လံာ်ဧၤမိၣ် 2:8 - Sgaw Karen Common Bible

⁸ လၢကယဲၢ်တၢ်ဘူၣ်တၢ်ဘါအလီၢ်တပူၤလၢ်လၢ်န့ၣ်ပှၤပိာ်ခွါတဖၣ်မံ လီၤလၢတၢ်ကူတၢ်သိးအဖီခိၣ်လၢအဟံးန့ၢ်ဝဲလၢပှၤ ဖှီၣ်ဖိယာ်ဖိအအိၣ်ဒ်တၢ်အုၣ်ကီၤလၢအဒ့ၣ်ကမၣ်အဂီၢ်လီၤ. လၢအဝဲသ့ၣ်အကစၢ်ယွၤအတၢ်လုၢ်ဟံၣ်အပူၤန့ၣ်အီဝဲစ ပံးထံလၢအဟံးန့ၢ်ဝဲလၢပှၤလိၢ်အဝဲသ့ၣ်အစ့တဖၣ်အအိၣ်လီၤ.

လံာ်ဧၤမိၣ် 2:8 Iomraidhean Croise

လံာ်တၢ်ဟးထီၣ်ကွံာ် 22:25

သုမ့ၢ်ဟ့ၣ်လိၢ်လီၤစ့ဆူယပှၤဂီၢ်မုၢ်လၢအဖှီၣ်အယာ်တဂၤလၢ်လၢ် န့ၣ်မၤသုသးဒ်ပှၤလိၢ်လီၤအီၣ်စ့တဖၣ်အသိးဒီးမၢဆူၣ်အီၤလၢ ကဟ့ၣ်စ့အအ့ၣ်တဂ့ၤ.

လံာ်ယၡါယၤ 57:7

သုလဲၤထီၣ်ဆူကစၢၢ်ထီၣ်ထီတဖၣ်အလိၤလၢသုကလုၢ်ထီၣ် ပာ်ထီၣ်တၢ်အဂီၢ်ဒီးမံဃုာ်အိၣ်ဃုာ်လိာ်သုသးအဂီၢ်န့ၣ်လီၤ.

လံာ်ယဃ့းစက့လး 18:12

အဝဲလီန့ၢ်ပှၤဖှီၣ်ဖိယာ်ဖိတဖၣ်, အဝဲဂုာ်ဆူၣ်တၢ်, အဝဲဟံးန့ၢ်ကွံာ်တၢ်လၢပှၤလၢအဃ့လိၢ်တၢ်တဂၤဟ့ၣ်အီၤဒ်တၢ်ဟ့ၣ် ကီၤအသိးန့ၣ်လီၤ. အဝဲလဲၤဆူပှၤတစူၢ်တနာ်ယွၤအတၢ်ဘါလီၢ်တဖၣ်, ဘူၣ်ထီၣ်ဘါထီၣ်တၢ်ဂီၤတၢ်ဖီၣ်တဖၣ်လၢအလီၤသးဘၣ်အၢန့ၣ်လီၤ.

လံာ်ယဃ့းစက့လး 18:7

အဝဲတလီန့ၢ်ပှၤနီတဂၤမ့ၢ်ဂ့ၤ, တဂုာ်န့ၢ်ပှၤနီတဂၤမ့ၢ်ဂ့ၤအတၢ်ဘၣ်. တၢ်လၢပှၤဃ့လိၢ်တၢ်တဂၤဟ့ၣ်အီၤဒ်တၢ်အုၣ်ကီၤအသိးန့ၣ်, အဝဲဟ့ၣ်ကဒါက့ၤဝဲလီၤ. အဝဲဟ့ၣ်အီၣ်ပှၤလၢတၢ်သၣ်ဝံၤအသးဒီး ဒုးကူဒုးသိးဆူပှၤလၢအအိၣ်ဘ့ၣ်ဆ့န့ၣ်လီၤ.

လံာ်ယဃ့းစက့လး 23:41

အဝဲသ့ၣ်ကဆ့ၣ်နီၤလၢလီၢ်ဆ့ၣ်နီၤဃံလၤတဖျၢၣ်အလိၤဒီးလၢအဝဲ သ့ၣ်အမဲာ်ညါန့ၣ်, ကအိၣ်ဒီးစီၤနီၤခိၣ်တဖျၢၣ်လၢအပှဲၤဝဲဒီးတၢ်အဂ့ၤ တဖၣ်လၢအအိၣ်ဃုာ်ဒီးတၢ်နၢမူဒီးသ့ၣ်စၤယံးအသိလၢယဟ့ၣ်တ့ၢ် အဝဲသ့ၣ်န့ၣ်လီၤ.

လံာ်ဟိၤၡ့ 4:8

သုကဲဒိၣ်ထီၣ်လၢယပှၤဂီၢ်မုၢ်အတၢ်ဒဲးဘးတဖၣ်အဃိ, ဒီးလၢတၢ်န့ၣ်အဃိသုအဲၣ်ဒိးလၢအဝဲသ့ၣ်ကမၤတၢ်ဒဲးဘးအါထီၣ်အါ ထီၣ်န့ၣ်လီၤ.

လံာ်ဟိၤၡ့ 7:14

အဝဲသ့ၣ်တဃ့ဘါထုကဖၣ်ဆူယအိၣ်နီၢ်နီၢ်လၢတၢ်သးတီအပူၤဘၣ်. မ့မ့ၢ်လၢတၢ်န့ၣ်အလီၢ်, အဝဲသ့ၣ်ကွံာ်လီၤအသးဒီးဟီၣ်တၢ်ယၢၤတၢ်ဒ်ပှၤဘါတၢ်ဂီၤတဖၣ် မၤဝဲအသိးန့ၣ်လီၤ. ဖဲအဝဲသ့ၣ်ဘါထုကဖၣ်တၢ်လၢဘုခ့ဒီးစပံးထံ အဂီၢ်န့ၣ်, အဝဲသ့ၣ်ဂဲာ်လီၤကူးလီၤအသးဒ်ပှၤဘါတၢ်ဂီၤတၢ်ဖီၣ်တဖၣ် အသိးန့ၣ်လီၤ. အဝဲသ့ၣ်တဖၣ်မ့ၢ်ပှၤပူထီၣ်တၢ်တဖၣ်လီၤ.

လံာ်ဧၤမိၣ် 3:14

မုၢ်တနံၤဖဲယစံၣ်ညီၣ်အံၣ်စရ့လးအပှၤဂီၢ်မုၢ်လၢအတၢ်ဒဲးဘး တဖၣ်န့ၣ်, ယကမၤဟးဂီၤကွံာ်တၢ်လုၢ်လီၢ်တဖၣ်လၢဘ့ၤသ့လးန့ၣ်လီၤ. ကယဲၢ်တၢ်လုၢ်လီၢ်အနၢၣ်ခဲလၢာ်ကကၢ်ကွံာ်ဝဲဒီးကလီၤ တဲာ်လၢဟီၣ်ခိၣ်လိၤန့ၣ်လီၤ.

လံာ်ဧၤမိၣ် 4:1

ဒိကနၣ်တၢ်အံၤ, သုဝဲပိာ်မုၣ်တဖၣ်လၢကီၢ်ၡၤမရံလၢအဘီၣ်ထီၣ်လီၤဂာ်ဒ်ဘၤၡၣ် အဂီၤဖံးမိၢ်တဖၣ်လၢအဘၣ်တၢ်လုၢ်အီၣ်လုၢ်အီအီၤဂ့ၤဂ့ၤ ကလဲာ်အသိး, လၢအမၤတရီတပါပှၤဂံၢ်စၢ်ဘါစၢ်, မၤအၢမၤနးပှၤဖှီၣ်ဖိယာ်ဖိဒီးလၢအဃ့ကိၢ်ဃ့ဂီၤသုဝၤ တဖၣ်လၢကဟဲစိာ်ဒုးအီသုလၢစပံးထံသ့ၣ်ဧၢ,

လံာ်ဧၤမိၣ် 6:4

ပှၤလၢအမံလီၤလၢလီၢ်မံခးကဆီမဲတဖၣ်ဒီးစူၣ်လီၤအသးလၢ အလီၢ်ဖူကပုာ်တဖၣ်အဖီခိၣ်, ဒီးအီၣ်သိဖိအဘီၣ်ကတၢၢ်တဖၣ်လၢသိကရၢ, ဂီၤဖံးအဘီၣ်တဖၣ်လၢအကရၢၢ်ပူၤသ့ၣ်ဧၢ, သုဘၣ်အဖှီၣ်လီၤ.

လံာ်ဧၤမိၣ် 6:6

သုအီစပံးထံလၢသလၢဖးဒိၣ်အပှဲၤ, ဒီးဖှူသိနၢမူအဂ့ၤကတၢၢ်, ဘၣ်ဆၣ်သုတသူၣ်အုးသးအုးဘၣ်လၢကီၢ်အံၣ်စရ့လးအတၢ်ဟးဂူာ်ဟး ဂီၤအဃိဘၣ်.

1 ကရံၣ်သူး 10:21

သုကအီတၢ်လၢကစၢ်အလီခီပူၤဝံၤသုကအီတၢ်လၢတၢ်နါ အလီခီပူၤတသ့ဘၣ်. သုကအီၣ်သကိးတၢ်ဒီးကစၢ်ဝံၤသုကအီၣ်သကိးတၢ်ဒီးတၢ်နါ တသ့ဘၣ်.

1 ကရံၣ်သူး 10:7

ဒီးလၢပသုတဘါထီၣ်စ့ၢ်ကီးတၢ်ဂီၤတၢ်ဖီၣ်, ဒ်အဝဲသ့ၣ်တနီၤမၤဝဲအသိးတဂ့ၤအဂီၢ်န့ၣ်လီၤ. ဒ်တၢ်ကွဲးအသးစံးဝဲအသိးန့ၣ်, “ပှၤဂီၢ်မုၢ်တဖၣ်ဆ့ၣ်နီၤအီၣ် သကိးအီသကိးတၢ်, ဒီးမူးအံၤကဲထီၣ်မူးဧိၤပွဲဧိၤလၢအအိၣ် ဃုာ်တၢ်အီမူၤအီဘှီးသးလၢသံး, တၢ်ဂဲၤကလံၣ်ဒီးတၢ်မၤကမၣ်မုၣ်ကမၣ်ခွါန့ၣ်လီၤ.”

1 ကရံၣ်သူး 8:10

ပစံးဒၣ်ကလိာ်, ပှၤတဂၤလၢအသးလၢအသ့ၣ်ညါဒၣ်တၢ်အဂံၢ် အဘါစၢ်လၢတၢ်ဂ့ၢ်အဝဲအံၤတကပၤတဂၤထံၣ်သုဝဲလၢအအိၣ်ဒီး တၢ်လၢပှၤကိးဝဲလၢ “တၢ်သ့ၣ်ညါနၢ်ပၢၢ်” န့ၣ်, အီၣ်တၢ်လၢတၢ်ဂီၤတၢ်ဖီၣ်တဒုအတၢ်လုၢ်ဟံၣ်အပူၤဒီး, အဝဲကဘၣ်တၢ်မၢန့ၢ်ဆီၣ်ခံအီၤလၢအကအီၣ်တၢ်အီၣ်လၢအဘၣ် တၢ်လုၢ်ထီၣ်အီၤဆူတၢ်ဂီၤတၢ်ဖီၣ်တဖၣ်အအိၣ်တမ့ၢ်ဘၣ်ဧါ.

လံာ်ပှၤစံၣ်ညီၣ်ကွီၢ် 9:27

အဝဲသ့ၣ်ခဲလၢာ်လဲၤနုာ်ဆူပှၤၡက့ၣ်ဖိတဖၣ်အစပံးလီၢ် ဒီးဒဲးန့ၢ်စပံးသၣ်တဖၣ်ဒီးမၤန့ၢ်ဝဲစပံးထံဒီးမၤမူးသးဖှံန့ၣ်လီၤ. အဝဲသ့ၣ်လဲၤနုာ်ဆူပှၤၡက့ၣ်ဖိတဖၣ်အကစၢ်အတၢ်လုၢ်ဟံၣ်အပူၤ ဒီးအီမူၤအသးဒီးကတိၤဒုၣ်ဒွဲၣ်စီၤအဘံၤမ့လ့းန့ၣ်လီၤ.