လံာ်ဧၤမိၣ် 6:9 - Sgaw Karen Common Bible

⁹ ဒီးပှၤပိာ်ခွါဆံဆဲၣ်ဂၤမ့ၢ်အိၣ်တီၢ်လၢဟံၣ်တဖျၢၣ်အပူၤဒီး ကသံဝဲဒၣ်န့ၣ်လီၤ.

လံာ်ဧၤမိၣ် 6:9 Iomraidhean Croise

လံာ်နီၢ်အ့ၤစတၢ် 5:11

အဝဲကတိၤဒိၣ်လီၤအသးလၢအဝဲသ့ၣ်အမဲာ်ညါဘၣ်ထွဲဒီးအဝဲ ထူးဝဲတီၤဝဲထဲလဲၣ်အဂ့ၢ်, အဖိခွါအိၣ်ပှံၤဂၤအဂ့ၢ်, စီၤပၤသုးထီထီၣ်အလီၢ်ဒ်လဲၣ်အဂ့ၢ် ဒီးအဝဲအကါဒိၣ်န့ၢ်ဒံးစီၤပၤအပဒိၣ်ပပှၢ်အဂၤထဲလဲၣ်အဂ့ၢ်န့ၣ်လီၤ.

လံာ်နီၢ်အ့ၤစတၢ် 9:10

လၢအမ့ၢ်စီၤဟးမဒၤသၤအဖိခွါစီၤဟၤမၣ်အဖိခွါ အဂၤတဆံန့ၣ်လီၤ. မ့မ့ၢ်အတၢ်ဖိတၢ်လံၤန့ၣ်တဘၣ်တၢ်ဂုာ်ဆူၣ်အီၤဘၣ်.

လံာ်စီၤယိၤဘး 1:19

ကွၢ်ကွၢ်ကလံၤမုၢ်ဖးဒိၣ်ဟဲဝဲလၢမဲးမုၢ်ခိၣ်ဒီးအူလီၤပှီၢ် ကွံာ်ဟံၣ်ဒီးပှၤခဲလၢာ်သံဝဲဒၣ်န့ၣ်လီၤ. ဒီးပှၤပူၤဖျဲးဒၣ်ထဲယၤတဂၤဧိၤလၢယကတဲဘၣ်နၤလီၤ.”

လံာ်စီၤယိၤဘး 1:2

အဝဲအိၣ်ဒီးအဖိခွါနွံဂၤဒီးအဖိမုၣ်သၢဂၤန့ၣ်လီၤ.

လံာ်စီၤယိၤဘး 20:28

ကယဲၢ်အဝဲအတၢ်ထူးတၢ်တီၤခဲလၢာ်ကဘၣ်တၢ်မၤဟးဂီၤကွံာ်လၢ ကစၢ်ယွၤအတၢ်သးထီၣ်အပူၤဒ်ထံဒိၣ်ခိၣ်ယွၤစိာ်ကွံာ်တၢ်အသိး န့ၣ်လီၤ.

စံးထီၣ်ပတြၢၤ 109:13

မ်အစၢၤအသွဲၣ်ဘၣ်တၢ်ဒီၣ်တဲာ်ကွံာ်အီၤ, မ်အမံၤဘၣ်တၢ်တြူာ်ကွံာ်အီၤလၢ ပှၤလၢခံတစိၤအကျါန့ၣ်တက့ၢ်.

လံာ်ယၡါယၤ 14:21

မ်တၢ်မၤသံတၢ်စးထီၣ်တက့ၢ်. စီၤပၤအံၤအဖိခွါတဖၣ်ကဘၣ် သံလၢအမိၢ်ပၢ်ဖံဖုတဖၣ်အတၢ်ဒဲးဘးအဃိလီၤ. အဝဲသ့ၣ်တပၢဘၣ်ဟီၣ်ခိၣ်ဒီးကးဘၢအီၤလၢဝ့ၢ်တဖၣ်နီတဂၤ နီတစုဘၣ်.”

လံာ်ယံးရမံယၤ 9:21

တၢ်သံဟဲဝဲခီဖျိပပဲတြီဖိတဖၣ် ဒီးဟဲနုာ်လီၤလၢပနူၢ်ဧိၤစီၤဧိၤတဖၣ်အပူၤန့ၣ်လီၤ. ဒီၣ်တဲာ်ကွံာ်လံဖိသၣ်တဖၣ်လၢကျဲဘိတဖၣ်အပူၤ ဒီးပိာ်ခွါသးစၢ်တဖၣ်လၢတၢ်ဆါတၢ်ပှ့ၤ အလီၢ်တဖၣ်လံ.

လံာ်ဧၤမိၣ် 5:3

တၢ်စိတၢ်ကမီၤခဲလၢာ်အယွၤစံးဝဲဒၣ်, ဝ့ၢ်တဝ့ၢ်လၢကီၢ်အံၣ်စရ့လးအပူၤ, ဆှၢထီၣ်အပှၤသုးဖိတကထိ, ဘၣ်ဆၣ်ဟဲက့ၤဒၣ်ထဲတကယၤဧိၤ, ဝ့ၢ်အဂၤတဝ့ၢ်ဆှၢထီၣ်ပှၤတကယၤ, ဘၣ်ဆၣ်ဟဲက့ၤဒၣ်ထဲအဂၤတဆံဧိၤန့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 2:33

သနာ်က့ဒီးယကပာ်တ့ၢ်ဒုးမူပှၤလီၤစၢၤလီၤသွဲၣ်လၢနၤတဖၣ် အကျါတဂၤလီၤ. အဝဲကမၤယတၢ်မၤဒ်ပှၤလုၢ်တၢ်အခိၣ်တဂၤအသိးလီၤ. ဘၣ်ဆၣ်ဒီးအဝဲဒၣ်အမဲာ်ကဘျီၣ်ဒီးအတၢ်မုၢ်လၢ်ခဲလၢာ်ကလီၤမၢ်ကွံာ် ဒီးကယဲၢ်နစၢၤနသွဲၣ်အဂၤခဲလၢာ်ကသံလၢတၢ်သံဆူၣ်သံစိး တမံၤန့ၣ်လီၤ.