လံာ်ဧၤမိၣ် 5:15 - Sgaw Karen Common Bible

¹⁵ သးဟ့တၢ်အၢဒီးအဲၣ်တၢ်ဂ့ၤ, ဒီးဒုးအိၣ်ဂၢၢ်ဆိးကျၢၤတၢ်စံၣ် ညီၣ်တီလၢကွီၢ်ဘျီၣ်တဖၣ်အပူၤတက့ၢ်. ဘၣ်တဘၣ်ယွၤတၢ်သုးမုၢ်ဂီၢ်မုၢ်အကစၢ်ကသးကညီၤအပှၤဂီၢ်မုၢ် တဖၣ်လၢအအိၣ်မူတ့ၢ်ဒံးအပူၤန့ၣ်လီၤ.

လံာ်ဧၤမိၣ် 5:15 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 16:12

ဘၣ်သ့ၣ်သ့ၣ်ယွၤကပာ်သူၣ်ပာ်သးလၢယတၢ်ကိၢ်တၢ်ဂီၤတဖၣ်ဒီးဟ့ၣ် လီၤယၤတၢ်ဆိၣ်ဂ့ၤတနီၤလၢကဟံးန့ၢ်ကွံာ်အဝဲအတၢ်ဆိၣ်အၢ အလီၢ်န့ၣ်လီၤ.”

လံာ်စီၤပၤအခီၣ်ထံးတဘ့ၣ် 20:31

အဝဲအပဒိၣ်ပပှၢ်တဖၣ်လဲၤဆူအအိၣ်ဒီးစံးဘၣ်အီၤ, “ပနၢ်ဟူတ့ၢ်လၢကီၢ်အံၣ်စရ့လးအစီၤပၤတဖၣ်သးကညီၤတၢ်သ့ လီၤ. ဟ့ၣ်ပှၤတၢ်ပျဲလၢပကလဲၤဆူကီၢ်အံၣ်စရ့လးအစီၤပၤအအိၣ်, အိၣ်ဒီးဆ့ကၤထၢၣ်တၢ်ကံးယာ်လၢပယီၢ်ဒ့တဖၣ်အလိၤဒီးပျံၤတဖၣ် လၢပကိာ်တဖၣ်အလိၤဒီးဘၣ်သ့ၣ်သ့ၣ်အဝဲကပျဲပူၤဖျဲးနသးသမူ န့ၣ်လီၤ.”

လံာ်စီၤပၤခံဘ့ၣ်တဘ့ၣ် 13:7

မ့တမ့ၢ်ဘၣ်လၢကသ့ၣ်သုးဖိအဂၤယဲၢ်ဆံ, လ့ၣ်ကဟၣ်အဆိတဆံ ဒီးပှၤခီၣ်သုးဖိအဂၤတကလးဘၣ်န့ၣ်, စီၤယဟိအါဃးအသုးမုၢ် အဂၤတအိၣ်လၢၤဘၣ်. အဂ့ၢ်ဒ်အံၤ, ကီၢ်စူၤရံအစီၤပၤမၤဟးဂီၤကွံာ်ဝဲအဂၤတဖၣ်ခဲလၢာ်, ယီၢ်တံၢ်လီၤကလဲဝဲခဲလၢာ်ဒ်ဖၣ်ကမူၣ်ဖၣ်ဆါအသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 15:29

ဖဲစီၤပ့ကးကဲစီၤပၤအကတီၢ်န့ၣ်ကီၢ်အၤၡူၢ်အစီၤပၤဖးဒိၣ် တံးကလးပလ့စ့ၢ်မၤန့ၢ်ဝ့ၢ်တဖၣ်လၢအမ့ၢ်ဝဲဧံၤယိၣ်, အၤဘ့ၤလးဘ့ၤသမၤကၤ, ယၤနိဃၤ, က့ဒ့ၣ်ဒီးဃါစိၢ်, ဒီးလီၢ်ကဝီၤတဖၣ်လၢကီၢ်ကံးလဧးလၢအမ့ၢ်ကၤလံၤလါဒီးနးသၤ လံဒီးက့ၤကိးပှၤဂီၢ်မုၢ်ဆူကီၢ်အၤၡူၢ်ဒ်ပှၤဘၣ်တၢ်စၢဃာ်တဖၣ် အသိးန့ၣ်လီၤ.

လံာ်စီၤပၤခံဘ့ၣ်တဘ့ၣ် 19:4

ကီၢ်အၤၡူၢ်အစီၤပၤဖးဒိၣ်ဆှၢလီၤအပှၤသုးခိၣ်ဖးဒိၣ်အဒိၣ် ကတၢၢ်ဒ်သိးကဒုၣ်ဒွဲၣ်ကစၢ်ယွၤလၢအမူဝဲတဂၤန့ၣ်လီၤ. မ်ယွၤ, နကစၢ်ယွၤနၢ်ဟူတၢ်ဒုၣ်ဒွဲၣ်တဖၣ်ဒီးစံၣ်ညီၣ်ပှၤတဖၣ်လၢ အစံးတ့ၢ်တၢ်န့ၣ်တက့ၢ်. မၤသးဒ်န့ၣ်ဒီး, ဃ့ဘါထုကဖၣ်ဆူယွၤလၢပပှၤဂီၢ်မုၢ်လၢအအိၣ်လီၤတဲာ်ဒံးတဖၣ် အဂီၢ်န့ၣ်တက့ၢ်.

စံးထီၣ်ပတြၢၤ 119:104

ယဒိးန့ၢ်တၢ်ကူၣ်သ့ခီဖျိ နတၢ်သိၣ်တၢ်သီတဖၣ်န့ၣ်လီၤ. မၤသးဒ်န့ၣ်ဒီးယသးဟ့တၢ်ကတိၤ ကဘျံးကဘျၣ်အကျဲခဲလၢာ်န့ၣ်လီၤ.

စံးထီၣ်ပတြၢၤ 34:14

ဟးဆှဲးတၢ်မၤတၢ်အၢတၢ်သီဒီးမၤတၢ်ဂ့ၤတက့ၢ်. ဃုတၢ်ဃူတၢ်ဖိးဒီးလူၤပိာ်ထွဲအခံတက့ၢ်.

စံးထီၣ်ပတြၢၤ 36:4

ဖဲအအိၣ်လၢအလီၢ်မံအပူၤ, အဝဲသ့ၣ်ကူၣ်မၤဟးဂီၤတၢ်, တၢ်လၢအမၤဝဲန့ၣ်တဂ့ၤနီတမံၤဘၣ်, ဒီးတညိကွံာ်တၢ်အၢဘၣ်န့ၣ်လီၤ.

စံးထီၣ်ပတြၢၤ 37:27

ဟးဆှဲးတၢ်အၢ, ဒီးမၤတၢ်ဂ့ၤ, ဒီးနကအိၣ်နဲဆိးနဲလၢကီၢ်ပူၤလီၤစိၤလီၤထီလီၤ.

စံးထီၣ်ပတြၢၤ 80:1

အံၣ်စရ့လးအပှၤကွၢ်သိဧၢ, ဒိကနၣ်ပှၤတက့ၢ်. နဲဒၣ်ပှၤလၢအဆှၢယိၤသးဒ်သိတဖုအသိး, လၢအဆ့ၣ်နီၤကဲစီၤပၤလၢ ခ့ရူာ်တဖၣ်အဘၢၣ်စၢၤတဂၤဧၢ,

စံးထီၣ်ပတြၢၤ 97:10

ယွၤအဲၣ်ပှၤလၢအသးဟ့တၢ်အၢ, အဝဲဒီဒၣ်အိၣ်ပှိၤအပှၤဂီၢ်မုၢ်အသးသမူ, ဒီးမၤပူၤဖျဲးအဝဲသ့ၣ်လၢ ပှၤအၢပှၤသီအတၢ်စိတၢ်ကမီၤအပူၤန့ၣ်လီၤ.

လံာ်တၢ်ဟးထီၣ်ကွံာ် 32:30

လၢခံတနံၤန့ၣ်စီၤမိၤၡ့စံးဘၣ်ပှၤဂီၢ်မုၢ်, “သုမၤတ့ၢ်တၢ်ဒဲးဘးအၢအၢသီသီတမံၤလီၤ. ဘၣ်ဆၣ်ဒီးခဲအံၤယကလဲၤထီၣ်ကဒီးဆူကစၢၢ်ဒီခိၣ်ဆူယွၤအအိၣ်လီၤ. ဘၣ်သ့ၣ်သ့ၣ်ယမၤန့ၢ်တၢ်ပျၢ်တၢ်ဒဲးဘးလၢသုဂီၢ်ကသ့ဝဲလီၤ.”

လံာ်ယံးရမံယၤ 18:8

ဘၣ်ဆၣ်ဒီး, ပှၤကလုာ်အဝဲန့ၣ်မ့ၢ်ဃၣ်ကွံာ်အသးလၢတၢ်အၢ တၢ်သီဒီး, ယတမၤတၢ်လၢယစံးတ့ၢ်လၢယကမၤအီၤန့ၣ်ဘၣ်.

လံာ်ယံးရမံယၤ 22:3

“ယၤ, ယွၤအံၤ, ယမၤလိာ်သုဒ်သိးသုကမၤတၢ်စံၣ်ညီၣ်တီဒီးတၢ် အဘၣ်န့ၣ်လီၤ. အိၣ်ပှိၤမၤစၢၤပှၤတဂၤလၢအဘၣ်တၢ်လီ န့ၢ်အီၤ, လၢပှၤတဂၤလၢအလီန့ၢ်အီၤအစုပူၤတက့ၢ်. မၤအၢမၤသီမ့ၢ်ဂ့ၤမၤနးမၤဖှီၣ်ပှၤတခီဘီမုၢ်ဖိတဖၣ်, ပှၤဖိၣ်ဃဲတဖၣ်မ့တမ့ၢ်ပှၤမုၣ်ကမဲတဖၣ်တဂ့ၤ. ဒီးမၤသံပှၤလၢအတၢ်ကမၣ်တအိၣ်တဖၣ် လၢတၢ်လီၢ်စီဆှံအံၤအပူၤန့ၣ်တဂ့ၤ.

လံာ်ယံးရမံယၤ 31:7

ယွၤစံးဝဲဒၣ်, “သးဝံၣ်တၢ်လၢ တၢ်သးခုလၢ ကီၢ်အံၣ်စရ့လး, ပှၤအဒိၣ်ကတၢၢ် လၢပှၤကလုာ်တဖၣ် အဂီၢ်န့ၣ်တက့ၢ်. သးဝံၣ်သုတၢ်သးဝံၣ် စံးထီၣ်ပတြၢၤဒီးစံး, ‘ယွၤအုၣ်က့ၤခီၣ်က့ၤ အပှၤဂီၢ်မုၢ်လံ, အဝဲမၤပူၤဖျဲးလံ ပှၤလၢအအိၣ်လီၤတဲာ်ခဲလၢာ်လံ.’

လံာ်ယဃ့းစက့လး 45:9

ယွၤပၢဘၣ်တၢ်ခဲလၢာ်ကစၢ်စံးဝဲဒၣ်, “သုဝဲကီၢ်အံၣ်စရ့လးအပှၤပၢတၢ်သ့ၣ်ဧၢ, သုမၤတ့ၢ်တၢ်ဒဲးဘး ယံာ်တ့ၢ်မးလံ. ဆိကတီၢ်သုတၢ်မၤဆူၣ်မၤစိးဒီး တၢ်မၤနးမၤဖှီၣ်န့ၣ်တက့ၢ်. မၤတၢ်လၢအဘၣ်ဒီးအမ့ၢ်အ တီန့ၣ်တက့ၢ်. သုတဘၣ်နီၣ်ဟးထီၣ်ကွံာ်လၢၤယပှၤဂီၢ်မုၢ် လၢအကီၢ်ပူၤနီတဘျီဘၣ်. ယၤ, ယွၤပၢဘၣ်တၢ်ခဲလၢာ် ကစၢ်တဲဘၣ်သုတၢ်အံၤန့ၣ်လီၤ.

လံာ်ဒၤနံးယ့လး 2:49

စီၤဒၤနံးယ့လးဃ့တၢ်လၢစီၤပၤဒီးစီၤပၤပာ်လီၤစီၤၡဒရး, စီၤမ့ၤၡး, ဒီးစီၤဧဘ့ၤဒနကိၤဒ်ကိတိာ်တဖၣ်လၢကီၢ်ဘၤဘူၤလိၣ်အပူၤလီၤ. မ့မ့ၢ်စီၤဒၤနံးယ့လးဆ့ၣ်နီၤဝဲဒ်ကိတိာ်ခိၣ်ကျၢၢ်အသိးလၢစီၤပၤ အနီပူၤန့ၣ်လီၤ.

လံာ်ယိၤအ့လး 2:14

ဘၣ်သ့ၣ်သ့ၣ်ယွၤ, သုကစၢ်ယွၤကလဲလိာ်အတၢ်ပာ်လီၤသး ဒီးဆိၣ်ဂ့ၤသုလၢတၢ်မုၢ်တၢ်ဘိအါအါဂီၢ်ဂီၢ်န့ၣ်လီၤ. တုၤနုၤတစုသုလုၢ်ထီၣ်အီၤလၢဘုဧိၤဟုဧိၤဒီးစပံးထံကသ့ ဝဲန့ၣ်လီၤ.

လံာ်ဧၤမိၣ် 5:10

သုဝဲသ့ၣ်အံၤ, သုသးဟ့ကယဲၢ်ပှၤလၢအတၤတၢ်တတီတလိၤဒီးကတိၤ တၢ်မ့ၢ်တၢ်တီလၢကွီၢ်ဘျီၣ်ပူၤန့ၣ်လီၤ.

လံာ်ဧၤမိၣ် 5:24

မ့မ့ၢ်, ပျဲတၢ်တီတၢ်လိၤယွၤလီၤဒ်ထံကျိဖိအသိးဒီးတၢ်မ့ၢ် တၢ်တီဒ်ထံမိၢ်ပှၢ်လၢအလီၤသံးတသ့ဘၣ်အသိးတက့ၢ်.

လံာ်ဧၤမိၣ် 5:6

ဃုယွၤတက့ၢ်ဒီးသုကမူလီၤ. သုမ့ၢ်တဃုအီၤဘၣ်ဒီးအဝဲကမၤပျီကွံာ်သုဒ်မ့ၣ်အူအီၣ်ကွံာ်ကီၢ် အံၣ်စရ့လးအပှၤဂီၢ်မုၢ်အသိးန့ၣ်လီၤ. မ့ၣ်အူကအီၣ်ကွံာ်ဝ့ၢ် ဘ့ၤသ့လးအပှၤဂီၢ်မုၢ်, ဒီးပှၤလၢကမၤလီၤပံာ်ကွံာ်အီၤတအိၣ်နီတဂၤဘၣ်.

လံာ်ဧၤမိၣ် 6:12

ကသ့ၣ်တဖၣ်ကဃ့ၢ်လၢလၢၢ်အလိၤစ့ၢ်ကီးဧါ. ပှၤကထဲၣ်ပီၣ်လဲၣ်လၢဂီၤဖံးစ့ၢ်ကီးဧါ. ဘၣ်ဆၣ်သုဘိးကဒါကွံာ်တၢ်စံၣ်ညီၣ်တီဆူတၢ်စုၣ်တၢ်ပျၢ်ဒီးတၢ် အဘၣ်ဆူတၢ်ကမၣ်လီၤ.

လံာ်ဧၤမိၣ် 7:3

ယွၤလဲလိာ်က့ၤအသးဒီးစံးဝဲ, တၢ်လၢနထံၣ်တ့ၢ်န့ၣ်တမၤအသးဘၣ်.

လံာ်ယိၤနါ 1:6

ပှၤကဘီဖိအခိၣ်ဟဲဆူအအိၣ်ဒီးစံးဘၣ်အီၤ, “ဘၣ်မနုၤလၢနမံန့ၣ်လဲၣ်. ဂဲၤဆၢထၢၣ်ဒီးကိးထီၣ်နကစၢ်န့ၣ်တက့ၢ်. ဘၣ်တဘၣ်အဝဲကသ့ၣ်နီၣ်ပှၤဒ်သိးပသုတဟးဂီၤတဂ့ၤအဂီၢ်န့ၣ်လီၤ.”

လံာ်ယိၤနါ 3:9

ဘၣ်တဘၣ်ကစၢ်ယွၤကလဲလိာ်က့ၤအသး, ဘၣ်တဘၣ်အဝဲကဆိ ကတီၢ်ကွံာ်အတၢ်သးဒိၣ်ဒီးပတတုၤလၢတၢ်ဟးဂီၤလၢၤဘၣ်.”

လံာ်မံကၤ 2:12

“ဘၣ်ဆၣ်ဒီးယကထၢဖှိၣ်က့ၤကီၢ်အံၣ်စရ့လးအပှၤဂီၢ်မုၢ်လၢ အအိၣ်လီၤတဲာ်တ့ၢ်တဖၣ်တပူၤဃီလီၤ. ယကဟဲက့ၤစိာ်သုဆူ တၢ်လီၢ်တပူၤဃီဒ်သိလၢအဟဲက့ၤဆူသိကရၢၢ်ပူၤအသိးလီၤ. ဒ်အီၣ်ဆၣ်အလီၢ်တဖၣ်အိၣ်ပှဲၤဝဲလၢသိတဖၣ်အသိးန့ၣ်သု ကီၢ်အံၤကပှဲၤကဒီးတဘျီလၢပှၤဂီၢ်မုၢ်တဖၣ်လီၤ”.

လံာ်မံကၤ 3:2

အန့ၣ်ဒၣ်လဲာ်, သုသးဟ့တၢ်လၢအဂ့ၤဒီးအဲၣ်တၢ်လၢအအၢအသီလီၤ. သုအုၣ်ကွံာ်မူဒံးယပှၤဂီၢ်မုၢ်အဖံးဒီး အိးကွံာ်အညၣ်လၢအဃံတဖၣ်အလိၤလီၤ.

လံာ်မံကၤ 5:3

မၤသးဒ်န့ၣ်ဒီး, ယွၤကဒုးစူးကွံာ်ညိကွံာ်အပှၤဂီၢ်မုၢ်ဆူအဒုၣ်အဒါတဖၣ် အစုပူၤတုၤပိာ်မုၣ်လၢအကဆံးစၢ်တဂၤန့ၣ်န့ၢ်ဘၣ်အဖိခွါလီၤ. တုၤနုၤတစု, အထံဖိကီၢ်ဖိကဒဲကဒဲလၢအဘၣ်တၢ်စိာ်မၢကဲကုၢ်အီၤတဖၣ်န့ၣ်, ကဘၣ်တၢ်ပာ်ဖှိၣ်က့ၤဃုာ်အီၤဒီးအပှၤဂီၢ်မုၢ်ဒၣ်ဝဲလီၤ.

လံာ်စဖါနယၤ 2:3

ကယဲၢ်ပှၤလၢအဆီၣ်လီၤအသးလၢထံဧိၤကီၢ်ဧိၤအပူၤ, ပှၤလၢအစူၢ်အတၢ်မၤလိာ်တဖၣ်သ့ၣ်ဧၢ, ဃၣ်က့ၤသုသးဆူ ယွၤအအိၣ်တက့ၢ်. မၤတၢ်တီတၢ်လိၤဒီးဆီၣ်လီၤသုသးလၢယွၤအမဲာ်ညါန့ၣ်တက့ၢ်. ဘၣ်တဘၣ်မုၢ်တနံၤလၢယွၤပာ်ဖျါထီၣ်အတၢ်သးထီၣ်န့ၣ်သုကပူၤ ဖျဲးလၢအတၢ်စံၣ်ညီၣ်န့ၣ်လီၤ.

လံာ်မၤလကံ 3:18

တုၤနုၤတစု, ယပှၤဂီၢ်မုၢ်ကထံၣ်ဘၣ်တၢ်လီၤဆီလၢအမၤအ သးလၢပှၤတီပှၤလိၤဒီးပှၤတတီတလိၤ, ပှၤလၢအမၤယတၢ်ဒီးပှၤလၢ အတမၤယတၢ်အဘၢၣ်စၢၤန့ၣ်လီၤ.”

ရိမ့ၤ 12:9

တၢ်အဲၣ်တၢ်ကွံကဘၣ်မ့ၢ်တၢ်လၢအပူၤဖျဲးဒီးတၢ်ပာ်မၤ အသးန့ၣ်လီၤ. သးဟ့တၢ်လၢအအၢ, ဒီးဟံးဃာ်တၢ် လၢအဂ့ၤန့ၣ်တက့ၢ်.

ရိမ့ၤ 7:22

လၢယသးကံၢ်ပူၤတခီ, ယသူၣ်ခုသးခုလၢကစၢ်ယွၤအတၢ်သိၣ်တၢ်သီအပူၤန့ၣ်လီၤ.

ရိမ့ၤ 8:7

လၢတၢ်န့ၣ်အဃိ, ပှၤဟီၣ်ခိၣ်ဖိတဂၤကဲထီၣ်ကစၢ်ယွၤ အဒုၣ်အဒါဖဲအဝဲအတၢ်ဆိကမိၣ်ဆိကမးဘၣ်တၢ်ပၢ ဆှၢအီၤလၢပှၤဟီၣ်ခိၣ်ဖိအန့ဆၢၣ်န့ၣ်လီၤ. အဂ့ၢ်ဒ်လဲၣ်န့ၣ် အဝဲတကစၢ်ယွၤအတၢ်သိၣ်တၢ်သီဘၣ်. နီၢ်နီၢ်န့ၣ်စူၢ်ဝဲ တကဲဘၣ်န့ၣ်လီၤ.

၃ ယိၤဟၣ် 1:11

ယတံၤသကိးသးဘိဧၢ, တဘၣ်ကွၢ်လိမၤဒိးတၢ်အၢတၢ်သီတဂ့ၤ. မ့မ့ၢ်, ကွၢ်လိမၤဒိးတၢ်ဂ့ၤန့ၣ်တက့ၢ်. ပှၤတဂၤဂ့ၤတဂၤဂ့ၤလၢ အမၤတၢ်ဂ့ၤန့ၣ်ဘၣ်ဃးဒီးကစၢ်ယွၤ, ဒီးပှၤတဂၤဂ့ၤတဂၤဂ့ၤလၢ အမၤတၢ်အၢန့ၣ်တထံၣ်ဘၣ်ဒံးကစၢ်ယွၤဘၣ်.