လံာ်ဧၤမိၣ် 1:2 - Sgaw Karen Common Bible

² ဒီးစီၤဧၤမိၣ်စံးဝဲဒၣ်, “ယွၤကိးသတြီထီၣ်လၢကစၢၢ်စံယိၣ်, ထုထီၣ်အကလုၢ်လၢဝ့ၢ်ယရူၤၡလ့ၣ်လီၤ. တၢ်အီၣ်ဆၣ်အလီၢ်တဖၣ်ဃ့ထီကွံာ်ဝဲ ဒီးတပံၢ်တမါလၢကစၢၢ်ကၢ်မ့ၤလးအဒီခိၣ်ဃ့ထီကွံာ်ဝဲလီၤ.”

လံာ်ဧၤမိၣ် 1:2 Iomraidhean Croise

စံးထီၣ်ပတြၢၤ 29:4

ယွၤအကလုၢ်အံၤအိၣ်ဒီးအစိအကမီၤ, ယွၤအကလုၢ်အံၤပှဲၤဝဲဒီးတၢ်ကဟုကညီၢ်န့ၣ်လီၤ.

စံးထီၣ်ပတြၢၤ 46:6

ပှၤကလုာ်တဖၣ်သီၣ်ထီၣ်ရုၢ်ရုၢ်, ဒီးဘီမုၢ်တဖၣ်ဟူးဝးဝဲလီၤ. ကစၢ်ယွၤထုထီၣ်ကလုာ်, ဒီးဟီၣ်ခိၣ်ပှံၢ်ဝဲလီၤ.

တၢ်ကတိၤဒိ. 20:2

ပျံၤစီၤပၤတဂၤလၢအသူၣ်ဒိၣ်သးဖျိးဒ်နပျံၤခ့ယုၢ်တဒုလၢ အကညီၤရူၢ်ရူၢ်အသိးန့ၣ်တက့ၢ်. နမ့ၢ်ထိၣ်ဂဲၤအတၢ်သးထီၣ်ဒီး, မ့ၢ်ဒၣ်နမၤသံလီၤနသးလီၤ.

လံာ်ယၡါယၤ 33:9

ထံဧိၤကီၢ်ဧိၤန့ၣ်အိၣ်ကလီဒီးအိၣ်သယုၢ်ဝဲလီၤ. ကီၢ်လဘၤနိၣ်အသ့ၣ်ဒိၣ်ပှၢ်တီၣ်တဖၣ်လီၤညွံးလီၤဘဲကွံာ်ဝဲ, ၡၤရိၣ်အတြီၤလၢဟီၣ်ခိၣ်ညၣ်ထ့ၣ်ဂ့ၤတဖၣ်လီၤဂာ်ဒ်မဲးမုၢ်ခိၣ် တပူၤအသိး, သ့ၣ်အထူၣ်တဖၣ်လၢကီၢ်ဘၤၡၣ်ဒီးကစၢၢ် ကၢ်မ့ၤလးအလိၤန့ၣ်အလၣ်တဖၣ်လီၤဆှုကွံာ်ဝဲလီၤ.

လံာ်ယၡါယၤ 35:2

မဲးမုၢ်ခိၣ်ကသူၣ်ဝံၣ်သးဆၢဒီးကိးထီၣ်လၢတၢ်သးခုလီၤ. ကဖျါဃံဖျါလၤဒ်လဘၤနိၣ်အကစၢၢ်ကလိတဖၣ်အသိး, ဒီးဟီၣ်ခိၣ်ညၣ်ထ့ၣ်ကဂ့ၤဝဲဒ်ကၢ်မ့ၤလးဒီးၡၤရိၣ်အပျီတဖၣ် အသိးလီၤ. ပှၤကိးဂၤဒဲးကထံၣ်ဘၣ်ယွၤအတၢ်လီၤဘီလီၤမုၢ်, အတၢ်ဒိၣ်တၢ်မုၢ်ဒီးအစိကမီၤန့ၣ်လီၤ.

လံာ်ယၡါယၤ 42:13

ယွၤလဲၤထီၣ်လၢအကဒုးတၢ်ဒ်ပှၤသုးဖိတဂၤအသိးလီၤ. အဝဲအိၣ်ကတဲာ်ကတီၤအသးဒီးသူၣ်ဆူၣ်သးဂဲၤလၢတၢ်ဒုးတၢ်ယၤ အဂီၢ်လီၤ. အဝဲကိးထီၣ်တၢ်ဒုးတၢ်ယၤအသီၣ်ဒီးတၢ်ထီ ဒုၣ်ထီဒါအတၢ်ကိးသတြီထီၣ်န့ၣ်လီၤ. အဝဲဒုးနဲၣ်အစိအကမီၤလၢအဒုၣ်အဒါတဖၣ် အဖီခီၣ်လီၤ.

လံာ်ယံးရမံယၤ 12:4

ပထံပကီၢ်အံၤကဃ့ထီဒံးဆံးယံာ် ဒီးနီၣ်ဧိၤမံၤဧိၤလၢစံာ်လီၢ်ကိးပူၤဒဲးကလီၤညွံးလီၤဘဲ ဒံးဆံးယံာ်လဲၣ်. ဆၣ်ဖိကီၢ်ဖိတဖၣ်ဒီးထိၣ်ဖိတဖၣ်သံဝဲ လၢပှၤဂီၢ်မုၢ်အတၢ်အၢတၢ်သီအဃိလီၤ. ပှၤဂီၢ်မုၢ်န့ၣ်စံးဝဲလၢ, “ကစၢ်ယွၤတထံၣ်တၢ်လၢပမၤအီၤန့ၣ်ဘၣ်.”

လံာ်ယံးရမံယၤ 14:2

“ကီၢ်ယူဒၤဟီၣ်တၢ်ယၢၤတၢ်လီၤ. အဝ့ၢ်တဖၣ်ဟါမၢ်ကွံာ်လၢာ်လံ. အပှၤဂီၢ်မုၢ်မံလီၤလၢဟီၣ်ခိၣ်လိၤလၢတၢ် သူၣ်အုးသးအုးအပူၤဒီးဝ့ၢ်ယရူၤၡလ့ၣ် ကိးထီၣ်လၢတၢ်မၤစၢၤအဂီၢ်လီၤ.

လံာ်ယံးရမံယၤ 25:30

နဲဒၣ်, စီၤယံးရမံယၤဧၢ, နကဘၣ်တဲဖျါတၢ်ကိးမံၤဒဲးလၢ ယစံးတ့ၢ်ယဲလီၤ. နဘၣ်တဲဘၣ်ပှၤဂီၢ်မုၢ်တဖၣ်အံၤလၢ, “ယွၤကထုထီၣ်အကလုၢ်လၢမူခိၣ် ဒီးအကလုၢ်ကသီၣ်ထီၣ်ဝဲ ဒ်လီသီၣ်အသိးလၢမူခိၣ် အလီၢ်ထီၣ်ထီတဖၣ်န့ၣ်လီၤ. အဝဲကထုထီၣ်အကလုၢ်ထီဒါ အပှၤဂီၢ်မုၢ်, အဝဲကကိးပသူထီၣ်ဝဲ ဒ်ပှၤတဂၤလၢ အယီၢ်စပံးသၣ်အသိးန့ၣ်လီၤ. ပှၤကိးဂၤဒဲးလၢ ဟီၣ်ခိၣ်ချၢကနၢ်ဟူအီၤ,

လံာ်ယံးရမံယၤ 28:8

ဝံတဖၣ်လၢ အကတိၤတ့ၢ်လံတၢ်လၢပျၢၤ, တချုးလၢယဆၢကတီၢ်ဒီး နဆၢကတီၢ်န့ၣ်, တဲဆိပာ်ဝဲလၢ တၢ်ဒုးတၢ်ယၤ, တၢ်သၣ်ဝံၤလီၤဒိ, ဒီးတၢ်ဆူးတၢ်ဆါကဟဲဘၣ်ပှၤအါကလုာ် ဒီးဘီမုၢ်လၢ အဒိၣ်စိဒိၣ်ကမီၤတဖၣ်န့ၣ်လီၤ.

လံာ်ယံးရမံယၤ 50:19

ကဒုးအိၣ်ကဒါက့ၤ ကီၢ်အံၣ်စရ့လးအပှၤဂီၢ်မုၢ်လၢအထံလီၢ်ကီၢ်ပူၤလီၤ. အဝဲသ့ၣ်ကအီၣ်တၢ်အီၣ်လၢအမဲထီၣ်သၣ်ထီၣ်ဝဲ လၢကစၢၢ်ကၢ်မ့ၤလးအလိၤဒီးလၢအလီၢ်ကဝီၤတဖၣ်အပူၤဒီး အဝဲသ့ၣ်ကအီၣ်တၢ်ခဲလၢာ်လၢ အသးအိၣ်အီၣ်ဝဲ, လၢအမဲထီၣ်သၣ်ထီၣ်ဝဲလၢအ့ဖရဲၣ်ဒီးကံးလဧးအလီၢ်ကဝီၤတဖၣ် အပူၤန့ၣ်လီၤ.

လံာ်ဟိၤၡ့ 11:10

ယပှၤဂီၢ်မုၢ်ကပိာ်ထွဲယခံဖဲယကညီၤအဝဲသ့ၣ် အဒုၣ်အဒါတဖၣ်ဒ်ခ့ယုၢ်တဒုအသိးအခါန့ၣ်လီၤ. အဝဲသ့ၣ်ကဟဲဆူယအိၣ်ချ့ချ့လၢမုၢ်နုာ်တကပၤ.

လံာ်ဟိၤၡ့ 13:8

ယကဒုးနၤဒ်တၤသူမိၢ်တဒုလၢအဖိတဖၣ်ဟါမၢ်ကွံာ်အသိးဒီးအ့ၣ်ဖှီ ကွံာ်နၤလီၤ. ဒ်ခ့ယုၢ်တဒုအသိးယကအ့ၣ်ကွံာ်နၤတဘျီဃီ, ဒီးယကဖှီကွံာ်နၤဆူအက့အခီတဖၣ်ဒ်ဆၣ်ဖိကီၢ်ဖိအမံၤတဒု အသိးန့ၣ်လီၤ.

လံာ်ယိၤအ့လး 1:19

ယွၤဧၢ, ယကိးထီၣ်နၤလီၤ. အဂ့ၢ်ဒ်အံၤ, အီၣ်ဆၣ်အလီၢ်လါဟ့ဒီးသ့ၣ်တဖၣ်ဃ့ထီကွံာ် မၤအသးဒ်မ့ၣ်အူအီၣ်ကွံာ်အီၤအသိးန့ၣ်လီၤ.

လံာ်ယိၤအ့လး 2:11

ယွၤဟ့ၣ်လီၤအကလုၢ်ဆူအသုးမုၢ်အအိၣ်န့ၣ်လီၤ. သုးမုၢ်သံၣ်ဘိတဖၣ်လၢဒိကနၣ်အီၤန့ၣ်အိၣ် ဂီၢ်မုၢ်ဂီၢ်ပၤဒီးအဂံၢ်အဘါဆူၣ်ဒိၣ်မးလီၤ. ယွၤအမုၢ်တနံၤန့ၣ်လီၤပျံၤလီၤဖုးဒိၣ်မး ဒီးမ့ၢ်မတၤပူၤဖျဲးသ့တဂၤလဲၣ်.

လံာ်ယိၤအ့လး 3:16

ယွၤထုထီၣ်အကလုၢ်လၢကစၢၢ်စံယိၣ်အလိၤ, အကလုၢ်သီၣ်ဒ်လီသီၣ်, သီၣ်ထီၣ်ဝဲလၢဝ့ၢ်ယရူၤၡလ့ၣ်, ဟီၣ်ခိၣ်ဒီးမူကပိာ်လိၤန့ၣ်ဟူးဝးဆှဲးဆှိးဝဲလီၤ. ဘၣ်ဆၣ်, အဝဲကဒီသဒၢအပှၤဂီၢ်မုၢ်န့ၣ်လီၤ.

လံာ်ဧၤမိၣ် 9:3

အဝဲသ့ၣ်မ့ၢ်ပာ်ခူသူၣ်အသးလၢကစၢၢ်ကၢ်မ့ၤလးအဒီခိၣ်ဒၣ်လဲာ် ယကဃုထံၣ်အီၤဒီးဖီၣ်န့ၢ်အီၤလီၤ. အဝဲသ့ၣ်မ့ၢ်ပာ်တဒၢအသးလၢယမဲာ်ညါလၢပီၣ်လဲၣ်အခံဒးဒၣ်လဲာ် ယကမၤလိာ်ပီၣ်လဲၣ်အပယိၤအ့ၣ်အီၤန့ၣ်လီၤ.

လံာ်နၤဃူၣ် 1:4

အဝဲမၤလိာ်ဝဲပီၣ်လဲၣ်ဒီးပီၣ်လဲၣ်ဃ့ထီကွံာ်ဝဲဒီးမၤလီၤ သံးကွံာ်ဝဲထံကျိတဖၣ်န့ၣ်လီၤ. ဘၤၡၣ်အပျီတဖၣ်လီၤညွံးကွံာ်ဝဲ, တၤသၣ်လီၢ်လၢကစၢၢ်ကၢ်မ့ၤလးလီၤဘဲကွံာ်ဝဲ ဒီးဖီတဖၣ်လၢကီၢ်လဘၤနိၣ်ဒံကွံာ်ဝဲလီၤ.

လံာ်စီၤၡမူၤအ့လးအခီၣ်ထံးတဘ့ၣ် 25:2

တၢ်န့ၣ်အလီၢ်ခံစီၤဒၤဝံးလဲၤဆူပှၢ်မုၢ်ကနၢပၤရၣ်လီၤ.