လံာ်ဧၤမိၣ် 6:14 - Sgaw Karen Common Bible

¹⁴ ယွၤ, သ့တၢ်လၢာ်ကစၢ်ယွၤအနီၢ်ကစၢ်ဒၣ်ဝဲစံးဝဲဒၣ်, ကီၢ်အံၣ်စရ့လးအပှၤဂီၢ်မုၢ်ဧၢ, ယကဆှၢလီၤထံဂၤကီၢ်ဂၤ အသုးမုၢ်တဖုလၢကမၤနၢၤသုထံသုကီၢ်လီၤ. ဒီးကမၤအၢမၤနးသု စးထီၣ်လၢတၢ်လဲၤနုာ်ဆူဝ့ၢ်ဃမါသးအကျဲစၢၤလၢကလံၤစိးတုၤ ဆူပီၣ်လဲၣ်သံလၢကလံၤထံးတကပၤန့ၣ်လီၤ.

လံာ်ဧၤမိၣ် 6:14 Iomraidhean Croise

လံာ်စီၤပၤအခီၣ်ထံးတဘ့ၣ် 8:65

ဖဲန့ၣ်လၢယွၤအတၢ်လုၢ်ဟံၣ်န့ၣ်, စီၤၡလိၤမိၤဒီးကယဲၢ်ကီၢ်အံၣ် စရ့လးအပှၤဂီၢ်မုၢ်ခဲလၢာ်မၤဝဲဘူၣ်ဒဲလၢနွံသီအတီၢ်ပူၤ န့ၣ်လီၤ. ဖဲန့ၣ်, ပှၤဂီၢ်မုၢ်ဖးဒိၣ်အိၣ်ဝဲလၢအဟဲဝဲ, ယံၤမးလၢတၢ်လဲၤနုာ်ဆူဝ့ၢ်ဃမါသးဒီးလၢအဲၤကူပတူးအကီၢ် အဆၢလၢကလံၤထံးတခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:25

အဝဲဒုးန့ၢ်ကဒါက့ၤကယဲၢ်လီၢ်ကဝီၤလၢအဘၣ်ဃးဒီးကီၢ်အံၣ်စရ့ လးခဲလၢာ်, စးထီၣ်လၢတၢ်လဲၤနုာ်ဆူဝ့ၢ်ဃမါသးလၢကလံၤစိးတခီတုၤလၢ ပီၣ်လဲၣ်သံလၢကလံၤထံးတခီန့ၣ်လီၤ. အအံၤမ့ၢ်တၢ်လၢယွၤ, အံၣ်စရ့လးအကစၢ်ယွၤအၢၣ်လီၤတ့ၢ်ဝဲခီဖျိအဝဲအခ့အပှၤဝံယိၤနါ, လၢအမ့ၢ်စီၤအမံးတဲၤအဖိခွါလၢဝ့ၢ်ကၤသးဃ့ဖ့ၢ်တခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 17:6

လၢအမ့ၢ်စီၤဟိၤၡ့ပၢတၢ်ခွံနံၣ်တနံၣ်န့ၣ်, ကီၢ်အၤၡူၢ်အစီၤပၤဖးဒိၣ်မၤန့ၢ်ၡၤမရံဒီးစိာ်ထီၣ်ကွံာ်ပှၤ အံၣ်စရ့လးဖိတဖၣ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ်အသိး, ဒီးပာ်လီၤအဝဲသ့ၣ်ပှၤတနီၤလၢဝ့ၢ်ဃၤလၤအပူၤ, တနီၤဘူးဒီးထံကျိဃၤဘိၢ်လၢကီၢ်ဆၣ်ကိစၣ်အပူၤ, ဒီးတနီၤလၢကီၢ်မံးဒယၣ်အဝ့ၢ်တဖၣ်အပူၤန့ၣ်လီၤ.

လံာ်ယၡါယၤ 7:20

ဖဲတၢ်ဆၢကတီၢ်အဝဲန့ၣ်တုၤဃီၤဝဲဒီး, ယွၤကဒိးလဲပှၤတံာ်ခိၣ် သူတဂၤလၢထံကျိဖရၤသးဝၢ်ဘးခီတခီ, လၢအမ့ၢ်ဝဲကီၢ်အၤၡူၢ် အစီၤပၤ, ဒီးအဝဲကလူၤကွံာ်သုခၣ်ဆူၣ်, ဒီးသုခိၣ်သူလၢ သုခိၣ်တဖၣ်အလိၤ, ဒီးသုဆူၣ်လၢသုနီၢ်ခိတဖၣ်အလိၤလီၤ.

လံာ်ယဃ့းစက့လး 47:20

ပီၣ်လဲၣ်ဖးဒိၣ်မဲးဒံးထၢၣ်ရ့နယၢၣ်မ့ၢ်မုၢ်နုာ်ကီၢ်ဆၢဒီးလဲၤဝဲဆူကလံၤစိး တကပၤတုၤဆူတၢ်လီၢ်တတီၤလၢအအိၣ်လၢဝ့ၢ်ဃမါသးအကျဲ မုၢ်နုာ်တကပၤန့ၣ်လီၤ.

လံာ်ဟိၤၡ့ 10:5

ပှၤဂီၢ်မုၢ်လၢအအိၣ်လၢဝ့ၢ်ၡၤမရံကပျံၤတၢ်ဖုးတၢ်ဒီး ကသူၣ်အုးသးအုးလၢဂီၤဖံးထူအတၢ်လီၤမၢ်ကွံာ်လၢဝ့ၢ် ဘ့ၤသ့လးအဃိန့ၣ်လီၤ. အဝဲသ့ၣ်ဒီးပှၤလုၢ်တၢ်အခိၣ်တဖၣ်လၢအမၤတၢ်လၢတၢ်ဂီၤတၢ်ဖီၣ် အဂီၢ်ကဟီၣ်တၢ်ယၢၤတၢ်လၢအဃိန့ၣ်လီၤ. အဝဲသ့ၣ်ကဟီၣ်တၢ်ယၢၤတၢ်ဖဲထူကပြုၢ်ကပြီၤတဖၣ်ဘၣ်တၢ်အိးကွံာ် အီၤအခါန့ၣ်လီၤ.

လံာ်ဧၤမိၣ် 3:11

မၤသးဒ်န့ၣ်ဒီးဒုၣ်ဒါတဖုကကဝီၤဃာ်အထံအကီၢ်, ကမၤဟးဂီၤကွံာ်အပှၤခိးတြီတၢ်တဖၣ်, ဒီးဂုာ်ဆူၣ်ပျီဆူၣ်ကွံာ်အဟံၣ်အဃီတဖၣ်န့ၣ်လီၤ.”