လံာ်ဧၤမိၣ် 5:5 - Sgaw Karen Common Bible

⁵ လဲၤဆူဝ့ၢ်ဘ့ၢ်ၡဘၤလၢတၢ်ဘူၣ်ထီၣ်ဘါထီၣ်အဂီၢ်တဂ့ၤ. ဂုာ်ကျဲးစၢးထံၣ်ယၤလၢဝ့ၢ်ဘ့ၤသ့လးတဂ့ၤ. ဝ့ၢ်ဘ့ၤသ့လးကကဲထီၣ်တၢ်ကလီကလီလီၤ. လဲၤဆူဝ့ၢ်ကံးလကၤလးတဂ့ၤ. အပှၤကလုာ်တဖၣ်ကဘၣ်တၢ်စံၣ်ညီၣ်ဃၣ်ကွံာ်ဆူတၢ်စိာ်မၢကဲကုၢ်အပူၤ န့ၣ်လီၤ.

လံာ်ဧၤမိၣ် 5:5 Iomraidhean Croise

လံာ်တၢ်ကဲထီၣ်အခီၣ်ထံး 21:31

လၢတၢ်န့ၣ်အဃိ, တၢ်လီၢ်အံၤဘၣ်တၢ်ကိးအီၤလၢဘ့ၢ်ၡဘၤ, မ့ၢ်လၢအဝဲသ့ၣ်ခံဂၤမၤတၢ်အၢၣ်လီၤအီလီၤဖဲန့ၣ်အဃိလီၤ.

လံာ်တၢ်ကဲထီၣ်အခီၣ်ထံး 21:33

အန့ၣ်ဒီးစီၤအၤဘြၤဟၣ်သူၣ်သ့ၣ်တဖုဖဲဘ့ၢ်ၡဘၤဒီးဘူၣ်ထီၣ်ဘါ ထီၣ်ယွၤ, ကစၢ်ယွၤလီၤထူလီၤယိာ်န့ၣ်လီၤ.

လံာ်တၢ်ကဲထီၣ်အခီၣ်ထံး 26:23

ဒီးစီၤအံၤစဲးဟးထီၣ်ဒီးလဲၤဝဲဆူဝ့ၢ်ဘ့ၢ်ၡဘၤလီၤ.

လံာ်တၢ်ကဲထီၣ်အခီၣ်ထံး 26:33

ဒီးစီၤအံၤစဲးကိးဝဲထံပူၤအံၤလၢဘ့ၢ်ၡဘၤအခီပညီ, “တၢ်ဆိၣ်” န့ၣ်လီၤ. တၢ်န့ၣ်မ့ၢ်ဝ့ၢ်ဘ့ၢ်ၡဘၤဒိးန့ၢ်မံၤအံၤဒ်လဲၣ်အဂ့ၢ်န့ၣ်လီၤ.

လံာ်စီၤပၤအခီၣ်ထံးတဘ့ၣ် 12:28

ဖဲအဝဲဆိကမိၣ်တၢ်ဒ်သိးအံၤဝံၤအလီၢ်ခံန့ၣ်, အဝဲမၤထီၣ်ဂီၤဖံးဖါခံဒုအဂီၤလၢထူဒီးစံးဘၣ်အပှၤဂီၢ်မုၢ်, “သုလဲၤတ့ၢ်လံဆူဝ့ၢ်ယရူၤၡလ့ၣ်လၢတၢ်ဘူၣ်ထီၣ်ဘါထီၣ်အဂီၢ် ယံာ်တ့ၢ်မးလံ. ကီၢ်အံၣ်စရ့လးအပှၤဂီၢ်မုၢ်သ့ၣ်ဧၢ, အအံၤမ့ၢ်သုကစၢ်တဖၣ်လၢအဟဲစိာ်ထီၣ်ကွံာ်သုလၢကီၢ်အဲၤကူ ပတူးအပူၤန့ၣ်လီၤ.”

လံာ်စီၤပၤအခီၣ်ထံးတဘ့ၣ် 12:29

အဝဲပာ်လီၤဂီၤဖံးဖါထူတဒုလၢဝ့ၢ်ဘ့ၤသ့လးအပူၤ, ဒီးအဂၤတဒုလၢဝ့ၢ်ဒၣ်အပူၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 23:8

ပှၤလုၢ်တၢ်အခိၣ်တဖၣ်လၢအအိၣ်ဝဲလၢကီၢ်ယူဒၤအဝ့ၢ်တဖၣ်အပူၤ န့ၣ်, အဝဲဟဲကိးဝဲဆူဝ့ၢ်ယရူၤၡလ့ၣ်, ဒီးလၢကီၢ်ဒီဘ့ၣ်ညါန့ၣ် အဝဲမၤဘၣ်အၢတၢ်လုၢ်လီၢ်တဖၣ်ဖဲအဝဲသ့ၣ်လုၢ်ထီၣ်တ့ၢ်တၢ်လုၢ်တၢ် ပာ်တဖၣ်န့ၣ်လီၤ. အဝဲမၤလီၤပှီၢ်ကွံာ်စ့ၢ်ကီးတၢ်လုၢ်လီၢ်လၢအဘၣ်တၢ်ပာ်စီဆှံ ထီၣ်အီၤဆူမဲာ်တဲးလဲးတၢ်ဝံတၢ်နါလၢအအိၣ်ဘူးဒီးတြဲၤလၢ အဘၣ်တၢ်ဘှီအီၤလၢဝ့ၢ်အပဒိၣ်စီၤဟိၤၡ့လၢအအိၣ်ဝဲဖဲတၢ်လဲၤ နုာ်ဆူဝ့ၢ်အတြဲၤဖးဒိၣ်အစုစ့ၣ်တခီန့ၣ်လီၤ.

လံာ်စီၤယိၤဘး 8:22

ဘၣ်ဆၣ်အဝဲကဟဲစိာ်တၢ်မဲာ်ဆှးဆူပှၤလၢအသးဟ့နၤဒီး ပှၤတတီတလိၤအဟံၣ်တဖၣ်န့ၣ်လီၤမၢ်ကွံာ်ဝဲဒၣ်န့ၣ်လီၤ.

စံးထီၣ်ပတြၢၤ 33:10

ယွၤမၤဟးဂီၤပှၤကလုာ်အဂၤတဖၣ် အတၢ်ကူၣ်ထီၣ်ဖးလီၤ, မၤတံာ်တာ်အတၢ်ပာ်လီၤအသးတဖၣ်န့ၣ်လီၤ.

လံာ်ယၡါယၤ 29:20

ကမ့ၢ်တၢ်အကတၢၢ်လၢပှၤတဖၣ်လၢအမၤအၢမၤနးပှၤဂၤဒီး ဒုးနဲၣ်အတၢ်သးဘၣ်အၢကစၢ်ယွၤ, အဂီၢ်န့ၣ်လီၤ. ပှၤဒဲးဘးဖိကိးဂၤဒဲးကဘၣ်တၢ်မၤဟးဂီၤအီၤလီၤ.

လံာ်ယၡါယၤ 8:10

မၤသုတၢ်ကူၣ်ထီၣ်ဖးလီၤတဖၣ်တက့ၢ်. ဘၣ်ဆၣ်ဒီးကဲထီၣ်လိၣ်ထီၣ်တသ့နီတစုဘၣ်. ဖဲသုသးအိၣ်ကတိၤတၢ်န့ၣ်, ကတိၤတက့ၢ်. ဘၣ်ဆၣ်ဒီးတၢ်န့ၣ်မ့ၢ်တၢ်ကလီကလီခဲလၢာ်လီၤ. အဂ့ၢ်ဒ်အံၤ, ယွၤအိၣ်ဒီးပှၤလီၤ.

လံာ်ယံးရမံယၤ 48:13

အန့ၣ်ဒီး, ပှၤမိၤအးဖိတဖၣ် ကဘၣ်တၢ်မဲာ်ဆှးလၢ အတၢ်နာ်ကမၣ်အကစၢ်ကမိၣ်အဃိ, ဒ်ပှၤအံၣ်စရ့လးဖိတဖၣ် ဘၣ်မဲာ်ဆှးလၢ ဘ့ၤသ့လး, ကစၢ်တဂၤလၢ အဝဲသ့ၣ်နာ်ဝဲအဃိ, အသိးန့ၣ်လီၤ.

လံာ်ဟိၤၡ့ 10:8

ဝ့ၢ်အၤဝ့ၣ်အတၢ်လီၢ်စီဆှံတဖၣ်လၢတၢ်လူၢ်ဒီခိၣ်ဖဲကီၢ် အံၣ်စရ့လးအပှၤဂီၢ်မုၢ်ဘါထီၣ်တၢ်ဂီၤတၢ်ဖီၣ်တဖၣ်န့ၣ်, ကဘၣ်တၢ်မၤဟးဂီၤကွံာ်အီၤန့ၣ်လီၤ. တၤဆှုၣ်ဒီး နီၣ်တဖၣ်ကဒိၣ်ဘၢအဝဲသ့ၣ်အတၢ်လုၢ်လီၢ်တဖၣ်လီၤ. ပှၤဂီၢ်မုၢ်ကကိးသတြီထီၣ်ဆူကစၢၢ်တဖၣ်, “ပာ်တဒၢပှၤတက့ၢ်.” ဒီးဆူတၢ်လူၢ်တဖၣ်, “ပာ်ခူသူၣ်ပှၤတက့ၢ်” န့ၣ်လီၤ.

လံာ်ဟိၤၡ့ 12:11

အန့ၣ်ဒၣ်လဲာ်, တၢ်ဂီၤတၢ်ဖီၣ်တဖၣ်ဘၣ်တၢ်ဘါထီၣ်အီၤလၢကီၢ်ကံး လဧးအပူၤဒီးပှၤတဖၣ်လၢအဘါထီၣ်အီၤန့ၣ်ကသံဝဲဒၣ်လီၤ. ဂီၤဖံးဖါတဖၣ်ဘၣ်တၢ်လုၢ်ထီၣ်အီၤလၢကံးလကၤလးအပူၤဒီးတၢ် လုၢ်လီၢ်ဖဲန့ၣ်တဖၣ်ကကဲထီၣ်လၢၢ်အပူၣ်တဖၣ်လၢတၢ်ပျီပူၤန့ၣ်လီၤ.”

လံာ်ဟိၤၡ့ 4:15

သုဝဲကီၢ်အံၣ်စရ့လးအပှၤဂီၢ်မုၢ်မ့ၢ်တတီဒီးယၤဘၣ်ဆၣ်, မ်ကီၢ် ယူဒၤအတၢ်ကမၣ်ဒ်သိးန့ၣ်အသုတအိၣ်တဂ့ၤ. ဘါတၢ်လၢကံးလကၤလးမ့ၢ်ဂ့ၤ. လၢဘ့ၤသအၤဝ့ၣ်မ့ၢ်ဂ့ၤ, မ့တမ့ၢ်, မၤတၢ်အၢၣ်လီၤတဖၣ်ဖဲန့ၣ်လၢယွၤလၢအမူဝဲအမံၤအပူၤတဂ့ၤ.

လံာ်ဟိၤၡ့ 9:15

ယွၤစံးဝဲဒၣ်, အဝဲသ့ၣ်အတၢ်အၢတၢ်သီခဲလၢာ်န့ၣ်စးထီၣ်အသးလၢဝ့ၢ်ကံး လကၤလးလီၤ. တၢ်န့ၣ်မ့ၢ်တၢ်လီၢ်ဖဲယစးထီၣ်သးဟ့ အဝဲသ့ၣ်လီၤ. ဒီးမ့ၢ်လၢတၢ်အၢလၢအဝဲသ့ၣ်မၤဝဲအဃိန့ၣ် ယကဒုးဟးထီၣ်ကွံာ်အီၤလၢယကီၢ်ပူၤန့ၣ်လီၤ. ယတအဲၣ်လၢၤအဝဲသ့ၣ်နီတစုဘၣ်. အဝဲသ့ၣ်အပှၤခိၣ်ပှၤနၢ်တဖၣ်ခဲလၢာ်ပူထီၣ်ထီဒါယၤန့ၣ်လီၤ.

လံာ်ဧၤမိၣ် 1:5

ဒီးယကဒိကၢ်ကွံာ်ဝ့ၢ်ဒၤမ့ၤစ့းအပဲတြီတဖၣ်ဒီးသုးကွံာ်ပှၤ အိၣ်ဖဲအၤဝ့ၣ်ကစၢၢ်ကဆူးအတၢ်ပၢၤခိၣ်ဒီးဘ့ၤသဧ့ၤဒၣ် အစီၤပၤန့ၣ်လီၤ. ဒီးပှၤကီၢ်စူၤရံဖိကဘၣ်တၢ်စိာ်ကွံာ်အီၤဒ်ကုၢ် တဖၣ်အသိးဆူကီၢ်ကံၢ်အပူၤန့ၣ်လီၤ.”

လံာ်ဧၤမိၣ် 3:14

မုၢ်တနံၤဖဲယစံၣ်ညီၣ်အံၣ်စရ့လးအပှၤဂီၢ်မုၢ်လၢအတၢ်ဒဲးဘး တဖၣ်န့ၣ်, ယကမၤဟးဂီၤကွံာ်တၢ်လုၢ်လီၢ်တဖၣ်လၢဘ့ၤသ့လးန့ၣ်လီၤ. ကယဲၢ်တၢ်လုၢ်လီၢ်အနၢၣ်ခဲလၢာ်ကကၢ်ကွံာ်ဝဲဒီးကလီၤ တဲာ်လၢဟီၣ်ခိၣ်လိၤန့ၣ်လီၤ.

လံာ်ဧၤမိၣ် 4:4

တၢ်စိတၢ်ကမီၤခဲလၢာ်အယွၤစံးဝဲဒၣ်, ပှၤကီၢ်အံၣ်စရ့လးဖိ သ့ၣ်ဧၢ, သုမ့ၢ်ဘၣ်မၤတၢ်ဒဲးဘးသပှၢ်ကတၢၢ်ဒီး, လဲၤဆူဘ့ၤသ့လးအတၢ်လီၢ်စီဆှံဒီးမၤတၢ်ဒဲးဘးတက့ၢ်. လဲၤဆူကံးလကၤလး, မၤတၢ်ဒဲးဘးလၢာ်သူၣ်လၢာ်သးတက့ၢ်. လဲၤ, မၤဒီးဟဲစိာ်ဆၣ်ဖိကီၢ်ဖိတဖၣ်ဒ်သိးကဘၣ်တၢ်လုၢ်ထီၣ်အီၤ တဂီၤဝံၤတဂီၤ, ဒီးဟဲစိာ်သုတၢ်ဆံဆဲၣ်ပူတပူတဖၣ်လၢကိးသၢသီတသီအနံၤန့ၣ် တက့ၢ်.

လံာ်ဧၤမိၣ် 7:10

ဒီးစီၤအမၤစယါ, ဝ့ၢ်ဘ့ၤသ့လးအပှၤလုၢ်တၢ်အခိၣ်ဆှၢလီၤတၢ် ကစီၣ်ဆူအံၣ်စရ့လးအစီၤပၤစီၤယၤရၤဘၣ်အအိၣ်ဒီးစံးဝဲဒၣ်, စီၤဧၤမိၣ်ကူၣ်ထီၣ်တၢ်အၢထီဒါနၤလၢအံၣ်စရ့လးဖိအကျါလီၤ. အတၢ်ကတိၤတဖၣ်ကမၤဟးဂီၤကွံာ်ထံကီၢ်န့ၣ်လီၤ.

လံာ်ဧၤမိၣ် 7:13

မ့မ့ၢ်ဖဲဝ့ၢ်ဘ့ၤသ့လးအံၤကတိၤလၢၤတၢ်လၢဝံအကျိာ်နီတစု လၢၤတဂ့ၤ. တၢ်လီၢ်အံၤမ့ၢ်စီၤပၤဘူၣ်ထီၣ်ဘါထီၣ်တၢ်အလီၢ်, ဒီးထံကီၢ်အတၢ်လုၢ်ဟံၣ်လီၤ.

လံာ်ဧၤမိၣ် 7:17

မၤသးဒ်န့ၣ်ဒီးစီၤအမၤစယါဧၢ, ယွၤစံးဘၣ်နၤ, နမါကကဲထီၣ်ဃဲသဲမုၣ်လၢဝ့ၢ်ပူၤ, နဖိတဖၣ် ကသံလၢတၢ်ဒုးအပူၤလီၤ. နထံနကီၢ်ကဘၣ်တၢ်နီၤဖးကွံာ်အီၤဒီး ကဘၣ်တၢ်ဟ့ၣ်လီၤကွံာ်အီၤဆူပှၤဂၤန့ၣ်လီၤ. ဒီးနဲဒၣ်, နကစၢ်ဒၣ်နဲနကသံလၢကီၢ်တကဆှီဘၣ်တဘ့ၣ်အပူၤန့ၣ်လီၤ. ဒီးကီၢ်အံၣ်စရ့လးအပှၤဂီၢ်မုၢ်ကဘၣ်တၢ်စိာ်ထီၣ်ကွံာ်အီၤလၢ အကီၢ်ဒၣ်ဝဲအပူၤဆူတၢ်စိာ်မၢကဲကုၢ်အပူၤသပှၢ်တၢၢ်န့ၣ်လီၤ.

လံာ်ဧၤမိၣ် 7:9

တၢ်အလီၢ်တဖၣ်ဖဲစီၤအံၤစဲးအစၢၤအသွဲၣ်တဖၣ် ဘူၣ်ထီၣ်ဘါထီၣ်တၢ်န့ၣ်ကဘၣ်တၢ်မၤဟးဂီၤကွံာ်အီၤလီၤ. အံၣ်စရ့လးအတၢ်လီၢ်စီဆှံတဖၣ်ကဘၣ်တၢ် ပာ်တီၢ်ကွံာ်အီၤလၢတၢ်ဟးဂူာ်ဟးဂီၤအပူၤလီၤ. ယကမၤကတၢၢ်ကွံာ်စီၤပၤစီၤယၤရၤဘၣ်အပှၤဟံၣ်ဖိလီၤ.

လံာ်ဧၤမိၣ် 8:14

ပှၤလၢအမၤတၢ်ဆိၣ်လၢကီၢ်ၡၤမရံအတၢ်ဂီၤတၢ်ဖီၣ်တဖၣ်အမဲာ်ညါဒီးစံး, “ပှၤဒၣ်ဖိအကစၢ်မူဝဲ,” ဒီး “ဝ့ၢ်ဘ့ၢ်ၡဘၤအကစၢ်မူဝဲ,” တဖၣ်န့ၣ်ကလီၤဃံၤဝဲဒီးတဂဲၤဆၢထၢၣ်ကဒါက့ၤလၢၤဘၣ်.

1 ကရံၣ်သူး 1:28

အဝဲဒၣ်ဃုထၢတၢ်လၢပှၤဟီၣ်ခိၣ်ဖိကွၢ်တလီၤ, ဒီးပာ်လၢအတဂိာ် တသီၣ်, ဒီးဆိကမိၣ်လၢအတမ့ၢ်တၢ်နီတမံၤဘၣ်န့ၣ် ဒ်သိးအကမၤ ဟးဂီၤတၢ်လၢပှၤဟီၣ်ခိၣ်ဖိဆိကမိၣ်အမ့ၢ်တၢ်အကါဒိၣ်န့ၣ်လီၤ.

1 ကရံၣ်သူး 2:6

မ့ၢ်သနာ်က့ဒ်န့ၣ်ဒီး, ဆူပှၤဒိၣ်တုာ်ခိၣ်ပှဲၤလၢသူၣ်လၢသးတကပၤ အအိၣ်န့ၣ်, ယစံၣ်တဲၤတဲလီၤတၢ်ကစီၣ်ဘၣ်ဃးဒီးတၢ်ကူၣ်ဘၣ် ကူၣ်သ့ကစီဒီလီၤ. ဘၣ်ဆၣ်ဒီးအဝဲအံၤတမ့ၢ်တၢ်ကူၣ်ဘၣ်ကူၣ်သ့လၢအဘၣ်ဃး ဒီးဟီၣ်ခိၣ်တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤလၢအပၢဟီၣ်ခိၣ် တဘ့ၣ်အံၤမ့ၢ်ဂ့ၤ, တၢ်စိတၢ်ကမီၤတဖၣ်လၢအစိကမီၤလီၤမၢ်ကွံာ်ဝဲ န့ၣ်ဘၣ်.

လံာ်သိၣ်လီၤသီလီၤတၢ် 28:41

သုကအိၣ်ဒီးဖိခွါတဖၣ်ဒီးဖိမုၣ်တဖၣ်, ဘၣ်ဆၣ်ကလီၤမၢ်သဒၣ်ကွံာ်သု, မ့ၢ်လၢအဝဲသ့ၣ်ကဘၣ်တၢ်စိာ်ယံၤကွံာ်အီၤဒ်တၢ်ဒုးတၢ်ယၤအပှၤဘၣ် စၢဃာ်တဖၣ်အသိးအဃိန့ၣ်လီၤ.

လံာ်စီၤယိၤၡူ 5:9

ယွၤစံးဘၣ်စီၤယိၤၡူ, “မုၢ်မဆါတနံၤအံၤယသုးကွံာ်သု တၢ်မဲာ်တြီၢ်မဲာ်ဆှးဘၣ်ဃးဒီးသုတၢ်ကဲကုၢ်လၢကီၢ်အဲၤကူ ပတူးန့ၣ်လံ.” လၢတၢ်န့ၣ်အဃိတၢ်လီၢ်ဝဲန့ၣ်တၢ်ကိးအမံၤလၢကံးလကၤလး, မံၤလၢအအိၣ်တုၤမုၢ်မဆါတနံၤအံၤလီၤ.

လံာ်လီၣ်ဖျါ 18:17

ဒီးလၢတနၣ်ရံၣ်အတီၢ်ပူၤ, ကယဲၢ်အတၢ်လုၢ်ဒိၣ်ပှ့ၤဒိၣ်တဖၣ်အံၤလီၤမၢ်ကွံာ်န့ၢ်အီၤခဲလၢာ်လံ.” ဒီးကယဲၢ်ကဘီခိၣ်, ဒီးပှၤဒိးတၢ်ဖိ, ဒီးကဘီဖိ, ဒီးပှၤအဂၤခဲလၢာ်လၢအလုၢ်အီၣ်အသးသမူခီဖျိတၢ်လဲၤ တၢ်က့ၤလၢပီၣ်လဲၣ်ပူၤတဖၣ်အိၣ်ဆၢထၢၣ်စီၤစိဝဲဒၣ်လၢ အယံၤ,

လံာ်စီၤၡမူၤအ့လးအခီၣ်ထံးတဘ့ၣ် 11:14

ဒီးစီၤၡမူၤအ့လးစံးဘၣ်အဝဲသ့ၣ်, “မ်ပဝဲခဲလၢာ်ပလဲၤသကိးကဒီးတဘျီဆူဝ့ၢ်ကံးလကၤလး ဒီးဘိးဘၣ်သ့ၣ်ညါတၢ်လၢစီၤစီလူးမ့ၢ်ပစီၤပၤန့ၣ်တက့ၢ်.”

လံာ်စီၤၡမူၤအ့လးအခီၣ်ထံးတဘ့ၣ် 7:16

ကိးနံၣ်ဒဲးန့ၣ်အဝဲလဲၤဟးတရံးဝဲဆူဝ့ၢ်ဘ့ၤသ့လး, ဝ့ၢ်ကံးလကၤလးဒီးဝ့ၢ်မံၣ်စပၤလီၤ. ဒီးလၢတၢ်လီၢ်ကိးပူၤဒဲးအံၤန့ၣ် စီၤၡမူၤအ့လးမၤလိၤမၤဘၣ်တၢ်ဂ့ၢ်လိာ်ဘှီလိာ် တဖၣ်န့ၣ်လီၤ.

လံာ်စီၤၡမူၤအ့လးအခီၣ်ထံးတဘ့ၣ် 8:2

အဖိခွါအဒိၣ်တဂၤန့ၣ်အမံၤမ့ၢ်ဝဲစီၤယိၤအ့လးဒီးအဆံးတဂၤ မ့ၢ်စီၤအဘံယၤလီၤ. အဝဲသ့ၣ်မ့ၢ်ပှၤစံၣ်ညီၣ်ကွီၢ်တဖၣ်လၢဝ့ၢ်ဘ့ၢ်ၡဘၤအပူၤန့ၣ်လီၤ.