လံာ်ဧၤမိၣ် 8:5 - Sgaw Karen Common Bible

⁵ သုစံးလီၤသုသး, လၢပကဆါဘၣ်ပဘုဧိၤဟုဧိၤအဂီၢ်န့ၣ် ပခိးတုၤမုၢ်နံၤစီဆှံတဖၣ်လၢာ်ကွံာ်တကဲလၢၤဘၣ်. ဒီးလၢပကဆါဘၣ်ကဒီးပတၢ်အဂီၢ်ဆံးယံာ်မး မုၢ်အိၣ်ဘှံးနံၤကလဲၤပူၤကွံာ်လဲၣ်. အန့ၣ်တစုပကမၤအါထီၣ်တၢ်အပှ့ၤ, သူနီၣ်ဃီၣ်လီတၢ်, စီၤပီၢ်တတီလၢပ ကလီန့ၢ်ပှၤပှ့ၤတၢ်ဖိသ့ၣ်တဖၣ်န့ၣ်လီၤ.

လံာ်ဧၤမိၣ် 8:5 Iomraidhean Croise

လံာ်စီၤပၤခံဘ့ၣ်တဘ့ၣ် 4:23

အဝၤသံကွၢ်အီၤ, “ဘၣ်မနုၤလၢနကဘၣ်လဲၤတၢ်တနံၤအံၤန့ၣ်လဲၣ်. တနံၤအံၤတမ့ၢ်မုၢ်အိၣ်ဘှံးနံၤမ့ၢ်ဂ့ၤ, လါထီၣ်သီအနံၤအမူး မ့ၢ်ဂ့ၤန့ၣ်ဘၣ်.” ပိာ်မုၣ်န့ၣ်စံးဆၢအီၤ, “အတွးတအိၣ်ဘၣ်.”

လံာ်တၢ်ဟးထီၣ်ကွံာ် 31:13

“ပာ်စီဆှံမုၢ်အိၣ်ဘှံးအနံၤစီဆှံ, မုၢ်နံၤလၢယအိၣ်ဘှံး န့ၣ်တက့ၢ်. အဂ့ၢ်ဒ်အံၤ, တၢ်န့ၣ်မ့ၢ်တၢ်ပနီၣ်လၢသုဝဲဒီးယၤအဘၢၣ်စၢၤလၢ တၢ်ကဒုးနဲၣ်ဖျါထီၣ်လၢယၤ, ယွၤအံၤ, ယဒုးကဲထီၣ်သုလၢယပှၤဂီၢ်မုၢ်ခဲအံၤဒီးဆူညါအစိၤစိၤအဃၣ်ဃၣ်န့ၣ်လီၤ.

တၢ်ကတိၤဒိ. 11:1

ယွၤသးဟ့ပှၤလၢအသူစီၤပီၢ်လီတၢ်တဖၣ်လီၤ. မ့မ့ၢ်စီၤပီၢ်သၣ်အတီတဖၣ်န့ၣ်, မ့ၢ်အတၢ်သးခုလီၤ.

တၢ်ကတိၤဒိ. 16:11

ယွၤအဲၣ်ဒိးစီၤပီၢ်သၣ်ဒီးနီၣ်ဃီၣ်တၢ်တဖၣ်ကတီဝဲလိၤဝဲ, ဒီးကယဲၢ်တၢ်ဆါတၢ်ပှ့ၤကိးမံၤကအိၣ်ဒီးတၢ်စံၣ်ညီၣ်တီလီၤ.

တၢ်ကတိၤဒိ. 20:23

ယွၤသးဘၣ်အၢပှၤလၢအသူစီၤပီၢ်သၣ်ဒီးနီၣ်ဃီၣ်တၢ်တဖၣ်လၢ အတတီတလိၤန့ၣ်လီၤ.

လံာ်ယၡါယၤ 1:13

သုဟဲစိာ်သုတၢ်လုၢ်မၤဘူၣ်တဖၣ်န့ၣ်အဘျုးတအိၣ် ဘၣ်. တၢ်နၢမူတဖၣ်လၢသုဒွဲၣ်ထီၣ်အီၤန့ၣ်ယသးဘၣ် အၢဘၣ်သီအီၤလီၤ. သုလါထီၣ်သီအမူးတဖၣ်, သုမုၢ်အိၣ်ဘှံးအနံၤတဖၣ်ဒီးသုတၢ်ဘူၣ်တၢ်ဘါ အတၢ်ရ့လိာ်မုာ်လိာ်တဖၣ်, ယတူၢ်အီၤတပှဲၤဘၣ်. သုတၢ်ဒဲးဘးတၣ်မၤဟးဂီၤကွံာ်တၢ်န့ၣ်တဖၣ်ခဲလၢာ်လီၤ.

လံာ်ယၡါယၤ 58:13

ယွၤစံးဝဲ, “သုမ့ၢ်ပာ်မုၢ်အိၣ်ဘှံးနံၤလၢတၢ်စီဆှံဒီးတလူၤထွဲ သုတၢ်သးစဲဒၣ်ဝဲလၢမုၢ်နံၤအဝဲန့ၣ်, သုမ့ၢ်ပာ်လုၢ်ပာ်ပှ့ၤ ယမုၢ်နံၤစီဆှံဒီးယူးယီၣ်အီၤခီဖျိတၢ်တလဲၤတၢ်က့ၤတၢ်, တဖံးတၢ်မၤတၢ်မ့ၢ်ဂ့ၤ, တကတိၤဘၣ်တၢ်ကလီကလီလၢ မုၢ်နံၤန့ၣ်မ့ၢ်ဂ့ၤဘၣ်ဒီး,

လံာ်ဟိၤၡ့ 12:7

ယွၤစံးဝဲဒၣ်, “ကီၢ်အံၣ်စရ့လးအပှၤဂီၢ်မုၢ်တဖၣ်တတီတလိၤဘၣ် ဒ်သိးဒၣ်ပှၤကနၤဧၣ်ဖိတဖၣ်န့ၣ်လီၤ. အဝဲသ့ၣ်အဲၣ်ဒိးလီန့ၢ်အပှၤပှ့ၤတၢ်တဖၣ်လၢစီၤပီၢ်လီတၢ်န့ၣ် လီၤ.

လံာ်ဟိၤၡ့ 12:8

အဝဲသ့ၣ်စံးဝဲဒၣ်, ပထူးပတီၤ, ပမၤအါထီၣ်ပတၢ်စုလီၢ်ခီၣ်ခိၣ် လီၤ. ဒီးပှၤပာ်ဒ့ၣ်ပာ်ကမၣ်ပှၤလၢပထူးထီၣ်တီၤထီၣ်လၢတၢ် တတီတလိၤအပူၤတသ့နီတဂၤဘၣ်.

လံာ်တၢ်ဘူၣ်ထီၣ်ဘါထီၣ် 19:36

သုဘၣ်အိၣ်ဒီးနီၣ်ထိၣ်အတီအလိၤ, စီၤပီၢ်အတီအလိၤဒီးနီၣ်ဃီၣ်အတီအလိၤလီၤ. ယဲဒၣ်အံၤယမ့ၢ်ယွၤ, သုကစၢ်ယွၤလၢအထုးထီၣ်သုလၢကီၢ်အဲၤကူပတူးအပူၤန့ၣ်လီၤ.

လံာ်စကၤရယၤ 5:6

ယသံကွၢ်, “တၢ်န့ၣ်မ့ၢ်တၢ်မနုၤလဲၣ်.” အဝဲစံးဆၢယၤ, “တၢ်န့ၣ်မ့ၢ်ဃၤတဖျၢၣ်လၢအပာ်ဖျါထီၣ်ကီၢ်ဒီဘ့ၣ်ညါ အတၢ်ဒဲးဘးအခီပညီန့ၣ်လီၤ.”

လံာ်စကၤရယၤ 5:8

ကလူးစံးဝဲဒၣ်, “ပိာ်မုၣ်အံၤ, မ့ၢ်တၢ်အၢတၢ်သီလီၤ.” အန့ၣ်ဝံၤဒီးအဝဲဆီၣ်နုာ်လီၤပိာ်မုၣ်န့ၣ်ဆူဃၤအပူၤ ဒီးပာ်လီၤကဒါက့ၤဃၤအခိၣ်ကၢၢ်န့ၣ်လီၤ.

လံာ်မၤလကံ 1:13

သုစံး, ‘တၢ်ဘှံးပသးလၢတၢ်တဖၣ်အံၤအဃိဒိၣ်မးလဲၣ်,’ ဒီးသုတပာ်ကဲဘၣ်ယၤဘၣ်. သုဟဲစိာ်ဆၣ်ဖိကီၢ်ဖိလၢသုဟုၣ် န့ၢ်အီၤမ့ၢ်ဂ့ၤ, ဘၣ်ဆူးဘၣ်ဆါမ့ၢ်ဂ့ၤ, အစုအခီၣ်ဟးဂီၤမ့ၢ်ဂ့ၤ ဆူယအိၣ်လီၤ. မ့ၢ်သုဆိကမိၣ်လၢယကတူၢ်လိာ်တၢ်ဒ်န့ၣ် အသိးလၢသုအိၣ်ဧါ.

လံာ်တၢ်ဂံၢ် 10:10

ဒ်န့ၣ်အသိးလၢတၢ်သူၣ်ခုသးခုအကတီၢ်တဖၣ်လၢအမ့ၢ်, သုလါထီၣ်သီအမူးတဖၣ်ဒီးသုတၢ်ဘူၣ်တၢ်ဘါအမူးအဂၤတဖၣ်အခါ န့ၣ်, သုကဘၣ်အူထီၣ်ကွဲၤတဖၣ်န့ၣ်ဖဲသုဟ့ၣ်ထီၣ်သုတၢ်လုၢ်မ့ၣ် အူတဖၣ်ဒီးတၢ်လုၢ်မၤဃူမၤဖိးတဖၣ်အကတီၢ်န့ၣ်လီၤ. အန့ၣ်တစု, ယကမၤစၢၤသုလီၤ. ယဲဒၣ်အံၤယမ့ၢ်ယွၤ, သုကစၢ်ယွၤလီၤ.”

ကလီးစဲ 2:16

လၢတၢ်န့ၣ်အဃိတဘၣ်ပျဲပှၤနီတဂၤစံၣ်ညီၣ်တဲာ်န့ၢ်တၢ်လၢ နဂီၢ်ဘၣ်ဃးဒီးတၢ်လၢနအီၣ်နအီမ့ၢ်ဂ့ၤ, မုၢ်နံၤလီၤဆီလၢနံၣ် တနံၣ်အပူၤမ့ၢ်ဂ့ၤ, လါထီၣ်သီအမူးသးဖှံတဖၣ်မ့ၢ်ဂ့ၤ, အိၣ်ဘှံးအနံၤမ့ၢ်ဂ့ၤန့ၣ်တဂ့ၤ.

လံာ်စီၤၡမူၤအ့လးအခီၣ်ထံးတဘ့ၣ် 20:5

စီၤဒၤဝံးစံးဝဲ, “ခဲမုၢ်ဆ့ၣ်န့ၣ်မ့ၢ်လါထီၣ်သီအမူးဒီး ယကဘၣ်အီၣ်တၢ်ဒီးစီၤပၤလီၤ. ဘၣ်ဆၣ်ဒီးမ့ၢ်ဘၣ်သူၣ်ဘၣ်သးနၤန့ၣ်, ယကလဲၤအိၣ်ခူသူၣ်လၢပျီပူၤတုၤလၢခဲတဆ့ၣ်တနံၤမုၢ်ဟါလီၤန့ၣ်လီၤ.