လံာ်ဧၤမိၣ် 7:10 - Sgaw Karen Common Bible

¹⁰ ဒီးစီၤအမၤစယါ, ဝ့ၢ်ဘ့ၤသ့လးအပှၤလုၢ်တၢ်အခိၣ်ဆှၢလီၤတၢ် ကစီၣ်ဆူအံၣ်စရ့လးအစီၤပၤစီၤယၤရၤဘၣ်အအိၣ်ဒီးစံးဝဲဒၣ်, စီၤဧၤမိၣ်ကူၣ်ထီၣ်တၢ်အၢထီဒါနၤလၢအံၣ်စရ့လးဖိအကျါလီၤ. အတၢ်ကတိၤတဖၣ်ကမၤဟးဂီၤကွံာ်ထံကီၢ်န့ၣ်လီၤ.

လံာ်ဧၤမိၣ် 7:10 Iomraidhean Croise

လံာ်တၢ်ကဲထီၣ်အခီၣ်ထံး 37:8

အဒီပုၢ်ဝဲၢ်ခွါတဖၣ်သံကွၢ်ဝဲ, “နဆိကမိၣ်လၢနကကဲထီၣ်စီၤ ပၤတဂၤဒီးပၢပှၤန့ၣ်ဧါ”. ဒီးအဝဲသ့ၣ်သးဟ့အီၤအါထီၣ်မ့ၢ်လၢအတၢ်မံမီၢ်တဖၣ်ဒီးတၢ်လၢ အဝဲစံးတ့ၢ်ဘၣ်ထွဲဒီးအဝဲသ့ၣ်အဂ့ၢ်အဃိလီၤ.

လံာ်စီၤပၤအခီၣ်ထံးတဘ့ၣ် 13:33

ကီၢ်အံၣ်စရ့လးအစီၤပၤစီၤယၤရၤဘၣ်တဃၣ်ကဒါက့ၤဒံးဘၣ်အသး လၢအကျဲအၢကျဲသီတဖၣ်န့ၣ်ဘၣ်. မ့မ့ၢ်မၤထွဲဒံးတၢ်ဃုထၢပှၤလုၢ်တၢ်အခိၣ်တဖၣ်လၢပှၤပတီၢ်မုၢ် အဒူၣ်ဖိထၢဖိတဖၣ်အကျါ, ဒ်သိးကမၤတၢ်လၢတၢ်လုၢ်လီၢ်တဖၣ်လၢအဝဲဘှီထီၣ်တ့ၢ်ဝဲန့ၣ် လီၤ. ပှၤတဂၤလၢ်လၢ်လၢအသးအိၣ်ကဲထီၣ်ပှၤလုၢ်တၢ်အခိၣ်န့ၣ်အဝဲပာ်စီ ဆှံထီၣ်ဝဲဒ်ပှၤလုၢ်တၢ်အခိၣ်တဂၤအသိးန့ၣ်လီၤ.

လံာ်စီၤပၤအခီၣ်ထံးတဘ့ၣ် 18:17

ဖဲစီၤအၤဃာ်ထံၣ်ဘၣ်အီၤန့ၣ်အဝဲစံးဝဲ, “အိမ့ၢ်နၤ, ပှၤမၤကိၢ်မၤဂီၤတၢ်အဒိၣ်ကတၢၢ်လၢကီၢ်အံၣ်စရ့လးအပူၤန့ၣ်ဧါ.”

လံာ်ယံးရမံယၤ 18:18

အန့ၣ်ဒီးပှၤဂီၢ်မုၢ်စံးဝဲဒၣ်, “မ်ပမၤတၢ်တမံၤမံၤဘၣ်ဃး စီၤယံးရမံယၤတက့ၢ်. ထီဘိန့ၣ်ပှၤလုၢ်တၢ်အခိၣ်တဖၣ်လၢ ကသိၣ်လိပှၤမ့ၢ်ဂ့ၤ, ပှၤကူၣ်တၢ်သ့တဖၣ်လၢကဟ့ၣ်ကူၣ်ဟ့ၣ်ဖးပှၤမ့ၢ်ဂ့ၤ, ဒီးဝံတဖၣ်လၢကစံးဘၣ်တဲဘၣ်ပှၤလၢကစၢ်ယွၤအတၢ်ကစီၣ် မ့ၢ်ဂ့ၤန့ၣ်ကအိၣ်ဝဲလီၤ. မ်ပလိာ်ကွီၢ်ထီဒါအီၤဒီးတၢ်လၢ အစံးဝဲန့ၣ်, မ်ပသုတဒိကနၣ်တဂ့ၤ.”

လံာ်ယံးရမံယၤ 36:16

တုၤအဝဲဖးထီၣ်ဝဲဝံၤဒီး, အဝဲသ့ၣ်ကွၢ်လိာ်အမဲာ် တဂၤဒီးတဂၤ လၢတၢ်ပျံၤတၢ်ဖုအပူၤဒီး စံးဘၣ်စီၤ ဘၤရူး, “ပကဘၣ်ပာ်ဖျါတၢ်ဂ့ၢ်အံၤ ဆူစီၤပၤအအိၣ်လီၤ.”

လံာ်ယံးရမံယၤ 38:4

အန့ၣ်ဒီး, ပဒိၣ်ပပှၢ်တဖၣ် လဲၤဆူစီၤပၤအအိၣ်ဒီး စံးဝဲ, “ပှၤတဂၤအံၤ ကြၢးဘၣ်တၢ်မၤသံအီၤလီၤ. မ့ၢ်လၢအဝဲဒၣ် ကတိၤတၢ်ဒ်သိးအံၤအဃိန့ၣ်, အဝဲမၤလီၤမၢ်ကွံာ် ပှၤသုးဖိလၢအအိၣ်လၢ ဝ့ၢ်ပူၤတဖၣ် အတၢ်သးဒူန့ၣ်လီၤ. ဒီးအဝဲမၤတၢ်တမံၤအံၤဆူ ပှၤအဂၤခဲလၢာ်လၢ အအိၣ်လီၤ တဲာ်လၢ ဝ့ၢ်အံၤအပူၤန့ၣ်လီၤ. အဝဲတကျဲးစၢးမၤစၢၤပှၤဂီၢ်မုၢ် ဘၣ်. အဝဲအဲၣ်ဒိးမၤဘၣ်ဒိဘၣ်ထံး ထဲအဝဲသ့ၣ်တခီန့ၣ်လီၤ.”

လံာ်ဧၤမိၣ် 1:1

တၢ်တဖၣ်အံၤမ့ၢ်ပှၤကွၢ်သိစီၤဧၤမိၣ်လၢဝ့ၢ်တကိၤ, အတၢ်ကတိၤတဖၣ်န့ၣ်လီၤ. တချုးလၢဟီၣ်ခိၣ်ဟူးဝးဒံးဘၣ်ခံနံၣ်, ဖဲစီၤပၤဧူးစံယါမ့ၢ်ကီၢ်ယူဒၤအစီၤပၤဒီးစီၤယိၤအၣ်အဖိ ခွါစီၤယၤရၤဘၣ်မ့ၢ်ကီၢ်အံၣ်စရ့လးအစီၤပၤန့ၣ်, ကစၢ်ယွၤလီၣ်ဖျါထီၣ်ကယဲၢ်တၢ်အံၤခဲလၢာ်ဘၣ်ဃးဒီး ကီၢ်အံၣ်စရ့လးဆူစီၤဧၤမိၣ်န့ၣ်လီၤ.

လံာ်ဧၤမိၣ် 3:14

မုၢ်တနံၤဖဲယစံၣ်ညီၣ်အံၣ်စရ့လးအပှၤဂီၢ်မုၢ်လၢအတၢ်ဒဲးဘး တဖၣ်န့ၣ်, ယကမၤဟးဂီၤကွံာ်တၢ်လုၢ်လီၢ်တဖၣ်လၢဘ့ၤသ့လးန့ၣ်လီၤ. ကယဲၢ်တၢ်လုၢ်လီၢ်အနၢၣ်ခဲလၢာ်ကကၢ်ကွံာ်ဝဲဒီးကလီၤ တဲာ်လၢဟီၣ်ခိၣ်လိၤန့ၣ်လီၤ.

လံာ်ဧၤမိၣ် 5:10

သုဝဲသ့ၣ်အံၤ, သုသးဟ့ကယဲၢ်ပှၤလၢအတၤတၢ်တတီတလိၤဒီးကတိၤ တၢ်မ့ၢ်တၢ်တီလၢကွီၢ်ဘျီၣ်ပူၤန့ၣ်လီၤ.

လံာ်ဧၤမိၣ် 5:5

လဲၤဆူဝ့ၢ်ဘ့ၢ်ၡဘၤလၢတၢ်ဘူၣ်ထီၣ်ဘါထီၣ်အဂီၢ်တဂ့ၤ. ဂုာ်ကျဲးစၢးထံၣ်ယၤလၢဝ့ၢ်ဘ့ၤသ့လးတဂ့ၤ. ဝ့ၢ်ဘ့ၤသ့လးကကဲထီၣ်တၢ်ကလီကလီလီၤ. လဲၤဆူဝ့ၢ်ကံးလကၤလးတဂ့ၤ. အပှၤကလုာ်တဖၣ်ကဘၣ်တၢ်စံၣ်ညီၣ်ဃၣ်ကွံာ်ဆူတၢ်စိာ်မၢကဲကုၢ်အပူၤ န့ၣ်လီၤ.

လံာ်ဧၤမိၣ် 7:11

အဂ့ၢ်ဒ်အံၤ, စီၤဧၤမိၣ်စံးလၢစီၤယၤရၤဘၣ်ကသံလၢတၢ်ဒုးဒီးကီၢ်အံၣ်စရ့လး အပှၤဂီၢ်မုၢ်ကဘၣ် တၢ်စိာ်ထီၣ်ကွံာ်အီၤလၢအကီၢ်ဆူတၢ်မၢကဲကုၢ်အလီၢ်န့ၣ်လီၤ.

လံာ်မးသဲ 21:23

ယ့ၣ်ၡူးက့ၤကဒါက့ၤဆူတၢ်လုၢ်ဟံၣ်အပူၤ, ဒီးဖဲအဝဲသိၣ်လီၤသီလီၤတၢ်အဖၢမုၢ်န့ၣ်, ပှၤလုၢ်တၢ်အခိၣ်အဒိၣ်တဖၣ်ဒီးပှၤယူဒၤဖိကရၢအခိၣ်အနၢ်တဖၣ် ဟဲဆူအအိၣ်ဒီးသံကွၢ်အီၤ, “လၢနကမၤတၢ်တဖၣ်အံၤအဂီၢ်န့ၣ်, နန့ၢ်ဘၣ်တၢ်စိတၢ်ကမီၤဖဲလဲၣ်. မတၤတဂၤဟ့ၣ်စိဟ့ၣ်ကမီၤနၤလဲၣ်.”

လံာ်လူၤကၣ် 23:2

ဖဲအဝဲသ့ၣ်ပာ်တၢ်ကမၣ်လၢအဝဲဒၣ်အလိၤဒီးစံး, “ပဖီၣ်န့ၢ်ပှၤတဂၤအံၤလၢအဆှၢကမၣ်ပပှၤကလုာ်, တြီအဝဲသ့ၣ်လၢအသုတဟ့ၣ်တၢ်ခိတၢ်သွဲဆူစီၤပၤဖးဒိၣ် အအိၣ်တဂ့ၤ, ဒီးစံးလီၤအသးလၢအနီၢ်ကစၢ်ဒၣ်ဝဲမ့ၢ်ခရံာ်, စီၤပၤတဂၤန့ၣ်လီၤ.”

မၤတၢ် 24:5

ပထံၣ်ဘၣ်ပှၤတဂၤအံၤလၢအမ့ၢ်ပှၤမၤတံာ်တာ်တၢ်လၢ အလီၤပျံၤလီၤဖုးတဂၤန့ၣ်လီၤ. အဝဲဒုးအိၣ်ထီၣ်တၢ်တၢထီၣ်တၢလီၤလၢပှၤယူဒၤဖိတဖၣ် အသိးအကျါသကုၤဟီၣ်ခိၣ်ဒီဘ့ၣ်ညါဒီးမ့ၢ်ဝဲပှၤနစၤရ့းဖိကရၢ အခိၣ်တဂၤလီၤ.

မၤတၢ် 5:28

“ပမၤလိာ်သုသပှၢ်ပှၢ်လၢသုတဘၣ်သိၣ်လီၤသီလီၤတၢ်လၢပှၤ တဂၤအံၤအမံၤတဂ့ၤန့ၣ်လီၤ. ဘၣ်ဆၣ်ဒီး, ခဲအံၤသုမၤတ့ၢ်တၢ်မနုၤလဲၣ်. သုတၢ်သိၣ်လီၤသီလီၤန့ၣ်သုရၤလီၤအီၤပှဲၤလၢဝ့ၢ်ယရူၤၡလ့ၣ်အပူၤ ဒီးသုအဲၣ်ဒိးပာ်အဝဲဒၣ်အသွံၣ်လၢပလိၤန့ၣ်လီၤ.”

မၤတၢ် 7:54

ပှၤလၢအမ့ၢ်ကီၣ်ကးဖိတဖၣ်န့ၣ်, တုၤအနၢ်ဟူဘၣ်စီၤစတ့းဖၣ်အတၢ်စံးတၢ်ကတိၤတဖၣ်န့ၣ်ဒီး, အဝဲသ့ၣ်အသးဒိၣ်ထီၣ်ဒိၣ်ဒိၣ်ကလဲာ်, ဒီးအ့ၣ်စဃံးအမဲထီဒါ အီၤန့ၣ်လီၤ.