လံာ်ဧၤမိၣ် 7:9 - Sgaw Karen Common Bible

⁹ တၢ်အလီၢ်တဖၣ်ဖဲစီၤအံၤစဲးအစၢၤအသွဲၣ်တဖၣ် ဘူၣ်ထီၣ်ဘါထီၣ်တၢ်န့ၣ်ကဘၣ်တၢ်မၤဟးဂီၤကွံာ်အီၤလီၤ. အံၣ်စရ့လးအတၢ်လီၢ်စီဆှံတဖၣ်ကဘၣ်တၢ် ပာ်တီၢ်ကွံာ်အီၤလၢတၢ်ဟးဂူာ်ဟးဂီၤအပူၤလီၤ. ယကမၤကတၢၢ်ကွံာ်စီၤပၤစီၤယၤရၤဘၣ်အပှၤဟံၣ်ဖိလီၤ.

လံာ်ဧၤမိၣ် 7:9 Iomraidhean Croise

လံာ်တၢ်ကဲထီၣ်အခီၣ်ထံး 46:1

စီၤယၤကိာ်ဘိၣ်ထီၣ်စှၢၤထီၣ်ကယဲၢ်တၢ်အိၣ်ဒီးအီၤခဲလၢာ်ဒီး လဲၤဝဲဆူဝ့ၢ်ဘ့ၢ်ၡဘၤ, ဖဲတၢ်လီၢ်လၢအလုၢ်ထီၣ်တ့ၢ်တၢ်လုၢ်တၢ်ပာ်တဖၣ်ဆူအပၢ်စီၤအံၤ စဲးအကစၢ်ယွၤအအိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 14:24

အဝဲမၤတ့ၢ်တၢ်ဒဲးဘးထီဒါယွၤ, ပိာ်ထွဲပှၤလၢအဝဲအမဲာ်ညါလၢ အမ့ၢ်စီၤနဘးအဖိခွါစီၤပၤယၤရၤဘၣ်အဒိအၢတဲာ်သီတဖၣ်လၢအ မ့ၢ်, တၢ်ဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ.

လံာ်ယၡါယၤ 63:18

ပဝဲနပှၤဂီၢ်မုၢ်, ဘၣ်တၢ်နီၣ်ဟးထီၣ်ကွံာ်အီၤလၢပဒုၣ်ပဒါတဖၣ် တစိၢ်တလီၢ်, အဝဲသ့ၣ်ယီၢ်တံၢ်လီၤနတၢ်လီၢ်စီဆှံလီၤ.

လံာ်ယံးရမံယၤ 51:51

သုစံးလၢ, ‘ပဘၣ်တၢ်ဒုၣ်ဒွဲၣ်ဒီး တၢ်မၤမဲာ်ဆှးတ့ၢ်ပှၤလီၤ. ပစုကတၢၢ်ခီၣ်ကတၢၢ်ဒီး မၤစၢၤလီၤပသးတဘၣ်, မ့ၢ်လၢပှၤတခီဘီမုၢ်ဖိတဖၣ် ဟံးန့ၢ်ကွံာ်တၢ်လီၢ်စီ ဆှံတဖၣ်လၢ ယွၤအတၢ်လုၢ်ဟံၣ်အပူၤလံအဃိန့ၣ်လီၤ.’

လံာ်ယဃ့းစက့လး 6:3

တဲဘၣ်ကီၢ်အံၣ်စရ့လးအကစၢၢ်ကလိတဖၣ်လၢကနၢ်ဟူယွၤအကလုၢ်, ကနၢ်ဟူတၢ်လၢယၤ, ယွၤပၢဘၣ်တၢ်ခဲလၢာ်ကစၢ်, စံးဘၣ်တဲဘၣ်ကစၢၢ်ကလိတဖၣ်, တၢ်လူၢ်တဖၣ်, တၢ်တြိတဖၣ်, ဒီးတၢ်တြီၤတဖၣ်န့ၣ်တက့ၢ်. ယကမၢလီၤနးတဘ့ၣ်လၢကမၤဟးဂီၤ တၢ်လီၢ်တဖၣ်ဖဲပှၤဂီၢ်မုၢ်ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ် န့ၣ်လီၤ.

လံာ်ဟိၤၡ့ 10:8

ဝ့ၢ်အၤဝ့ၣ်အတၢ်လီၢ်စီဆှံတဖၣ်လၢတၢ်လူၢ်ဒီခိၣ်ဖဲကီၢ် အံၣ်စရ့လးအပှၤဂီၢ်မုၢ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်, ကဘၣ်တၢ်မၤဟးဂီၤကွံာ်အီၤန့ၣ်လီၤ. တၤဆှုၣ်ဒီး နီၣ်တဖၣ်ကဒိၣ်ဘၢအဝဲသ့ၣ်အတၢ်လုၢ်လီၢ်တဖၣ်လီၤ. ပှၤဂီၢ်မုၢ်ကကိးသတြီထီၣ်ဆူကစၢၢ်တဖၣ်, “ပာ်တဒၢပှၤတက့ၢ်.” ဒီးဆူတၢ်လူၢ်တဖၣ်, “ပာ်ခူသူၣ်ပှၤတက့ၢ်” န့ၣ်လီၤ.

လံာ်ဧၤမိၣ် 3:14

မုၢ်တနံၤဖဲယစံၣ်ညီၣ်အံၣ်စရ့လးအပှၤဂီၢ်မုၢ်လၢအတၢ်ဒဲးဘး တဖၣ်န့ၣ်, ယကမၤဟးဂီၤကွံာ်တၢ်လုၢ်လီၢ်တဖၣ်လၢဘ့ၤသ့လးန့ၣ်လီၤ. ကယဲၢ်တၢ်လုၢ်လီၢ်အနၢၣ်ခဲလၢာ်ကကၢ်ကွံာ်ဝဲဒီးကလီၤ တဲာ်လၢဟီၣ်ခိၣ်လိၤန့ၣ်လီၤ.

လံာ်ဧၤမိၣ် 5:5

လဲၤဆူဝ့ၢ်ဘ့ၢ်ၡဘၤလၢတၢ်ဘူၣ်ထီၣ်ဘါထီၣ်အဂီၢ်တဂ့ၤ. ဂုာ်ကျဲးစၢးထံၣ်ယၤလၢဝ့ၢ်ဘ့ၤသ့လးတဂ့ၤ. ဝ့ၢ်ဘ့ၤသ့လးကကဲထီၣ်တၢ်ကလီကလီလီၤ. လဲၤဆူဝ့ၢ်ကံးလကၤလးတဂ့ၤ. အပှၤကလုာ်တဖၣ်ကဘၣ်တၢ်စံၣ်ညီၣ်ဃၣ်ကွံာ်ဆူတၢ်စိာ်မၢကဲကုၢ်အပူၤ န့ၣ်လီၤ.

လံာ်ဧၤမိၣ် 7:11

အဂ့ၢ်ဒ်အံၤ, စီၤဧၤမိၣ်စံးလၢစီၤယၤရၤဘၣ်ကသံလၢတၢ်ဒုးဒီးကီၢ်အံၣ်စရ့လး အပှၤဂီၢ်မုၢ်ကဘၣ် တၢ်စိာ်ထီၣ်ကွံာ်အီၤလၢအကီၢ်ဆူတၢ်မၢကဲကုၢ်အလီၢ်န့ၣ်လီၤ.

လံာ်ဧၤမိၣ် 7:13

မ့မ့ၢ်ဖဲဝ့ၢ်ဘ့ၤသ့လးအံၤကတိၤလၢၤတၢ်လၢဝံအကျိာ်နီတစု လၢၤတဂ့ၤ. တၢ်လီၢ်အံၤမ့ၢ်စီၤပၤဘူၣ်ထီၣ်ဘါထီၣ်တၢ်အလီၢ်, ဒီးထံကီၢ်အတၢ်လုၢ်ဟံၣ်လီၤ.

လံာ်ဧၤမိၣ် 8:14

ပှၤလၢအမၤတၢ်ဆိၣ်လၢကီၢ်ၡၤမရံအတၢ်ဂီၤတၢ်ဖီၣ်တဖၣ်အမဲာ်ညါဒီးစံး, “ပှၤဒၣ်ဖိအကစၢ်မူဝဲ,” ဒီး “ဝ့ၢ်ဘ့ၢ်ၡဘၤအကစၢ်မူဝဲ,” တဖၣ်န့ၣ်ကလီၤဃံၤဝဲဒီးတဂဲၤဆၢထၢၣ်ကဒါက့ၤလၢၤဘၣ်.

လံာ်ဧၤမိၣ် 9:1

ဒီးယထံၣ်ယွၤဆၢထၢၣ်လၢတၢ်လုၢ်လီၢ်အဃၢၤလီၤ. အဝဲဟ့ၣ်လီၤအကလုၢ်, တီၢ်တၢ်လုၢ်ဟံၣ်အထူၣ်ခိၣ်ထိးဆူၣ်ဆူၣ်ဒ်သိးအခီၣ်ထံးကဟူးဝး အဂီၢ်တက့ၢ်. မၤကၢ်ကွံာ်အီၤဒီးပျဲအလီၤတဲာ်လၢပှၤဂီၢ်မုၢ်အခိၣ်လိၤတ က့ၢ်. ယကမၤသံကွံာ်ပှၤအိၣ်လီၤတဲာ်တဖၣ်လၢတၢ်ဒုးအပူၤလီၤ. ပှၤဃ့ၢ်ပူၤဖျဲးတသ့နီတဂၤဘၣ်. ပှၤထူၣ်ဖျဲးတအိၣ်နီတဂၤဘၣ်.

လံာ်မံကၤ 1:5

တၢ်မၤအသးတဖၣ်အံၤခဲလၢာ်ကလၢထီၣ်ပှဲၤထီၣ်ဝဲလီၤ. အဂ့ၢ်ဒ်အံၤ, ပှၤအံၣ်စရ့လးဖိတဖၣ်မၤလံတၢ်ဒဲးဘးဒီးပူထီၣ်လံယွၤလံ. ပှၤအံၣ်စရ့လးဖိတဖၣ်ပူထီၣ်တၢ်န့ၣ်မ့ၢ်မတၤအတၢ်ကမၣ်လဲၣ်. မ့ၢ်ဒၣ်, ၡၤမရံဝ့ၢ်ခိၣ်အကစၢ်ဒၣ်အတၢ်ကမၣ်လီၤ. တၢ်ဘါတၢ်ဂီၤတၢ်ဖီၣ်လၢကီၢ်ယူဒၤအပူၤန့ၣ် မ့ၢ်မတၤအတၢ်ကမၣ်လဲၣ်. မ့ၢ်ဝ့ၢ်ယရူၤၡလ့ၣ်အနီၢ်ကစၢ်ဒၣ်ဝဲလီၤ.