လံာ်ဧၤမိၣ် 5:1 - Sgaw Karen Common Bible

¹ ဒိကနၣ်, ကီၢ်အံၣ်စရ့လးအပှၤဂီၢ်မုၢ်ဧၢ, ယသးဝံၣ်တၢ်ဘၣ်မိၣ်ဘၣ်မးအထါအံၤလၢသုဂီၢ်လီၤ.

လံာ်ဧၤမိၣ် 5:1 Iomraidhean Croise

လံာ်ယံးရမံယၤ 18:13

ယွၤစံးဝဲဒၣ်, “တၢ်ဒ်သိးအံၤမ့ၢ်အမၤတ့ၢ်အသးလၢညါတဘျီဘျီဧါန့ၣ်, သံကွၢ်ပှၤကိးကလုာ်ဒဲးတက့ၢ်. ကီၢ်အံၣ်စရ့လးအပှၤဂီၢ်မုၢ်မၤတ့ၢ်တၢ်လီၤပျံၤလီၤဖုးတမံၤန့ၣ်လီၤ.

လံာ်ယံးရမံယၤ 7:29

ဟီၣ်တၢ်ယၢၤတၢ်တက့ၢ်. ဝ့ၢ်ယရူၤၡလ့ၣ်အပှၤဂီၢ်မုၢ်သ့ၣ်ဧၢ, တံာ်တဲာ်ကွံာ်သုခိၣ်သူဒီးစူးကွံာ်အီၤတက့ၢ်. သးဝံၣ်တၢ်သံအတၢ်သးဝံၣ်တယုၢ်လၢတၢ် လူၢ်တဖၣ်အဒီခိၣ်တက့ၢ်. အဂ့ၢ်ဒ်အံၤ, ယၤ, ယွၤအံၤ, ယသးကဲၤထီၣ် ဒီးယညိကွံာ်ယပှၤဂီၢ်မုၢ်လံ.

လံာ်ယံးရမံယၤ 9:10

ယစံးတ့ၢ်ယဲ, “ယကဟီၣ်တၢ်ယၢၤတၢ်လၢကစၢၢ်ကလိတဖၣ်အဃိ, ဒီးဟီၣ်လၢတၢ်အီၣ်ဆၣ်အလီၢ်တဖၣ်အဃိလီၤ. အဂ့ၢ်ဒ်အံၤ, အဝဲသ့ၣ်ဃ့ထီကွံာ်ဝဲ ဒီးပှၤတလဲၤခီဂာ်အဝဲသ့ၣ်နီတဂၤဘၣ်. ဆၣ်ဖိကီၢ်ဖိအဒၢအတၢ်ကိးထီၣ်အသီၣ်န့ၣ်တၢ်တနၢ်ဟူ လၢၤဘၣ်အီၤဘၣ်. ထိၣ်လၢတၢ်ဖးဖီတဖၣ်ယူၤကွံာ်ဝဲဒီးဆၣ်ဖိကီၢ်ဖိ အမံၤတဖၣ်ဟးကွံာ်ခဲလၢာ်လံ.”

လံာ်ယံးရမံယၤ 9:17

ယွၤသ့တၢ်လၢာ်စံးဝဲဒၣ်, “ကွၢ်ဆိကမိၣ်တၢ်ဘၣ်ဃးတၢ်လၢအမၤအသးအဂ့ၢ်တက့ၢ်. ကိးန့ၢ်ပှၤပိာ်မုၣ်တဖၣ်လၢအဟီၣ်ယၢၤတၢ်သံအတၢ်သးဝံၣ်တဖၣ်, ပှၤပိာ်မုၣ်တဖၣ်လၢအဟီၣ်ယၢၤတၢ်အသ့ကတၢၢ်, ဒီးမၢအဟဲတက့ၢ်.”

လံာ်ယံးရမံယၤ 9:20

ယစံးတ့ၢ်ယဲ, “သုဝဲပိာ်မုၣ်သ့ၣ်ဧၢ, ဒိကနၣ်ယွၤ ဒီးပာ်သူၣ်ပာ်သးလၢအဝဲအတၢ်ကတိၤတဖၣ်န့ၣ်တက့ၢ်. သိၣ်လိသုဖိမုၣ်တဖၣ်လၢကဘၣ်ဟီၣ်ဝဲယၢၤဝဲဒ်လဲၣ်, ဒီးသုတံၤသကိးတဖၣ်လၢကဘၣ်သးဝံၣ်တၢ်သံအတၢ်သးဝံၣ်တယုၢ် ဒ်လဲၣ်န့ၣ်တက့ၢ်.

လံာ်ယံးရမံယၤ 9:9

လၢတၢ်သ့ၣ်တဖၣ်အံၤအဃိမ့ၢ်ယတဘၣ်စံၣ်ညီၣ်အဝဲသ့ၣ်ဘၣ်ဧါ. ပှၤဒ်အံၤတကလုာ်န့ၣ်, မ့ၢ်ယတဘၣ်ဟ့ၣ်ကၣ်အီၤဘၣ်ဧါ. ယၤ, ယွၤအံၤကတိၤလံတၢ်လံ.”

လံာ်ယဃ့းစက့လး 19:1

ယွၤတဲဘၣ်ယၤလၢယကဘၣ်သးဝံၣ်တၢ်သူၣ်အုးသးအုး အတၢ်သးဝံၣ်အံၤလၢကီၢ်အံၣ်စရ့လးအစီၤပၤဖိခွါခံဂၤ အဂီၢ်န့ၣ်လီၤ.

လံာ်ယဃ့းစက့လး 19:14

စပံးမုၢ်အထူၣ်မ့ၣ်အူအီၣ်အီၤလီၤ. အဒ့ဒီးအသၣ်တဖၣ်မ့ၣ် အူအီၣ်ကွံာ်အီၤန့ၣ်လီၤ. အဒ့တဖၣ်အဂံၢ်တဆူၣ်ကဒီးလၢၤနီတစု ဘၣ်. တကဲထီၣ်လၢၤစီၤပၤအနီၣ်ထိးဘိတဖၣ်နီတစုလၢၤဘၣ်. အအံၤမ့ၢ်တၢ်သူၣ်အုးသးအုးအတၢ်သးဝံၣ်တယုၢ်န့ၣ်လီၤ. တၢ်အံၤဘၣ်တၢ်သးဝံၣ်အီၤတဘျီဘၣ်တဘျီန့ၣ်လီၤ.

လံာ်ယဃ့းစက့လး 26:17

အဝဲသ့ၣ် ကသးဝံၣ်တၢ်သံအတၢ်သးဝံၣ်လၢနဂီၢ်န့ၣ်လီၤ. ဝ့ၢ်လၢအမံၤဟူသၣ်ဖျါန့ၣ်ဘၣ်တၢ်မၤဟးဂီၤကွံာ်အီၤလံ. ထံစိာ်ကွံာ် အဝဲအကဘီတဖၣ်လၢပီၣ်လဲၣ်တဖၣ်အပူၤလံ. ဝ့ၢ်အံၤအပှၤဂီၢ်မုၢ်, ပၢတ့ၢ်ပီၣ်လဲၣ်တဖၣ်ဒီး မၤပျံၤမၤဖုး ကယဲၢ်ပှၤတဖၣ်လၢအအိၣ်လၢပီၣ်လဲၣ်ကၢၢ်နံၤန့ၣ်လီၤ.

လံာ်ယဃ့းစက့လး 32:16

တၢ်ဟ့ၣ်ပလီၢ်သမှံၤသပှၢ်တမံၤအံၤကကဲထီၣ်တၢ်သံအတၢ်သးဝံၣ် တယုၢ်န့ၣ်လီၤ. ပှၤကလုာ်တဖၣ်အပှၤပိာ်မုၣ်တဖၣ်ကသးဝံၣ်တၢ်လၢ တၢ်ဟီၣ်ဘၣ်ယၢၤဘၣ်တၢ်လၢကီၢ်အဲၤကူပတူးဒီးအပှၤဂီၢ်မုၢ်အဃိ န့ၣ်လီၤ. ယၤ, ယွၤပၢဘၣ်တၢ်ခဲလၢာ်ကစၢ်ကတိၤလံတၢ်လံ.”

လံာ်ယဃ့းစက့လး 32:2

အဝဲစံးဝဲဒၣ်, “ပှၤကညီလၢအသံသ့ဧၢ, ဟ့ၣ်ကီၢ်အဲၤကူပတူး အစီၤပၤလၢတၢ်ဟ့ၣ်ပလီၢ်သမှံၤသပှၢ်တမံၤအံၤတက့ၢ်. ဟ့ၣ်အီၤ လၢယတၢ်ကစီၣ်အံၤန့ၣ်တက့ၢ်. နမၤနသးဒ်ခ့ယုၢ်တဒုလၢပှၤ ကလုာ်တဖၣ်အကျါအသိး, ဘၣ်ဆၣ်နလီၤဂာ်ဒိၣ်ဒၣ်တၢ်တက့ၢ်ဒီး သမၣ်တဘိလၢအလဲၤတၢ်သီၣ်ပြူၤပြူၤလၢထံကျိပူၤအသိး န့ၣ်လီၤ. နမၤဒုထီၣ်ထံလၢနခိၣ်ဒီးမၤဘၣ်အၢထံကျိတဖၣ်န့ၣ်လီၤ.

လံာ်ဧၤမိၣ် 3:1

ပှၤအံၣ်စရ့လးဖိသ့ၣ်ဧၢ, ဒိကနၣ်တၢ်ကစီၣ်အံၤလၢယွၤကတိၤတ့ၢ် တၢ်ဘၣ်ဃးဒီးသု, တၢ်ကတိၤထီဒါပှၤဒီကလုာ်ညါလၢအဒုးဟးထီၣ်ကွံာ်ဝဲလၢကီၢ် အဲၤကူပတူးပူၤတက့ၢ်.

လံာ်ဧၤမိၣ် 4:1

ဒိကနၣ်တၢ်အံၤ, သုဝဲပိာ်မုၣ်တဖၣ်လၢကီၢ်ၡၤမရံလၢအဘီၣ်ထီၣ်လီၤဂာ်ဒ်ဘၤၡၣ် အဂီၤဖံးမိၢ်တဖၣ်လၢအဘၣ်တၢ်လုၢ်အီၣ်လုၢ်အီအီၤဂ့ၤဂ့ၤ ကလဲာ်အသိး, လၢအမၤတရီတပါပှၤဂံၢ်စၢ်ဘါစၢ်, မၤအၢမၤနးပှၤဖှီၣ်ဖိယာ်ဖိဒီးလၢအဃ့ကိၢ်ဃ့ဂီၤသုဝၤ တဖၣ်လၢကဟဲစိာ်ဒုးအီသုလၢစပံးထံသ့ၣ်ဧၢ,

လံာ်ဧၤမိၣ် 5:16

မၤသးဒ်န့ၣ်ဒီး, တၢ်စိတၢ်ကမီၤခဲလၢာ်အယွၤ, သ့တၢ်လၢာ်ကစၢ်စံးဝဲဒၣ်, တၢ်ဟီၣ်တၢ်ယၢၤဒီးတၢ်သူၣ်အုးသးအုးအတၢ်ကိးပသူတဖၣ်ကအိၣ်လၢ ဝ့ၢ်အကျဲတဖၣ်အပူၤလီၤ. ပှၤထူစံာ်ဖိတဖၣ်ဒၣ်လဲာ်ကဘၣ်တၢ်ကိးအီၤဒ်သိးကအုၣ်တၢ်သံအထါ ဃုာ်ဒီးပှၤဘၣ်တၢ်ဟ့ၣ်ဘူးဟ့ၣ်လဲအီၤလၢကအုၣ်တၢ်တဖၣ်လီၤ.

လံာ်ဧၤမိၣ် 8:14

ပှၤလၢအမၤတၢ်ဆိၣ်လၢကီၢ်ၡၤမရံအတၢ်ဂီၤတၢ်ဖီၣ်တဖၣ်အမဲာ်ညါဒီးစံး, “ပှၤဒၣ်ဖိအကစၢ်မူဝဲ,” ဒီး “ဝ့ၢ်ဘ့ၢ်ၡဘၤအကစၢ်မူဝဲ,” တဖၣ်န့ၣ်ကလီၤဃံၤဝဲဒီးတဂဲၤဆၢထၢၣ်ကဒါက့ၤလၢၤဘၣ်.

လံာ်မံကၤ 2:4

ဖဲတၢ်ဆၢကတီၢ်န့ၣ်ဟဲတုၤဝဲဒီး, ပှၤကသူတၢ်တဲပူဘၣ်ဃးဒီးသုဂ့ၢ်ဒ်တၢ်ဟးဂူာ်ဟးဂီၤအဒိအတဲာ် တမံၤ, ဒီးအဝဲသ့ၣ်ကသးဝံၣ်တၢ်သးဟးဂီၤအတၢ် သးဝံၣ်ဘၣ်ဃးဒီးသုတၢ်လဲၤခီဖျိအဂ့ၢ်ဒ်အံၤလီၤ. ပဟးဂီၤလၢာ်လၢာ်ဆ့ဆ့လံ. ယွၤဟံးထီၣ်ကွံာ်ပစံာ်လီၢ်ပှဲၤလီၢ်တဖၣ်. ဒီးဟ့ၣ်လီၤကွံာ်အီၤဆူပှၤလၢအစိာ်မၢကဲကုၢ်ပှၤတဖၣ်အအိၣ်န့ၣ်လီၤ.”