လံာ်ဧၤမိၣ် 1:6 - Sgaw Karen Common Bible

⁶ ဒီးယွၤစံးဝဲဒၣ်, “ပှၤဝ့ၢ်ဂါစၤဖိတဖၣ်မၤတ့ၢ်လံတၢ်ဒဲးဘးတဘျီ ဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်စိာ်ကွံာ်ပှၤကီၢ်ဖိဒီတကီၢ်ညါဒီးဆါကွံာ်ဝဲဒ်ကုၢ် တဖၣ်အသိးဆူပှၤကီၢ်အဒိၣ်ဖိတဖၣ်အအိၣ်လီၤ.

လံာ်ဧၤမိၣ် 1:6 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 28:18

တကတီၢ်ဃီအံၤန့ၣ်, ပှၤဖလ့ၡသးဖိတဖၣ်ဟဲနုာ်လီၤဒုးဆူၣ်ဝ့ၢ် တဖၣ်လၢအအိၣ်လၢမုၢ်နုာ်ကစၢၢ်တဖၣ်အခီၣ်ထံးဒီးလၢကီၢ်ယူဒၤ အကလံၤထံးန့ၣ်လီၤ. အဝဲသ့ၣ်မၤန့ၢ်ကွံာ်ဝ့ၢ်တဖၣ်လၢအမ့ၢ်ဝဲဘ့ၤသၡ့မ့ၣ်, အးယၤလိၣ်, ကဒ့ရိးန့ၣ်လီၤ. အဝဲသ့ၣ်မၤန့ၢ်ကွံာ်စ့ၢ်ကီးဝ့ၢ်တဖၣ်လၢ အမ့ၢ်ဝဲ, ၡိကိး, တံးမနၤကံးမစိၤဒီးသဝီၤတဖၣ်လၢအအိၣ်ဝးတရံးဝ့ၢ် တဖၣ်အံၤ, ဒီးသူၣ်လီၤအတၢ်အိၣ်တၢ်ဆိးအလီၢ်အဂၢၢ်အကျၢၤဖဲန့ၣ်လီၤ.

လံာ်ယံးရမံယၤ 47:1

တချုးလၢကီၢ်အဲၤကူပတူးအစီၤပၤလဲၤဒုးဝ့ၢ်ဂါစၤဒံးဘၣ်န့ၣ်, ယွၤကတိၤတၢ်ဒီးယၤဘၣ်ဃးကီၢ်ဖလ့ၡသးအဂ့ၢ်လီၤ.

လံာ်ယဃ့းစက့လး 35:5

သုမ့ၢ်တ့ၢ်ကီၢ်အံၣ်စရ့လးအဒုၣ်အဒါတပယူာ်ဃီဒီးပျဲအပှၤဂီၢ်မုၢ် ဘၣ်တၢ်မၤသံမၤဝီအီၤလၢတၢ်ဟးဂီၤအမုၢ်တနံၤ, လၢတၢ်တတၢးတနါအဆၢကတီၢ်, တၢ်ဆၢကတီၢ်ဖဲတၢ်စံၣ်ညီၣ်လၢ ခံကတၢၢ်လၢအဝဲအတၢ်ဒဲးဘးတဖၣ်အဂီၢ်န့ၣ်လီၤ.

လံာ်ယိၤအ့လး 3:4

ဝ့ၢ်ထါယၢၣ်, ဝ့ၢ်စံဒိၣ်ဒီးကယဲၢ်လီၢ်ကဝီၤလၢကီၢ်ဖလ့ၡသးသ့ၣ်ဧၢ, သုကမၤယၤဒ်လဲၣ်. သုကျဲးစၢးလၢသုကမၤဆၢကဒါက့ၤယၤလၢ တၢ်တမံၤမံၤအဂီၢ်န့ၣ်ဧါ. သုမ့ၢ်မၤဒီး, ယကမၤဆၢကဒါက့ၤသုချ့ချ့ ကလဲာ်လီၤ.

လံာ်ယိၤအ့လး 3:6

သုစိာ်ထီၣ်ကွံာ်ဒီးဆါကွံာ်ကီၢ်ယူဒၤဒီး ဝ့ၢ်ယရူၤၡလ့ၣ်အပှၤဂီၢ်မုၢ်ဆူပှၤကြံးခ်ဖိတဖၣ်အအိၣ်လီၤ.

လံာ်ဧၤမိၣ် 1:11

ဒီးယွၤစံးဝဲဒၣ်, “ပှၤကီၢ်အဒိၣ်ဖိတဖၣ်မၤတ့ၢ်လံတၢ်ဒဲးဘး တဘျီဝံၤတဘျီလံ. ဒီးလၢတၢ်အံၤအဃိယကစံၣ်ညီၣ်အီၤ သပှၢ်ကတၢၢ်န့ၣ်လီၤ. အဝဲသ့ၣ်လူၤမၤဟး ဂီၤအဒီပုၢ်ဝဲၢ်ပှၤအံၣ်စရ့လးဖိတဖၣ်လၢဃဲာ်ဧိၤနးဧိၤ, ဒီးတပာ်ဖျါထီၣ်အတၢ်သးကညီၤအဝဲသ့ၣ်ဘၣ်. အတၢ်သးထီၣ်အကတၢၢ်တအိၣ်ဘၣ်ဒီးတပျဲအလီၤပံာ်ကွံာ်ဘၣ်.

လံာ်ဧၤမိၣ် 1:3

ဒီးယွၤစံးဝဲဒၣ်, “ပှၤဒၤမ့ၤစ့းဖိတဖၣ်မၤတ့ၢ်လံတၢ်ဒဲးဘးတဘျီ ဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ်ကတၢၢ်လီၤ. အဝဲသ့ၣ်မၤဆါတ့ၢ်ပှၤကံးလဧးဖိအၢအၢသီသီန့ၣ်လီၤ.

လံာ်ဧၤမိၣ် 1:7

မၤသးဒ်န့ၣ်ဒီးယကဆှၢလီၤမ့ၣ်အူဆူဝ့ၢ်ဂါစၤအခိၣ်ဒူတဖၣ် အလိၤဒီးဒွဲၣ်အူကွံာ်အတိာ်ဧိၤတာ်ဧိၤတဖၣ်န့ၣ်လီၤ.

လံာ်ဧၤမိၣ် 1:9

ဒီးယွၤစံးဝဲဒၣ်, “ပှၤဝ့ၢ်ထါယၢၣ်ဖိတဖၣ်မၤတ့ၢ်လံတၢ်ဒဲး ဘးတဘျီဝံၤတဘျီလံ. လၢတၢ်အံၤအဃိယကစံၣ်ညီၣ်အီၤသပှၢ် ကတၢၢ်န့ၣ်လီၤ. အဝဲသ့ၣ်စိာ်မၢကဲကုၢ်ကွံာ်ပှၤကီၢ်ဖိဒီတကီၢ် ညါဒ်ကုၢ်အသိးဆူကီၢ်အဒိၣ်အပူၤ, ဒီးတဟံးဃာ်ဘၣ်တၢ်ရ့တံၤရ့သကိးအတၢ်အၢၣ်လီၤလၢအမၤတ့ၢ်ဝဲ န့ၣ်ဘၣ်.

လံာ်ဧိၤဘါဒယၤ 1:11

ဖဲဒုၣ်ဒါတဖၣ်စိာ်ကွံာ်ဝ့ၢ်ယရူၤၡလ့ၣ်အတၢ်ထူးတၢ်တီၤအမုၢ်နံၤ န့ၣ်နဆၢထၢၣ်စီၤစုၤလၢအယံၤ, ဖဲဒုၣ်ဒါတဖၣ်နုာ်လီၤဆူဝ့ၢ်ယရူၤၡလ့ၣ်အပဲတြီပူၤဒီးမၤတၢ် ဖးလၢအတၢ်ထူးတၢ်တီၤအမုၢ်နံၤန့ၣ်နမၤနသးအၢထဲသိးသိးဒီး အဝဲသ့ၣ်န့ၣ်လီၤ.

လံာ်စကၤရယၤ 9:5

ဝ့ၢ်အၤၡကလိၣ်ကထံၣ်ဘၣ်တၢ်အံၤဒီးကပျံၤတၢ်လီၤ. ဝ့ၢ်ဂါစၤကထံၣ်ဘၣ်တၢ်အံၤဒီးကကနိးကစုာ်ဖးဒိၣ်လီၤ. ဒ်န့ၣ်အသိးဝ့ၢ်ဧ့ကြိၣ်ဒီးအတၢ်မုၢ်လၢ်တဖၣ်စ့ၢ်ကီးကဟးဂီၤဝဲလီၤ. ဝ့ၢ်ဂါစၤအစီၤပၤကလီၤမၢ်သဒၣ်အီၤဒီးဝ့ၢ်အၤၡကလိၣ်ကအိၣ်တ့ၢ် သယုၢ်သညိလီၤ.

မၤတၢ် 8:26

ကစၢ်အကလူးတဂၤစံးဘၣ်စီၤဖံလံးပူး, “ကတီၤထီၣ်နသးဝံၤလဲၤလီၤဆူကလံၤထံးတခီ, ဒီးပိာ်လီၤကျဲလၢအလဲၤလၢဝ့ၢ်ယရူၤၡလ့ၣ်ဆူဝ့ၢ်ဂါစၤန့ၣ်တက့ၢ်.” (ကျဲအံၤတဘၣ်တၢ်သူအီၤလၢၤဘၣ်).

လံာ်စီၤၡမူၤအ့လးအခီၣ်ထံးတဘ့ၣ် 6:17

ပှၤဖလ့ၡသးဖိတဖၣ်ဆှၢလီၤတၢ်အချံထီၣ်ဒီးညိးအဂီၤထူယဲၢ်ခါ ဆူယွၤအအိၣ်ဒ်တၢ်ဟ့ၣ်ကနၢၤအသိး လၢတၢ်လိးက့ၤတၢ်လၢအတၢ်ဒဲးဘးတဖၣ်အဂီၢ်, လၢဝ့ၢ်အၤစဒိး, ဝ့ၢ်ဂါစၤ, ဝ့ၢ်အၤၡကလိၣ်, ဝ့ၢ်ကၤသးဒီးဝ့ၢ်ဧ့ကြိၣ်အဂီၢ်တခါစုာ်စုာ်န့ၣ်လီၤ.