လံာ်ဧၤမိၣ် 4:6 - Sgaw Karen Common Bible

⁶ ယမ့ၢ်ပှၤတဂၤလၢအဟဲစိာ်တၢ်သၣ်ဝံၤလီၤဒိဆူကယဲၢ်သုဝ့ၢ်ခဲ လၢာ်အပူၤလီၤ. အန့ၣ်ဒၣ်လဲာ်သုတဟဲက့ၤကဒါက့ၤဆူယအိၣ်ဘၣ်.

လံာ်ဧၤမိၣ် 4:6 Iomraidhean Croise

လံာ်စီၤပၤအခီၣ်ထံးတဘ့ၣ် 17:1

ဝံတဂၤလၢအမံၤမ့ၢ်စီၤအ့ၤလံယၤ, လၢဝ့ၢ်တံးၡဘး, ကီၢ်ကံးလဧးအပူၤန့ၣ်စံးဘၣ်စီၤပၤအၤဃာ်, “လၢယွၤ, ကီၢ်အံၣ်စရ့လးအကစၢ်ယွၤလၢအမူဝဲလၢယမၤအတၢ်တဂၤ အမံၤအပူၤန့ၣ်, ယတဲဘၣ်နၤလၢမ့တမ့ၢ်လၢယစံးတၢ်တမံၤမံၤဒံးဘၣ်န့ၣ်, ပစီၤထံမ့ၢ်ဂ့ၤတၢ်စူၤထံမ့ၢ်ဂ့ၤတအိၣ်ဘၣ်နီတစဲးလၢဆူညါ ခံနံၣ်မ့တမ့ၢ်သၢနံၣ်အတီၢ်ပူၤဘၣ်လီၤ.”

လံာ်စီၤပၤအခီၣ်ထံးတဘ့ၣ် 18:2

လၢတၢ်န့ၣ်အဃိစီၤအ့ၤလံယၤစးထီၣ်လဲၤတၢ်န့ၣ်လီၤ. မ့ၢ်တၢ်ဆၢကတီၢ်ဖဲတၢ်သၣ်ဝံၤလီၤဒိလၢကီၢ်ၡၤမရံအပူၤနးက တၢၢ်,

လံာ်စီၤပၤခံဘ့ၣ်တဘ့ၣ် 4:38

ဘၣ်တဘျီ, ဖဲတၢ်သၣ်ဝံၤလီၤဒိတမံၤမၤအသးလၢထံကီၢ်ဒီဘ့ၣ် ညါအခါန့ၣ်, စီၤအလံၤၡါဟဲက့ၤကဒါက့ၤဆူဝ့ၢ်ကံးလကၤလးန့ၣ်လီၤ. ဖဲအဝဲသိၣ်လိဝံတဖၣ်အခါန့ၣ်အဝဲတဲဘၣ်အခ့အပှၤလၢကဒိထီၣ် သပၢၤဖးဒိၣ်တဖျၢၣ်လၢမ့ၣ်အူအဖီခိၣ်ဒီးဖီန့ၢ်အဝဲသ့ၣ်ကသူ ထံတကပၢၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 8:1

ဒီးခဲအံၤစီၤအလံၤၡါတဲဘၣ်ပိာ်မုၣ်လၢအအိၣ်ဆိးလၢဝ့ၢ်ၡူ န့ၣ်, လၢအဝဲမၤမူထီၣ်န့ၢ်က့ၤအဖိခွါလၢ, ယွၤကဒုးလီၤဘၣ်တၢ်သၣ် ဝံၤလီၤဒိတမံၤလၢကီၢ်န့ၣ်, လၢကယံာ်ဝဲနွံနံၣ်, ဒီးလၢအဝဲကဘၣ်ဟးထီၣ်ဃုာ်ဒီးအပှၤဟံၣ်ဖိဃီဖိ, ဒီးလဲၤဒီးအိၣ်ဆိးလၢတၢ်လီၢ်အဂၤတတီၤတီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 28:22

ဒီးဖဲအဝဲအတၢ်ကိၢ်တၢ်ဂီၤတဖၣ်တုၤဃီၤဆူအအၢကတၢၢ် အကတီၢ်န့ၣ်, စီၤအၤဃးတဂၤန့ၣ်မၤတၢ်ဒဲးဘးထီဒါယွၤအါန့ၢ်ဒံးအလီၢ် တက့ၢ်န့ၣ်လီၤ.

လံာ်ယၡါယၤ 26:11

နဒုၣ်နဒါတဖၣ်တသ့ၣ်ညါဝဲ လၢနကစံၣ်ညီၣ်အဝဲသ့ၣ်ဘၣ်. ယွၤဧၢ, မၤမဲာ်ဆှးအဝဲသ့ၣ်ဒီးပျဲအ ဝဲသ့ၣ်တူၢ်ဘၣ်တၢ်တက့ၢ်. ပျဲအဝဲသ့ၣ်တူၢ်ဘၣ်နတၢ်စံၣ်ညီၣ် လၢနကတဲာ်ကတီၤပာ်စၢၤန့ၣ်တက့ၢ်. ဒုးနဲၣ်အဝဲသ့ၣ်လၢနအဲၣ်နပှၤဂီၢ်မုၢ်ထဲလဲၣ်န့ၣ်တက့ၢ်.

လံာ်ယၡါယၤ 3:1

ခဲအံၤယွၤ, ယွၤသ့တၢ်လၢာ်, ကဟံးထီၣ် ကွံာ်တၢ်ခဲလၢာ်ဒီးပှၤကိးဂၤဒဲးလၢ ပှၤဂီၢ်မုၢ်သန့ၤအသးလၢအီၤလၢအအိၣ်ဝဲလၢ ဝ့ၢ်ယရူၤရှလ့ၣ်ဒီးကီၢ်ယူဒၤအပူၤ, ဒီးအဝဲကစိာ်ကွံာ်အတၢ်အီၣ်ဒီးအထံဧိၤနိဧိၤ,

လံာ်ယၡါယၤ 9:12

ကီၢ်စူၤရံလၢမုၢ်ထီၣ်တခီဒီးကီၢ်ဖလ့ၡသးလၢမုၢ်နုာ်တခီအိးထီၣ် တ့ၢ်အကိာ်ပူၤတဖၣ်လၢကအီၣ်ယူၢ်လီၤကွံာ်ကီၢ်အံၣ်စရ့လးလီၤ. အန့ၣ်ဒၣ်လဲာ်, ယွၤအတၢ်သးထီၣ်တဆိကတီၢ်တ့ၢ်အသးဘၣ်. အစုယူာ်ထီၣ်ဒံးအသးလၢကစံၣ်ညီၣ်တၢ်အဂီၢ်လီၤ.

လံာ်ယၡါယၤ 9:13

ပှၤအံၣ်စရ့လးဖိတဖၣ်တပီၢ်ယၢ်လီၤက့ၤအသးဘၣ်. ယွၤသ့တၢ်လၢာ်ကစၢ်, စံၣ်ညီၣ်တ့ၢ်လံအဝဲသ့ၣ်ဒၣ်လဲာ်န့ၣ်, အဝဲသ့ၣ်တဟဲက့ၤကဒါက့ၤဆူအအိၣ်ဘၣ်.

လံာ်ယံးရမံယၤ 14:18

ဖဲယလဲၤဟးထီၣ်လၢစံာ်ပျီတဖၣ်အပူၤဒီး, ယထံၣ်ဘၣ်ပှၤလၢအသံလၢတၢ်ဒုး တၢ်ယၤအပူၤတဖၣ်အစိၣ်န့ၣ်လီၤ. ဖဲယလဲၤနုာ်ဆူဝ့ၢ်တဖၣ်အပူၤဒီး, ယထံၣ်ဘၣ်ပှၤဂီၢ်မုၢ်သၣ်ဝံၤလီၤဒိဘူးလၢ အကသံန့ၣ်လီၤ. အဂ့ၢ်ဒ်အံၤ, ဝံတဖၣ်ဒီးပှၤလုၢ်တၢ်အခိၣ်တဖၣ် မၤဒံးဒၣ်အဝဲသ့ၣ်အတၢ်မၤ, ဘၣ်ဆၣ်ဒီးမၤတၢ်မနုၤလဲၣ်န့ၣ်အဝဲသ့ၣ်, တသ့ၣ်ညါဝဲဘၣ်.”

လံာ်ယံးရမံယၤ 5:3

သပှၢ်ကတၢၢ်ယွၤကွၢ်ဃုတၢ်သူၣ်တီသးလိၤန့ၣ်လီၤ. အဝဲဒိတီၢ်သုဘၣ်ဆၣ်သုတပာ်လ့ၤပာ်ကဲအီၤဘၣ်. အဝဲမၤသဘှံးသုဘၣ်ဆၣ်သုတမၤလိန့ၢ်တၢ်ဘၣ်. သုခိၣ်ကိၤဒီးသုတဃၣ်ကွံာ်သုသးလၢသုတၢ်ဒဲးဘးတဖၣ်ဘၣ်.

လံာ်ယဃ့းစက့လး 14:21

တၢ်အံၤမ့ၢ်တၢ်လၢယွၤပၢဘၣ်တၢ်ခဲလၢာ်ကစၢ်စံးဝဲန့ၣ်လီၤ. ယကမၢလီၤယတၢ်စံၣ်ညီၣ်အအၢကတၢၢ်လွံၢ်မံၤလၢဝ့ၢ်ယရူၤၡလ့ၣ်အဖီ ခိၣ်, လၢအမ့ၢ်ဝဲတၢ်ဒုးတၢ်ယၤ, တၢ်သၣ်ဝံၤလီၤဒိ, ဆၣ်ဖိကီၢ်ဖိအမံၤတဖၣ်, ဒီးတၢ်ဆူးတၢ်ဆါလၢကမၤဟးဂီၤကွံာ် ပှၤဂီၢ်မုၢ်ဒီးဆၣ်ဖိကီၢ်ဖိတဖၣ်ဒ်သိးသိးအဂီၢ်န့ၣ်လီၤ.

လံာ်ယဃ့းစက့လး 16:27

ခဲကနံၣ်အံၤယယူာ်ထီၣ်ယစုလၢတၢ်စံၣ်ညီၣ်နၤအဂီၢ်ဒီးလၢ ယကထုးကွံာ်ယတၢ်ဆိၣ်ဂ့ၤအတၢ်နီၤဟ့ၣ်လၢနဂီၢ်န့ၣ်လီၤ. ယဟ့ၣ်လီၤနၤဆူပှၤဖလ့ၡသးဖိတဖၣ်အစုပူၤ, ပှၤလၢအသးဟ့ နၤဒီးသးဘၣ်အၢနလုၢ်လၢ်အၢသီအတၢ်မၤတဖၣ်န့ၣ်လီၤ.

လံာ်ဟိၤၡ့ 11:5

အဝဲသ့ၣ်ဂ့ၢ်လိာ်လၢကဟဲက့ၤဆူယအိၣ်, အဃိအဝဲသ့ၣ်ကဘၣ်က့ၤကဒါက့ၤဆူကီၢ်အဲၤကူပတူး, ဒီးကီၢ်အၤၡူၢ်ကပၢအဝဲသ့ၣ်န့ၣ်လီၤ.

လံာ်ဟိၤၡ့ 5:15

ယကဟးသဒၣ်ကွံာ်ယပှၤဂီၢ်မုၢ်တုၤဒၣ်လၢအဝဲသ့ၣ်တူၢ်ဘၣ် တၢ်နးတၢ်ဖှီၣ်ကလၢဝဲလၢအတၢ်ဒဲးဘးတဖၣ်အဂီၢ်ဒီးဟဲ ဃုက့ၤယၤတစုန့ၣ်လီၤ. ဘၣ်သ့ၣ်သ့ၣ်လၢအဝဲသ့ၣ် အတၢ်နးတၢ်ဖှီၣ်အပူၤန့ၣ်, အဝဲသ့ၣ်ကဂုာ်ကျဲးစၢးဃုထံၣ်ယၤန့ၣ်လီၤ.

လံာ်ယိၤအ့လး 1:16

ပကွၢ်တၢ်ဒ်ပှၤလၢတၢ်မၤစၢၤအီၤတအိၣ်ဘၣ်မ့ၢ်လၢ ပတၢ်မုၢ်တၢ်ဘိတဖၣ်ဘၣ်တၢ်မၤဟးဂီၤကွံာ်အီၤအဃိန့ၣ်လီၤ. ဒီးတၢ်သူၣ်ဖှံသးညီန့ၣ်တအိၣ်ဝဲဒၣ်လၢပကစၢ်ယွၤ အတၢ်လုၢ်ဟံၣ်အပူၤန့ၣ်ဘၣ်.

လံာ်တၢ်ဘူၣ်ထီၣ်ဘါထီၣ် 26:23

ဒီးတၢ်စံၣ်ညီၣ်လၢထးတဖၣ်အံၤ ဘၣ်သုဒၣ်လဲာ်န့ၣ်သုမ့ၢ်တဒိကနၣ်ဒံးဘၣ်ယၤဒီးထီဒါယၤန့ၣ်,

လံာ်တၢ်ဘူၣ်ထီၣ်ဘါထီၣ် 26:26

ယကဆိကတီၢ်ကွံာ်တၢ်ဟ့ၣ်လီၤသုတၢ်အီၣ်တၢ်အီတုၤဒၣ်လဲာ် ပိာ်မုၣ်ဆံဆဲၣ်ဂၤကကုၢ်ကိၣ်လၢဖၣ်ကပူၤတပူၤဃီအပူၤလီၤ. အဝဲသ့ၣ်ကစီၤန့ၢ်ဒီးနီၤလီၤသုလၢကိၣ်ဒီးသုကအီၣ်အီၤဘၣ်ဆၣ်သုတဘျဲးအီၣ်ဘၣ်န့ၣ်လီၤ.

လံာ်ဃးကဲ 2:17

ယမၢလီၤတ့ၢ်ကလံၤကိၢ်တဖၣ်ဒီးသူၣ်, ဒ်သိးကမၤဟးဂီၤတၢ်တမံၤလၢ်လၢ်လၢသုကျဲးစၢးသူၣ်လီၤဖျး လီၤအီၤ, ဘၣ်ဆၣ်သုတပီၢ်ယၢ်လီၤက့ၤတ့ၢ်ဒံးသုသးဘၣ်.

လံာ်သိၣ်လီၤသီလီၤတၢ် 28:38

သုကဖှံလီၤတၢ်ချံအါအါဂီၢ်ဂီၢ်, ဘၣ်ဆၣ်ကူးဘၣ်တၢ်ထဲစှၤကိာ်ဧိၤ, မ့ၢ်လၢဒွဲၣ်ဧိၤတြၤဧိၤတဖၣ်ကအီၣ်ကွံာ်သုတၢ်မုၢ်တၢ်ဘိ, တၤသူတၤသၣ်တဖၣ်အဃိန့ၣ်လီၤ.

လံာ်လီၣ်ဖျါ 2:21

ယဟ့ၣ်တ့ၢ်လံအီၤတၢ်ဆၢကတီၢ်လၢအကပီၢ်ယၢ်လီၤအသးလၢ အတၢ်ဒဲးဘးတဖၣ်အဂီၢ်, ဘၣ်ဆၣ်ဒီးအဝဲအသးတအိၣ်ဃၣ်ကွံာ် အသးလၢအတၢ်အိၣ်မူအအၢအသီန့ၣ်ဘၣ်.

လံာ်နီၢ်ရူၤသး 1:1

မုၢ်နံၤမုၢ်သီလၢပှၤစံၣ်ညီၣ်ကွီၢ်တဖၣ်ပၢအံၣ်စရ့လးအကတီၢ် န့ၣ်, တၢ်သၣ်ဝံၤလီၤဒိအိၣ်ထီၣ်ဝဲဒၣ်လၢထံကီၢ်အပူၤန့ၣ်လီၤ.