လံာ်ဧၤမိၣ် 3:6 - Sgaw Karen Common Bible

⁶ တၢ်ဒုးတၢ်ယၤအကွဲၤမ့ၢ်သီၣ်ထီၣ်လၢဝ့ၢ်ပူၤဒီးပှၤကညီတပျံၤ ဘၣ်တၢ်ဘၣ်ဧါ. ယွၤမ့ၢ်တဆှၢလီၤဘၣ်ဒီး, တၢ်ဟးဂူာ်ဟးဂီၤဖးဒိၣ်ကအိၣ်လၢဝ့ၢ်ပူၤစ့ၢ်ကီးဧါ.

လံာ်ဧၤမိၣ် 3:6 Iomraidhean Croise

လံာ်တၢ်ကဲထီၣ်အခီၣ်ထံး 50:20

သုကူၣ်ထီၣ်တၢ်အၢထီဒါယၤ, ဘၣ်ဆၣ်ဒီးကစၢ်ယွၤလဲလိာ်ကွံာ်အီၤဆူတၢ်အဂ့ၤ, ဒ်သိးပှၤဂီၢ်မုၢ်အါဂၤလၢအအိၣ်မူတနံၤအံၤအသးသမူတဖၣ်, ကဘၣ်တၢ်ပာ်ကီၤအီၤလၢတၢ်မၤတ့ၢ်အသးအဃိလီၤ.

လံာ်စီၤပၤခံဘ့ၣ်တဘ့ၣ် 6:33

တချုးလၢအဝဲစံးတၢ်အံၤဝံၤဒၣ်လဲာ်န့ၣ်, စီၤပၤအပှၤစိာ်တၢ် ကစီၣ်ဟဲတုၤဝဲလီၤ. စီၤပၤဟဲတုၤစ့ၢ်ကီးဒီးစံးဝဲ, “တၢ်ကီတၢ်ခဲလၢအလီၤဘၣ်လၢပလိၤအံၤမ့ၢ်ယွၤဟဲစိာ်အီၤန့ၣ်လီၤ. ဘၣ်မနုၤအဃိယကြၢးခိးဒံးအီၤလၢအဝဲကမၤတၢ်တမံၤမံၤအဂီၢ်လဲၣ်.”

လံာ်ယၡါယၤ 45:7

ယတ့လီၤတၢ်ကပီၤဒီးတၢ်ခံးခံမံၤလိာ်လီၤ. ယဟဲစိာ်တၢ်ဆိၣ်ဂ့ၤဒီးတၢ်တတၢးတနါခံမံၤလိာ်လီၤ. ယၤ, ယွၤန့ၣ်, မၤတၢ်သ့ၣ်တဖၣ်အံၤခဲလၢာ်လီၤ.

လံာ်ယံးရမံယၤ 10:7

ပှၤကလုာ်ခဲလၢာ်အစီၤပၤဧၢ, ပှၤလၢကယူးယီၣ်မၤလၤကပီၤ နၤန့ၣ်မ့ၢ်မတၤလဲၣ်. နကြၢးဒီးတၢ်မၤလၤကပီၤန့ၣ်လီၤ. လၢပှၤကူၣ်သ့ခဲလၢာ်လၢပှၤကလုာ်တဖၣ်အကျါမ့ၢ်ဂ့ၤ, လၢ အဝဲသ့ၣ်အစီၤပၤတဖၣ်အကျါမ့ၢ်ဂ့ၤ, ပှၤဒ်သိးနၤတအိၣ်ဘၣ် နီတဂၤဘၣ်.

လံာ်ယံးရမံယၤ 4:19

တၢ်ဆါယၤနးမးလီၤ. ယတူၢ်တၢ်ဆါအံၤတကဲလၢၤဘၣ်. အိ, ယသူၣ်စံၣ်သးစံၣ်အၢအၢသီသီလီၤ. ယအိၣ်ဘှ့ၣ် အိၣ်ဘှီၣ်တသ့ဘၣ်. ယနၢ်ဟူကွဲၤအသီၣ်တဖၣ် ဒီးတၢ်ဒုးတၢ်ယၤအတၢ်ကိးသတြီထီၣ်တဖၣ်လီၤ.

လံာ်ယံးရမံယၤ 4:5

အူထီၣ်ကွဲၤသကုၤထံကီၢ်ဒီဘ့ၣ်ညါတက့ၢ်. ကိးထီၣ်ဒိၣ်ဒိၣ် ဒီးဆှံဆှံတက့ၢ်. တဲဘၣ်ကီၢ်ယူဒၤဒီးဝ့ၢ်ယရူၤၡလ့ၣ်အပှၤဂီၢ်မုၢ်တဖၣ်လၢအကဃ့ၢ်ဆူ ဝ့ၢ်အိၣ်ဒီးအတိာ်ဧိၤတာ်ဧိၤတဖၣ်န့ၣ်တက့ၢ်.

လံာ်ယံးရမံယၤ 5:22

ယမ့ၢ်ယွၤလီၤ. သုတပျံၤယၤဘၣ်မနုၤအဃိလဲၣ်. ဘၣ်မနုၤအဃိသုကကနိးကစုာ်လၢယမဲာ်ညါန့ၣ်လဲၣ်. ယပာ်လီၤတ့ၢ်မဲးဧိၤဟီၣ်ဧိၤဒ်ပီၣ်လဲၣ်အဆၢအသိး, တၢ်အဆၢအဂၢၢ်အကျၢၤလၢတၢ်ခီဂာ်အီၤတသ့ဘၣ်လီၤ. ပီၣ်လဲၣ်မ့ၢ်စံၣ်ပီပုဘၣ်ဆၣ်, လဲၤပျံကွံာ်အီၤတသ့ဘၣ်. လပီတဖၣ်မ့ၢ်သီၣ်ထီၣ်ရူၢ်ရူၢ်ဘၣ်ဆၣ်, လဲၤခီပတာ်အီၤတသ့ဘၣ်.

လံာ်ယံးရမံယၤ 6:1

ဘံၣ်ယၤမံၣ်အပှၤဂီၢ်မုၢ်သ့ၣ်ဧၢ, ဃ့ၢ်ကွံာ်လၢတၢ်ဘံၣ်တၢ်ဘၢ အဂီၢ်တက့ၢ်. ဃ့ၢ်ပူၤဖျဲးကွံာ်သုသးလၢဝ့ၢ်ယရူၤရှလ့ၣ်တက့ၢ်. အူထီၣ်ကွဲၤလၢဝ့ၢ်တကိၤအပူၤဒီး မၤထီၣ်တၢ်ပနီၣ်မ့ၣ်အူတမံၤ လၢဝ့ၢ်ဘ့ၤသဟးကၤရ့ၣ်အပူၤတက့ၢ်. အဂ့ၢ်ဒ်အံၤ, တၢ်တတၢး တနါဒီးတၢ်မၤဟးဂီၤတဖၣ်ဘူးထီၣ်ကဟဲဝဲလၢကလံၤစိးတခီန့ၣ်လီၤ.

လံာ်ယဃ့းစက့လး 33:3

ဖဲအဝဲထံၣ်ဒုၣ်ဒါဟဲသုးဘူးဃီၤအသးန့ၣ်, အဝဲအူသီၣ်ထီၣ်ကွဲၤ လၢတၢ်ဟ့ၣ်ပလီၢ်ပှၤကိးဂၤဒဲးအဂီၢ်န့ၣ်လီၤ.

လံာ်ဟိၤၡ့ 5:8

အူထီၣ်တၢ်ဒုးတၢ်ယၤအကွဲၤတဖၣ်လၢဝ့ၢ်ကံးဘဧၤအပူၤတက့ၢ်. မၤသီၣ်ထီၣ်တၢ်မၤဖုးမၤပျီၢ်လၢဝ့ၢ်ရၤမါအပူၤတက့ၢ်. ကိးသတြီထီၣ်တၢ်ဒုးတၢ်ယၤအကလုၢ်လၢဝ့ၢ်ဘ့ၤသအၤဝ့ၣ်တက့ၢ်. လဲၤဆူတၢ်ဒုးအပူၤဘံၣ်ယၤမံၣ်အပှၤပိာ်ခွါသ့ၣ်ဧၢ.

လံာ်ဧၤမိၣ် 3:5

ထုမ့ၢ်တဆဲထီၣ်ဘၣ်အသးလၢဟီၣ်ခိၣ်အဖီခိၣ်ဘၣ်ဒီးထိၣ် ကဘၣ်ထုစ့ၢ်ကီးဧါ. တၢ်လၢအဖီၣ်န့ၢ်ဝဲမ့ၢ်တအိၣ်ဘၣ်တၢ်နီတမံၤဘၣ်ဒီး, ပျံၤသကွီၤကထုးသဖှူးအသးစ့ၢ်ကီးဧါ.

လံာ်စဖါနယၤ 1:16

မုၢ်တနံၤလၢအပှဲၤဒီးတၢ်ဒုးတၢ်ယၤအကွဲၤတဖၣ်အသီၣ်ဒီးတၢ်ဒုး တၢ်ယၤအတၢ်ကိးပသူလၢပှၤသုးဖိတဖၣ်ဖဲအလဲၤထီၣ်ဒုးဝ့ၢ်အိၣ်ဒီး အခိၣ်ဒူဒီးအတၢးထီၣ်ထီတဖၣ်န့ၣ်လီၤ.

လံာ်စကၤရယၤ 8:10

တချုးတၢ်ဆၢကတီၢ်အဝဲန့ၣ်ဒံးဘၣ်န့ၣ်, ပှၤဒိးလဲပှၤကညီမ့ၢ်ဂ့ၤ, ဆၣ်ဖိကီၢ်ဖိမ့ၢ်ဂ့ၤတန့ၢ်နီတဂၤ, ဒီးပှၤတပူၤဖျဲးဘၣ်လၢအဒုၣ်အဒါတဖၣ်နီတဂၤဘၣ်. ယထိၣ်ဂဲၤပှၤဂီၢ်မုၢ်လၢကထီဒါလိာ်အသးတဂၤဒီးတဂၤလီၤ.

မၤတၢ် 2:23

ဒ်ကစၢ်ယွၤကူၣ်ကျဲၤဒီးသ့ၣ်ညါပာ်ဝဲအသိး, ယ့ၣ်ၡူးဘၣ်တၢ်ဟ့ၣ်လီၤကွံာ်အီၤဆူသုစုပူၤဒီးသုမၤသံအီၤခီ ဖျိသုပျဲပှၤတၢ်ဒဲးဘးဖိတဖၣ်ပျၤထီအီၤလၢထူၣ်စုညါအလိၤန့ၣ်လီၤ.

မၤတၢ် 4:28

အဝဲသ့ၣ်ပာ်ဖှိၣ်ထီၣ်အသးဒ်သိးကမၤတၢ်ခဲလၢာ်လၢနစံၣ်ညီၣ် တဲာ်တ့ၢ်လၢအကဘၣ်မၤအသး, ခီဖျိနစိနကမီၤဒီး နတၢ်ဘၣ်နသးန့ၣ်လီၤ.

၂ ကရံၣ်သူး 5:11

တၢ်ပျံၤယွၤအခီပညီမ့ၢ်တၢ်ဒ်လဲၣ်န့ၣ်ပသ့ၣ်ညါ ပဝဲဒီးလၢတၢ်န့ၣ်အဃိ, ပဂုာ်ကျဲးစၢးသဆၣ်ထီၣ်ပှၤအဂၤ တဖၣ်အခံန့ၣ်လီၤ. ကစၢ်ယွၤသ့ၣ်ညါပှၤလၢာ်လၢာ်ဆ့ဆ့ဒီးယဆၢမုၢ်လၢ် လၢသုသးပူၤန့ၣ်, သုကသ့ၣ်ညါယၤဂ့ၤဂ့ၤဒ်န့ၣ်အသိး စ့ၢ်ကီးလီၤ.