မၤတၢ် 9:5 - Sgaw Karen Common Bible

⁵ အဝဲဒၣ်သံကွၢ်ဝဲ, “ကစၢ်ဧၢ, နမ့ၢ်မတၤတဂၤလဲၣ်.” ဒီးတၢ်ကလုၢ်န့ၣ်စံးဆၢက့ၤအီၤ, “ယမ့ၢ်ယ့ၣ်ၡူးလၢနမၤအၢမၤနးအီၤတဂၤန့ၣ်လီၤ.

မၤတၢ် 9:5 Iomraidhean Croise

လံာ်စီၤယိၤဘး 9:4

ကစၢ်ယွၤန့ၣ်ကူၣ်ဘၣ်ကူၣ်သ့ဒီးအစိအကမီၤဒိၣ်နီၢ်မးန့ၣ်လီၤ. ပှၤထီဒါအီၤတန့ၢ်နီတဂၤဘၣ်.

စံးထီၣ်ပတြၢၤ 2:12

ဒီးဆီၣ်လီၤသုသးလၢအဖီလာ်တက့ၢ်. မ့တမ့ၢ်ဘၣ်ဒီးအတၢ်သးထီၣ်ကထီၣ်ဝဲချ့သဒံး, ဒီးသုကသံသတူၢ်ကလာ်လီၤ. ပှၤလၢအအိၣ်ကဒုလၢယွၤအပူၤခဲလၢာ်န့ၣ် ဘၣ်ဆိၣ်ဂ့ၤဝဲနီၢ်နီၢ်လီၤ.

လံာ်ယၡါယၤ 45:9

သပၢၤဟီၣ်ခိၣ်တဖျၢၣ်ကတိၤဂ့ၢ်လိာ်တၢ်ဒီးပှၤလၢအတ့ အီၤဘၣ်ကဘူၣ်ဧါ. မ့ၢ်ဒၣ်သပၢၤတဖျၢၣ်လၢအလီၤဂာ်ဒီးသပၢၤအဂၤတဖၣ်ခဲလၢာ်လီၤ. ကပံာ်ဟီၣ်ခိၣ်သံကွၢ်ပှၤတ့သပၢၤလၢအမၤတၢ်မနုၤလဲၣ်န့ၣ်စ့ၢ် ကီးဧါ. သပၢၤဟီၣ်ခိၣ်ကဒူးကဒ့ၣ်တၢ်လၢပှၤလၢအတ့အီၤအတၢ်သ့ တၢ်ဘၣ်တအိၣ်ဘၣ်န့ၣ်ဧါ.

မၤတၢ် 10:14

ဘၣ်ဆၣ်ဒီးစီၤပ့းတရူးစံးဝဲဒၣ်, “ကစၢ်ဧၢ, ယတအီၣ်လ့ၤတက့ၤဘၣ်. တၢ်တမံၤလၢ်လၢ်လၢအဘၣ်တၢ်ပာ်အီၤလၢအတစီတဆှံဒီးတကဆှီ လၢတၢ်ကအီၣ်အီၤအဂီၢ်န့ၣ်, ယတအီၣ်တ့ၢ်ယဲနီတစုဘၣ်.”

မၤတၢ် 26:14

ပဝဲကိးဂၤဒဲးပလီၤတဲာ်လၢဟီၣ်ခိၣ်လိၤဒီးယနၢ်ဟူတၢ် အကလုၢ်ကတိၤတၢ်ဒီးယၤလၢဧ့ၤဘြံၤအကျိာ်, ‘စီၤစီလူးဧၢ, စီၤစီလူးဧၢ, နမၤအၢမၤနးယၤဘၣ်မနုၤအဃိလဲၣ်. နမၤဘၣ်ဒိလီၤက့ၤနသးခီဖျိနမၤဆၢက့ၤတၢ်ဒ်ကျီၢ်တဒုထူဆၢကဒါက့ၤ အကစၢ်အသိးန့ၣ်လီၤ.’

မၤတၢ် 26:9

ယနီၢ်ကစၢ်ဒၣ်ယဲယဆိကမိၣ်တ့ၢ်လၢယကဘၣ်ဂုာ်ကျဲးစၢးထီဒါ ပှၤနစၤရ့းဖိယ့ၣ်ၡူးအမံၤဖဲတၢ်သ့အိၣ်ဒီးယၤန့ၣ်လီၤ.

မၤတၢ် 5:39

ဘၣ်ဆၣ်ဒီး, မ့မ့ၢ်တၢ်ဟဲလၢကစၢ်ယွၤဒီး, သုမၤနၢၤမၤဃၣ်ကွံာ်အဝဲသ့ၣ်တမ့ၢ်လၢအကသ့ဘၣ်. သုကထံၣ်ဒၣ်လဲာ်လၢသုထီဒါဘၣ်ကစၢ်ယွၤန့ၣ်လီၤ.” ကီၣ်ကးတဖုန့ၣ်မၤဝဲဒ်စီၤကမၤလ့လးဟ့ၣ်ကူၣ်ဟ့ၣ်ဖးဝဲ အသိးန့ၣ်လီၤ.

မၤတၢ် 9:4

အဝဲဒၣ်လီၤတဲာ်ဝဲလၢဟီၣ်ခိၣ်လိၤဒီးနၢ်ဟူတၢ်အကလုၢ် သီၣ်ထီၣ်လၢအစံးဘၣ်အီၤ, “စီၤစီလူးဧၢ, စီၤစီလူးဧၢ, ဘၣ်မနုၤနမၤအၢမၤနးယၤလဲၣ်.”

မၤတၢ် 9:6

ဘၣ်ဆၣ်ဒီးဂဲၤဆၢထၢၣ်ဒီးလဲၤနုာ်ဆူဝ့ၢ်ပူၤတက့ၢ်. ဖဲန့ၣ်နကဘၣ်မၤတၢ်မနုၤတမံၤလဲၣ်န့ၣ်, တၢ်ကစံးဘၣ်တဲဘၣ်နၤလီၤ.”

1 ကရံၣ်သူး 10:22

မ့တမ့ၢ်ဘၣ်ဒီး, မ့ၢ်ပအဲၣ်ဒိးမၤသးက့ၣ်ကစၢ်ဧါ. မ့ၢ်ပဆိကမိၣ်လၢပဂံၢ်ပဘါဆူၣ်န့ၢ်ဒံးအီၤတက့ၢ်ဧါ.

လံာ်သိၣ်လီၤသီလီၤတၢ် 32:15

ယွၤအပှၤဂီၢ်မုၢ်ထူးထီၣ်တီၤထီၣ်ဝဲ, ဘၣ်ဆၣ်ထီဒုၣ်ထီဒါတၢ်, အဝဲသ့ၣ်ဘီၣ်ထီၣ်သိထီၣ်ဒီးပှဲၤလုာ်ကွံာ်ဒီးတၢ်အီၣ်တၢ်အီ လီၤ. အဝဲသ့ၣ်လဲၤသဒၣ်ကွံာ်ကစၢ်ယွၤအဝဲသ့ၣ်အတၢ်ဘၣ်တ့အကစၢ် ဒီးစူးကွံာ်ညိကွံာ်အတၢ်အုၣ်က့ၤခီၣ်က့ၤကစၢ်လၢအဒိၣ်ဝဲမုၢ်ဝဲန့ၣ်လီၤ.

ဖံလံးပံၤ 3:12

ယတစံးလၢယဒိးန့ၢ်ဘၣ်လံတၢ်အံၤမ့ၢ်ဂ့ၤ, ယလၢထီၣ်ပှဲၤထီၣ်လံမ့ၢ်ဂ့ၤန့ၣ်ဘၣ်. မ့မ့ၢ်ယဂဲၤပျုၢ်ဂဲၤဆှးဒ်သိးယကဒိးန့ၢ်ဘၣ်ခိၣ်ဖးလၢအမ့ၢ် ယ့ၣ်ၡူးခရံာ်မၤန့ၢ်လံယၤလၢအကစၢ်ဒၣ်ဝဲအဂီၢ်န့ၣ်လီၤ.

၁ တံၤမသ့း 1:13

ဖဲလၢအပူၤကွံာ်ယကတိၤအၢကတိၤသီအီၤ, မၤနးမၤဖှီၣ်အီၤ, ဒီးကတိၤဒုၣ်ဒွဲၣ်အီၤအခါဒၣ်လဲာ်န့ၣ်လီၤ. ဘၣ်ဆၣ်ဒီး, ကစၢ်ယွၤသးကညီၤယၤမ့ၢ်လၢယတအိၣ်ဒီးတၢ်စူၢ် တၢ်နာ်ဒံးဘၣ်ဒီးယတသ့ၣ်ညါတၢ်လၢယမၤဘၣ်တဖၣ် အဃိလီၤ.