လံာ်ဧၤမိၣ် 5:13 - Sgaw Karen Common Bible

¹³ မၤသးဒ်န့ၣ်ဒီး, ပှၤလၢအကူၣ်တၢ်သ့န့ၣ်ကအိၣ်ဃိကလာ်လၢတၢ် အကတီၢ်ဒ်သိးအံၤအပူၤန့ၣ်လီၤ. အဂ့ၢ်ဒ်အံၤ, မ့ၢ်တၢ်အကတီၢ်လၢအအၢလီၤ.

လံာ်ဧၤမိၣ် 5:13 Iomraidhean Croise

လံာ်စီၤပၤခံဘ့ၣ်တဘ့ၣ် 18:36

ပှၤဂီၢ်မုၢ်အိၣ်ဘှီၣ်ကလာ်ဒ်စီၤဃံးစကံယၤတဲဘၣ်တ့ၢ်အဝဲသ့ၣ် လၢကဘၣ်မၤဝဲအသိးန့ၣ်လီၤ. အဝဲသ့ၣ်တကတိၤတၢ်နီတဘီဘၣ်.

လံာ်စီၤယိၤဘး 32:16

မ့ၢ်ယကဘၣ်အိၣ်ခိးဒံးယဲဖဲအဝဲသ့ၣ်အိၣ်ဘှီၣ်အခါန့ၣ်ဧါ. အဝဲသ့ၣ်ဂဲၤဆၢထၢၣ်ဖဲန့ၣ်ဒီးတကတိၤလၢၤတၢ်နီတမံၤဘၣ်.

စံးထီၣ်ပတြၢၤ 38:14

မ့ၢ်လီၤ. ယလီၤဂာ်ဒီးပှၤလၢအတနၢ်ဟူတၢ် ဒီးတကတိၤဆၢတၢ်အၢလၢ အထးခိၣ်ဘၣ်တဂၤန့ၣ်လီၤ.

လံာ်ပှၤစံၣ်တဲၤတဲလီၤတၢ် 3:7

တၢ်အကတီၢ်လၢတၢ်ကဖှီတဲာ်တၢ်အဂီၢ်, ဒီးတၢ်အကတီၢ်လၢတၢ်ကဆးကျးတၢ်အဂီၢ်, တၢ်အကတီၢ်လၢတၢ်ကအိၣ်ဘှ့ၣ်အဂီၢ်, ဒီးတၢ်ဆၢကတီၢ်လၢတၢ်ကကတိၤတၢ်အဂီၢ်လီၤ.

လံာ်ပှၤစံၣ်တဲၤတဲလီၤတၢ် 9:12

နတသ့ၣ်ညါနဆၢကတီၢ်ကတုၤအိၣ်နၤခဲလဲၣ်န့ၣ်ဘၣ်. ဒ်ထိၣ်တဖၣ်ဘၣ်တၢ်ဖီၣ်န့ၢ်အီၤသတူၢ်ကလာ်လၢပျံၤသကွီၤအသိး, ဒီးဒ်ဒ့ၣ်ဧိၤညၣ်ဧိၤဘၣ်တၢ်ဖီၣ်န့ၢ်အီၤလၢပှာ်ဧိၤစၤဧိၤအသိး န့ၣ်, ပဘၣ်တ့ၢ်ထုလၢဆၢကတီၢ်အၢသီတနီၤအပူၤဖဲပတမုၢ်လၢ်အီၤ အခါန့ၣ်လီၤ.

လံာ်ယၡါယၤ 36:21

ပှၤဂီၢ်မုၢ်အိၣ်ဘှီၣ်ကလာ်ဝဲဒ်စီၤပၤဃံးစကံယၤစံးဘၣ်တ့ၢ် အဝဲသ့ၣ်အသိးဒီးအဝဲသ့ၣ်တကတိၤတၢ်နီတဘီဘၣ်န့ၣ်လီၤ.

လံာ်ယၡါယၤ 37:3

အအံၤမ့ၢ်တၢ်ကစီၣ်လၢအဝဲစံးဘၣ်တ့ၢ်အဝဲသ့ၣ်လၢကလဲၤဟ့ၣ်ဝံ ယၡါယၤအဂီၢ်လီၤ. “မုၢ်တနံၤအံၤမ့ၢ်တၢ်နးတၢ်ဖှီၣ်အမုၢ်တနံၤလီၤ. ပဘၣ်တၢ်စံၣ်ညီၣ်တ့ၢ်ပှၤဒီးပဘၣ်တၢ်မၤမဲာ်ဆှးပှၤလီၤ. ပလီၤဂာ်ဒီးပိာ်မုၣ်တဂၤလၢအိၣ်ကတဲာ်ကတီၤအသးလၢကဆံးစၢ် အဖိ, ဘၣ်ဆၣ်အဂံၢ်အဘါစၢ်ကဲၣ်ဆိးလၢကမၤဝဲအဂီၢ်န့ၣ်လီၤ.

လံာ်ဟိၤၡ့ 4:4

ယွၤစံးဝဲဒၣ်, မ်ပှၤသုတလိာ်ကွီၢ်မ့တမ့ၢ်, စံၣ်ညီၣ်ပှၤဂီၢ်မုၢ်နီတဂၤတဂ့ၤ. ယတၢ်လိာ်ကွီၢ်န့ၣ်အိၣ်ဝဲထီဒါသုဝဲပှၤလုၢ်တၢ်အခိၣ်တဖၣ်န့ၣ်လီၤ.

လံာ်ဧၤမိၣ် 6:10

ဒီးပှၤသံအဘူးအတံၢ်, ပှၤတဂၤလၢအဘၣ်မူဘၣ်ဒါလၢတၢ်ခူၣ်လီၤ ဘျၢလီၤန့ၣ်ကစိာ်ထီၣ်ကွံာ်အနီၢ်ခိဆူဟံၣ်အချၢလီၤ. ဒီးကကိးထီၣ်ပှၤတဂၤလၢ်လၢ်လၢအအိၣ်တ့ၢ်လၢဟံၣ်ပူၤ, ပှၤအိၣ်ဒံးဒီးနၤတဂၤဂၤဧါ. ဒီးအဝဲဒၣ်ကစံးဆၢ, တအိၣ်ဘၣ်. တုၤနုၤတစုအဘူးအတံၢ်ကစံး, အိၣ်ဘှီၣ်ကလာ်တက့ၢ်. ပကဘၣ်ပလီၢ်ပဒီပသးဒ်သိးပသုတယၢၤထီၣ်ဘၣ်ဒၣ်လဲာ်ယွၤ အမံၤတဂ့ၤလီၤ.

လံာ်မံကၤ 2:3

မၤသးဒ်န့ၣ်ဒီးယွၤစံးဝဲဒၣ်, “ယကူၣ်ထီၣ်ကျဲၤလီၤလၢယက ဟဲစိာ်တၢ်နးတၢ်ဖှီၣ်လၢသုလိၤ, ဒီးသုဂုာ်ထူၣ်ဖျဲးလၢအီၤ တသ့ဘၣ်. သုကထံၣ်လီၤသုသးလၢသုအိၣ်လၢတၢ်ကီတၢ်ခဲ အပူၤသတးဒီးသုတဟးလၢၤဘၣ်လၢတၢ်သးထီၣ်ထီအပူၤနီတစုဘၣ်.

လံာ်ဃဘးကူာ် 3:16

ယနၢ်ဟူကယဲၢ်တၢ်အံၤခဲလၢာ်, ဒီးယကနိးကစုာ်ယဲလီၤ. ယထးခိၣ်ဝးဝဲလၢတၢ်ပျံၤတၢ်ဖုးလီၤ. ယနီၢ်ခိလဲၤကပံၢ်ကပၢ် ဒီးယခီၣ်ဘၣ်တိၢ်လၢယခီၣ်ထံးလီၤ. ယကအိၣ်ဃိကလာ်ဒီးအိၣ်ခိးတၢ်ဆၢကတီၢ် ဖဲကစၢ်ယွၤကစံၣ်ညီၣ်ပှၤလၢအဒုးတၢ် ထီဒါပှၤတဖၣ်န့ၣ်လီၤ.

အ့းဖ့းစူး 6:13

လၢတၢ်န့ၣ်အဃိကူထီၣ်သိးထီၣ်တၢ်ဒုးသုးအကူအသိးလၢ ကစၢ်ယွၤဟ့ၣ်သုအခဲအံၤ, ဒ်သိးဒီးလၢမုၢ်နံၤအအၢအသီ န့ၣ်သုတြီဆၢသုဒုၣ်သုဒါကန့ၢ်ဒီးဒ်သိးသုဒုးတၢ်ခဲလၢာ်ဝံၤဒီးသု ကအိၣ်ဆၢထၢၣ်ဒံးအဂီၢ်န့ၣ်တက့ၢ်.

၂ တံၤမသ့း 3:1

သ့ၣ်နီၣ်ထီၣ်က့ၤလၢတၢ်ဆၢကတီၢ်အကီအခဲကအိၣ်ထီၣ် ဝဲလၢမုၢ်နံၤခံကတၢၢ်တဖၣ်အပူၤန့ၣ်တက့ၢ်.