လံာ်ဧၤမိၣ် 8:6 - Sgaw Karen Common Bible

⁶ ဒီးပဆါဘုကၠူၣ်လၢတဂီာ်တသီၣ်ဘၣ်လၢအပှ့ၤအါအါကသ့ဝဲ, ပကဃုထံၣ်ပှၤဖှီၣ်ဖိယာ်ဖိလၢအလိးက့ၤအကမၢ်ထဲကဟ့ၣ်ဝဲ အခီၣ်ဖံးတစူၣ်အပှ့ၤဒၣ်လဲာ်တန့ၢ်ဘၣ်, ဒီးပကပှ့ၤအီၤဒ်ကုၢ်တဂၤအသိးန့ၣ်လီၤ.

လံာ်ဧၤမိၣ် 8:6 Iomraidhean Croise

လံာ်စီၤနဃ့မယၤ 5:8

ဒီးယစံးဘၣ်အဝဲသ့ၣ် “ဖဲပမၤသ့ဝဲအသိးန့ၣ်ပပှ့ၤက့ၤလံ ပဒီပုၢ်ဝဲၢ်သ့ၣ်တဖၣ်လၢအဆါလီၤအသးဆူပှၤကလုာ်ဂၤန့ၣ်လီၤ. ဒီးခဲကနံၣ်အံၤသုမၤဆူၣ်သုဒီပုၢ်ဝဲၢ်သ့ၣ်တဖၣ်လၢကဆါလီၤ အသးလၢသုပှၤယူဒၤဖိကဒဲကဒဲန့ၣ်လီၤ.” ဒီးပှၤခိၣ်ပှၤနၢ်တဖၣ်အိၣ်ဘှီၣ်ဝဲဒီးစံးတၢ်တသ့နီတမံၤဘၣ်န့ၣ်လီၤ.

လံာ်ယဃ့းစက့လး 22:12

သုပှၤဂီၢ်မုၢ်တနီၤမၤသံတၢ်လၢတၢ်အဘူးအလဲအဂီၢ်လီၤ. တနီၤဟံးန့ၢ်စ့အအ့ၣ်လၢစ့လၢအဟ့ၣ်လိၢ်လီၤဝဲဆူအဝဲသ့ၣ် အပှၤအံၣ်စရ့လးဖိကဒဲကဒဲအဖီခိၣ်ဒီးကဲဒိၣ်ထီၣ်ဝဲလၢတၢ် အခွဲးအယာ်လၢအမၤန့ၢ်ဝဲလၢအဝဲသ့ၣ်အဖီခိၣ်အဃိန့ၣ်လီၤ. အဝဲသ့ၣ်သးပ့ၤနီၣ်ကွံာ်လံယၤလံ. ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.

လံာ်ယိၤအ့လး 3:3

အဝဲသ့ၣ်ဖီၣ်တၢ်ဖးလၢ မတၤကမၤန့ၢ်ပှၤဘၣ်တၢ်စိာ်မၢကဲကုၢ်အီၤတဖၣ်လဲၣ်န့ၣ်လီၤ. အဝဲသ့ၣ်ဆါကွံာ်တ့ၢ်ဖိသၣ်ပိာ်ခွါဒီးဖိသၣ်ပိာ်မုၣ်တဖၣ်ဆူ ကုၢ်အလီၢ်ဒ်သိးကဟ့ၣ်တၢ်အပှ့ၤလၢပိာ်မုၣ်ဟးဂီၤတဖၣ် ဒီးစပံးထံအဂီၢ်န့ၣ်လီၤ.

လံာ်ယိၤအ့လး 3:6

သုစိာ်ထီၣ်ကွံာ်ဒီးဆါကွံာ်ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ဆူပှၤကြံးခ်ဖိတဖၣ်အအိၣ်လီၤ.

လံာ်ဧၤမိၣ် 2:6

ဒီးယွၤစံးဝဲဒၣ်, “ပှၤကီၢ်အံၣ်စရ့လးဖိတဖၣ်မၤတ့ၢ်လံတၢ်ဒဲးဘးတဘျီဝံၤ တဘျီလံ. ဒီးလၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်ဆါလီၤကွံာ်ပှၤတီပှၤလိၤလၢအလိးက့ၤအကမၣ်တန့ၢ်တဖၣ် ဆူကုၢ်အလီၢ်, ဒီးပှၤဖှီၣ်ဖိယာ်ဖိလၢအလိးက့ၤအကမၣ်တန့ၢ်တ ဖၣ်န့ၣ်လၢခီၣ်ဖံးတဆိအပှ့ၤဒၣ်လဲာ်လီၤ.

လံာ်ဧၤမိၣ် 3:9

ဘိးဘၣ်သ့ၣ်ညါတၢ်ဆူပှၤအိၣ်လၢကီၢ်အဲၤကူပတူးဒီးဝ့ၢ် အၤစဒိာ်အနူၢ်အစီၤတဖၣ်အပူၤဒီးစံး, “ပာ်ဖှိၣ်ထီၣ်သုသးလၢကစၢၢ် ကလိတဖၣ်လၢအအိၣ်ဝးတရံးကီၢ်ၡၤမရံဒီးကွၢ်တၢ်တၢထီၣ်တၢလီၤ ဖးဒိၣ်လၢအပူၤဒီးတၢ်မၤအၢမၤနးတဖၣ်လၢအဘၣ်တၢ်မၤအီၤဖဲန့ၣ် တက့ၢ်.

လံာ်ဧၤမိၣ် 4:1

ဒိကနၣ်တၢ်အံၤ, သုဝဲပိာ်မုၣ်တဖၣ်လၢကီၢ်ၡၤမရံလၢအဘီၣ်ထီၣ်လီၤဂာ်ဒ်ဘၤၡၣ် အဂီၤဖံးမိၢ်တဖၣ်လၢအဘၣ်တၢ်လုၢ်အီၣ်လုၢ်အီအီၤဂ့ၤဂ့ၤ ကလဲာ်အသိး, လၢအမၤတရီတပါပှၤဂံၢ်စၢ်ဘါစၢ်, မၤအၢမၤနးပှၤဖှီၣ်ဖိယာ်ဖိဒီးလၢအဃ့ကိၢ်ဃ့ဂီၤသုဝၤ တဖၣ်လၢကဟဲစိာ်ဒုးအီသုလၢစပံးထံသ့ၣ်ဧၢ,

လံာ်ဧၤမိၣ် 8:4

ကနၣ်တၢ်အံၤတက့ၢ်, သုဝဲပှၤလၢအယီၢ်တံၢ်ပှၤလိၣ်ဘၣ်တၢ်မၤ စၢၤဒီးကျဲးစၢးမၤဟးဂီၤကွံာ်ပှၤဖှီၣ်ဖိယာ်ဖိလၢကီၢ်ပူၤသ့ၣ်ဧၢ,

လံာ်စကၤရယၤ 5:6

ယသံကွၢ်, “တၢ်န့ၣ်မ့ၢ်တၢ်မနုၤလဲၣ်.” အဝဲစံးဆၢယၤ, “တၢ်န့ၣ်မ့ၢ်ဃၤတဖျၢၣ်လၢအပာ်ဖျါထီၣ်ကီၢ်ဒီဘ့ၣ်ညါ အတၢ်ဒဲးဘးအခီပညီန့ၣ်လီၤ.”