လံာ်ဧၤမိၣ် 9:10 - Sgaw Karen Common Bible

¹⁰ ပှၤတၢ်ဒဲးဘးဖိတဖၣ်လၢယပှၤဂီၢ်မုၢ်အကျါလၢအစံး, “ကစၢ်ယွၤတပျဲတၢ်အၢတၢ်သီဟဲဘူးဒီးပှၤဘၣ်” တဖၣ်န့ၣ်, ကဘၣ်တၢ်မၤသံကွံာ်အီၤလၢတၢ်ဒုးတၢ်ယၤအပူၤလီၤ.

လံာ်ဧၤမိၣ် 9:10 Iomraidhean Croise

စံးထီၣ်ပတြၢၤ 10:11

အဝဲသ့ၣ်စံးဝဲလၢအသးကံၢ်ပူၤ, “ကစၢ်ယွၤသးပ့ၤနီၣ်လံတၢ်လံ. ပာ်တဒၢလံအမဲာ်လံ. တထံၣ်ယၤနီတစုဘၣ်.”

လံာ်ပှၤစံၣ်တဲၤတဲလီၤတၢ် 8:11

ဘၣ်မနုၤအဃိပှၤမၤတၢ်ထီဒါတၢ်သိၣ်တၢ်သီတဖၣ်ညီကဒၣ်န့ၣ်လဲၣ်. မ့ၢ်လၢတၢ်လုၢ်သ့ၣ်ခါပတာ်တၢ်သိၣ်တၢ်သီအံၤတဘၣ်တၢ်စံၣ်ညီၣ် အီၤချ့ချ့ဘၣ်အဃိလီၤ.

လံာ်ယၡါယၤ 33:14

ပှၤတၢ်ဒဲးဘးဖိလၢဝ့ၢ်စံယိၣ်အပူၤတဖၣ်ကနိးကစုာ်ဝဲလၢအပျံၤ တၢ်ဖုးတၢ်အဃိလီၤ. အဝဲသ့ၣ်စံးဝဲ, “ကစၢ်ယွၤအတၢ်စံၣ်ညီၣ်လီၤဂာ်ဒီးမ့ၣ်အူတခါလၢအကဲၤဝဲလီၤ စိၤလီၤထီန့ၣ်လီၤ. ပှၤလၢပကျါတဂၤဂၤထူၣ်ဖျဲးထီၣ်ကွံာ်လၢ မ့ၣ်အူဒ်သိးအံၤဘၣ်ကသ့ဧါ.”

လံာ်ယၡါယၤ 5:19

သုစံး, “ပျဲယွၤမၤချ့ချ့ဒီးမၤတၢ်လၢအစံးဝဲလၢအကမၤဝဲဒ်သိး ပကထံၣ်ဘၣ်အီၤအဂီၢ်တက့ၢ်. မ်အံၣ်စရ့လးအကစၢ်ယွၤစီဆှံမၤ ကဲထီၣ်လိၣ်ထီၣ်အတၢ်တိာ်ကျဲၤတဖၣ်တက့ၢ်. မ်ပကကွၢ်တၢ်မနုၤတမံၤအိၣ်လၢအသးပူၤလဲၣ်တက့ၢ်.”

လံာ်ယၡါယၤ 56:12

ပှၤလၢအမူၤလၢသံးတဖၣ်စံးဝဲ, မ်ပကမၤန့ၢ်စပံးထံတနီၤဒီး အီခဲလၢာ်ဖဲပအီကဲန့ၣ်တက့ၢ်. ခဲမုၢ်ဆ့ၣ်တနံၤန့ၣ်, ကဂ့ၤဒိၣ်န့ၢ်ဒံးတနံၤညါအံၤတက့ၢ်လီၤ.”

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 23:17

လၢပှၤဂီၢ်မုၢ်လၢတဒိကနၣ်တၢ်လၢယစံးတ့ၢ်အဂီၢ်န့ၣ်, ဝံတဖၣ်န့ၣ် စံးဝဲတထံၣ်ဃီလၢတၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢ အဝဲသ့ၣ်အဂီၢ်န့ၣ်လီၤ. ဒီးပှၤတဂၤလၢ်လၢ်လၢအခိၣ်ကိၤန့ၣ်, အဝဲသ့ၣ်တဲဘၣ်ဝဲလၢတၢ်တတၢးတနါတမၤဘၣ်ဒိဘၣ်ထံး အီၤနီတစုဘၣ်န့ၣ်လီၤ.”

လံာ်ယံးရမံယၤ 29:32

အဝဲအစၢၤအသွဲၣ်တဖၣ် တဘၣ်အိၣ်လၢသုကျါနီတဂၤဘၣ်. အဝဲတအိၣ်မူထံၣ်ဘၣ်တၢ်အဂ့ၤ တဖၣ်လၢ ယကမၤအီၤလၢ ယပှၤဂီၢ်မုၢ်အဂီၢ်ဘၣ်, မ့ၢ်လၢအဝဲတဲဘၣ် အဝဲသ့ၣ်လၢကပူ ထီၣ်တၢ်ထီဒါယၤအဃိန့ၣ်လီၤ. ယၤ, ယွၤအံၤ, ကတိၤလံတၢ်လံ.”

လံာ်ယဃ့းစက့လး 20:38

ယကဟံးထီၣ်ကွံာ်ပှၤတဖၣ်လၢအပူထီၣ်တၢ်ဒီးမၤတၢ်ဒဲးဘးလၢသု ကျါန့ၣ်လီၤ. ယကထုးထီၣ်ကွံာ်အဝဲသ့ၣ်တဖၣ်လၢကီၢ်တဖၣ်လၢအဝဲသ့ၣ်အိၣ်ဆိးဝဲ လၢအပူၤခဲကနံၣ်အံၤ, ဘၣ်ဆၣ်ယတပျဲအဝဲသ့ၣ်က့ၤကဒါက့ၤဆူကီၢ်အံၣ်စရ့လးလၢၤဘၣ်. အန့ၣ်ဒီးသုကသ့ၣ်ညါလၢယၤ, ယမ့ၢ်ယွၤန့ၣ်လီၤ.”

လံာ်ဧၤမိၣ် 6:1

ပှၤအိၣ်မံသူၣ်မံသးလၢကစၢၢ်စံယိၣ်အပူၤ, ဒီးပှၤလၢအပာ်တၢ်အိၣ်သဒၢအလီၢ်လၢကီၢ်ၡၤမရံ, သုဝဲကီၢ်အံၣ်စ ရ့လးအပှၤကလုာ်ဖးဒိၣ်အခိၣ်အနၢ်တဖၣ်လၢပှၤ ဂီၢ်မုၢ်လဲၤဆူအအိၣ်လၢတၢ်မၤစၢၤအဂီၢ်သ့ၣ်ဧၢ, သုဘၣ်အဖှီၣ်လီၤ.

လံာ်ဧၤမိၣ် 6:3

သုဂ့ၢ်လိာ်လၢသုကတူၢ်လိာ်တၢ်အၢတၢ်သီအမုၢ်တနံၤန့ၣ်ဘၣ်ဆၣ် ဒီး, တၢ်လၢသုမၤန့ၣ်ဟဲစိာ်ဒၣ်မုၢ်တနံၤန့ၣ်အတၢ်ဘူးထီၣ်လီၤ.

လံာ်ဧၤမိၣ် 9:8

ကွၢ်ကွၢ်ယၤ, တၢ်စိတၢ်ကမီၤခဲလၢာ်အယွၤဒိးအမဲာ်ကွၢ်တၢ်ဆူတၢ် ဒဲးဘးအဘီအမုၢ်, ကီၢ်အံၣ်စရ့လးအအိၣ်ဒီးစံးဝဲဒၣ်, ယကမၤဟးဂီၤကွံာ်အီၤလၢဟီၣ်ခိၣ်ချၢလီၤ. ဘၣ်ဆၣ်ဒီးစီၤယၤကိာ်အဟံၣ်န့ၣ်, ယတမၤဟးဂီၤဘၣ်အီၤခဲလၢာ်ဘၣ်.

လံာ်မံကၤ 3:11

ဝ့ၢ်အပဒိၣ်တဖၣ်န့ၣ်ပၢတၢ်လၢခိၣ်ဖးလာ်ဆှိးတဖၣ်အဂီၢ်, ပှၤလုၢ်တၢ်အခိၣ်တဖၣ်ကတိၤကျိးထံတၢ်သိၣ်တၢ်သီလၢတၢ်အဘူး အလဲအဂီၢ်ဒီးဝံတဖၣ်ဖးတၢ်လၢစ့အဂီၢ်, ဒီးစံးသကိးခဲလၢာ်လၢယွၤအိၣ်ဒီးအဝဲသ့ၣ်လီၤ. ဒီးစံးဝဲဒၣ်, “တၢ်အၢတဘၣ်ဘၣ်ပှၤနီတမံၤဘၣ်. ယွၤအိၣ်ဒီးပှၤလီၤ”.

လံာ်စကၤရယၤ 1:6

ယဟ့ၣ်လီၤတ့ၢ်သုမိၢ်ပၢ်ဖံဖုတဖၣ်လၢယတၢ်မၤလိာ် တဖၣ်ဒီးတၢ်ဟ့ၣ်ပလီၢ်တဖၣ်ခီဖျိယခ့ယပှၤဝံသ့ၣ်တဖၣ် ဘၣ်ဆၣ်ဒီးအဝဲသ့ၣ်တကနၣ်ဃုာ်ဝဲတၢ်သ့ၣ်တဖၣ်န့ၣ်အဃိတူၢ်ဘၣ် က့ၤတၢ်လၢတၢ်သ့ၣ်တဖၣ်န့ၣ်အဂီၢ်လီၤ. အဝဲသ့ၣ်ပီၢ်ယၢ်လီၤက့ၤအသးဒီးအၢၣ်လီၤအီလီၤဝဲဒီးသ့ၣ်ညါ ဝဲလၢယၤ, သ့တၢ်လၢာ်ယွၤစံၣ်ညီၣ်တ့ၢ်အဝဲသ့ၣ်ဒ်အဝဲသ့ၣ်ကြၢးတူၢ်ဘၣ်တၢ် အသိးဒီးဒ်ယပာ်လီၤတ့ၢ်ယသးလၢယကမၤတၢ်အသိးန့ၣ်လီၤ.”

လံာ်မၤလကံ 3:15

ဒ်ပထံၣ်တ့ၢ်လံအသိးန့ၣ်, ပှၤလၢအပာ်ထီၣ်ထီအသးတဖၣ်န့ၣ်မ့ၢ်ပှၤ လၢအဘၣ်ဆိၣ်ဂ့ၤန့ၣ်လီၤ. ပှၤတတီတလိၤတဖၣ်တမ့ၢ်ထဲအဘီၣ် ထီၣ်ညီထီၣ်ဘၣ်. မ့မ့ၢ်, အဝဲသ့ၣ်မၤကွၢ်ကစၢ်ယွၤအတၢ်သးစူၤလၢအတၢ်မၤအအၢ အသီတဖၣ်ဒီးလူၤပိာ်ထွဲဝဲအခံန့ၣ်လီၤ.”

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.