လံာ်ဧၤမိၣ် 3:12 - Sgaw Karen Common Bible

¹² ယွၤစံးဝဲဒၣ်, “ဒ်ပှၤကွၢ်သိဂုာ်န့ၢ်က့ၤသိဖိအခီၣ်ခံခီမ့ၢ်ဂ့ၤအနၢ်တစဲး မ့ၢ်ဂ့ၤလၢခ့ယုၢ်အထးခိၣ်အသိးန့ၣ်, အံၣ်စရ့လးအဖိတဖၣ် လၢအအိၣ်လၢကီၢ်ၡၤမရံအပူၤန့ၣ်ကဘၣ်တၢ်မၤပူၤဖျဲး အီၤထဲသိးဒၣ်လီၢ်မံခးအခီၣ်ခံခီဒီးလီၢ်ဆ့ၣ်နီၤအက့အခီဖိဧိၤလီၤ.

လံာ်ဧၤမိၣ် 3:12 Iomraidhean Croise

လံာ်စီၤပၤအခီၣ်ထံးတဘ့ၣ် 20:30

ပှၤအိၣ်မူလီၤတဲာ်ဒံးတဖၣ်ဃ့ၢ်ပူၤဖျဲးဝဲဆူဝ့ၢ်အဖ့းအပူၤ ဒီးဖဲန့ၣ်ဝ့ၢ်ခိၣ်ဒူတဖၣ်လီၤပှီၢ်ဝဲလၢပှၤခံကလးနွံကထိဂၤ အလိၤန့ၣ်လီၤ. စီၤဘ့ၣ်ဟဒးစ့ၢ်ကီးဃ့ၢ်ပူၤဖျဲးဝဲဆူဝ့ၢ်ပူၤဒီးလဲၤအိၣ် သဒၢအသးဖဲဟံၣ်တဟံၣ်အဒၢးလၢတၢ်သးကံၢ်ပူၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 20:34

စီၤဘ့ၣ်ဟဒးစံးဘၣ်အီၤ, “ယကဟ့ၣ်ကဒါက့ၤနၤဝ့ၢ်တဖၣ်လၢယပၢ်မၤန့ၢ်ကွံာ်လၢနပၢ်အအိၣ်, ဒီးနကပာ်လီၤတၢ်ကူၣ်တၢ်ကၤအလီၢ်ခၢၣ်သးတတီၤလၢနဂီၢ်ဒၣ်နဲလၢ ဝ့ၢ်ဒၤမ့းစ့းအပူၤ, ဒ်ယပၢ်မၤတ့ၢ်ဝဲလၢဝ့ၢ်ၡၤမရံအပူၤအသိးန့ၣ်လီၤ.” စီၤအၤဃာ်စံးဆၢဝဲ, “လၢတၢ်အၢၣ်လီၤလိာ်သကိးသးတဖၣ်အံၤ အဃိယကပျၢ်ပူၤဖျဲးနၤလီၤ.” အဝဲမၤတၢ်အၢၣ်လီၤလိာ်သးဒီးအီၤဒီးပျၢ်ကွံာ်အီၤန့ၣ်လီၤ.

လံာ်စီၤပၤအခီၣ်ထံးတဘ့ၣ် 22:25

စီၤမံၤကါယၤစံးဆၢဝဲ, “နကထံၣ်သ့ၣ်ညါဘၣ်ဖဲနလဲၤနုာ်ဆူ ဒၢးလၢတၢ်လီၢ်ခံတနီၤလၢနကအိၣ်ခူသူၣ်အဂီၢ်န့ၣ်လီၤ.”

လံာ်စီၤပၤခံဘ့ၣ်တဘ့ၣ် 16:9

လၢတၢ်စံးဆၢက့ၤစီၤအၤဃးအတၢ်ဃ့ကညးအဂီၢ်န့ၣ်စီၤတံးကလး ပလ့စ့ၢ်ဟးထီၣ်လၢတၢ်ဒုးအဂီၢ်ဃုာ်ဒီးအသုးမုၢ်လၢကထီဒါဝ့ၢ် ဒၤမ့ၤစ့းအဂီၢ်ဒီးမၤန့ၢ်အီၤ, မၤသံကွံာ်စီၤပၤရစံၣ်ဒီးက့ၤကိးပှၤဂီၢ်မုၢ်ဆူဝ့ၢ်ကံၢ်ဒ် ပှၤဘၣ်တၢ်စၢဃာ်တဖၣ်အသိးန့ၣ်လီၤ.

လံာ်နီၢ်အ့ၤစတၢ် 1:6

စီၤပၤအတၤသၣ်လီၢ်အဂၢၤန့ၣ်ဘၣ်တၢ်ကယၢကယဲအီၤဒီးယၣ်ဘျးသဒၢ လၢအလါအဲးဒီးအဝါတဖၣ်လၢတၢ်စၢဃာ်အီၤဒီးပျံၤဂီၤလုးတ ကုာ်, ဒီးဘျးလီၤအီၤလၢကွီၤစ့လၢအအိၣ်လၢထူၣ်လၢၢ်ဝါ, အလိၤန့ၣ်လီၤ. လီၢ်မံခးထူဒီးစ့တဖၣ်ဘၣ်တၢ်ပာ်အီၤလၢဂၢၤလၢ အဘၣ်တၢ်ဒါလီၤအီၤဒီးလၢၢ်ဘဟး, လၢၢ်ဝါ, လၢၢ်ဒၢ်ဒီးလၢၢ်သူတဖၣ်အပူၤန့ၣ်လီၤ.

လံာ်နီၢ်အ့ၤစတၢ် 7:8

အဝဲထိၣ်လီၤပှီၤဃီၤအသးလၢနီၢ်အ့ၤစတၢ်အလီၢ်မံခးအဖီခိၣ်, ဒ်သိးကဃ့ကညးအီၤလၢတၢ်သးကညီၤအဂီၢ်, ဖဲစီၤပၤဟဲက့ၤကဒါက့ၤဆူဒၢးပူၤလၢတၤသၣ်လီၢ်အခါန့ၣ်လီၤ. တုၤအဝဲထံၣ်တၢ်မၤအသးအံၤဒီး, စီၤပၤထုထီၣ်အကလုၢ်, “မ့ၢ်ပှၤတဂၤအံၤသါကမၤတရီတပါနီၢ်ပၤမုၣ်ဖဲအံၤလၢယမဲာ်ညါ, လၢယနီဒၣ်ယဲအပူၤန့ၣ်ဧါ.” စီၤပၤစံးတၢ်အံၤဝံၤတဘျီဃီ, ပှၤဒ့ဒံၣ်ဖိတဖၣ်ကျၢၢ်ဘၢစီၤဟၤမၣ်အခိၣ်န့ၣ်လီၤ.

စံးထီၣ်ပတြၢၤ 132:3

လၢအစံးဝဲ, “ယတက့ၤဆူဟံၣ်မ့ၢ်ဂ့ၤ ဆူလီၢ်မံခိၣ်မ့ၢ်ဂ့ၤ,

လံာ်ယၡါယၤ 17:7

ဖဲမုၢ်နံၤန့ၣ်ဟဲဝဲဒီးပှၤကဃၣ်အသးလၢတၢ်မၤစၢၤအဂီၢ် ဆူအတၢ်ဘၣ်တ့အကစၢ်, ကီၢ်အံၣ်စရ့လးအကစၢ်ယွၤစီဆှံ အအိၣ်န့ၣ်လီၤ.

လံာ်ယၡါယၤ 31:4

ယွၤစံးဘၣ်ယၤ, “ပှၤကွၢ်သိတဖၣ်မ့ၢ်ကိးပသူကိးပသီထီၣ် နာ်က့, အဝဲသ့ၣ်မၤပျံၤမၤဖုးကွံာ်ခ့ ယုၢ်တဒုလၢဆၣ်ဖိကီၢ်ဖိတဒုလၢအမၤသံတ့ၢ်ဝဲအအိၣ်န့ၣ် တသ့ဘၣ်. ဒ်န့ၣ်အသိး, ယွၤသ့တၢ်လၢာ်လၢအတၢ်ဒီဒၣ် အိၣ်ပှိၤကစၢၢ်စံယိၣ်န့ၣ်, တၢ်တြီအီၤသ့တအိၣ်နီတမံၤဘၣ်.

လံာ်ယၡါယၤ 8:4

တချုးဖိသၣ်ပိာ်ခွါအံၤသ့ၣ်ညါကိးထီၣ်, မိမိၢ်ဒီး ပါပၢ်ဒံးဘၣ်န့ၣ်, ဝ့ၢ်ဒၤမ့ၤစ့းအတၢ်ထူးတၢ်တီၤခဲလၢာ် ဒီးကီၢ်ၡၤမရံအတၢ်ဂုာ်ဆူၣ်ပျီဆူၣ်ခဲလၢာ်ကဘၣ်တၢ်စိာ်ကွံာ်အီၤ လၢကီၢ်အၤၡူၢ်အစီၤပၤန့ၣ်လီၤ.”

လံာ်ဧၤမိၣ် 6:4

ပှၤလၢအမံလီၤလၢလီၢ်မံခးကဆီမဲတဖၣ်ဒီးစူၣ်လီၤအသးလၢ အလီၢ်ဖူကပုာ်တဖၣ်အဖီခိၣ်, ဒီးအီၣ်သိဖိအဘီၣ်ကတၢၢ်တဖၣ်လၢသိကရၢ, ဂီၤဖံးအဘီၣ်တဖၣ်လၢအကရၢၢ်ပူၤသ့ၣ်ဧၢ, သုဘၣ်အဖှီၣ်လီၤ.

လံာ်ဧၤမိၣ် 9:8

ကွၢ်ကွၢ်ယၤ, တၢ်စိတၢ်ကမီၤခဲလၢာ်အယွၤဒိးအမဲာ်ကွၢ်တၢ်ဆူတၢ် ဒဲးဘးအဘီအမုၢ်, ကီၢ်အံၣ်စရ့လးအအိၣ်ဒီးစံးဝဲဒၣ်, ယကမၤဟးဂီၤကွံာ်အီၤလၢဟီၣ်ခိၣ်ချၢလီၤ. ဘၣ်ဆၣ်ဒီးစီၤယၤကိာ်အဟံၣ်န့ၣ်, ယတမၤဟးဂီၤဘၣ်အီၤခဲလၢာ်ဘၣ်.