လံာ်ဧၤမိၣ် 7:5 - Sgaw Karen Common Bible

⁵ တုၤနုၤတစုယစံး, ဆိတ့ၢ်လၢ်တက့ၢ်, တၢ်စိတၢ်ကမီၤခဲလၢာ်အယွၤဧၢ, နပှၤဂီၢ်မုၢ်မူဒံးဝဲကသ့ဒ်လဲၣ်. အဝဲသ့ၣ်မ့ၢ်ပှၤအဆံးဒီးပှၤအဂံၢ်စၢ်ဘါစၢ်ဒိၣ်မးလီၤ.

လံာ်ဧၤမိၣ် 7:5 Iomraidhean Croise

စံးထီၣ်ပတြၢၤ 85:4

တၢ်အုၣ်က့ၤခီၣ်က့ၤပှၤကစၢ်ယွၤဧၢ, ဒုးက့ၤကဒါက့ၤပှၤဆူ ပအိၣ်ပဆိးအလီၢ် ဆိကတီၢ်နတၢ်သးထီၣ်ပှၤန့ၣ်တက့ၢ်.

လံာ်ယၡါယၤ 1:9

ယွၤသ့တၢ်လၢာ်တဂၤမ့ၢ်တပျဲပှၤမူတ့ၢ်တနီၤဘၣ်ဒီး, ဝ့ၢ်ယရူၤၡလ့ၣ်ကဘၣ်တၢ်မၤဟးဂီၤတ့ၢ်အီၤလၢာ်လၢာ်ဆ့ ဆ့ဒ်ပှၤအိၣ်လၢဝ့ၢ်စဒိၣ်ဒီးဂမိရၤတဖၣ်အသိးန့ၣ်လီၤ.

လံာ်ယၡါယၤ 10:25

လၢတစိၢ်ဖိအတီၢ်ပူၤန့ၣ်, ယကမၤဝံၤယတၢ်စံၣ်ညီၣ်သု, ဝံၤဒီးယကမၤဟးဂီၤအဝဲသ့ၣ်လီၤ.

လံာ်ယံးရမံယၤ 30:19

ပှၤဂီၢ်မုၢ်လၢ အအိၣ်ဆိးဝဲဖဲန့ၣ်, ကသးဝံၣ်စံးထီၣ်ပတြၢၤတၢ်, အဝဲသ့ၣ်ကကိးထီၣ်တၢ်လၢ တၢ်သးခုအပူၤန့ၣ်လီၤ. လၢယတၢ်ဆိၣ်ဂ့ၤအဃိန့ၣ်, အဝဲသ့ၣ်ကအါထီၣ်ဝဲလၢ အနီၣ်ဂံၢ်, ယတၢ်ဆိၣ်ဂ့ၤ ကဟဲစိာ်န့ၢ်အဝဲသ့ၣ်လၢ တၢ်လၤကပီၤ န့ၣ်လီၤ.

လံာ်ယဃ့းစက့လး 9:8

ဖဲတၢ်မၤသံမၤဝီမၤဒံးအသးအဖၢမုၢ်န့ၣ်, ယအိၣ်ဖဲန့ၣ်ထဲတဂၤဧိၤလီၤ. ယထိၣ်လီၤဃံၤအီထီလာ်ယသးလၢဟီၣ်ခိၣ်လိၤဒီးကိးထီၣ်, “ယွၤပၢဘၣ်တၢ်ခဲလၢာ်ကစၢ်ဧၢ, မ့ၢ်နသးထီၣ်ဘၣ်မးဝ့ၢ်ယရူၤၡလ့ၣ် ထဲထဲအံၤတုၤဒၣ်လဲာ်နကမၤသံပှၤကိးဂၤဒဲးလၢအအိၣ်လီၤတဲာ် လၢကီၢ်အံၣ်စရ့လးအပူၤန့ၣ်ဧါ.”

လံာ်ယိၤအ့လး 2:17

မ်ပှၤလုၢ်တၢ်အခိၣ်လၢအမၤယွၤအတၢ် တဖၣ်ဟီၣ်လၢတၢ်လုၢ်လီၢ်ဒီးယွၤအတၢ်လုၢ်ဟံၣ်အကျဲစၢၤအဘၢၣ် စၢၤဒီးထုကဖၣ်ဒ်အံၤ, ယွၤဧၢ, သးကညီၤနပှၤဂီၢ်မုၢ်တက့ၢ်. မ်ပှၤကလုာ်ဂၤတဖၣ်အသုတသးဘၣ်အၢဒီး ဒုၣ်ဒွဲၣ်စံးအၢပှၤ လၢအတၢ်ကတိၤ, သုကစၢ်အိၣ်ဖဲလဲၣ်, န့ၣ်တဂ့ၤ.

လံာ်စကၤရယၤ 4:10

အဝဲသ့ၣ်အသးဟးဂီၤဝဲမ့ၢ်လၢတၢ်လဲၤထီၣ်လဲၤထီမၤအသးထဲ တဆံးတက့ၢ်အဃိန့ၣ်လီၤ. ဘၣ်ဆၣ်ဒီးအဝဲသ့ၣ်ကထံၣ်ဘၣ်စီၤစရူၤဘၤ ဘ့လးဘှီထီၣ်ဒံးတၢ်လုၢ်ဟံၣ်န့ၣ်, ဒီးအဝဲသ့ၣ်ကသူၣ်ဖှံသးညီ ဝဲလီၤ. ကလူးန့ၣ်စံးဘၣ်ယၤ, “မ့ၣ်အူဒၢနွံဖျၢၣ်န့ၣ်မ့ၢ်ယွၤအမဲာ်ချံ နွံဖျၢၣ်လၢအထံၣ်တၢ်လၢဟီၣ်ခိၣ်ဒီဘ့ၣ်ညါန့ၣ်လီၤ.”

လံာ်တၢ်ဂံၢ် 14:19

ဒီးခဲအံၤ, ယွၤဧၢ, လၢနတၢ်အဲၣ်လၢအလဲလိာ်ကွံာ်အသးတသ့ဘၣ် အတၢ်ဒိၣ်တၢ်မုၢ်အပူၤန့ၣ်, ယဃ့ကညးလၢပှၤဂီၢ်မုၢ်တဖုအံၤအတၢ်ဒဲးဘးန့ၣ်ပျၢ်ကွံာ်အီၤဒ် နပျၢ်တ့ၢ်လံအဝဲသ့ၣ်အတၢ်ကမၣ်စးထီၣ်လၢအဝဲသ့ၣ်ဟးထီၣ်တ့ၢ်လၢ ကီၢ်အဲၤကူပတူးအသိးန့ၣ်တက့ၢ်.”