လံာ်ဧၤမိၣ် 1:4 - Sgaw Karen Common Bible

⁴ မၤသးဒ်န့ၣ်ဒီးယဆှၢလီၤမ့ၣ်အူဆူနီလၢအဘၣ်တၢ်ဘှီအီၤလၢ စီၤပၤဃစ့လးအဖီခိၣ်ဒီးယကဒွဲၣ်အူကွံာ်စီၤပၤဘ့ၣ်ဟဒး အတိာ်ဧိၤတာ်ဧိၤတဖၣ်န့ၣ်လီၤ.

လံာ်ဧၤမိၣ် 1:4 Iomraidhean Croise

လံာ်စီၤပၤအခီၣ်ထံးတဘ့ၣ် 19:15

ယွၤစံးဘၣ်အီၤ, “က့ၤကဒါက့ၤဆူပှၢ်မုၢ်ကနၢဘူးဒီးဝ့ၢ်ဒၤ မ့းစ့း, ဝံၤဒီးလဲၤနုာ်ဆူဝ့ၢ်ပူၤဒီးဖှူစီၤဃစ့လးဒ်ကီၢ်စူၤရံအစီၤပၤ,

လံာ်စီၤပၤခံဘ့ၣ်တဘ့ၣ် 13:25

အန့ၣ်ဝံၤဒီးကီၢ်အံၣ်စရ့လးအစီၤပၤယိၤအၣ်မၤနၢၤကွံာ်စီၤ ဘ့ၣ်ဟဒးသၢဘျီ, ဒီးမၤန့ၢ်က့ၤဝ့ၢ်တဖၣ်လၢစီၤဘ့ၣ်ဟဒးဟံးန့ၢ်ကွံာ်ဝဲ, ဖဲစီၤယဟိအါဃးလၢအမ့ၢ်စီၤယိၤအၣ်အပၢ်ပၢတၢ်အခါန့ၣ်လီၤ.

လံာ်စီၤပၤခံဘ့ၣ်တဘ့ၣ် 13:3

လၢတၢ်န့ၣ်အဃိ, ယွၤသးထီၣ်ဘၣ်ကီၢ်အံၣ်စရ့လး, ဒီးအဝဲပျဲကီၢ်စူၤရံအစီၤပၤဃစ့လးဒီးအဖိခွါစီၤဘ့ၣ် ဟဒးလၢကမၤနၢၤကီၢ်အံၣ်စရ့လးတဘျီဘၣ်တဘျီန့ၣ်လီၤ.

လံာ်စီၤပၤခံဘ့ၣ်တဘ့ၣ် 6:24

လၢခံတယံာ်ဘၣ်န့ၣ်, ကီၢ်စူၤရံအစီၤပၤဘ့ၣ်ဟဒးဆှၢအသုးမုၢ် ဒီဖုညါထီဒါကီၢ်အံၣ်စရ့လးဒီးကဝီၤဃးဝ့ၢ်ၡၤမရံန့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 16:2

လၢတၢ်န့ၣ်အဃိစီၤအၤစါဟံးထီၣ်ကွံာ်စ့ဒီးထူလၢယွၤအတၢ် လုၢ်ဟံၣ်ဒီးနီအတၢ်ပာ်ဖှိၣ်အလီၢ်တဖၣ်ဒီးဆှၢလီၤဝဲဆူဝ့ၢ်ဒၤ မ့ၤစ့းဆူကီၢ်စူၤရံအစီၤပၤဘ့ၣ်ဟဒးအအိၣ်ဃုာ်ဒီးတၢ်ကစီၣ်အံၤန့ၣ်လီၤ.

လံာ်ယံးရမံယၤ 17:27

ဘၣ်ဆၣ်ဒီးအဝဲသ့ၣ်ကဘၣ်စူၢ်ယၤဒီးတိၢ်န့ၢ်ဖံးဃာ်မုၢ်အိၣ်ဘှံးနံၤန့ၣ် ဒ်မုၢ်နံၤစီဆှံတနံၤအသိးန့ၣ်လီၤ. လၢမုၢ်နံၤအဝဲန့ၣ်, အဝဲသ့ၣ် တဘၣ်ဟဲစိာ်နုာ်တၢ်ဝံတၢ်ယိးခီဖျိဝ့ၢ်အံၤအတြဲၤတဖၣ်ဘၣ်. အဝဲသ့ၣ်မ့ၢ်မၤဝဲဒီး, ယကဒွဲၣ်အူထီၣ်ဝ့ၢ်ယရူၤၡလ့ၣ်အတြဲၤတ ဖၣ်လၢမ့ၣ်အူလီၤ. မ့ၣ်အူကအီၣ်ကွံာ်ဝ့ၢ်ယရူၤၡ လ့ၣ်အနူၢ်အစီၤတဖၣ်, ဒီးပှၤမၤလီၤပံာ်ကွံာ်အီၤတန့ၢ်နီတဂၤဘၣ်.”

လံာ်ယံးရမံယၤ 49:27

ယကဒွဲၣ်အူကွံာ်ဝ့ၢ်ဒၤမ့ၤစ့းအဝ့ၢ်ခိၣ်ဒူတဖၣ်လၢ မ့ၣ်အူ, ဒီးဒွဲၣ်ကွံာ်စီၤပၤဘ့ၣ်ဟဒးအနူၢ်တဖၣ်လီၤ. ယၤ, ယွၤ, ယွၤသ့တၢ်လၢာ်, ကတိၤလံတၢ်လံ.”

လံာ်ယဃ့းစက့လး 30:8

ဖဲယဒွဲၣ်အူထီၣ် ကီၢ်အဲၤကူပတူးလၢမ့ၣ်အူဒီး အပှၤတြီဆၢတၢ်တဖၣ်ဘၣ်တၢ်မၤသံကွံာ်အီၤန့ၣ် အဝဲသ့ၣ်ကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ယဃ့းစက့လး 39:6

ယကစးထီၣ်မၢမ့ၣ်အူအီၣ်တၢ်လၢကီၢ်မကိးလၢအပူၤဒီးလၢပီၣ်လဲၣ် ကၢၢ်နံၤတဖၣ်ဖဲပှၤဂီၢ်မုၢ်အိၣ်ဆိးဝဲတအိၣ်ဒီးတၢ်မၤတံာ်တာ်အီၤ ဘၣ်ဒီးပှၤကိးဂၤဒဲးကသ့ၣ်ညါဝဲလၢယမ့ၢ်ယွၤန့ၣ်လီၤ.

လံာ်ဟိၤၡ့ 8:14

ကီၢ်အံၣ်စရ့လးအပှၤဂီၢ်မုၢ်သူၣ်ထီၣ်နူၢ်ဧိၤစီၤဧိၤတဖၣ်ဘၣ်ဆၣ် အဝဲသ့ၣ်သးပ့ၤနီၣ်ကွံာ်ပှၤတဂၤလၢအတ့အဝဲသ့ၣ်လၢအနီၢ် ကစၢ်ဒၣ်ဝဲန့ၣ်လီၤ. ကီၢ်ယူဒၤအပှၤဂီၢ်မုၢ်သူၣ်ထီၣ်ဝ့ၢ်တဖၣ်လၢ အအိၣ်ဒီးအတိာ်ခၢၣ်သနၢၣ်န့ၣ်လီၤ. ဘၣ်ဆၣ်ယကဆှၢလီၤမ့ၣ်အူ လၢကအီၣ်ကွံာ်အဝဲသ့ၣ်အနူၢ်ဧိၤစီၤဧိၤဒီးအဝဲသ့ၣ်အဝ့ၢ်တဖၣ်န့ၣ်လီၤ.

လံာ်ဧၤမိၣ် 1:10

မၤသးဒ်န့ၣ်ဒီးယကဆှၢလီၤမ့ၣ်အူဆူဝ့ၢ်ထါယၢၣ်အခိၣ် ဒူတဖၣ်အလိၤဒီးဒွဲၣ်အူကွံာ်အတိာ်ဧိၤတာ်ဧိၤတဖၣ်န့ၣ်လီၤ.”

လံာ်ဧၤမိၣ် 1:12

မၤသးဒ်န့ၣ်ဒီးယကဆှၢလီၤမ့ၣ်အူဆူဝ့ၢ်တ့ၤမၣ်ဒီးဒွဲၣ်အူကွံာ် အတိာ်ဧိၤတာ်ဧိၤလၢဘိးစရၤတဖၣ်န့ၣ်လီၤ.”

လံာ်ဧၤမိၣ် 1:14

မၤသးဒ်န့ၣ်ဒီးယဆှၢလီၤမ့ၣ်အူဆူဝ့ၢ်ရးဘးအခိၣ်ဒူဒီးဒွဲၣ်အူကွံာ် အတိာ်ဧိၤတာ်ဧိၤတဖၣ်န့ၣ်လီၤ. တုၤနုၤတစု, တၢ်ကိးပသူ တဖၣ်ကအိၣ်ထီၣ်လၢတၢ်ဒုးတၢ်ယၤအမုၢ်တနံၤဒီးတၢ်ဒုးလိာ်ယၤလိာ် ကဆူၣ်ဝဲဒ်ကလံၤသဝံးအသိးန့ၣ်လီၤ.

လံာ်ဧၤမိၣ် 1:7

မၤသးဒ်န့ၣ်ဒီးယကဆှၢလီၤမ့ၣ်အူဆူဝ့ၢ်ဂါစၤအခိၣ်ဒူတဖၣ် အလိၤဒီးဒွဲၣ်အူကွံာ်အတိာ်ဧိၤတာ်ဧိၤတဖၣ်န့ၣ်လီၤ.

လံာ်ဧၤမိၣ် 2:2

ယကဆှၢလီၤမ့ၣ်အူဆူပှၤမိၤအးဖိအကီၢ်ဒီးဒွဲၣ်အူကွံာ်ဝ့ၢ်ကရံ ယိးအတိာ်ဧိၤတာ်ဧိၤတဖၣ်န့ၣ်လီၤ. ပှၤကီၢ်မိၤအးဖိတဖၣ်ကသံကွံာ်ဝဲလၢတၢ်ဒုး တၢ်ယၤအတၢ်သီၣ်အပူၤဖဲပှၤသုးဖိသ့ၣ်တဖၣ်ကိးပသူထီၣ်ဒီးကွဲၤ တဖၣ်ဘၣ်တၢ်အူထီၣ်အီၤအခါန့ၣ်လီၤ.”

လံာ်ဧၤမိၣ် 2:5

မၤသးဒ်န့ၣ်ဒီးယကဆှၢလီၤမ့ၣ်အူဆူကီၢ်ယူဒၤအဖီခိၣ်ဒီးဒွဲၣ်အူ ကွံာ်ဝ့ၢ်ယရူၤရှလ့ၣ်အတိာ်ဧိၤတာ်ဧိၤတဖၣ်န့ၣ်လီၤ.”

လံာ်ပှၤစံၣ်ညီၣ်ကွီၢ် 9:57

ကစၢ်ယွၤဒုးတူၢ်ဘၣ်စ့ၢ်ကီးပှၤဝ့ၢ်ၡက့ၣ်ဖိအတၢ်လၢအတၢ်အၢတၢ်သီအဃိ, ဒ်စီၤကံးဒဧိၣ်အဖိခွါစီၤယိၤသၣ်ဆိၣ်အၢအဝဲသ့ၣ်အသိးန့ၣ်လီၤ.