လံာ်ဧၤမိၣ် 7:4 - Sgaw Karen Common Bible

⁴ ယအိၣ်ဒီးတၢ်ထံၣ်လၢညါခီအဂၤတမံၤလၢတၢ်စိတၢ်ကမီၤခဲလၢာ် အယွၤန့ၣ်လီၤ. လၢတၢ်ထံၣ်လၢညါခီအံၤအပူၤယထံၣ်အဝဲအိၣ်ကတဲာ်ကတီၤအသးလၢ ကစံၣ်ညီၣ်အပှၤဂီၢ်မုၢ်လၢမ့ၣ်အူန့ၣ်လီၤ. မ့ၣ်အူအီၣ်ကွံာ်တ့ၢ်ပီၣ်လဲၣ်ဖးဒိၣ်လၢအအိၣ်လၢဟီၣ်ခိၣ်အဖီလာ် ဒီးစးထီၣ်အီၣ်ဟီၣ်ခိၣ်န့ၣ်လီၤ.

လံာ်ဧၤမိၣ် 7:4 Iomraidhean Croise

လံာ်ယၡါယၤ 27:4

ယတသးဒိၣ်လၢၤစပံးအလီၢ်န့ၣ်လၢၤဘၣ်. တၤဆှုၣ်တၤမဲ မ့ၢ်အိၣ်ဝဲလၢယကဘၣ်မၤပျီကွံာ်အီၤဒီး, ယကဒွဲၣ်အူထီၣ်အီၤ လၢမ့ၣ်အူခဲလၢာ်လီၤ.

လံာ်ယံးရမံယၤ 21:12

“ဒိကနၣ်တၢ်လၢယၤ, ယွၤအံၤ, စံးဘၣ်သုန့ၣ်တက့ၢ်. မၤတၢ်လၢတၢ်စံၣ်ညီၣ်တီအပူၤကိးနံၤဒဲးတက့ၢ်. ဒီဒၣ်အိၣ်ပှိၤပှၤလၢ အဘၣ်တၢ်လီန့ၢ်အီၤတဂၤလၢပှၤလၢအလီအီၤတဂၤအစုပူၤန့ၣ်တက့ၢ်. သုမ့ၢ်တမၤဘၣ်ဒီး, တၢ်အၢလၢသုမၤအီၤန့ၣ်ကမၤကဲၤထီၣ်ယတၢ်သးဒိၣ် ဒီးကအီၣ်တၢ်ဒ်မ့ၣ်အူလၢတၢ်မၤလီၤပံာ်ကွံာ်အီၤတန့ၢ်ဘၣ်အသိး န့ၣ်လီၤ.

လံာ်ယံးရမံယၤ 4:4

သုဝဲကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တိၢ်န့ၢ်ဖံးဃာ် သုတၢ်အၢၣ်လီၤအီလီၤဒီးယၤ, သုယွၤ, ဒီးပာ်စီဆှံသုသးလၢ ယဂီၢ်တက့ၢ်, သုမ့ၢ်တမၤဒ်န့ၣ်ဘၣ်ဒီးလၢတၢ်အၢတၢ်သီတဖၣ် လၢသုမၤတ့ၢ်အဃိန့ၣ်, ယတၢ်သးဒိၣ်ကကဲၤထီၣ်ဒ်မ့ၣ်အူအသိးန့ၣ်လီၤ. ကအီၣ်တၢ်ဒီးပှၤကမၤလီၤပံာ်ကွံာ်အီၤတအိၣ်နီတဂၤဘၣ်.”

လံာ်ယဃ့းစက့လး 21:3

လၢတၢ်လၢယၤ, ယွၤစံးဝဲန့ၣ်တက့ၢ်, ယမ့ၢ်နဒုၣ်နဒါလီၤ. ယကထုးထီၣ်ယနးဒီးမၤသံကွံာ်ပှၤလၢအအိၣ်နပူၤခဲလၢာ်, ပှၤအဂ့ၤမ့ၢ်ဂ့ၤပှၤအအၢမ့ၢ်ဂ့ၤဒ်သိးသိးန့ၣ်လီၤ.

လံာ်ယိၤအ့လး 1:19

ယွၤဧၢ, ယကိးထီၣ်နၤလီၤ. အဂ့ၢ်ဒ်အံၤ, အီၣ်ဆၣ်အလီၢ်လါဟ့ဒီးသ့ၣ်တဖၣ်ဃ့ထီကွံာ် မၤအသးဒ်မ့ၣ်အူအီၣ်ကွံာ်အီၤအသိးန့ၣ်လီၤ.

လံာ်ယိၤအ့လး 2:30

လၢမုၢ်နံၤန့ၣ်ယကဟ့ၣ်တၢ်ဟ့ၣ်ပလီၢ်တဖၣ် အဂ့ၢ်လၢမူကပိာ်လိၤဒီးလၢဟီၣ်ခိၣ်ချၢန့ၣ်လီၤ. တၢ်ဂၢ်သွံၣ်ဂၢ်စီၤ, မ့ၣ်အူဒီးမ့ၣ်အူလုၣ်ခုၣ်ဒ်တၢ်အၢၣ်ကအိၣ်ဝဲဒၣ်န့ၣ်လီၤ.

လံာ်တၢ်ဘူၣ်ထီၣ်ဘါထီၣ် 10:2

ဒီးမ့ၣ်အူဟဲလီၤလၢယွၤအအိၣ်သတူၢ်ကလာ်ဒီးအီၣ်ကွံာ်အဝဲ သ့ၣ်တုၤအသံဝဲဖဲန့ၣ်လၢယွၤအမဲာ်ညါန့ၣ်လီၤ.

လံာ်ဧၤမိၣ် 1:4

မၤသးဒ်န့ၣ်ဒီးယဆှၢလီၤမ့ၣ်အူဆူနီလၢအဘၣ်တၢ်ဘှီအီၤလၢ စီၤပၤဃစ့လးအဖီခိၣ်ဒီးယကဒွဲၣ်အူကွံာ်စီၤပၤဘ့ၣ်ဟဒး အတိာ်ဧိၤတာ်ဧိၤတဖၣ်န့ၣ်လီၤ.

လံာ်ဧၤမိၣ် 1:7

မၤသးဒ်န့ၣ်ဒီးယကဆှၢလီၤမ့ၣ်အူဆူဝ့ၢ်ဂါစၤအခိၣ်ဒူတဖၣ် အလိၤဒီးဒွဲၣ်အူကွံာ်အတိာ်ဧိၤတာ်ဧိၤတဖၣ်န့ၣ်လီၤ.

လံာ်ဧၤမိၣ် 2:5

မၤသးဒ်န့ၣ်ဒီးယကဆှၢလီၤမ့ၣ်အူဆူကီၢ်ယူဒၤအဖီခိၣ်ဒီးဒွဲၣ်အူ ကွံာ်ဝ့ၢ်ယရူၤရှလ့ၣ်အတိာ်ဧိၤတာ်ဧိၤတဖၣ်န့ၣ်လီၤ.”

လံာ်ဧၤမိၣ် 4:11

ယမၤဟးဂီၤကွံာ်တ့ၢ်သုတနီၤနီၤဒ်ယမၤဟးဂီၤတ့ၢ်ဝ့ၢ်စဒိၣ် ဒီးဝ့ၢ်ဂမိရၤအသိးလီၤ. ဒီးသုဝဲလၢအမူတ့ၢ်တဖၣ်န့ၣ်လီၤဂာ်ဒ်သ့ၣ်မုၣ်ခံလၢတၢ်ထုး ထီၣ်ကွံာ်အီၤလၢမ့ၣ်အူအပူၤအသိးန့ၣ်လီၤ. ဘၣ်ဆၣ်ဒီးသုတဟဲက့ၤကဒါက့ၤဆူယအိၣ်ဘၣ်. ယွၤစံးဝဲဒၣ်.

လံာ်ဧၤမိၣ် 5:6

ဃုယွၤတက့ၢ်ဒီးသုကမူလီၤ. သုမ့ၢ်တဃုအီၤဘၣ်ဒီးအဝဲကမၤပျီကွံာ်သုဒ်မ့ၣ်အူအီၣ်ကွံာ်ကီၢ် အံၣ်စရ့လးအပှၤဂီၢ်မုၢ်အသိးန့ၣ်လီၤ. မ့ၣ်အူကအီၣ်ကွံာ်ဝ့ၢ် ဘ့ၤသ့လးအပှၤဂီၢ်မုၢ်, ဒီးပှၤလၢကမၤလီၤပံာ်ကွံာ်အီၤတအိၣ်နီတဂၤဘၣ်.

လံာ်ဧၤမိၣ် 7:1

ယအိၣ်ဒီးတၢ်ထံၣ်လၢညါခီလၢတၢ်စိတၢ်ကမီၤခဲလၢာ်အယွၤန့ၣ် လီၤ. လၢတၢ်ထံၣ်လၢညါခီအံၤအပူၤယထံၣ်ယွၤတ့လီၤဒွဲၣ်တဖုဖဲတၢ် ကူးန့ၢ်ဘုလီၢ်လၢစီၤပၤအဂီၢ်ဝံၤအလီၢ်ခံဒီးနီၣ်ဧိၤမံၤဧိၤမဲထီၣ် ကဒါက့ၤအကတီၢ်န့ၣ်လီၤ.

လံာ်ဧၤမိၣ် 7:7

ယအိၣ်ဒီးတၢ်ထံၣ်လၢညါခီအဂၤတမံၤလၢယွၤန့ၣ်လီၤ. လၢတၢ်ထံၣ်လၢညါခီအံၤအပူၤယထံၣ်ယွၤအိၣ်ဆၢထၢၣ်လၢတၢ်အဒူၣ် လၢဘၣ်တၢ်ထိၣ်အီၤလၢနီၣ်ထူၣ်ပျံၤဒီးဘှီတ့ၢ်အီၤတခါအကပၤ, အိၣ်ဒီးနီၣ်ထူၣ်ပျံၤတဘိလၢအစုပူၤလီၤ.

လံာ်မံကၤ 1:4

တုၤနုၤတစု, ဒ်ဃိးလၢအပှံၢ်လီၤဝဲလၢမ့ၣ်အူပူၤဒီးထံလၢ အယွၤလီၤဝဲလၢတၢ်လူၢ်ခိၣ်အသိးန့ၣ်ကစၢၢ်တဖၣ်ကပှံၢ်လီၤဝဲ ဒီးယွၤလီၤဝဲလၢကစၢၢ်ကဆူးပူၤလီၤ.

လံာ်နၤဃူၣ် 1:6

မ့ၢ်မတၤကွၢ်ဆၢၣ်မဲာ်အတၢ်သးထီၣ်ကန့ၢ်တဂၤလဲၣ်. ဒီးမ့ၢ်မတၤတူၢ်အတၢ်သးကဲၤထီၣ်ကကဲဝဲတဂၤန့ၣ်လဲၣ်. လူလီၤဝဲအတၢ်သးကဲၤထီၣ်, ဒီးလၢၢ်ဧိၤလ့ဧိၤကၢ်လီၤကလဲကွံာ်ဆူဖၣ်ကမူၣ်လၢအမဲာ်ညါလီၤ.

လံာ်တၢ်ဂံၢ် 16:35

အန့ၣ်ဒီးယွၤဆှၢလီၤမ့ၣ်အူတခါလၢအကပျီၤထီၣ်ဒီးအီၣ်ကွံာ် ပှၤအဂၤခံကယၤယဲၢ်ဆံလၢအဟ့ၣ်ထီၣ်တၢ်လုၢ်နၢမူန့ၣ်လီၤ.

လံာ်သိၣ်လီၤသီလီၤတၢ် 32:22

ယတၢ်သးဒိၣ်ကမၤသးဒ်မ့ၣ်အူကဲၤထီၣ် ဒီးအီၣ်ကွံာ်ကယဲၢ်တၢ်ခဲလၢာ်လၢဟီၣ်ခိၣ်အသိးန့ၣ်လီၤ. တၢ်န့ၣ်ကတုၤဃီၤဆူဟီၣ်ခိၣ်လာ်ဒီးအီၣ်လၢာ်ဂီၤကွံာ် ကစၢၢ်ကလိတဖၣ်အခီၣ်ထံးတဖၣ်န့ၣ်လီၤ.

ဧ့ၤဘြံၤ 1:7

ဘၣ်ဃးဒီးကလူးတဖၣ်န့ၣ်ကစၢ်ယွၤစံးဝဲ, “ကစၢ်ယွၤဒုးကဲထီၣ်အကလူးတဖၣ်လၢကလံၤ, ဒီးအခ့အပှၤလၢမ့ၣ်အူလၣ်တဖၣ်လီၤ.”

လံာ်လီၣ်ဖျါ 4:1

တၢ်န့ၣ်တဖၣ်အလီၢ်ခံန့ၣ်, ယအိၣ်ဒီးတၢ်ထံၣ်လၢညါခီအဂၤ တမံၤ, ဒီးထံၣ်ဘၣ်တြဲၤတဘ့ၣ်အိၣ်အိးထီၣ်အသးလၢမူခိၣ်န့ၣ်လီၤ. ဒီးတၢ်ကလုၢ်လၢအသီၣ်လီၤဂာ်ဒီးကွဲၤအသီၣ်, လၢယနၢ်ဟူဘၣ်တ့ၢ်ယဲအကတိၤတၢ်ဒီးယၤလၢအခီၣ်ထံးန့ၣ်စံးဝဲ, “ဟဲထီၣ်နဲဖဲအံၤ, ဒီးယကဒုးနဲၣ်နၤတၢ်လၢအကဘၣ်မၤအသးဖဲတၢ်တမံၤအံၤမၤ အသးဝံၤအလီၢ်ခံန့ၣ်လီၤ.”