လံာ်ဧၤမိၣ် 1:1 - Sgaw Karen Common Bible

¹ တၢ်တဖၣ်အံၤမ့ၢ်ပှၤကွၢ်သိစီၤဧၤမိၣ်လၢဝ့ၢ်တကိၤ, အတၢ်ကတိၤတဖၣ်န့ၣ်လီၤ. တချုးလၢဟီၣ်ခိၣ်ဟူးဝးဒံးဘၣ်ခံနံၣ်, ဖဲစီၤပၤဧူးစံယါမ့ၢ်ကီၢ်ယူဒၤအစီၤပၤဒီးစီၤယိၤအၣ်အဖိ ခွါစီၤယၤရၤဘၣ်မ့ၢ်ကီၢ်အံၣ်စရ့လးအစီၤပၤန့ၣ်, ကစၢ်ယွၤလီၣ်ဖျါထီၣ်ကယဲၢ်တၢ်အံၤခဲလၢာ်ဘၣ်ဃးဒီး ကီၢ်အံၣ်စရ့လးဆူစီၤဧၤမိၣ်န့ၣ်လီၤ.

လံာ်ဧၤမိၣ် 1:1 Iomraidhean Croise

လံာ်စီၤၡမူၤအ့လးခံဘ့ၣ်တဘ့ၣ် 14:2

လၢတၢ်န့ၣ်အဃိ, အဝဲမၢပှၤကိးန့ၢ်အီၤပိာ်မုၣ်တဂၤလၢအကူၣ်သ့ဒိၣ်မး လၢအအိၣ်ဆိးဝဲလၢဝ့ၢ်တကိၤန့ၣ်လီၤ. ဖဲပိာ်မုၣ်န့ၣ်ဟဲတုၤဒီးအဝဲစံးဘၣ်အီၤဒ်အံၤ, “ပာ်မၤနသးဒ်နအိၣ်လၢတၢ်ဟီၣ်တၢ်ယၢၤအပူၤ, ကူထီၣ်ကၤထီၣ်တၢ်ဘၣ်မိၣ်ဘၣ်မးအကူအသိးတဖၣ်ဒီးခွံနခိၣ်သူတဂ့ၤ. မၤနသးဒ်ပိာ်မုၣ်တဂၤလၢအဟီၣ်တၢ်ဖးယံာ်ဖးထၢလံအသိးန့ၣ်တက့ၢ်.

လံာ်စီၤပၤအခီၣ်ထံးတဘ့ၣ် 19:19

စီၤအ့ၤလံယၤဟးထီၣ်ဝဲဒီးထံၣ်ဘၣ်စီၤအလံၤၡါထဲၣ်တၢ်ဒီး ဂီၤဖံးဖါတဖုလီၤ. လၢအဝဲအမဲာ်ညါန့ၣ်ဂီၤဖံးဖါအိၣ်ဝဲတဆံတဆိ ဒီးအဝဲနီၣ်ဂီၤဖံးဖါလၢခံကတၢၢ်တဆိန့ၣ်လီၤ. စီၤအ့ၤလံယၤဘ့ၣ်လီၤကွံာ်အဆ့ကၤဖးထီဒီးပာ်ထီၣ်ဝဲလၢစီၤ အလံၤၡါအလိၤန့ၣ်လီၤ.

လံာ်စီၤပၤခံဘ့ၣ်တဘ့ၣ် 14:21

ကီၢ်ယူဒၤအပှၤဂီၢ်မုၢ်ပာ်ထီၣ်အဝဲအဖိခွါစီၤဧူးစံယါလၢ အသးအိၣ်တဆံဃုနံၣ်တဂၤလၢစီၤပၤအလီၢ်န့ၣ်လီၤ.

လံာ်စီၤပၤခံဘ့ၣ်တဘ့ၣ် 14:23

လၢစီၤယိၤအၣ်အဖိခွါစီၤအမၤစယါပၢတၢ်ဒ်ကီၢ်ယူဒၤအစီၤပၤ အသိးတဆံယဲၢ်နံၣ်တနံၣ်အပူၤန့ၣ်, စီၤယိၤအၣ်အဖိခွါစီၤယၤရၤဘၣ်ခံဂၤတဂၤကဲထီၣ်ကီၢ်အံၣ်စရ့ လးအစီၤပၤ, ဒီးအဝဲပၢတ့ၢ်တၢ်လၢၡၤမရံအပူၤလွံၢ်ဆံတနံၣ်န့ၣ်လီၤ.

လံာ်ကွဲးနီၣ်တၢ်ခံဘ့ၣ်တဘ့ၣ် 11:6

ဝ့ၢ်ဘ့ၤသလ့ဃ့ၣ်, ဝ့ၢ်ဧ့ၤတၣ်, ဝ့ၢ်တကိၤ,

လံာ်ကွဲးနီၣ်တၢ်ခံဘ့ၣ်တဘ့ၣ် 20:20

လၢမုၢ်ဆ့ၣ်ထီၣ်ဂီၤဂီၤန့ၣ်, ပှၤဂီၢ်မုၢ်လဲၤဃီၤဝဲဆူပှၢ်မုၢ် ကနၢဘူးဒီးသဝီတကိၤန့ၣ်လီၤ. တချုးလၢအဝဲသ့ၣ်စးထီၣ်လဲၤတၢ်ဒံးန့ၣ်, စီၤယဟိၡၤဖးကတိၤလီၤတၢ်ဆူအဝဲသ့ၣ်အအိၣ်လၢတၢ်ကတိၤတဖၣ်အံၤ န့ၣ်လီၤ. “ပှၤကီၢ်ယူဒၤဒီးဝ့ၢ်ယရူၤၡလ့ၣ်ဖိသ့ၣ်ဧၢ, ပာ်သုတၢ်နာ်လၢယွၤ, သုကစၢ်ယွၤအပူၤဒီး, သုကဆၢထၢၣ်ဂၢၢ်ကျၢၤန့ၣ်လီၤ. စူၢ်က့ၤနာ်က့ၤတၢ်လၢအဝဲအဝံတဖၣ်တဲဘၣ်သု, ဒီးသု ကမၤနၢၤတၢ်န့ၣ်လီၤ.”

လံာ်တၢ်ဟးထီၣ်ကွံာ် 3:1

ဒီးမုၢ်တနံၤဖဲစီၤမိၤၡ့ကွၢ်အမံၤပှၢ်ပှၤမံးဒယၣ်ဖိအပှၤလုၢ် တၢ်အခိၣ်စီၤယံးသရိၤအသိဒီးမဲာ်တဲးလဲးတဖၣ်အခါန့ၣ်, အဝဲလဲၤခီဖျိဝဲပှၢ်မုၢ်ကနၢဒီးလဲၤဝဲဆူကစၢၢ်ဃိၤရ့းလၢ အမ့ၢ်ယွၤအကစၢၢ်န့ၣ်လီၤ.

လံာ်ယၡါယၤ 1:1

လံာ်အံၤအိၣ်ဃုာ်ဒီးတၢ်ကစီၣ်ဘၣ်ဃးကီၢ်ယူဒၤ ဒီးဝ့ၢ်ယရူၤၡလ့ၣ်အဂ့ၢ်လၢကစၢ်ယွၤလီၣ်ဖျါထီၣ်တ့ၢ်ဆူစီၤအၤမိာ် အဖိခွါဝံယၡါယၤဖဲစီၤဧူးစံယါ, စီၤယိၤသၣ်, စီၤအၤဃး, ဒီးစီၤ ဃံးစကံယၤမ့ၢ်စီၤပၤတဖၣ်လၢကီၢ်ယူဒၤအဆၢကတီၢ်န့ၣ်လီၤ.

လံာ်ယံးရမံယၤ 1:1

လံာ်အံၤမ့ၢ်တၢ်ဂ့ၢ်ဘၣ်ဃးဒီးပှၤလုၢ်တၢ်အခိၣ်တဖၣ်အကျါတဂၤ လၢအအိၣ်လၢဝ့ၢ်ဧၤနသိးလၢကီၢ်ဘံၣ်ယၤမံၣ်အပူၤစီၤဃံးလကံယၤ အဖိခွါစီၤယံးရမံယၤစံးကတိၤတ့ၢ်ဝဲန့ၣ်လီၤ.

လံာ်ယံးရမံယၤ 28:8

ဝံတဖၣ်လၢ အကတိၤတ့ၢ်လံတၢ်လၢပျၢၤ, တချုးလၢယဆၢကတီၢ်ဒီး နဆၢကတီၢ်န့ၣ်, တဲဆိပာ်ဝဲလၢ တၢ်ဒုးတၢ်ယၤ, တၢ်သၣ်ဝံၤလီၤဒိ, ဒီးတၢ်ဆူးတၢ်ဆါကဟဲဘၣ်ပှၤအါကလုာ် ဒီးဘီမုၢ်လၢ အဒိၣ်စိဒိၣ်ကမီၤတဖၣ်န့ၣ်လီၤ.

လံာ်ယံးရမံယၤ 6:1

ဘံၣ်ယၤမံၣ်အပှၤဂီၢ်မုၢ်သ့ၣ်ဧၢ, ဃ့ၢ်ကွံာ်လၢတၢ်ဘံၣ်တၢ်ဘၢ အဂီၢ်တက့ၢ်. ဃ့ၢ်ပူၤဖျဲးကွံာ်သုသးလၢဝ့ၢ်ယရူၤရှလ့ၣ်တက့ၢ်. အူထီၣ်ကွဲၤလၢဝ့ၢ်တကိၤအပူၤဒီး မၤထီၣ်တၢ်ပနီၣ်မ့ၣ်အူတမံၤ လၢဝ့ၢ်ဘ့ၤသဟးကၤရ့ၣ်အပူၤတက့ၢ်. အဂ့ၢ်ဒ်အံၤ, တၢ်တတၢး တနါဒီးတၢ်မၤဟးဂီၤတဖၣ်ဘူးထီၣ်ကဟဲဝဲလၢကလံၤစိးတခီန့ၣ်လီၤ.

လံာ်ယံးရမံယၤ 7:27

လၢတၢ်န့ၣ်အဃိ, စီၤယံးရမံယၤဧၢ, နကဘၣ်စံးဘၣ်တဲဘၣ် ယပှၤဂီၢ်မုၢ်လၢတၢ်ကတိၤသ့ၣ်တဖၣ်အံၤခဲလၢာ်လီၤ. ဘၣ်ဆၣ်ဒီး, တမ့ၢ်အဝဲသ့ၣ်ကဒိကနၣ်နၤဘၣ်. နကကိးထီၣ်အဝဲသ့ၣ်, ဘၣ်ဆၣ်ဒီးတမ့ၢ်အဝဲသ့ၣ်ကစံးဆၢနၤဘၣ်.

လံာ်ဟိၤၡ့ 1:1

အအံၤမ့ၢ်တၢ်ကစီၣ်လၢယွၤဟ့ၣ်စီၤဘ့ၤရံအဖိခွါစီၤဟိၤၡ့ ဖဲစီၤပၤစီၤဧူးစံယၤ, စီၤယိၤသၣ်, စီၤအၤဃာ်, စီၤဃံးစကံ ယၤတဖၣ်ပၢတၢ်လၢကီၢ်ယူဒၤအပူၤ, ဒီးလၢအံၣ်စရ့လးကီၢ်ပူၤတခီ စီၤပၤစီၤယိၤအၣ်အဖိခွါစီၤယၤရၤဘၣ်ပၢတၢ်အဆၢကတီၢ်န့ၣ် လီၤ.

လံာ်ဧၤမိၣ် 7:14

ဒီးဝံဧၤမိၣ်စံးဆၢစီၤအမၤစယါ, ယတမ့ၢ်တ့ၢ်ဝံဘၣ်ဒီးယတ ဟဲလီၤစၢၤတ့ၢ်လၢဝံအဒူၣ်အထၢဘၣ်. ယမ့ၢ်တ့ၢ်ပှၤကွၢ်ဆၣ်ဖိကီၢ် ဖိ, ဒီးပှၤသူၣ်အီၣ်ဖျးအီၣ်သ့ၣ်သိးဝံာ်ဒၢတဖၣ်လီၤ.

လံာ်မံကၤ 1:1

ဖဲစီၤယိၤသၣ်, စီၤအၤဃာ်ဒီးစီၤဃံးစကံယၤတဖၣ်မ့ၢ်ကီၢ်ယူ ဒၤအစီၤပၤအကတီၢ်န့ၣ်ယွၤဟ့ၣ်လီၤတၢ်ကစီၣ်အံၤဆူဝံမံကၤ, ပှၤလၢဝ့ၢ်မိရၤၡးတခီလီၤ. ယွၤလီၣ်ဖျါထီၣ်တၢ်ဂ့ၢ်ခဲလၢာ်အံၤဘၣ်ဃးဒီးၡၤမရံဒီး ဝ့ၢ်ယရူၤၡလ့ၣ်ဆူဝံမံကၤန့ၣ်လီၤ.

လံာ်စကၤရယၤ 14:5

သုကပူၤဖျဲးထီၣ်ခီဖျိတၢ်တြီၤဖးဒိၣ်အံၤလၢအနီၤဖးကစၢၢ်ခံခီန့ၣ်လီၤ. သုကဃ့ၢ်ထီၣ်ကွံာ်ဒ်သုမိၢ်ပၢ်ဖံဖုလၢပျၢၤတဖၣ်မၤတ့ၢ်ဝဲအသိး ဖဲဟီၣ်ခိၣ်ဟူးဝးမၤအသးလၢကီၢ်ယူဒၤအစီၤပၤဧူးစံယါအမုၢ်နံၤန့ၣ်လီၤ. ယွၤ, ကစၢ်ယွၤကဟဲဝဲ, ဒီးကဟဲကိးဃုာ်အကလူးတဖၣ်ခဲလၢာ်ဃုာ် ဒီးအီၤန့ၣ်လီၤ.

လံာ်မးသဲ 4:18

ယ့ၣ်ၡူးဟဲဝဲလၢပီၣ်လဲၣ်ကၤလံၤလါအနံၤဒီးထံၣ်န့ၢ်ပှၤမၤညၣ် ဖိဒီပုၢ်ဝဲၢ်ခံဂၤလၢအမ့ၢ်စီၤၡံမိၣ်လၢအဘၣ်တၢ်ကိးစ့ၢ်ကီးအီၤလၢ စီၤပ့းတရူးဒီးစီၤအၣ်ဒရ့း ဖဲအဝဲသ့ၣ်ကွံာ်လီၤစၤလၢပီၣ်လဲၣ်ပူၤ အခါန့ၣ်လီၤ.

1 ကရံၣ်သူး 1:27

ကစၢ်ယွၤဃုထၢဝဲဒ်အတၢ်တိာ်ပာ်အိၣ်ဝဲအသိး, တၢ်လၢပှၤဟီၣ်ခိၣ်ဖိထံၣ် လၢအတအိၣ်ဒီးတၢ်သူၣ်ဆးသးဆးဒ်သိးအကမၤမဲာ်ဆှးပှၤကူၣ် ဘၣ်ကူၣ်သ့, ဒီးအဝဲဒၣ်ဃုထၢတၢ်လၢပှၤဟီၣ်ခိၣ်ဖိထံၣ်လၢ အဂံၢ်စၢ်ဘါစၢ်, ဒ်သိးအကမၤမဲာ်ဆှးပှၤဂံၢ်ဆူၣ်ဘါဆူၣ်အဂီၢ် န့ၣ်လီၤ.