့ၣ်လီၤ.”

လံာ်ယဃ့းစက့လး 36:11

ယကမၤအါထီၣ်ပှၤဂီၢ်မုၢ်ဒီးဂီၤဘုၣ်ဂီၤဖံးအနီၣ်ဂံၢ်န့ၣ်လီၤ. သုနီၣ်ဂံၢ်ကအါထီၣ်န့ၢ်ဒံးအအိၣ်တ့ၢ်ဝဲလၢညါတက့ၢ်ဒီးသုကအိၣ် ဒီးဖိတဖၣ်အါအါဂီၢ်ဂီၢ်န့ၣ်လီၤ. ယကဒုးအိၣ်ဆိးသုဖဲန့ၣ်ဒ်သုအိၣ်ညီနုၢ်တ့ၢ်လၢညါအသိး, ဒီးယကမၤဘီၣ်ထီၣ်ညီထီၣ်သုအါန့ၢ်ဒံးလၢညါတက့ၢ်န့ၣ်လီၤ. အန့ၣ်တစု, သုကသ့ၣ်ညါလၢယမ့ၢ်ယွၤန့ၣ်လီၤ.

လံာ်ဟိၤၡ့ 3:5

ဘၣ်ဆၣ်ဒီးတၢ်ဆၢကတီၢ်ကဟဲတုၤဃီၤဝဲဖဲကီၢ် အံၣ်စရ့လးအပှၤဂီၢ်မုၢ်ကဃၣ်ကဒါက့ၤကဒီးအသးတဘျီဆူယွၤ, အကစၢ်ယွၤအအိၣ်ဒီးဆူအဝဲသ့ၣ်အစီၤပၤစီၤဒၤဝံးအစၢၤအသွဲၣ် တဂၤအအိၣ်န့ၣ်လီၤ. ဒီးဖဲန့ၣ်အဝဲသ့ၣ်ကအိၣ်ဒီးတၢ်ပျံၤယွၤဒီးကဒိးန့ၢ်ဘၣ်အဝဲ အတၢ်ဟ့ၣ်အဂ့ၤတဖၣ်န့ၣ်လီၤ.

လံာ်ဧိၤဘါဒယၤ 1:17

မ့မ့ၢ်လၢကစၢၢ်စံယိၣ်အလိၤန့ၣ်ပှၤတနီၤကပူၤဖျဲးဝဲဒီးကမ့ၢ်ဝဲ တၢ်လီၢ်စီဆှံလီၤ. ဒီးစီၤယၤကိာ်အပှၤဟံၣ်ဖိကန့ၢ်ဘၣ်က့ၤအထံ အကီၢ်လၢအမ့ၢ်အတၢ်န့ၢ်သါဒၣ်ဝဲန့ၣ်လီၤ.

လံာ်မံကၤ 5:2

ယွၤစံးဝဲဒၣ်, “ဘ့ၤသလ့ဃ့ၣ်အ့ဖရၤသးဧၢ, နမ့ၢ်ဝ့ၢ်အဆံးကတၢၢ်တဖၣ်အကျါတဝ့ၢ်လၢကီၢ်ယူဒၤအပူၤလီၤ. ဘၣ်ဆၣ်ယကဒုးဟဲထီၣ်ပှၤပၢတၢ်တဂၤလၢကီၢ်အံၣ်စရ့လးအဂီၢ်လၢ နပူၤလီၤ. အဝဲအဒူၣ်ဖိထၢဖိအခီၣ်ထံးခီၣ်ဘိန့ၣ်မ့ၢ်တၢ်လၢပျၢၤလၢကစၢၤ လံၤလံၤန့ၣ်လီၤ”.

လံာ်မံကၤ 7:11

ဝ့ၢ်ယရူၤၡလ့ၣ်အပှၤဂီၢ်မုၢ်ဧၢ, အကတီၢ်ကတုၤဝဲလၢတၢ်ကဘှီထီၣ် ကဒါက့ၤသုဝ့ၢ်ခိၣ်ဒူတဖၣ်လီၤ. ဖဲန့ၣ်အကတီၢ်သုထံဆၢကီၢ်ဆၢတဖၣ်ကဘၣ်တၢ်မၤလဲၢ်ထီၣ်အီၤလီၤ.

လံာ်မံကၤ 7:14

ယွၤဧၢ, မ့ၢ်နဲပှၤကွၢ်သိတဂၤလၢနပှၤဂီၢ်မုၢ်, ပှၤဂီၢ်မုၢ်လၢနဃုထၢအီၤအဂီၢ်တက့ၢ်. မ့ၢ်အိၣ်ဒၣ်ဝဲလၢပှၢ်မုၢ်ကနၢသနာ်က့ဟီၣ်ခိၣ်ညၣ်ထ့ၣ်ဂ့ၤ အကီၢ်တဖၣ်အိၣ်ဝးတရံးအီၤလီၤ. မ်အလဲၤဒီးအီၣ်တၢ်လၢကီၢ်ဘၤၡၣ်ဒီးကီၢ်ကံးလဧးအအီၣ်ဆၣ်လီၢ် လါဟ့တဖၣ်အပူၤဒ်အဝဲသ့ၣ်မၤတ့ၢ်လၢပျၢၤအသိးန့ၣ်တက့ၢ်.

လံာ်မံကၤ 7:8

တၢ်ဂ့ၢ်တအိၣ်ဘၣ်နီတမံၤလၢပဒုၣ်ပဒါတဖၣ်ကသးခုခူသူၣ်လၢ ပဖီခိၣ်ဘၣ်. ပလီၤဃံၤတ့ၢ်လံ. ဘၣ်ဆၣ်ဒီးပကဂဲၤထၢၣ်က့ၤကဒီးလီၤ. ခဲအံၤပအိၣ်လၢတၢ်ခံးကျါဘၣ်ဆၣ်ဒီးယွၤကဟ့ၣ်ပှၤတၢ်ကပီၤလီၤ.

လံာ်စကၤရယၤ 12:7

ယၤ, ယွၤအံၤယကဟ့ၣ်တၢ်မၤနၢၤအဆိကတၢၢ်ဆူကီၢ်ယူဒၤ အသုးမုၢ်တဖၣ်, ဒ်သိးဒီးတၢ်လၤကပီၤလၢစီၤဒၤဝံးအစၢၤအသွဲၣ် တဖၣ်ဒီးဝ့ၢ်ယရူၤၡလ့ၣ်အပှၤဂီၢ်မုၢ်ကဒိးန့ၢ်ဝဲန့ၣ်သုတဒိၣ် န့ၢ်ဒံးပှၤအဂၤလၢကီၢ်ယူဒၤအပူၤကဖၣ်တဂ့ၤအဂီၢ်န့ၣ်လီၤ.

လံာ်စကၤရယၤ 14:10

လီၢ်ကဝီၤဒီတကဝီၤညါ, စးထီၣ်လၢဝ့ၢ်က့ဘၢ်လၢကလံၤစိး, ပၢၢ်လၢဝ့ၢ်ရံးမိၣ်လၢကလံၤထံးန့ၣ်ကဘၣ်တၢ်မၤပၢၤအီၤလီၤ. ဝ့ၢ်ယရူၤၡလ့ၣ်ကအိၣ်ထီၣ်ထီလၢတၢ်လီၢ်လၢအအိၣ်ဝးတရံးအီၤ တဖၣ်အဖီခိၣ်န့ၣ်လီၤ. ဝ့ၢ်န့ၣ်အိၣ်သူၣ်လီၤဒၣ်အသးဖဲအလီၢ်လီၢ်စးထီၣ်လၢဘံၣ် ယၤမံၣ်အတြဲၤဒီးတုၤဆူဝ့ၢ်သနၢၣ်အတြဲၤ, လၢအမ့ၢ်တြဲၤလၢအအိၣ်ပာ်တ့ၢ်လၢပျၢၤ, ဒီးစးထီၣ်လၢတၢးထီဃနၤန့လးဒီးတုၤဆူစီၤပၤအနီၣ်စံၣ် စပံးထံတဖၣ်အလီၢ်န့ၣ်လီၤ.

လံာ်စကၤရယၤ 6:12

တဲဘၣ်အီၤလၢသ့တၢ်လၢာ်ယွၤစံးဝဲလၢ, ပှၤကညီလၢအဘၣ်တၢ်ကိးအီၤလၢတၢ်အဒ့တဂၤန့ၣ်ကဘီၣ်ထီၣ် ညီထီၣ်ဝဲဖဲအအိၣ်ဝဲအလီၢ်, ဒီးကဘှီထီၣ်ကဒါက့ၤယွၤအတၢ်လုၢ်ဟံၣ်လီၤ.

လံာ်တၢ်ဂံၢ် 24:18

အဝဲကမၤနၢၤကွံာ်အဒုၣ်အဒါတဖၣ်လၢကီၢ်အဒိၣ်အပူၤ, ဒီးဒုးကဲထီၣ်အဝဲသ့ၣ်အကီၢ်လၢအတၢ်ဖဲကီၢ်အံၣ်စရ့လးမၤနၢၤ ထွဲဒံးတၢ်ဆူညါအခါန့ၣ်လီၤ.