လံာ်ဧၤမိၣ် 5:9 - Sgaw Karen Common Bible

⁹ အဝဲဒုးလီၤဘၣ်တၢ်ဟးဂီၤလၢပှၤအဂံၢ်ဆူၣ်ဘါဆူၣ်ဒီးအတိာ်ဧိၤ တာ်ဧိၤတဖၣ်အဖီခိၣ်လီၤ.

လံာ်ဧၤမိၣ် 5:9 Iomraidhean Croise

လံာ်စီၤပၤခံဘ့ၣ်တဘ့ၣ် 13:17

ဝံၤဒီးဒ်ဝံသိၣ်လိနဲၣ်ယုၤအီၤအသိးန့ၣ်, စီၤပၤအိးထီၣ်ပဲတြီ လၢအကွၢ်ဆၢညါတၢ်ဆူကီၢ်စူၤရံန့ၣ်လီၤ. စီၤအလံၤၡါဟ့ၣ်လီၤအကလုၢ်, “ခးပျၢ်န့ၣ်တက့ၢ်.” ဖဲစီၤပၤခးပျၢ်တဘျီဃီန့ၣ်, ဝံစံးဝဲဒၣ်, “နမ့ၢ်ယွၤအပျၢ်လၢအဝဲကမၤနၢၤကွံာ်ကီၢ်စူၤရံခီဖျိနၤန့ၣ်လီၤ. နကဒုးတၢ်ဒီးပှၤစူၤရံဖိတဖၣ်ဖဲဝ့ၢ်အဖ့း, တုၤနမၤနၢၤကွံာ်အဝဲသ့ၣ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 13:25

အန့ၣ်ဝံၤဒီးကီၢ်အံၣ်စရ့လးအစီၤပၤယိၤအၣ်မၤနၢၤကွံာ်စီၤ ဘ့ၣ်ဟဒးသၢဘျီ, ဒီးမၤန့ၢ်က့ၤဝ့ၢ်တဖၣ်လၢစီၤဘ့ၣ်ဟဒးဟံးန့ၢ်ကွံာ်ဝဲ, ဖဲစီၤယဟိအါဃးလၢအမ့ၢ်စီၤယိၤအၣ်အပၢ်ပၢတၢ်အခါန့ၣ်လီၤ.

လံာ်ယၡါယၤ 29:5

ဝ့ၢ်ယရူၤၡလ့ၣ်ဧၢ, ကယဲၢ်ပှၤတခီဘီမုၢ်ဖိခဲလၢာ်လၢအဟဲထီၣ် ဒုးနၤန့ၣ်ကဘၣ်တၢ်အူဒံဖျိးကွံာ်အီၤဒ်ဖၣ်ကမူၣ်ဖၣ်ဆါအသိးဒီး အဝဲသ့ၣ်အသုးမုၢ်သံၣ်ဘိလၢအပျံၤတၢ်ဖုးတၢ်တဖၣ်ဒံကွံာ်ဖျိး ကွံာ်ဝဲဒ်ဘုလီၢ်အသိးန့ၣ်လီၤ. သတူၢ်ကလာ်ဒီးလၢတၢ်တမုၢ်လၢ် အပူၤန့ၣ်, ယွၤသ့တၢ်လၢာ်ကမၤပူၤဖျဲးသုခီဖျိလီသီၣ်လီသဲဒီး ဟီၣ်ခိၣ်ဟူးဝးတဖၣ်န့ၣ်လီၤ.

လံာ်ယံးရမံယၤ 37:10

သုမ့ၢ်မၤနၢၤကွံာ်ပှၤဘၤဘူၤလိၣ်အသုးမုၢ်ဒီဖုညါတုၤလၢ အဝဲသ့ၣ်အဒဲတဖၣ်အပူၤအိၣ်မံလီၤတ့ၢ်ဒၣ်ထဲ ပှၤလၢအဘၣ်ဒိ ဘၣ်ထံးတဖၣ်ဧိၤဒၣ်လဲာ်န့ၣ်, ပှၤတဖၣ်န့ၣ်ကဂဲၤဆၢထၢၣ်ဒံးဝဲ ဒီးဒွဲၣ်အူထီၣ်ဝ့ၢ်အံၤလၢ မ့ၣ်အူလၢာ်လၢာ်ဆ့ဆ့န့ၣ်လီၤ.”

လံာ်ဧၤမိၣ် 2:14

ပှၤလၢအဃ့ၢ်တၢ်ချ့တဖၣ်ဒၣ်လဲာ်တပူၤဖျဲးဘၣ်. ပှၤဂံၢ်ဆူၣ်ဘါဆူၣ်တဖၣ်အဂံၢ်အဘါကလၢာ်ကွံာ် ဝဲဒီးပှၤသုးဖိတဖၣ်အုၣ်က့ၤခီၣ်က့ၤအသးသမူတန့ၢ်ဘၣ်.

လံာ်မံကၤ 5:11

ယကမၤဟးဂီၤကွံာ်ဝ့ၢ်ဒိၣ်ဝ့ၢ်ထီတဖၣ်လၢသုကီၢ်ပူၤ ဒီးမၤလီၤပှီၢ်ကွံာ်သုတိာ်ဧိၤတာ်ဧိၤခဲလၢာ်လီၤ.

ဧ့ၤဘြံၤ 11:34

မၤလီၤပံာ်ကွံာ်မ့ၣ်အူလၢအအီၣ်တၢ်ဆူၣ်ဆူၣ်ကလဲာ်, ပူၤဖျဲးထီၣ်လၢနးအကနၣ်န့ၣ်လီၤ. လၢတၢ်ဂံၢ်စၢ်ဘါစၢ်အပူၤန့ၣ်အဂံၢ်အဘါဆူၣ်ထီၣ်ဝဲ, ကဲထီၣ်လၢပှၤဂံၢ်ဆူၣ်ဘါဆူၣ်လၢတၢ်ဒုးတၢ်ယၤ အပူၤဒီးမၤနၢၤမၤဃၣ်ကွံာ်ပှၤတခီဘီမုၢ်ဖိအသုးမုၢ်သံၣ်ဘိ တဖၣ်လီၤ.