လံာ်ဧၤမိၣ် 5:4 - Sgaw Karen Common Bible

⁴ ယွၤစံးဘၣ်ကီၢ်အံၣ်စရ့လးအပှၤဂီၢ်မုၢ်, ဃုယၤတက့ၢ်, ဒီးသုကမူလီၤ.

လံာ်ဧၤမိၣ် 5:4 Iomraidhean Croise

လံာ်စီၤပၤခံဘ့ၣ်တဘ့ၣ် 20:3

“ယွၤဧၢ, သ့ၣ်နီၣ်ထီၣ်က့ၤလၢ, ယမၤတ့ၢ်နတၢ်မၤလၢတၢ်သးတီ ဒီးတၢ်ကလုၢ်တီအပူၤ, ဒီးလၢထီဘိယကျဲးစၢးမၤတၢ်လၢနအဲၣ်ဒိးယမၤန့ၣ်တက့ၢ်.” ဒီးအဝဲစးထီၣ်ဟီၣ်ဝဲနးနးကလဲာ်န့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 28:9

ဒီးအဝဲစံးဘၣ်ဝဲစီၤၡလိၤမိၤ, “ယဖိခွါဧၢ, ယသိၣ်လိမၤလိာ်နၤလၢနကသ့ၣ်ညါနပၢ်အကစၢ်ယွၤဒီးနကမၤအတၢ်မၤ လၢနသးဒီဖျၢၣ်ညါဒီးလၢတၢ်သူၣ်အိၣ်သးအိၣ်အပူၤန့ၣ်လီၤ. အဝဲသ့ၣ်ညါပတၢ်ဆိကမိၣ်တဖၣ်ခဲလၢာ်ဒီးပတၢ်မိၣ်န့ၢ်သးလီ တဖၣ်ခဲလၢာ်န့ၣ်လီၤ. နမ့ၢ်လဲၤဆူအအိၣ်ဒီးအဝဲကတူၢ်လိာ်နၤ, ဘၣ်ဆၣ်နမ့ၢ်ဃၣ်ကွံာ်နသးလၢအီၤဒီးအဝဲကကွံာ်တ့ၢ်ကွံာ်နၤလီၤ စိၤလီၤထီန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 15:2

ဒီးအဝဲဟးထီၣ်ဒ်သိးကလဲၤထံၣ်စီၤပၤအၤစါအဂီၢ်န့ၣ်လီၤ. ဒီးအဝဲကိးထီၣ်ဝဲ, “စီၤပၤအၤစါဒီးကယဲၢ်ပှၤဂီၢ်မုၢ်လၢ ယူဒၤဒီးဘံၣ်ယၤမံၣ်သ့ၣ်ဧၢ, ဒိကနၣ်ယၤတက့ၢ်. တုၤသုအိၣ်ဒီးယွၤန့ၣ်, ယွၤအိၣ်ဒီးသုန့ၣ်လီၤ. သုမ့ၢ်ဃုထံၣ်န့ၢ်အီၤဒီးအဝဲကပျဲသုထံၣ်န့ၢ်အီၤ, မ့မ့ၢ်, သုမ့ၢ်ဃၣ်ကွံာ်သုသးဒီးအဝဲကပာ်လီၤတဲာ်ကွံာ်သုန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:3

စီၤယဟိၡၤဖးပျံၤတၢ်ဖုးတၢ်ဒီးဘါထုကဖၣ်တၢ်ဆူယွၤအအိၣ်လၢ တၢ်နဲၣ်ကျဲအဂီၢ်န့ၣ်လီၤ. အန့ၣ်ဝံၤဒီး, အဝဲဟ့ၣ်လီၤအကလုၢ်လၢတၢ်ဒုၣ်တၢ်အီၣ်တမံၤကဘၣ်တၢ် မၤအီၤလၢထံကီၢ်ဒီဘ့ၣ်အပူၤအဂီၢ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 20:4

ပှၤဂီၢ်မုၢ်လၢကယဲၢ်ကီၢ်ယူဒၤအဝ့ၢ်တဖၣ်ဟဲချ့ချ့ဆူဝ့ၢ်ယရူၤ ၡလ့ၣ်လၢကဃ့ယွၤအတၢ်နဲၣ်ကျဲအဂီၢ်,

လံာ်ကွဲးနီၣ်တၢ်ခံဘ့ၣ်တဘ့ၣ် 34:3

ဖဲစီၤယိၤၡံယၤကဲထီၣ်စီၤပၤဃိးနံၣ်တနံၣ်အပူၤ, ဖဲအသးစၢ်ဒံးဒိၣ်မးအခါန့ၣ်, အဝဲစးထီၣ်ဘူၣ်ထီၣ်ဘါထီၣ်အပၢ်ဖးဒိၣ်စီၤဒၤဝံး အကစၢ်ယွၤန့ၣ်လီၤ. လွံၢ်နံၣ်ပူၤကွံာ်ဝံၤအလီၢ်ခံ, အဝဲစးထီၣ်မၤဟးဂီၤကွံာ်ပှၤတစူၢ်တနာ်ယွၤအတၢ်ဘူၣ်ထီၣ် ဘါထီၣ်တၢ်ဂီၤတၢ်ဖီၣ်အလီၢ်တဖၣ်, ကစၢ်မုၣ်အၡ့ရၤအတၢ်ပနီၣ်တဖၣ်ဒီးကယဲၢ်တၢ်ဂီၤတၢ်ဖီၣ်အဂၤတဖၣ် ခဲလၢာ်န့ၣ်လီၤ.

စံးထီၣ်ပတြၢၤ 14:2

ယွၤကွၢ်လီၤပှၤကညီလၢမူခိၣ် ဒ်သိး ကထံၣ်ဝဲပှၤကူၣ်သ့ကူၣ်ဘၣ်, ပှၤလၢအဘူၣ်ထီၣ်ဘါထီၣ်အီၤ မ့ၢ်အအိၣ်တအိၣ်လဲၣ်အဂီၢ်န့ၣ်လီၤ.

စံးထီၣ်ပတြၢၤ 22:26

ပှၤဖှီၣ်ဖိယာ်ဖိတဖၣ်ကအီၣ်တၢ်ဒ် အဝဲသ့ၣ်ဆၢအီၣ်ဘၣ်ဝဲအသိး, ပှၤလၢအဟဲဆူယွၤအအိၣ်တဖၣ် ကစံးထီၣ်ပတြၢၤအီၤလီၤ. မ်အဝဲသ့ၣ်ဘီၣ်ထီၣ်ညီထီၣ်ထီဘိတထံၣ်ဃီတက့ၢ်.

စံးထီၣ်ပတြၢၤ 27:8

တုၤနစံး, “ဃုယမဲာ်တက့ၢ်.” န့ၣ်ဒီး, ယစံးဆၢယဲ, “ယွၤဧၢ, နမဲာ်န့ၣ်ယဃုယဲလီၤ.”

စံးထီၣ်ပတြၢၤ 69:32

မ်ပှၤလၢအဘၣ်တၢ်မၤအၢအီၤ ထံၣ်ဒီးသူၣ်ခုသးခုန့ၣ်တက့ၢ်. ပှၤလၢအဃုကစၢ်ယွၤဧၢ, မ်နသးမူထီၣ်က့ၤတက့ၢ်.

စံးထီၣ်ပတြၢၤ 69:33

အဂ့ၢ်ဒ်အံၤ, ယွၤနၢ်ဟူပှၤဖှီၣ်ဖိယာ်ဖိအကလုၢ် ဒီးအပှၤလၢအဘၣ်တၢ်စၢဃာ်တဖၣ်န့ၣ် တသးပ့ၤနီၣ်ဝဲဒၣ်ဘၣ်.

လံာ်ယၡါယၤ 31:1

ပှၤလၢအလဲၤဆူကီၢ်အဲၤကူပတူးလၢတၢ်မၤစၢၤအဂီၢ်တဖၣ် ကဘၣ်တၢ်စံၣ်ညီၣ်ဃါမနၤလီၤ. အဝဲသ့ၣ်သန့ၤထီၣ်အသးလၢ ကီၢ်အဲၤကူပတူးအသုးမုၢ်ဖးဒိၣ်လၢအဂံၢ်ဆူၣ်ဘါဆူၣ်ဝဲ, သုးမုၢ် လၢအအိၣ်ဒီးကသ့ၣ်တဖၣ်, လ့ၣ်ကဟၣ်ဒုးသုးတဖၣ်, ဒီးသုးမုၢ်သံၣ်ဘိတဖၣ်လီၤ. ဘၣ်ဆၣ်အဝဲသ့ၣ်တသန့ၤအသးလၢ ယွၤ, အံၣ်စရ့လးအယွၤစီၤဆှံ, ဒီးတဃ့အီၤတၢ်မၤစၢၤဘၣ်.

လံာ်ယၡါယၤ 55:3

ဒိကနၣ်ခဲအံၤ, ယပှၤဂီၢ်မုၢ်သ့ၣ်ဧၢ, ဒီးဟဲဆူယအိၣ်တက့ၢ်. ဟဲဆူယအိၣ်ဒီးသုကန့ၢ်ဘၣ်တၢ်မူလီၤ. ယကမၤတၢ်အၢၣ်လီၤအီလီၤအထူအယိာ်ဒီးသု ဒီးဟ့ၣ်သုတၢ်ဆိၣ်ဂ့ၤတဖၣ်လၢယအၢၣ်လီၤတ့ၢ်စီၤဒၤဝံးန့ၣ်လီၤ.

လံာ်ယံးရမံယၤ 38:20

ယစံးယဲ, “နတဘၣ်တၢ်ဟ့ၣ်လီၤကွံာ် နၤဆူအဝဲသ့ၣ်အစုပူၤဘၣ်. ယဃ့ကညးနၤလၢ နကစူၢ်ယွၤအတၢ်ကစီၣ်န့ၣ်လီၤ. အန့ၣ်ဒီး, တၢ်ခဲလၢာ်ကလဲၤအသးဂ့ၤဂ့ၤဘၣ်ဘၣ်လၢ နဂီၢ်, ဒီးနသးသမူကပူၤဝဲလီၤ.

လံာ်ယဃ့းစက့လး 18:9

ပှၤဒ်သိးန့ၣ်တဂၤစူၢ်ယတၢ်မၤလိာ်တဖၣ်ဒီးတိၢ်န့ၢ်ဟံးဃာ် ယတၢ်ဘူၣ်တၢ်ဘါအတၢ်သိၣ်တၢ်သီတဖၣ်လီၤတံၢ်လီၤဆဲးန့ၣ်လီၤ. အဝဲမ့ၢ်ပှၤအတီအလိၤဒီးအဝဲကမူဝဲဒၣ်လီၤ. ယွၤပၢဘၣ်တၢ်ခဲလၢာ်အကစၢ်စံးတၢ်န့ၣ်လီၤ.

လံာ်ဟိၤၡ့ 10:12

ယစံးယဲ, ထဲၣ်ဟီၣ်ခိၣ်အသီလၢနကစၢ်ဒၣ်နဲအဂီၢ်, သူၣ်လီၤတၢ်မ့ၢ်တၢ်တီ, ဒီးကူးက့ၤတၢ်ဆိၣ်ဂ့ၤတဖၣ်လၢနတၢ်ဟ့ၣ်လီၤနသးဆူယၤ, ကဟ့ၣ်ထီၣ်ဝဲန့ၣ်တက့ၢ်. အအံၤမ့ၢ်တၢ်ဆၢကတီၢ်လၢနဂီၢ်လၢနဘၣ်ဃၣ်ကဒါက့ၤနသးဆူယၤ, နယွၤအအိၣ်ဒီးယကဟဲဒီးလူလီၤဂၢ်လီၤတၢ်ဆိၣ်ဂ့ၤတဖၣ်လၢနလိၤ န့ၣ်လီၤ.

လံာ်ဧၤမိၣ် 5:6

ဃုယွၤတက့ၢ်ဒီးသုကမူလီၤ. သုမ့ၢ်တဃုအီၤဘၣ်ဒီးအဝဲကမၤပျီကွံာ်သုဒ်မ့ၣ်အူအီၣ်ကွံာ်ကီၢ် အံၣ်စရ့လးအပှၤဂီၢ်မုၢ်အသိးန့ၣ်လီၤ. မ့ၣ်အူကအီၣ်ကွံာ်ဝ့ၢ် ဘ့ၤသ့လးအပှၤဂီၢ်မုၢ်, ဒီးပှၤလၢကမၤလီၤပံာ်ကွံာ်အီၤတအိၣ်နီတဂၤဘၣ်.

လံာ်စဖါနယၤ 2:3

ကယဲၢ်ပှၤလၢအဆီၣ်လီၤအသးလၢထံဧိၤကီၢ်ဧိၤအပူၤ, ပှၤလၢအစူၢ်အတၢ်မၤလိာ်တဖၣ်သ့ၣ်ဧၢ, ဃၣ်က့ၤသုသးဆူ ယွၤအအိၣ်တက့ၢ်. မၤတၢ်တီတၢ်လိၤဒီးဆီၣ်လီၤသုသးလၢယွၤအမဲာ်ညါန့ၣ်တက့ၢ်. ဘၣ်တဘၣ်မုၢ်တနံၤလၢယွၤပာ်ဖျါထီၣ်အတၢ်သးထီၣ်န့ၣ်သုကပူၤ ဖျဲးလၢအတၢ်စံၣ်ညီၣ်န့ၣ်လီၤ.

လံာ်မးသဲ 7:8

အဂ့ၢ်ဒ်အံၤပှၤကိးဂၤဒဲးလၢအဃ့တၢ်လၢယွၤန့ၣ်ကဒိးန့ၢ်ဝဲ, ဒီးပှၤတဂၤဂ့ၤတဂၤဂ့ၤလၢအဃုတၢ်န့ၣ်ကထံၣ်န့ၢ်ဝဲ, ဒီးယွၤကအိးထီၣ်န့ၢ်တြဲၤလၢပှၤတဂၤလၢ်လၢ်လၢအဒိတကျိာ် တၢ်အဂီၢ်လီၤ.

လံာ်သိၣ်လီၤသီလီၤတၢ် 32:46

အဝဲစံးဝဲ, “မၤလီၤတံၢ်လၢသုကစူၢ်ကယဲၢ်တၢ်မၤလိာ်တဖၣ်အံၤ လၢယဟ့ၣ်လီၤသုတနံၤအံၤန့ၣ်တက့ၢ်. တဲကဒါက့ၤအီၤဆူသုဖိတဖၣ်, ဒ်သိးအဝဲသ့ၣ်ကစူၢ်ကယဲၢ်ကစၢ် ယွၤအတၢ်သိၣ်လိတဖၣ်လၢတၢ်သူၣ်တီသးရၤအပူၤတက့ၢ်.

လံာ်သိၣ်လီၤသီလီၤတၢ် 32:47

တၢ်သိၣ်လိတဖၣ်အံၤတမ့ၢ်ဘၣ်တၢ်ကတိၤကလီကလီတဖၣ်ဘၣ်. အဝဲသ့ၣ်မ့ၢ်သုတၢ်မူနီၢ်နီၢ်န့ၣ်လီၤ. စူၢ်အီၤဒီးသုသးသမူကအိၣ်ကၢအိၣ်ခိးလၢကီၢ်တဘ့ၣ်လၢအအိၣ်လၢ ထံကျိယၢ်ဒ့ၣ်အဝၢ်ဘးခီလၢသုကမၤန့ၢ်အီၤအပူၤန့ၣ်လီၤ.”

လံာ်သိၣ်လီၤသီလီၤတၢ် 4:29

ဖဲန့ၣ်သုကဃုယွၤ, သုကစၢ်ယွၤ, ဒီးသုမ့ၢ်ဃုအီၤလၢသုသးဒီဖျၢၣ်န့ၣ်သုကထံၣ်န့ၢ်အီၤလီၤ.