လံာ်ဧၤမိၣ် 4:5 - Sgaw Karen Common Bible

⁵ ဒီးလုၢ်ထီၣ်သုကိၣ်လၢတၢ်စံးဘျုးစံးဖှိၣ်အပူၤဆူကစၢ်ယွၤ, ဒီးကတိၤကဖၢလၢလီၤသုသးလၢသုတၢ်လုၢ်လီၤဆီတဖၣ်အဃိန့ၣ်တက့ၢ်. အအံၤမ့ၢ်တၢ်လၢသုအဲၣ်မၤအီၤန့ၣ်လီၤ.

လံာ်ဧၤမိၣ် 4:5 Iomraidhean Croise

စံးထီၣ်ပတြၢၤ 81:12

အဃိ, ယပျဲလဲၤအဝဲသ့ၣ်ဆူအသးအၢအကျဲပူၤ ဒီးဒုးမၤအီၤတၢ်လၢ အအဲၣ်ဒိးဝဲန့ၣ်လီၤ.

လံာ်ယၡါယၤ 1:1

လံာ်အံၤအိၣ်ဃုာ်ဒီးတၢ်ကစီၣ်ဘၣ်ဃးကီၢ်ယူဒၤ ဒီးဝ့ၢ်ယရူၤၡလ့ၣ်အဂ့ၢ်လၢကစၢ်ယွၤလီၣ်ဖျါထီၣ်တ့ၢ်ဆူစီၤအၤမိာ် အဖိခွါဝံယၡါယၤဖဲစီၤဧူးစံယါ, စီၤယိၤသၣ်, စီၤအၤဃး, ဒီးစီၤ ဃံးစကံယၤမ့ၢ်စီၤပၤတဖၣ်လၢကီၢ်ယူဒၤအဆၢကတီၢ်န့ၣ်လီၤ.

လံာ်ယၡါယၤ 1:11

အဝဲစံး, “မ့ၢ်သုဆိကမိၣ်လၢယသးလီကယဲၢ်တၢ်လုၢ်တၢ်ပာ်တဖၣ် လၢသုလုၢ်ထီၣ်ယၤတထံၣ်ဃီအံၤန့ၣ်ဧါ. သိတဖၣ်လၢသုဒွဲၣ် အူအီၤလၢမ့ၣ်အူဒ်တၢ်လုၢ်တၢ်ပာ်တဖၣ် အသိးဒီးသုဆၣ်ဖိကီၢ်ဖိအဂ့ၤတဖၣ်အသိန့ၣ်ယဒိးန့ၢ်တ့ၢ်အီၤ အါန့ၣ်ယလိၣ်ဘၣ်အီၤလံ. ယသးလၢာ်ဂီၤဖံးတဖၣ်, သိတဖၣ်, ဒီးမဲာ်တဲးလဲးတဖၣ်အသွံၣ်လံ.

လံာ်ယံးရမံယၤ 7:10

သုမၤတ့ၢ်တၢ်တဖၣ်အံၤလၢယသးဟ့အီၤ, ဝံၤဒီးသုဟဲဒီးဆၢထၢၣ်လၢယမဲာ်ညါ, လၢယတၢ်လုၢ်ဟံၣ်ဒၣ်ယဲ အပူၤဒီးစံး, ‘ပပူၤဖျဲးပဝဲလံ,’ န့ၣ်လီၤ.

လံာ်ယံးရမံယၤ 7:9

သုဟုၣ်တၢ်, မၤသံတၢ်, မၤကမၣ်မုၣ်ကမၣ်ခွါ, သုလီတၢ်လၢတၢ်ဆိၣ်လီၤသးအပူၤ, သုလုၢ်ထီၣ်ပာ်ထီၣ်တၢ်ဆူဘဧၤလး, ဒီးဘူၣ်ထီၣ်ဘါထီၣ်ကစၢ်တဖၣ်လၢ သုတသ့ၣ်ညါတ့ၢ်ဘၣ်အီၤလၢညါန့ၣ်လီၤ.

လံာ်ဟိၤၡ့ 9:1

ကီၢ်အံၣ်စရ့လးအပှၤဂီၢ်မုၢ်ဧၢ, ပာ်ကတီၢ်သု တၢ်မၤမူးမၤပွဲလၢအလီၤဂာ်ဒ်ပှၤဘါတၢ်ဂီၤတဖၣ်အသိးန့ၣ်တ က့ၢ်. သုဃၣ်ကပၤကွံာ်သုသးလၢသုကစၢ်ယွၤဒီးသု တသူၣ်တီသးရၤတ့ၢ်ဒီးအီၤဘၣ်. လၢကီၢ်ဒီဘ့ၣ်ညါအံၤသုဆါလီၤကွံာ်သုသးဒ် ပှၤဃဲသဲမုၣ်တဖၣ်အသိးဆူကစၢ်ဘဧၤလးအအိၣ်ဒီးသုအဲၣ်တ့ၢ် ဘုခ့လၢသုဆိကမိၣ်လၢအဝဲဟ့ၣ်သုလၢတၢ်ဘူးတၢ်လဲအဂီၢ်န့ၣ် လီၤ.

လံာ်ဟိၤၡ့ 9:10

ယွၤစံးဝဲဒၣ်, ဖဲယထံၣ်ကီၢ်အံၣ်စရ့လးအဆိကတၢၢ်အခါန့ၣ် လီၤဂာ်ဒ်တၢ်ထံၣ်န့ၢ်စပံးသၣ်တဖၣ်မဲထီၣ်လၢပှၢ် မုၢ်ကနၢအပူၤအသိးန့ၣ်လီၤ. ဖဲယထံၣ်ဘၣ်သုမိၢ်ပၢ်ဖံဖုလၢပျၢၤတဖၣ်အဆိကတၢၢ် အခါန့ၣ်, လီၤဂာ်ဒ်တၢ်ထံၣ်ဘၣ်သ့ၣ်ချၢၣ်ဒၢသၣ်အမံဆိလၢအဆၢကတီၢ်ဘၣ်ဝဲ အခါန့ၣ်လီၤ. ဘၣ်ဆၣ်တုၤအဝဲသ့ၣ်ဟဲဆူကစၢၢ်ဘဧၤလးပဧိၤန့ၣ်စး ထီၣ်ဘါထီၣ်သီဘဧၤလး, ဒီးတယံာ်ဘၣ်န့ၣ်မၤအသးလီၤသးဘၣ်အၢဒ် ယွၤတဖၣ်လၢအဝဲသ့ၣ်အဲၣ်ဝဲအသိးန့ၣ်လီၤ.

လံာ်တၢ်ဘူၣ်ထီၣ်ဘါထီၣ် 23:17

ဒူၣ်ဖိထၢဖိတဒူၣ်စုာ်စုာ်ကဘၣ်ဟဲစိာ်ကိၣ် ခံလိၣ်ဒီးလုၢ်ထီၣ်အီၤဆူယွၤအအိၣ်ဒ်တၢ်ဟ့ၣ်လီၤဆီတမံၤအသိး န့ၣ်လီၤ. ကိၣ်တလိၣ်စုာ်စုာ်ကဘၣ်တၢ်မၤအီၤလၢကိၣ်ကမူၣ်လီၤတယၢၢ်ခံအ့ စရိၣ်ဒီးကုၢ်အီၤလၢကိၣ်မံၣ်, ဒီးလုၢ်ထီၣ်အီၤဆူယွၤအအိၣ်ဒ်တၤသၣ်ဆိအသိးန့ၣ်လီၤ.

လံာ်ဧၤမိၣ် 5:21

ယွၤစံးဝဲဒၣ်, ယသးဟ့သုတၢ်ဘူၣ်တၢ်ဘါအမူးတဖၣ်ဒီးယသးဘၣ် အၢအီၤလီၤ. ယသးစူၤအီၤတကဲဘၣ်.

လံာ်ဧၤမိၣ် 5:22

တုၤသုဟဲစိာ်န့ၢ်ယၤတၢ်လုၢ်မ့ၣ်အူတဖၣ်ဒီးတၢ်လုၢ်ဘုဧိၤဟုဧိၤ တဖၣ်န့ၣ်ယတတူၢ်လိာ်ဘၣ်အီၤဘၣ်. ဒီးဆၣ်ဖိကီၢ်ဖိတဖၣ်လၢသုမၤဘီၣ်ထီၣ်တ့ၢ်အီၤလၢသုကဟဲစိာ် ဆူယအိၣ်ဒ်တၢ်မၤဘူၣ်တဖၣ်န့ၣ်, ယတတူၢ်လိာ်ဘၣ်အီၤဘၣ်.

လံာ်မးသဲ 15:9

အဝဲသ့ၣ်အတၢ်ဘူၣ်ထီၣ်ဘါထီၣ်ယၤန့ၣ် အဘျုးတအိၣ်ဘၣ်. အဂ့ၢ်ဒ်အံၤ, အဝဲသ့ၣ်သိၣ်လီၤသီလီၤတၢ်သိၣ်တၢ်သီလၢ ပှၤကညီဒုးအိၣ်ထီၣ်တဖၣ်, ဒ်အမ့ၢ်ယတၢ်မၤလိာ်တဖၣ်အသိးအဃိလီၤ’ ” (ၡါ. ၂၉:၁၃).

လံာ်မးသဲ 23:23

ပှၤသ့တၢ်ဘူၣ်တၢ်ဘါအတၢ်သိၣ်တၢ်သီဒီးပှၤဖၤရံၤၡဲသ့ၣ်ဧၢ, သုဘၣ်အဖှီၣ်လီၤ. ပှၤပာ်မၤအသးသ့ၣ်ဧၢ, သုဟ့ၣ်ယွၤပၢၢ်တုၤလၢ တၢ်နၢမူနၢဆှီဒ်ဟီၣ်ဝီၤသွ့, စးမူဒီးစံယၤသ့ၣ်တဖၣ်အတၢ်ဆံဆဲၣ်ပူတပူဘၣ်ဆၣ်ဒီး, တၢ်လၢအကါဒိၣ်နီၢ်နီၢ်ဘၣ်ဃးဒီးတၢ်သိၣ်တၢ်သီဒ်တၢ်စံၣ်ညီၣ်တီ, တၢ်သူၣ်ကညီၤသးကညီၤဒီးတၢ်သူၣ်တီသးတီတဖၣ်န့ၣ်, သုတကနၣ်ဃုာ်အီၤဘၣ်. တၢ်တဖၣ်အံၤ သုဂ့ၤမၤထွဲ, တအိၣ်ဘၣ်ဒီး တၢ်ကွၢ်ကပာ်ကွံာ်တၢ်အဂၤတဖၣ်ဘၣ်န့ၣ်လီၤ.

လံာ်မးသဲ 6:2

လၢတၢ်န့ၣ်အဃိ, ဖဲသုဟ့ၣ်သးကညီၤတၢ်န့ၣ်, တဘၣ်မၤအီၤဒ်သိးပှၤအါဂၤကထံၣ်သ့ၣ်ညါအဂီၢ်, ဒ်ပှၤပာ်မၤအသးတဖၣ်မၤဝဲလၢဘူၣ်ဘျီၣ်လၢအမ့ၢ်တၢ်ဘါလီၢ် အပူၤဒီးလၢကျဲအပူၤလၢပှၤကညီကစံးထီၣ်ပတြၢၤအီၤအဂီၢ် အသိးန့ၣ်တဂ့ၤ. နာ်ယၤတက့ၢ်. အဝဲသ့ၣ်ဒိးန့ၢ်လံတၢ်အဘူးအလဲလၢလၢပှဲၤပှဲၤလံ.

ရိမ့ၤ 1:28

မ့ၢ်လၢပှၤကညီတတူၢ်လိာ်ပာ်လၢအသးပူၤ, တၢ်သ့ၣ်ညါအမ့ၢ်အတီဘၣ်ဃးဒီးကစၢ်ယွၤလၢအသးပူၤအဃိ, တၢ်ဟ့ၣ်လီၤအဝဲသ့ၣ်ဆူတၢ်ဆိကမိၣ်ဟးဂီၤတဖၣ်အပူၤဒ်သိး အဝဲသ့ၣ်ကမၤတၢ်လၢအတကြၢး မၤဝဲတဖၣ်န့ၣ်လီၤ.