လံာ်ဧၤမိၣ် 3:14 - Sgaw Karen Common Bible

¹⁴ မုၢ်တနံၤဖဲယစံၣ်ညီၣ်အံၣ်စရ့လးအပှၤဂီၢ်မုၢ်လၢအတၢ်ဒဲးဘး တဖၣ်န့ၣ်, ယကမၤဟးဂီၤကွံာ်တၢ်လုၢ်လီၢ်တဖၣ်လၢဘ့ၤသ့လးန့ၣ်လီၤ. ကယဲၢ်တၢ်လုၢ်လီၢ်အနၢၣ်ခဲလၢာ်ကကၢ်ကွံာ်ဝဲဒီးကလီၤ တဲာ်လၢဟီၣ်ခိၣ်လိၤန့ၣ်လီၤ.

လံာ်ဧၤမိၣ် 3:14 Iomraidhean Croise

လံာ်စီၤပၤခံဘ့ၣ်တဘ့ၣ် 23:15

စီၤယိၤၡံယၤမၤလီၤပှီၢ်ကွံာ်စ့ၢ်ကီးတၢ်ဘူၣ်ထီၣ်ဘါထီၣ်အလီၢ် လၢဝ့ၢ်ဘ့ၤသ့လးအပူၤ, လၢအဘၣ်တၢ်ဘှီထီၣ်တ့ၢ်အီၤလၢစီၤနဘးအဖိခွါစီၤပၤယၤရၤ ဘၣ်, ပှၤလၢအဆှၢဃီၤကီၢ်အံၣ်စရ့လးဆူတၢ်ဒဲးဘးအပူၤန့ၣ်လီၤ. စီၤယိၤၡံယၤမၤလီၤပှီၢ်ကွံာ်တၢ်လုၢ်လီၢ်, မၤလီၤကလဲကွံာ်ဝဲအလၢၢ်တဖၣ်ဆူအက့အခီ, ဒီးတိၢ်လီၤကလဲကွံာ်အီၤဆူဖၣ်ကမူၣ်ဖၣ်ဆါန့ၣ်လီၤ. အဝဲဒွဲၣ်အူထီၣ်ကွံာ်စ့ၢ်ကီးအၡ့ရၤအဂီၤန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 31:1

တုၤဘူၣ်လဲၤကပာ်ဝံၤဝဲန့ၣ်ကယဲၢ်ကီၢ်အံၣ်စရ့လးအပှၤဂီၢ်မုၢ် လဲၤဆူကယဲၢ်ဝ့ၢ်အိၣ်လၢကီၢ်ယူဒၤအပူၤခဲလၢာ်ဒီးမၤကၢ်လီၤက လဲကွံာ်လၢၢ်ထူၣ်တဖၣ်, ကူာ်လီၤကွံာ်ကစၢ်မုၣ်အၡ့ရၤအတၢ်ပနီၣ်တ ဖၣ်, ဒီးမၤဟးဂီၤကွံာ်တၢ်လုၢ်လီၢ်တဖၣ်ဒီးပှၤဘါတၢ်ဂီၤတၢ်ဖီၣ် အတၢ်ဘူၣ်ထီၣ်ဘါထီၣ်အလီၢ်တဖၣ်န့ၣ်လီၤ. အဝဲသ့ၣ်မၤတၢ်တမံၤဃီအံၤလၢတၢ်လီၢ်အိၣ်လီၤတဲာ်လၢကီၢ်ယူဒၤ ဒီကီၢ်ညါအပူၤဒီးလီၢ်ကဝီၤတဖၣ်လၢဘံၣ်ယၤမံၣ်, အ့ဖရဲၣ်ဒီးမနၤၡ့ၤအဒူၣ်တဖၣ်အိၣ်ဝဲဆိးဝဲန့ၣ်လီၤ. ဝံၤဒီးအဝဲသ့ၣ်ခဲလၢာ်က့ၤကဒါက့ၤဆူအဟံၣ်န့ၣ်လီၤ.

လံာ်တၢ်ဟးထီၣ်ကွံာ် 32:34

ခဲအံၤလဲၤဒီးဆှၢပှၤဂီၢ်မုၢ်ဆူတၢ်လီၢ်လၢယတဲတ့ၢ်နၤလၢ အဂ့ၢ်န့ၣ်တက့ၢ်. သ့ၣ်နီၣ်ထီၣ်လၢယကလူးကနဲၣ်နၤကျဲ, ဘၣ်ဆၣ်ဒီးတၢ်ဆၢကတီၢ်လၢယကစံၣ်ညီၣ်ပှၤဂီၢ်မုၢ်အံၤလၢအတၢ်ဒဲး ဘးအဃိန့ၣ်ဟဲဝဲလံ.”

လံာ်ဧၤမိၣ် 2:8

လၢကယဲၢ်တၢ်ဘူၣ်တၢ်ဘါအလီၢ်တပူၤလၢ်လၢ်န့ၣ်ပှၤပိာ်ခွါတဖၣ်မံ လီၤလၢတၢ်ကူတၢ်သိးအဖီခိၣ်လၢအဟံးန့ၢ်ဝဲလၢပှၤ ဖှီၣ်ဖိယာ်ဖိအအိၣ်ဒ်တၢ်အုၣ်ကီၤလၢအဒ့ၣ်ကမၣ်အဂီၢ်လီၤ. လၢအဝဲသ့ၣ်အကစၢ်ယွၤအတၢ်လုၢ်ဟံၣ်အပူၤန့ၣ်အီဝဲစ ပံးထံလၢအဟံးန့ၢ်ဝဲလၢပှၤလိၢ်အဝဲသ့ၣ်အစ့တဖၣ်အအိၣ်လီၤ.

လံာ်ဧၤမိၣ် 4:4

တၢ်စိတၢ်ကမီၤခဲလၢာ်အယွၤစံးဝဲဒၣ်, ပှၤကီၢ်အံၣ်စရ့လးဖိ သ့ၣ်ဧၢ, သုမ့ၢ်ဘၣ်မၤတၢ်ဒဲးဘးသပှၢ်ကတၢၢ်ဒီး, လဲၤဆူဘ့ၤသ့လးအတၢ်လီၢ်စီဆှံဒီးမၤတၢ်ဒဲးဘးတက့ၢ်. လဲၤဆူကံးလကၤလး, မၤတၢ်ဒဲးဘးလၢာ်သူၣ်လၢာ်သးတက့ၢ်. လဲၤ, မၤဒီးဟဲစိာ်ဆၣ်ဖိကီၢ်ဖိတဖၣ်ဒ်သိးကဘၣ်တၢ်လုၢ်ထီၣ်အီၤ တဂီၤဝံၤတဂီၤ, ဒီးဟဲစိာ်သုတၢ်ဆံဆဲၣ်ပူတပူတဖၣ်လၢကိးသၢသီတသီအနံၤန့ၣ် တက့ၢ်.

လံာ်ဧၤမိၣ် 7:10

ဒီးစီၤအမၤစယါ, ဝ့ၢ်ဘ့ၤသ့လးအပှၤလုၢ်တၢ်အခိၣ်ဆှၢလီၤတၢ် ကစီၣ်ဆူအံၣ်စရ့လးအစီၤပၤစီၤယၤရၤဘၣ်အအိၣ်ဒီးစံးဝဲဒၣ်, စီၤဧၤမိၣ်ကူၣ်ထီၣ်တၢ်အၢထီဒါနၤလၢအံၣ်စရ့လးဖိအကျါလီၤ. အတၢ်ကတိၤတဖၣ်ကမၤဟးဂီၤကွံာ်ထံကီၢ်န့ၣ်လီၤ.

လံာ်ဧၤမိၣ် 7:13

မ့မ့ၢ်ဖဲဝ့ၢ်ဘ့ၤသ့လးအံၤကတိၤလၢၤတၢ်လၢဝံအကျိာ်နီတစု လၢၤတဂ့ၤ. တၢ်လီၢ်အံၤမ့ၢ်စီၤပၤဘူၣ်ထီၣ်ဘါထီၣ်တၢ်အလီၢ်, ဒီးထံကီၢ်အတၢ်လုၢ်ဟံၣ်လီၤ.

လံာ်ဧၤမိၣ် 7:9

တၢ်အလီၢ်တဖၣ်ဖဲစီၤအံၤစဲးအစၢၤအသွဲၣ်တဖၣ် ဘူၣ်ထီၣ်ဘါထီၣ်တၢ်န့ၣ်ကဘၣ်တၢ်မၤဟးဂီၤကွံာ်အီၤလီၤ. အံၣ်စရ့လးအတၢ်လီၢ်စီဆှံတဖၣ်ကဘၣ်တၢ် ပာ်တီၢ်ကွံာ်အီၤလၢတၢ်ဟးဂူာ်ဟးဂီၤအပူၤလီၤ. ယကမၤကတၢၢ်ကွံာ်စီၤပၤစီၤယၤရၤဘၣ်အပှၤဟံၣ်ဖိလီၤ.

လံာ်ဧၤမိၣ် 9:1

ဒီးယထံၣ်ယွၤဆၢထၢၣ်လၢတၢ်လုၢ်လီၢ်အဃၢၤလီၤ. အဝဲဟ့ၣ်လီၤအကလုၢ်, တီၢ်တၢ်လုၢ်ဟံၣ်အထူၣ်ခိၣ်ထိးဆူၣ်ဆူၣ်ဒ်သိးအခီၣ်ထံးကဟူးဝး အဂီၢ်တက့ၢ်. မၤကၢ်ကွံာ်အီၤဒီးပျဲအလီၤတဲာ်လၢပှၤဂီၢ်မုၢ်အခိၣ်လိၤတ က့ၢ်. ယကမၤသံကွံာ်ပှၤအိၣ်လီၤတဲာ်တဖၣ်လၢတၢ်ဒုးအပူၤလီၤ. ပှၤဃ့ၢ်ပူၤဖျဲးတသ့နီတဂၤဘၣ်. ပှၤထူၣ်ဖျဲးတအိၣ်နီတဂၤဘၣ်.