လံာ်ဧၤမိၣ် 4:3 - Sgaw Karen Common Bible

³ ဒီးသုကဘၣ်တၢ်တွံၢ်တြုာ်သုဆူတၢ်ဒူၣ်တဲၤဖးအသးအဘူး ကတၢၢ်ဒီးသုဒီးသုကဘၣ်တၢ်စူးကွံာ်သုလီၤ,

လံာ်ဧၤမိၣ် 4:3 Iomraidhean Croise

လံာ်စီၤပၤခံဘ့ၣ်တဘ့ၣ် 25:4

ဝ့ၢ်ခိၣ်ဒူတဖၣ်ဘၣ်တၢ်ဘၢၣ်ဖျိကွံာ်အီၤန့ၣ်လီၤ. ပှၤဘၤဘူၤလိၣ်ဖိတဖၣ်ကဝီၤဝ့ၢ်ဒၣ်လဲာ်န့ၣ်, ကယဲၢ်ပှၤသုးဖိ ခဲလၢာ်ဃ့ၢ်ပူၤဖျဲးကွံာ်ဝဲဒၣ်လၢမုၢ်နၤအခါန့ၣ်လီၤ. အဝဲသ့ၣ်ဟးထီၣ်ကွံာ်လၢစီၤပၤအတၤသၣ်လီၢ်အကျဲ, လဲၤခီဖျိဝဲကျဲစၢၤလၢအဒုးစဲဘူးတၢ်ဒူၣ်ခံခါဒီးဃ့ၢ် ပူၤဖျဲးကွံာ်ဝဲဒၣ်ဆူယၢ်ဒ့ၣ်အတၢ်တြီၤပူၤတခီန့ၣ်လီၤ.

လံာ်စီၤပၤခံဘ့ၣ်တဘ့ၣ် 7:15

ပှၤတဖၣ်န့ၣ်လဲၤဝဲယံၤတုၤလၢထံကျိယၢ်ဒ့ၣ်ဒၣ်လဲာ်, ဒီးလၢကျဲဒီဘိညါန့ၣ်အဝဲသ့ၣ်ထံၣ်ဘၣ်ဝဲတၢ်ကူတၢ်သိးတဖၣ် ဒီးတၢ်ပီးတၢ်လီတဖၣ်လၢပှၤစူၤရံဖိတဖၣ်ပာ်လီၤတဲာ်တ့ၢ်ဝဲ ဖဲအဝဲသ့ၣ်ဃ့ၢ်ပူၤဖျဲးအသးအခါန့ၣ်ဒီးအဝဲသ့ၣ်ဟဲက့ၤကဒါ က့ၤဒီးပာ်ဖျါထီၣ်တၢ်ဂ့ၢ်န့ၣ်ဆူစီၤပၤအအိၣ်လီၤ.

လံာ်ယၡါယၤ 2:20

ဖဲမုၢ်နံၤအဝဲန့ၣ်ဟဲလံဒီး, အဝဲသ့ၣ်ကစူးကွံာ်တၢ်ဂီၤထူတၢ် ဂီၤစ့တဖၣ်လၢအတ့တ့ၢ်ဝဲ, ဒီးပာ်လီၤတဲာ်ကွံာ်အီၤလၢဝံၤဒီးဘျါတဖၣ်အဂီၢ်လီၤ.

လံာ်ယၡါယၤ 31:7

တၢ်ဆၢကတီၢ်ဟဲတုၤဝဲဖဲသုခဲလၢာ်သုကစူးကွံာ်တၢ်ဒဲးဘး အတၢ်ဂီၤတၢ်ဖီၣ်တဖၣ်လၢသုမၤတ့ၢ်အီၤလၢစ့ဒီးထူန့ၣ်လီၤ.

လံာ်ယံးရမံယၤ 52:7

ဒီးဝ့ၢ်အခိၣ်ဒူ တဖၣ်ဘၣ်တၢ်မၤလီၤပှီၢ်ဘၢၣ်ဖျိအီၤန့ၣ်လီၤ. ပှၤဘၤဘူၤလိၣ်ဖိတဖၣ် မ့ၢ်ကဝီၤဃာ်ဝ့ၢ်ဒၣ်လဲာ်န့ၣ်, ပှၤ သုးဖိခဲလၢာ် ဃ့ၢ်ထူၣ်ဖျဲးဝဲလၢ မနၤခီအဆၢကတီၢ်လီၤ. အဝဲသ့ၣ်ဟးထီၣ်ကွံာ်ဝဲလၢ စီၤပၤအတၤသၣ်လီၢ်အကျဲ, လဲၤခီဖျိကျဲစၢၤလၢ အဒုးစဲဘူးတၢ်ဒူၣ်ခံခါ, ဒီးထွးထီၣ်ဃ့ၢ် ကွံာ်ဆူ ထံကျိယၢ်ဒ့ၣ်အတြီၤန့ၣ်လီၤ.

လံာ်ယဃ့းစက့လး 12:12

စီၤပၤဖိလၢအပၢအဝဲသ့ၣ်, ကဝံထီၣ်ယိးထီၣ်အတၢ်ဘိၣ်လၢအဖံဘၣ် ခိၣ်လၢတၢ်ခံးတၢ်နၤအကျါဒီးဃ့ၢ်ထူၣ်ဖျဲးကွံာ်ခီဖျိတၢ်ပူၤတပူၤလၢ အဝဲသ့ၣ်ဘၢၣ်ဖျိဝဲလၢအဂီၢ်လၢတၢ်ဒူၣ်အပူၤန့ၣ်လီၤ. အဝဲကကးဘၢအမဲာ်ချံတဖၣ်ဒီးအဝဲကလဲၤဆူလဲၣ်န့ၣ်တထံၣ်ဝဲဘၣ်.

လံာ်ယဃ့းစက့လး 12:5

ဖဲအဝဲသ့ၣ်ကွၢ်တၢ်အဖၢမုၢ်န့ၣ်ဘၢၣ်ဖျိတၢ်ပူၤတပူၤလၢနဟံၣ် အတၢ်ဒူၣ်, ဒီးစိာ်ထီၣ်ကွံာ်နတၢ်ဘိၣ်ခီဖျိတၢ်ပူၤအံၤန့ၣ်တက့ၢ်.

လံာ်ဧၤမိၣ် 6:7

မၤသးဒ်န့ၣ်ဒီးသုကမ့ၢ်ပှၤအဆိကတၢၢ်တဖုလၢအကဘၣ်တၢ်စိာ်မၢကဲ ကုၢ်အီၤန့ၣ်လီၤ. သုတၢ်သူၣ်ခုသးခုအမူးတဖၣ်ဒီးတၢ်အီၣ်တၢ်အီအမူးဖးဒိၣ်တဖၣ် ကကတၢၢ်ဝဲဒၣ်န့ၣ်လီၤ.

လံာ်စဖါနယၤ 1:18

လၢယွၤပာ်ဖျါအသးကဲၤထီၣ်အမုၢ်တနံၤန့ၣ်, ကယဲၢ်အဝဲသ့ၣ်အထူမ့ၢ်ဂ့ၤ, အစ့မ့ၢ်ဂ့ၤခဲလၢာ်ဒၣ်လဲာ် မၤပူၤဖျဲးအီၤတသ့ဘၣ်. ယွၤအတၢ်သးထီၣ်အမ့ၣ်အူကမၤဟးဂီၤကွံာ်ဟီၣ်ခိၣ်ဒီဘ့ၣ်ညါန့ၣ်လီၤ. အဝဲကမၤကတၢၢ်ကွံာ်ကယဲၢ်ပှၤအိၣ်မူလၢဟီၣ်ခိၣ်ချၢခဲလၢာ်လၢတၢ် မၤကတၢၢ်သတူၢ်ကလာ်အပူၤန့ၣ်လီၤ.

လံာ်မးသဲ 16:26

ပှၤကညီမ့ၢ်န့ၢ်ဘၣ်ဟီၣ်ခိၣ်ဒီဘ့ၣ်ဘၣ်ဆၣ်, အသးသမူမ့ၢ်လီၤမၢ်ကွံာ်န့ၢ်အီၤဒီး, ကန့ၢ်ဘျုးမနုၤလဲၣ်. ပှၤကညီကဟ့ၣ်တၢ်အပှ့ၤမနုၤတမံၤလၢအသးသမူအဂီၢ်လဲၣ်.

လံာ်ပှၤစံၣ်ညီၣ်ကွီၢ် 5:17

ကးအဒူၣ်အိၣ်လၢထံကျိယၢ်ဒ့ၣ်အမုၢ်ထီၣ်တခီ, ဒီးဒၣ်အဒူၣ်အိၣ်တ့ၢ်ဝဲလၢကဘီတဖၣ်အပူၤလီၤ. အၤၡ့ၢ်အဒူၣ်အိၣ်တ့ၢ်ဝဲလၢပီၣ်လဲၣ်အကၢၢ်နံၤ ဒီးအဝဲသ့ၣ်အိၣ်ဆိးဝဲဖဲထံကၢၢ်နံၤန့ၣ်လီၤ.