လံာ်ဧၤမိၣ် 3:1 - Sgaw Karen Common Bible

¹ ပှၤအံၣ်စရ့လးဖိသ့ၣ်ဧၢ, ဒိကနၣ်တၢ်ကစီၣ်အံၤလၢယွၤကတိၤတ့ၢ် တၢ်ဘၣ်ဃးဒီးသု, တၢ်ကတိၤထီဒါပှၤဒီကလုာ်ညါလၢအဒုးဟးထီၣ်ကွံာ်ဝဲလၢကီၢ် အဲၤကူပတူးပူၤတက့ၢ်.

လံာ်ဧၤမိၣ် 3:1 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 16:13

သုဝဲပှၤလီၤစၢၤလီၤသွဲၣ်လၢကစၢ်ယွၤအခ့အပှၤစီၤအံၣ်စရ့လး, ပှၤလၢကစၢ်ယွၤဃုထၢဝဲတဂၤ, စီၤယၤကိာ်အဖိအလံၤသ့ၣ်ဧၢ,

လံာ်ကွဲးနီၣ်တၢ်ခံဘ့ၣ်တဘ့ၣ် 20:15

စီၤယၤဃစအ့လးစံးဝဲ, “နဲဒၣ်တၢ်ဒိၣ်စီၤပၤဖးဒိၣ်ဒီး ကယဲၢ်သုဝဲပှၤဂီၢ်မုၢ်လၢကီၢ်ယူဒၤဒီးဝ့ၢ်ယရူၤၡလ့ၣ်အပူၤ သ့ၣ်ဧၢ, ယွၤစံးဝဲဒၣ်, လၢသုတ့ၢ်စၢ်လီၤသုဂံၢ်သုဘါမ့ၢ်ဂ့ၤ, ပျံၤတၢ်ဖုးတၢ်လၢသုကကွၢ်ဆၢၣ်မဲာ်သုးမုၢ်ဖးဒိၣ်အံၤမ့ၢ်ဂ့ၤ, အလီၢ်တအိၣ်ဘၣ်. တၢ်ဒုးန့ၣ်သန့ၤထီၣ်အသးလၢယွၤအဖီခိၣ်ဒီး တမ့ၢ်ဘၣ်လၢသုဖီခိၣ်ဘၣ်.

လံာ်ယၡါယၤ 46:3

ဒိကနၣ်ယၤတက့ၢ်, စီၤယၤကိာ်အစၢၤအသွဲၣ်, ပှၤအိၣ်လီၤတဲာ်ခဲလၢာ်လၢယပှၤဂီၢ်မုၢ်အကျါသ့ၣ်ဧၢ, ယသူၣ်အိၣ်သးအိၣ်တ့ၢ်သုစးထီၣ်လၢသုအိၣ်ဖျဲၣ်ထီၣ်အဆၢ ကတီၢ်လီၤ.

လံာ်ယၡါယၤ 48:12

ယွၤစံးဝဲ, “ဒိကနၣ်ယၤတက့ၢ်. ကီၢ်အံၣ်စရ့လးဧၢ, ပှၤဂီၢ်မုၢ်လၢယကိးထီၣ်တ့ၢ်အီၤသ့ၣ်ဧၢ, ယမ့ၢ်ကစၢ်ယွၤ, တၢ်အခီၣ်ထံး, တၢ်အကတၢၢ်ဒီးကစၢ်ယွၤထဲတဂၤဧိၤလီၤ.

လံာ်ယံးရမံယၤ 13:11

ဒ်ဖျီၣ်ခံအဖုၣ်တဖၣ်အံၤဘၣ်တၢ်ကူကျၢၤတံၢ်ဃးအီၤလၢပှၤအယီၢ်ဒ့ အလိၤအသိးန့ၣ်, ယပာ်လီၤတ့ၢ်လံယသးလၢပှၤဂီၢ်မုၢ်ခဲလၢာ်လၢ ကီၢ်အံၣ်စရ့လးဒီးကီၢ်ယူဒၤကဖီၣ်ဃံးတံၢ်ယၤန့ၣ်လီၤ. ယမၤတ့ၢ်တၢ်အံၤဒ်သိးအဝဲသ့ၣ်ကမ့ၢ်ယပှၤဂီၢ်မုၢ်ဒီးကဟဲ စိာ်တၢ်စံးထီၣ်ပတြၢၤဒီးတၢ်လၤကပီၤလၢယမံၤအဂီၢ်လီၤ. ဘၣ်ဆၣ်ဒီးအဝဲသ့ၣ်တစူၢ်ယၤဘၣ်.”

လံာ်ယံးရမံယၤ 31:1

ယွၤစံးဝဲဒၣ်, “တၢ်ဆၢကတီၢ်ဟဲဝဲလၢ ယကကဲထီၣ် ကီၢ်အံၣ်စရ့လး အဒူၣ်တဖၣ်ခဲလၢာ် အကစၢ်ယွၤဒီး အဝဲသ့ၣ်ကကဲထီၣ် ယပှၤဂီၢ်မုၢ် န့ၣ်လံ.

လံာ်ယံးရမံယၤ 8:3

ဒီးပှၤအၢပှၤသီတကလုာ်အံၤအပှၤဂီၢ်မုၢ်လၢအအိၣ်မူတ့ၢ်ဒံးတဖၣ်, လၢအအိၣ်ဝဲဆိးဝဲလၢတၢ်လီၢ်တဖၣ်လၢယမၤပြံမၤပြါကွံာ် အဝဲသ့ၣ်အပူၤန့ၣ်, ကဘၣ်အသးလၢကသံဝဲ ဒိၣ်န့ၢ်ဒံးကအိၣ်မူဒံးဝဲဆူညါန့ၣ်လီၤ. ယၤ, ယွၤသ့တၢ်လၢာ်ကစၢ်, ကတိၤလံတၢ်လံ.”

လံာ်ဟိၤၡ့ 4:1

ယွၤအိၣ်ဒီးတၢ်လိာ်ဘၢလိာ်ကွီၢ်တမံၤလၢကဟဲစိာ်ဝဲ ထီဒါပှၤဂီၢ်မုၢ်လၢအအိၣ်ဝဲဆိးဝဲလၢကီၢ်ပူၤတဖၣ်န့ၣ်လီၤ. ကီၢ်အံၣ်စရ့လးဧၢ, ဒိကနၣ်တၢ်လၢအဝဲစံးဝဲန့ၣ်တက့ၢ်. တၢ်သူၣ်တီသးတီမ့ၢ်ဂ့ၤ, တၢ်အဲၣ်တၢ်ကွံမ့ၢ်ဂ့ၤ, တအိၣ်ဘၣ်လၢကီၢ်ပူၤ, ဒီးပှၤဂီၢ်မုၢ်တသ့ၣ်ညါပာ်ယၤဒ်အမ့ၢ်ကစၢ်ယွၤအသိးန့ၣ်ဘၣ်.

လံာ်ဟိၤၡ့ 5:1

ကနၣ်တၢ်အံၤတက့ၢ်. သုဝဲပှၤလုၢ်တၢ်အခိၣ်တဖၣ်ဧၢ, ပာ်ကဲတၢ်တက့ၢ်. ကီၢ်အံၣ်စရ့လးအပှၤဂီၢ်မုၢ်ဧၢ, ဒိကနၣ်တက့ၢ်. သုဝဲသ့ၣ်လၢအမ့ၢ်စီၤပၤအပှၤဟံၣ်ဖိဧၢ, သုကြၢးစံၣ်ညီၣ်တၢ်အိၣ်ဒီးတၢ်စံၣ်ညီၣ်တီလီၤ. လၢတၢ်န့ၣ်အဃိတၢ်စံၣ်ညီၣ်ကလီၤဘၣ်လၢသုလိၤလီၤ. သုကဲထီၣ်တ့ၢ်ပျံၤသကွီၤဖဲကီၢ်မံးစပၤ, ပှာ်တဘ့ၣ်လၢအသလၣ်လီၤအသးလၢကစၢၢ်တၤဘိၣ်အလိၤ,

လံာ်ဧၤမိၣ် 2:10

ယထုးထီၣ်သုလၢကီၢ်အဲၤကူပတူးအပူၤ, ဒီးဆှၢတ့ၢ်သုလၢပှၢ် မုၢ်ကနၢအနံၣ်လွံၢ်ဆံဒီးဟ့ၣ်လီၤတ့ၢ်သုလၢပှၤအမိၢ် ဖိအကီၢ်လၢကကဲထီၣ်သုကီၢ်န့ၣ်လီၤ.

လံာ်ဧၤမိၣ် 4:1

ဒိကနၣ်တၢ်အံၤ, သုဝဲပိာ်မုၣ်တဖၣ်လၢကီၢ်ၡၤမရံလၢအဘီၣ်ထီၣ်လီၤဂာ်ဒ်ဘၤၡၣ် အဂီၤဖံးမိၢ်တဖၣ်လၢအဘၣ်တၢ်လုၢ်အီၣ်လုၢ်အီအီၤဂ့ၤဂ့ၤ ကလဲာ်အသိး, လၢအမၤတရီတပါပှၤဂံၢ်စၢ်ဘါစၢ်, မၤအၢမၤနးပှၤဖှီၣ်ဖိယာ်ဖိဒီးလၢအဃ့ကိၢ်ဃ့ဂီၤသုဝၤ တဖၣ်လၢကဟဲစိာ်ဒုးအီသုလၢစပံးထံသ့ၣ်ဧၢ,

လံာ်ဧၤမိၣ် 5:1

ဒိကနၣ်, ကီၢ်အံၣ်စရ့လးအပှၤဂီၢ်မုၢ်ဧၢ, ယသးဝံၣ်တၢ်ဘၣ်မိၣ်ဘၣ်မးအထါအံၤလၢသုဂီၢ်လီၤ.

လံာ်မံကၤ 2:3

မၤသးဒ်န့ၣ်ဒီးယွၤစံးဝဲဒၣ်, “ယကူၣ်ထီၣ်ကျဲၤလီၤလၢယက ဟဲစိာ်တၢ်နးတၢ်ဖှီၣ်လၢသုလိၤ, ဒီးသုဂုာ်ထူၣ်ဖျဲးလၢအီၤ တသ့ဘၣ်. သုကထံၣ်လီၤသုသးလၢသုအိၣ်လၢတၢ်ကီတၢ်ခဲ အပူၤသတးဒီးသုတဟးလၢၤဘၣ်လၢတၢ်သးထီၣ်ထီအပူၤနီတစုဘၣ်.

လံာ်မံကၤ 3:1

ကနၣ်တက့ၢ်. ပှၤလၢအပၢဘၣ်ကီၢ်အံၣ်စရ့လးသ့ၣ်ဧၢ, အအံၤမ့ၢ်သုမူသုဒါလၢသုကြၢးကွၢ်ထွဲပှၤ ဂီၢ်မုၢ်တဖၣ်ဒ်သိးအကမၤတၢ်မ့ၢ်တၢ်တီလီၤ.

လံာ်စဖါနယၤ 2:5

သုဝဲပှၤဖလ့ၡသးဖိ, ပှၤအိၣ်ဝဲဆိးဝဲလၢပီၣ်လဲၣ်နံၤသ့ၣ်တဖၣ်ဧၢ, သုဘၣ်တၢ်စံၣ်ညီၣ်ဃါမနၤလီၤ. ယွၤဟ့ၣ်လီၤတ့ၢ်တၢ်စံၣ်ညီၣ်လၢသုဖီခိၣ်လီၤ. အဝဲဒၣ်ကမၤဟးဂီၤကွံာ်သုဒီးပှၤလၢသုကျါတအိၣ်တီၢ်ဘၣ်နီတဂၤဘၣ်.

လံာ်လီၣ်ဖျါ 2:29

နနၢ်မ့ၢ်အိၣ်ကစီဒီန့ၣ်, ဒိကနၣ်တၢ်လၢယွၤအသးစံးဘၣ်တၢ်အိၣ်ဖှိၣ်တဖၣ်န့ၣ် တက့ၢ်.”