လံာ်ဧၤမိၣ် 6:6 - Sgaw Karen Common Bible

⁶ သုအီစပံးထံလၢသလၢဖးဒိၣ်အပှဲၤ, ဒီးဖှူသိနၢမူအဂ့ၤကတၢၢ်, ဘၣ်ဆၣ်သုတသူၣ်အုးသးအုးဘၣ်လၢကီၢ်အံၣ်စရ့လးအတၢ်ဟးဂူာ်ဟး ဂီၤအဃိဘၣ်.

လံာ်ဧၤမိၣ် 6:6 Iomraidhean Croise

လံာ်တၢ်ကဲထီၣ်အခီၣ်ထံး 49:22

စီၤယိၤသးလီၤဂာ်ဒီးကသ့ၣ်ယီၤအရၢၢ်တဒုလၢထံထီၣ်ပၢၢ်တပူၤအ ဃၢၤ, ကသ့ၣ်ဖိအရၢၢ်တဒုလၢတၢ်လူၢ်တလူၢ်အဒီခိၣ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်နီၢ်အ့ၤစတၢ် 3:15

လၢစီၤပၤအကလုၢ်န့ၣ်တၢ်မၤလိာ်ဘၣ်တၢ်ရၤလီၤ အီၤလၢဝ့ၢ်ခိၣ်ဝ့ၢ်ၡူၡၣ်အပူၤဒီး, ပှၤဆှၢလံာ်ဖိတဖၣ်ဆှၢလီၤတၢ်ကစီၣ်ဆူကီၢ်တဖၣ်န့ၣ်လီၤ. စီၤပၤဒီးစီၤဟၤမၣ်ဆ့ၣ်နီၤဝဲဒီးအီတၢ်, ဖဲဝ့ၢ်ၡူၡၣ်ပှဲၤဝဲဒီး တၢ်သဘံၣ်ဘုၣ်ဒီးသူၣ်ကိၢ်သးဂီၤအခါန့ၣ်လီၤ.

လံာ်ယၡါယၤ 28:1

ကီၢ်အံၣ်စရ့လးအဘီအမုၢ်ဘၣ်တၢ်စံၣ်ညီၣ်ဃါမနၤလီၤ. အလၤကပီၤလီၤညွံးလီၤဘဲဝဲဒ်ဘဲခိၣ်ကွီၤဖီတဖၣ်လၢအအိၣ် ဝဲလၢခိၣ်နၢ်လၢအအီမူၤသံးတဖၣ်အခိၣ်လိၤအသိးန့ၣ်လီၤ. အဝဲသ့ၣ်အခိၣ်လၢအပာ်ထီၣ်ထီအသးတဖၣ်ဘၣ်တၢ်မၤနၢ မူနၢဆှီတ့ၢ်အီၤဂ့ၤမး, ဘၣ်ဆၣ်အဝဲသ့ၣ်မံလီၤဒၣ်ဖဲန့ၣ်လၢတၢ် မူၤသံမူၤဟါမၢ်အပူၤလီၤ.

လံာ်ယၡါယၤ 5:12

လၢသုတၢ်အီၣ်အမူးတဖၣ်အပူၤသုအိၣ်ဒီးတနၢ်သီတူၢ်, ဒၢဧိၤမိၤဧိၤ, ပံဧိၤတြၤဧိၤဒီးစပံးထံလီၤ. ဘၣ်ဆၣ်သုတနၢ်ပၢၢ်တၢ်လၢယွၤမၤဝဲန့ၣ်ဘၣ်.

လံာ်ယံးရမံယၤ 30:7

တၢ်လီၤပျံၤလီၤဖုးအမုၢ်တနံၤဟဲဝဲလံ. မုၢ်နံၤအဂၤတၢ်ထိၣ်သတြီဒီး အီၤတသ့ဘၣ်. မ့ၢ်တၢ်ဆၢကတီၢ်အကိၢ်အဂီၤလၢ ယပှၤဂီၢ်မုၢ်အဂီၢ်လီၤ. ဘၣ်ဆၣ် အဝဲသ့ၣ်ကအိၣ်မူလီၤတဲာ်ဒံးဝဲလီၤ.”

လံာ်ယဃ့းစက့လး 9:4

လဲၤခီဖျိဝ့ၢ်ယရူၤၡလ့ၣ်ဒီဝ့ၢ်ညါ, “ဒီးပာ်တၢ်ပနီၣ်တမံၤလၢ ပှၤကိးဂၤဒဲးအခိၣ်တိသၣ်အလိၤ, ပှၤတဖၣ်လၢအဘၣ်တၢ်ကိၢ်တၢ်ဂီၤဒီးဘၣ်ကီဘၣ်ခဲ, မ့ၢ်လၢတၢ်လီၤသးဘၣ်အၢတဖၣ်လၢတၢ်မၤတ့ၢ်အီၤလၢဝ့ၢ်ပူၤအဃိ န့ၣ်တက့ၢ်.”

လံာ်ဟိၤၡ့ 3:1

ယွၤစံးဘၣ်ယၤ, လဲၤကဒီးတက့ၢ်. ဒီးဒုးနဲၣ်နတၢ်အဲၣ်ဆူ ပိာ်မုၣ်တဂၤလၢအမၤတၢ်မၤကမၣ်မုၣ်ကမၣ်ခွါဒီးအတၢ်အဲၣ် တဂၤန့ၣ်တက့ၢ်. နဘၣ်အဲၣ်ဒံးဒၣ်အီၤဒ်ယအဲၣ်ကီၢ်အံၣ်စရ့လးအပှၤဂီၢ်မုၢ် ဖဲအဃၣ်ဃီၤအသးဆူကစၢ်အဂၤတဖၣ်ဒီးအဲၣ်ဒိးလဲၤစိာ်စပံးသၣ် အဃ့အတၢ်လုၢ်တဖၣ်ဆူတၢ်ဂီၤတၢ်ဖီၣ်တဖၣ်အအိၣ်အခါန့ၣ်လီၤ.

လံာ်ဧၤမိၣ် 2:8

လၢကယဲၢ်တၢ်ဘူၣ်တၢ်ဘါအလီၢ်တပူၤလၢ်လၢ်န့ၣ်ပှၤပိာ်ခွါတဖၣ်မံ လီၤလၢတၢ်ကူတၢ်သိးအဖီခိၣ်လၢအဟံးန့ၢ်ဝဲလၢပှၤ ဖှီၣ်ဖိယာ်ဖိအအိၣ်ဒ်တၢ်အုၣ်ကီၤလၢအဒ့ၣ်ကမၣ်အဂီၢ်လီၤ. လၢအဝဲသ့ၣ်အကစၢ်ယွၤအတၢ်လုၢ်ဟံၣ်အပူၤန့ၣ်အီဝဲစ ပံးထံလၢအဟံးန့ၢ်ဝဲလၢပှၤလိၢ်အဝဲသ့ၣ်အစ့တဖၣ်အအိၣ်လီၤ.

လံာ်ဧၤမိၣ် 4:1

ဒိကနၣ်တၢ်အံၤ, သုဝဲပိာ်မုၣ်တဖၣ်လၢကီၢ်ၡၤမရံလၢအဘီၣ်ထီၣ်လီၤဂာ်ဒ်ဘၤၡၣ် အဂီၤဖံးမိၢ်တဖၣ်လၢအဘၣ်တၢ်လုၢ်အီၣ်လုၢ်အီအီၤဂ့ၤဂ့ၤ ကလဲာ်အသိး, လၢအမၤတရီတပါပှၤဂံၢ်စၢ်ဘါစၢ်, မၤအၢမၤနးပှၤဖှီၣ်ဖိယာ်ဖိဒီးလၢအဃ့ကိၢ်ဃ့ဂီၤသုဝၤ တဖၣ်လၢကဟဲစိာ်ဒုးအီသုလၢစပံးထံသ့ၣ်ဧၢ,

လံာ်ယိၤဟၣ် 12:3

နီၢ်မၤရံဟံးန့ၢ်သိနၢမူလုၢ်ဒိၣ်ပှ့ၤဒိၣ်လၢတၢ်မၤန့ၢ်အီၤလၢနၢ်ဒူး အဂံၢ်ဒီပလီညါဒီးလူလီၤဝဲလၢယ့ၣ်ၡူးအခီၣ်အလိၤဒီး ထွါကွံာ်ဝဲလၢအခိၣ်သူလီၤ. သိနၢမူအံၤနၢမူထီၣ်ဝဲပှဲၤဟံၣ်ဒီ ဖျၢၣ်ညါန့ၣ်လီၤ.

ရိမ့ၤ 12:15

ပှၤလၢအသးခုတဖၣ်န့ၣ်သးခုဃုာ်ဒီးအီၤတက့ၢ်. ပှၤလၢအဟီၣ်တဖၣ်န့ၣ်ဟီၣ်ဃုာ်ဒီးအီၤတက့ၢ်.

1 ကရံၣ်သူး 12:26

နီၢ်ခိအက့ၢ်အဂီၤတမံၤမ့ၢ်တူၢ်ဘၣ်တၢ်ဒီး, က့ၢ်ဂီၤအဂၤခဲလၢာ်တူၢ်ဘၣ်ဃုာ်တၢ်ဒီးအီၤ, က့ၢ်ဂီၤတမံၤမ့ၢ်ဘၣ်တၢ်စံးထီၣ်ပတြၢၤအီၤဒီး က့ၢ်ဂီၤအဂၤတဖၣ်ခဲလၢာ်ဒိးန့ၢ်ဘၣ်ဃုာ်အဝဲဒၣ် အတၢ်သးခုလီၤ.

၁ တံၤမသ့း 5:23

တဘၣ်အီထဲထံတဂ့ၤ, မ့မ့ၢ်အီစပံးထံတဆံးတက့ၢ်လၢကမၤစၢၤ နကဖုအဂီၢ်, မ့ၢ်လၢနဆိးက့တလီၢ်လီၢ်အဃိန့ၣ်တက့ၢ်.