လံာ်ဧၤမိၣ် 2:9 - Sgaw Karen Common Bible

⁹ ဘၣ်ဆၣ်ဒီးယပှၤဂီၢ်မုၢ်ဧၢ, လၢသုဂီၢ်န့ၣ်ယမၤဟးဂီၤကွံာ်ကယဲၢ်ပှၤအမိၢ်ဖိလၢအဒိၣ် အထီဒ်သ့ၣ်ဆှိးအ့ရ့းတဖၣ်ဒီးဂံၢ်ဆူၣ်ဘါဆူၣ်ဝဲဒ်သ့ထိးဖၣ် တဖၣ်အသိးန့ၣ်လီၤ.

လံာ်ဧၤမိၣ် 2:9 Iomraidhean Croise

လံာ်တၢ်ကဲထီၣ်အခီၣ်ထံး 15:16

တချုးလၢနစၢၤနသွဲၣ်တဖၣ်ဟဲက့ၤဆူအံၤန့ၣ်ကအိၣ်ဝဲလွံၢ်စိၤ လီၤ. အဂ့ၢ်ဒ်အံၤ, ယတနီၣ်ထီၣ်ဟီထီၣ်ကွံာ်ပှၤအမိၢ်ဖိတဖၣ်တချုးဒံး ဘၣ်လၢအဝဲသ့ၣ်အၢထီၣ်သီထီၣ်ဒိၣ်ဒိၣ်ကလဲာ်တုၤအကဘၣ်တၢ်စံၣ်ညီၣ် အီၤန့ၣ်ဘၣ်.

လံာ်ကွဲးနီၣ်တၢ်အခီၣ်ထံးတဘ့ၣ် 1:14

စီၤကနၤဧၣ်အစၢၤအသွဲၣ်တဖၣ်န့ၣ်မ့ၢ်ဝဲပှၤယဘူၣ်ဖိ, ပှၤအမိၢ်ဖိဒီးပှၤကံၢ်ကၣ်ဖိ,

လံာ်စီၤယိၤဘး 18:16

အဂံၢ်ဒီးအဒ့တဖၣ်လီၤညွံးဒီးဃ့ထီကွံာ်ဝဲဒၣ်န့ၣ်လီၤ.

လံာ်တၢ်ဟးထီၣ်ကွံာ် 3:8

ဒီးယဟဲလီၤဒ်သိးယကမၤပူၤမၤဖျဲးက့ၤအဝဲသ့ၣ်လၢပှၤအဲၤကူ ပတူးဖိအစုပူၤ, ဒီးထုးထီၣ်ကွံာ်အဝဲသ့ၣ်လၢကီၢ်အဲၤကူပတူး အပူၤဒီးဆှၢအဝဲသ့ၣ်ဆူကီၢ်တဘ့ၣ်လၢဟီၣ်ခိၣ်ညၣ်ထ့ၣ်ဂ့ၤဒီးလဲၢ်ဝဲ, ကီၢ်လၢတၢ်နုၢ်ထံဒီးကနဲစီယွၤလီၤဝဲ, ဒီးမ့ၢ်ကီၢ်တဘ့ၣ်ဖဲပှၤကနၤဧၣ်ဖိ, ပှၤဃ့ၤသးဖိ, ပှၤအမိၢ်ဖိ, ပှၤပရးစၤဖိ, ပှၤဃံၤဝံဖိဒီးပှၤယဘူၣ်ဖိတဖၣ်အိၣ်ဝဲအလီၢ်န့ၣ်လီၤ.

လံာ်တၢ်ဟးထီၣ်ကွံာ် 34:11

စူၢ်တၢ်ဘူၣ်တၢ်ဘါအတၢ်သိၣ်တၢ်သီတဖၣ်လၢယကဟ့ၣ်လီၤသုတနံၤအံၤန့ၣ်တက့ၢ်. ယကဟီထီၣ်ကွံာ်ပှၤအမိၢ်ဖိတဖၣ်, ပှၤကနၤဧၣ်ဖိတဖၣ်, ပှၤဃ့ၤသးဖိတဖၣ်, ပှၤပရးစၤဖိတဖၣ်, ပှၤဃံၤဝံဖိတဖၣ်ဒီးပှၤယဘူၣ်ဖိတဖၣ်ဖဲသုလဲၤထီၣ်ဒုးတၢ်န့ၣ်လီၤ.

လံာ်ယၡါယၤ 10:33

ယွၤ, သ့တၢ်လၢာ်ကစၢ်ကမၤလီၤပှီၢ်အဝဲသ့ၣ်ဒ်သ့ၣ်ဒ့တဖၣ် ဘၣ်တၢ်ကျီၤလီၤတဲာ်ကွံာ်အီၤလၢသ့ၣ်ထူၣ်အလိၤသီၣ်ဝဲ အသိးလီၤ. ပှၤလၢအပာ်ထီၣ်ထီအသးနးနးကလဲာ်ဒီးပှၤ အိၣ်လၢလီၢ်ထီကတၢၢ်လၢအဝဲသ့ၣ်အကျါတဖၣ်ကဘၣ် တၢ်ကျီတဲာ်အီၤဒီးမၤမဲာ်ဆှးအီၤလီၤ.

လံာ်ယၡါယၤ 5:24

လၢတၢ်န့ၣ်အဃိအခဲအံၤ, ဒ်ဘုလီၢ်ဒီးကပံာ်ဃ့သွံးထီၣ်ကွံာ် ဒီးမ့ၣ်အူအီၣ်အီၤအသိး, သုဂံၢ်တဖၣ်ကအုၣ်ကကျၣ်ကွံာ် ဒီးသုသိၣ်သုဖီတဖၣ်ကဃ့ထီဒီးဒံကွံာ်ဝဲလီၤ. အဂ့ၢ်ဒ်အံၤ, သုညိကွံာ်တၢ်လၢယွၤသ့တၢ်လၢာ်ကစၢ်, အံၣ်စရ့လးအကစၢ်ယွၤစီဆှံ, သိၣ်လိတ့ၢ်ပှၤအဃိန့ၣ်လီၤ.

လံာ်ယဃ့းစက့လး 17:9

လၢတၢ်န့ၣ်အဃိ, ယၤ, ယွၤပၢဘၣ်တၢ်ခဲလၢာ်ကစၢ်သံကွၢ် တၢ်န့ၣ်လီၤ. မ့ၢ်စပံးမုၢ်အံၤကဒီးဒိၣ်ထီၣ်စ့ၢ်ကီးဧါ. လံာ်ကြီကြာ်အဆိကတၢၢ်တဘ့ၣ်တထဲးထီၣ်ကွံာ်အီၤလၢအဂံၢ်, ဒ့ကွံာ်အစပံးသၣ်တဖၣ်, ဒီးမၤကၢ်ကွံာ်အဒ့တဖၣ်ဒီးပျဲအဃ့ ထီကွံာ်ဘၣ်န့ၣ်ဧါ. လၢတၢ်ကထဲးထီၣ်ကွံာ်အီၤအဂီၢ်န့ၣ်, တလိၣ်တၢ်ဂံၢ်တၢ်ဘါအါအါကဲာ်ဆိးမ့ၢ်ဂ့ၤ, ပှၤတကလုာ်လၢအဂံၢ် ဆူၣ်အဘါဆူၣ်မ့ၢ်ဂ့ၤန့ၣ်ဘၣ်.

လံာ်မၤလကံ 4:1

ယွၤသ့တၢ်လၢာ်စံးဝဲ, “မုၢ်တနံၤန့ၣ်ဟဲတုၤဝဲဖဲကယဲၢ်ပှၤလၢအပာ်ထီၣ်ထီအသးဒီးမၤ တၢ်အၢခဲလၢာ်ကဘၣ်တၢ်ဆူးထီၣ်ကွံာ်အီၤဒ်လီၢ်ဧိၤဒံးဧိၤအသိး န့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ်ကဘၣ်တၢ်ဆူးထီၣ်ကွံာ်အီၤ, ဒီးတၢ်တပာ်လီၤတဲာ်ဘၣ်တၢ်နီတမံၤဘၣ်ဃးဒီးအဝဲသ့ၣ်ဘၣ်.

လံာ်တၢ်ဂံၢ် 32:13

ယွၤသးဒိၣ်ပှၤဂီၢ်မုၢ်ဒီးမၢအဟးဝ့ၤဝီၤလၢပှၢ်မုၢ်ကနၢအနံၣ် လွံၢ်ဆံ, တုၤလၢပှၤဒီတစိၤလၢအမၤတမုာ်အဝဲအသးန့ၣ် သံကွံာ်ဝဲခဲလၢာ်လီၤ.

လံာ်သိၣ်လီၤသီလီၤတၢ် 1:28

ဘၣ်မနုၤအဃိပကဘၣ်လဲၤဖဲန့ၣ်လဲၣ်. ပပျံၤတၢ်လီၤ. ပှၤလၢပဆှၢလီၤတ့ၢ်အီၤတဖၣ်တဲဘၣ်ပှၤလၢ, ပှၤဂီၢ်မုၢ်ဖဲန့ၣ် တဖၣ်အဂံၢ်အဘါဆူၣ်န့ၢ်ပှၤဒီးအနီၢ်ထီန့ၢ်ပှၤတက့ၢ်, ဒီးလၢအဝဲသ့ၣ်အိၣ်ဆိးလၢဝ့ၢ်တဖၣ်လၢအိၣ်ဒီးအခိၣ်ဒူလၢ အကစီၤထီၣ်ထီတုၤဝဲဆူမူခိၣ်န့ၣ်လီၤ. အဝဲသ့ၣ်ထံၣ်ဘၣ်ပှၤဧနးဖိတဖၣ်လၢအနီၢ်ဒိၣ်နီၢ်သွါဖဲန့ၣ်လီၤ.

လံာ်သိၣ်လီၤသီလီၤတၢ် 3:11

(စီၤပၤစီၤဧိာ်မ့ၢ်အစီၤပၤလၢခံကတၢၢ်တဂၤဖဲဝ့ၢ်ရးဘးန့ၣ်လီၤ. အဝဲအကျုာ်န့ၣ်ဘၣ်တၢ်မၤအီၤလၢလၢၢ်ဒီးအလဲၢ်အိၣ်လွံၢ်ပျၢ်ဒီး အထီအိၣ်ဝဲဃုပျၢ်ဃၣ်ဃၣ်ဒ်နီၣ်ထီၣ်အတီလၢတၢ်ပာ်လီၤအီၤအသိး န့ၣ်လီၤ. တၢ်န့ၣ်ဘၣ်တၢ်ထံၣ်အီၤသ့ဒံးဝဲတုၤခဲကနံၣ်အံၤ, လၢပှၤဧၣ်မိၣ်ဖိအဝ့ၢ်, ဝ့ၢ်ရးဘးအပူၤန့ၣ်လီၤ.)

လံာ်စီၤယိၤၡူ 10:12

မုၢ်တနံၤလၢယွၤဟ့ၣ်ပှၤအံၣ်စရ့လးဖိ တၢ်မၤနၢၤလၢပှၤအမိၢ်ဖိအဖီခိၣ်န့ၣ်, စီၤယိၤ ၡူကတိၤတၢ်ဒီးယွၤလၢပှၤအံၣ်စရ့လးဖိတဖၣ်အမဲာ်ညါဒီးစံးဝဲ, “မုၢ်ဧၢ, အိၣ်ဂၢၢ်တပၢၢ်လၢဝ့ၢ်ကံးဘိၣ်အဖီခိၣ်ဒီးလါဧၢ, အိၣ်ကတီၢ်လၢအးယၤလိၣ်အကစၢၢ်ကဆူးအဖီခိၣ်န့ၣ်တက့ၢ်.”

လံာ်စီၤယိၤၡူ 3:10

ဖဲသုလဲၤထီၣ်ဆူညါဒီး, အဝဲကနီၣ်ထီၣ်ကွံာ်ပှၤကနၤဧၣ်ဖိ, ပှၤဃ့ၤသးဖိ, ပှၤဃံၤဝံဖိ, ပှၤပရးစၤဖိ, ပှၤကံၢ်ကၣ်ဖိ, ပှၤအမိၢ်ဖိ, ဒီးပှၤယဘူၣ်ဖိတဖၣ်သပှၢ်ကတၢၢ်န့ၣ်လီၤ. ဒီးသုကသ့ၣ်ညါလၢကစၢ်ယွၤလၢအမူဝဲတဂၤအိၣ်လၢသုကျါ,