လံာ်ဧၤမိၣ် 6:4 - Sgaw Karen Common Bible

⁴ ပှၤလၢအမံလီၤလၢလီၢ်မံခးကဆီမဲတဖၣ်ဒီးစူၣ်လီၤအသးလၢ အလီၢ်ဖူကပုာ်တဖၣ်အဖီခိၣ်, ဒီးအီၣ်သိဖိအဘီၣ်ကတၢၢ်တဖၣ်လၢသိကရၢ, ဂီၤဖံးအဘီၣ်တဖၣ်လၢအကရၢၢ်ပူၤသ့ၣ်ဧၢ, သုဘၣ်အဖှီၣ်လီၤ.

လံာ်ဧၤမိၣ် 6:4 Iomraidhean Croise

လံာ်တၢ်ကဲထီၣ်အခီၣ်ထံး 37:25

ဖဲအဝဲသ့ၣ်အီၣ်တၢ်အခါန့ၣ်, သတူၢ်ကလာ်ထံၣ်ဃီၤပှၤယံးၡမၤဧ့လး ဖိတဖုလဲၤတၢ်လၢကီၢ်ကံးလဧးဆူကီၢ်အဲၤကူပတူးန့ၣ်လီၤ. အကီၤလၤအူးတဖၣ်ဘၣ်တၢ်ပဒၢးအီၤဒီးတၢ်နၢမူနၢဆှီတဖၣ်ဒီး စပံးသၣ်အဃ့တဖၣ်လီၤ.

လံာ်နီၢ်အ့ၤစတၢ် 1:6

စီၤပၤအတၤသၣ်လီၢ်အဂၢၤန့ၣ်ဘၣ်တၢ်ကယၢကယဲအီၤဒီးယၣ်ဘျးသဒၢ လၢအလါအဲးဒီးအဝါတဖၣ်လၢတၢ်စၢဃာ်အီၤဒီးပျံၤဂီၤလုးတ ကုာ်, ဒီးဘျးလီၤအီၤလၢကွီၤစ့လၢအအိၣ်လၢထူၣ်လၢၢ်ဝါ, အလိၤန့ၣ်လီၤ. လီၢ်မံခးထူဒီးစ့တဖၣ်ဘၣ်တၢ်ပာ်အီၤလၢဂၢၤလၢ အဘၣ်တၢ်ဒါလီၤအီၤဒီးလၢၢ်ဘဟး, လၢၢ်ဝါ, လၢၢ်ဒၢ်ဒီးလၢၢ်သူတဖၣ်အပူၤန့ၣ်လီၤ.

စံးထီၣ်ပတြၢၤ 73:7

အဝဲသ့ၣ်အသးတဖၣ်လူလီၤတၢ်အၢတၢ်သီ, ဒီးအသးအတၢ်ဆိကမိၣ်တဖၣ်အါဝဲဒၣ်လၢ တၢ်ကူၣ်ထီၣ်ဖးလီၤအအၢအသီတဖၣ်န့ၣ်လီၤ.

လံာ်ယၡါယၤ 22:13

အခိၣ်တလိၣ်, သုနံၤသုအ့ဒီးမၤတ့ၢ်မူးသးခုလီၤ. သုမၤသံသိဒီးဂီၤဖံးလၢသုကအီၣ်တၢ်အဂီၢ်ဒီးသုအီစပံးထံန့ၣ်လီၤ. သုစံး, “ဂ့ၤပအီၣ်သကိးအီသကိးတခီလီၤ. ခဲဂီၤကိာ်န့ၣ်, ပကသံပဝဲလီၤ.”

လံာ်ယၡါယၤ 28:1

ကီၢ်အံၣ်စရ့လးအဘီအမုၢ်ဘၣ်တၢ်စံၣ်ညီၣ်ဃါမနၤလီၤ. အလၤကပီၤလီၤညွံးလီၤဘဲဝဲဒ်ဘဲခိၣ်ကွီၤဖီတဖၣ်လၢအအိၣ် ဝဲလၢခိၣ်နၢ်လၢအအီမူၤသံးတဖၣ်အခိၣ်လိၤအသိးန့ၣ်လီၤ. အဝဲသ့ၣ်အခိၣ်လၢအပာ်ထီၣ်ထီအသးတဖၣ်ဘၣ်တၢ်မၤနၢ မူနၢဆှီတ့ၢ်အီၤဂ့ၤမး, ဘၣ်ဆၣ်အဝဲသ့ၣ်မံလီၤဒၣ်ဖဲန့ၣ်လၢတၢ် မူၤသံမူၤဟါမၢ်အပူၤလီၤ.

လံာ်ယံးရမံယၤ 16:8

လဲၤနုာ်လၢဟံၣ်တဖျၢၣ်ဖဲပှၤဂီၢ်မုၢ်အီၣ်တၢ်အီတၢ်န့ၣ်တဂ့ၤ. ဆ့ၣ်နီၤဃုာ်ဒီးအဝဲသ့ၣ်လၢနကအီၣ်တၢ်အီတၢ်အဂီၢ်တဂ့ၤ.

လံာ်ယဃ့းစက့လး 16:49

အဝဲဒီးအဖိမုၣ်တဖၣ်ပာ်ထီၣ်ထီအသးမ့ၢ်လၢအဝဲသ့ၣ်အိၣ်ဒီး တၢ်လၢကအီၣ်ဝဲအါအါဂီၢ်ဂီၢ်, ဒီးအိၣ်ဆိးဝဲလၢတၢ်ဃူတၢ်ဖိးဒီးတၢ်ဘှ့ၣ်တၢ်ဘှီၣ်အပူၤအဃိ, ဘၣ်ဆၣ်ဒီးအဝဲသ့ၣ်တကဟု ကယာ်ပှၤဖှီၣ်ဖိယာ်ဖိပှၤအစုတတုၤလီၤအခီၣ်တတုၤလီၤတဖၣ်န့ၣ်ဘၣ်.

လံာ်ယဃ့းစက့လး 23:41

အဝဲသ့ၣ်ကဆ့ၣ်နီၤလၢလီၢ်ဆ့ၣ်နီၤဃံလၤတဖျၢၣ်အလိၤဒီးလၢအဝဲ သ့ၣ်အမဲာ်ညါန့ၣ်, ကအိၣ်ဒီးစီၤနီၤခိၣ်တဖျၢၣ်လၢအပှဲၤဝဲဒီးတၢ်အဂ့ၤ တဖၣ်လၢအအိၣ်ဃုာ်ဒီးတၢ်နၢမူဒီးသ့ၣ်စၤယံးအသိလၢယဟ့ၣ်တ့ၢ် အဝဲသ့ၣ်န့ၣ်လီၤ.

လံာ်ဧၤမိၣ် 3:12

ယွၤစံးဝဲဒၣ်, “ဒ်ပှၤကွၢ်သိဂုာ်န့ၢ်က့ၤသိဖိအခီၣ်ခံခီမ့ၢ်ဂ့ၤအနၢ်တစဲး မ့ၢ်ဂ့ၤလၢခ့ယုၢ်အထးခိၣ်အသိးန့ၣ်, အံၣ်စရ့လးအဖိတဖၣ် လၢအအိၣ်လၢကီၢ်ၡၤမရံအပူၤန့ၣ်ကဘၣ်တၢ်မၤပူၤဖျဲး အီၤထဲသိးဒၣ်လီၢ်မံခးအခီၣ်ခံခီဒီးလီၢ်ဆ့ၣ်နီၤအက့အခီဖိဧိၤလီၤ.

လံာ်ဧၤမိၣ် 8:3

လၢမုၢ်တနံၤန့ၣ်တၢ်သးဝံၣ်တဖၣ်လၢနူၢ်ဧိၤစီၤဧိၤ အပူၤကကဲထီၣ်တၢ်သူၣ်အုးသးအုးအတၢ်ဟီၣ်တၢ်ယၢၤတဖၣ်န့ၣ်လီၤ. တၢ်သံစိၣ်တဖၣ်ကအိၣ်လၢတၢ်လီၢ်ကိးပူၤဒဲး, ဒီးကဘၣ်တၢ်စူးကွံာ်အီၤကစုဒုန့ၣ်လီၤ.

လံာ်မံကၤ 6:12

သုပှၤထူးပှၤတီၤတဖၣ်န့ၣ်ဃုဆူၣ်အဘျုး လၢပှၤဖှီၣ်ဖိယာ်ဖိအဖီခိၣ်ဒီးသုဝဲခဲလၢာ် သုမ့ၢ်ပှၤလီတၢ်ဖိတဖၣ်လီၤ.

လံာ်လူၤကၣ် 16:19

“တဘျီန့ၣ်, ပှၤထူးပှၤတီၤအိၣ်ဝဲတဂၤလၢအကူအသိးတၢ်ကူတၢ်ကၤအပှ့ၤဒိၣ်ကတၢၢ် တဖၣ်ဒီးမုာ်လၤဝဲလၢတၢ်အီၣ်အမူးဖးဒိၣ်အပူၤကိးနံၤဒဲးလီၤ.

ယၤကိာ် 5:5

သုတၢ်အိၣ်မူလၢဟီၣ်ခိၣ်အံၤပှဲၤဒီးဟီၣ်ခိၣ်အတၢ်မုာ်တၢ် ပၢၤဒီးအတၢ်မုာ်လၤသးဖှံလီၤ. သုမၤဘီၣ်ထီၣ်သိထီၣ်သုသးလၢတၢ်မၤသံသုအမုၢ်တနံၤ အဂီၢ်လီၤ.