မၤတၢ် 9:43 - Sgaw Karen Common Bible

⁴³ စီၤပ့းတရူးအိၣ်ဝဲဖဲဝ့ၢ်ယၤဖိၤအပူၤန့ၣ်တဘျုးနံၤတဘျုးသီ, လၢစီၤၡံမိၣ်, ပှၤလၢအဟံးန့ၢ်ဆၣ်ဖိကီၢ်ဖိအဖံးအဘ့ၣ်ဒီးမၤကဲထီၣ်ဝဲလၢ တၢ်ဖံးတဂၤန့ၣ်, အဟံၣ်လီၤ.

မၤတၢ် 9:43 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 2:16

ပကကူာ်လီၤကယဲၢ်သ့ၣ်ဆှိအ့ရ့းလၢနလိၣ်ဘၣ်, လၢကစၢၢ်တဖၣ်အလိၤလၢလဘၤနိၣ်, ဒီးစၢဖှိၣ်ထီၣ်အီၤဒ်ထိအသိး, ဒီးဟဲစိာ်အီၤခီဖျိပီၣ်လဲၣ်တုၤလၢဝ့ၢ်ယၤဖိၤန့ၣ်လီၤ. စးထီၣ်ဖဲန့ၣ်သုဟဲက့ၤစိာ်အီၤဆူဝ့ၢ်ယရူၤၡလ့ၣ်သ့ဝဲလီၤ.”

လံာ်စီၤဧ့စြၤ 3:7

ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.

လံာ်ယိၤနါ 1:3

ဘၣ်ဆၣ်ဒီးစီၤယိၤနါလဲၤဆူဝ့ၢ် တၢ်ၡံၣ်ဒ်သိးကဃ့ၢ်ပူၤဖျဲးအသးလၢယွၤအမဲာ်ညါအဂီၢ်န့ၣ်လီၤ. အဝဲလဲၤလီၤဆူဝ့ၢ်ယၤဖိၤဒီးထံၣ်န့ၢ်ကဘီလၢကလဲၤဆူ ဝ့ၢ်တၢ်ၡံၣ်, ဒီးဟ့ၣ်အဘူးအလဲ, ဒီးလဲၤနုာ်ဆူကဘီပူၤလၢ ကလဲၤသကိးတၢ်ဒီးပှၤကဘီဖိတဖၣ်ဆူဝ့ၢ်တၢ်ၡံၣ်ဒ်သိး ကယံၤဒီးယွၤအဂီၢ်န့ၣ်လီၤ.

မၤတၢ် 10:32

ဆှၢလီၤပှၤဆူဝ့ၢ်ယၤဖိၤဒ်သိးအကကိးန့ၢ်ပှၤတဂၤလၢအမံၤ အလၢအပှဲၤမ့ၢ်ဝဲစီၤၡံမိၣ်ပ့းတရူးန့ၣ်တက့ၢ်. အဝဲအိၣ်သမှံၤဖဲပှၤမၤတၢ်ဖံးဖိစီၤၡံမိၣ်အဟံၣ်, လၢအအိၣ်ဝဲဖဲပီၣ်လဲၣ်နံၤန့ၣ်လီၤ.’

မၤတၢ် 10:5

ဒီးခဲကနံၣ်အံၤ, ဆှၢလီၤပှၤတနီၤဆူဝ့ၢ်ယၤဖိၤဒ်သိးကလဲၤဃုကိး န့ၢ်ပှၤတဂၤလၢအမံၤအလၢအပှဲၤမ့ၢ်ဝဲစီၤၡံမိၣ်ပ့းတရူးန့ၣ်တက့ၢ်.

မၤတၢ် 10:6

အဝဲဒၣ်အိၣ်သမှံၤလၢပှၤမၤတၢ်ဖံးစီၤၡံမိၣ်အဟံၣ်, လၢအအိၣ်ဝဲဖဲပီၣ်လဲၣ်ကၢၢ်နံၤန့ၣ်လီၤ.”

မၤတၢ် 10:8

အဝဲစံးဘၣ်တဲဘၣ်အဝဲသ့ၣ်တၢ်လၢအမၤတ့ၢ်အသးခဲလၢာ်ဝံၤ ဒီးဆှၢလီၤအဝဲသ့ၣ်ဆူဝ့ၢ်ယၤဖိၤလီၤ.

မၤတၢ် 11:13

အဝဲဒၣ်တဲဘၣ်ပှၤဘၣ်ဃးအထံၣ်ဘၣ်တ့ၢ်ကလူးတဂၤအိၣ်ဆၢထၢၣ် လၢအဟံၣ်ပူၤဒီးစံးဘၣ်အီၤ, ‘မၢလီၤပှၤတဂၤဂၤဆူဝ့ၢ်ယၤဖိၤဒ်သိးအကလဲၤကိးန့ၢ်ပှၤတဂၤ လၢအမံၤအလၢအပှဲၤမ့ၢ်ဝဲစီၤၡံမိၣ်ပ့းတရူးန့ၣ်တက့ၢ်.

မၤတၢ် 11:15

ဒီးဖဲယစးထီၣ်ကတိၤတၢ်န့ၣ်, သးစီဆှံဟဲလီၤလၢအဝဲသ့ၣ်အလိၤဒ်အဟဲလီၤတ့ၢ်ဝဲလၢပလိၤ အဆိကတၢၢ်တဘျီအသိးန့ၣ်လီၤ.

မၤတၢ် 9:38

ဝ့ၢ်လူးဒၤအိၣ်ဘူးဝဲဒီးဝ့ၢ်ယၤဖိၤအဃိ, တုၤအပျဲၢ်အဘီၣ်တဖၣ်နၢ်ဟူဘၣ်လၢစီၤပ့းတရူးအိၣ်ဝဲလၢဝ့ၢ် လူးဒၤန့ၣ်ဒီး, အဝဲသ့ၣ်မၢလီၤပှၤခံဂၤဆူအဝဲဒၣ်အအိၣ်, ဒီးဃ့သကွံၢ်ကညးအီၤဒီးစံး, “ဝံသးစူၤမၤချ့ချ့ဒီးဟဲဘၣ်ဆူပအိၣ်တက့ၢ်.”

မၤတၢ် 9:42

တၢ်ကစီၣ်ဘၣ်ဃးတၢ်မၤအသးတမံၤအံၤဟူထီၣ်သါလီၤဝဲသကုၤ လၢဝ့ၢ်ယၤဖိၤအပူၤ, ဒီးပှၤစူၢ်က့ၤနာ်က့ၤကစၢ်တဘျုးဒံတဘျုးဂၤလီၤ.

လံာ်စီၤယိၤၡူ 19:46

မ့ယၢ်ကိၣ်, ရးကိၣ်, ဃုာ်ဒီးကီၢ်လၢအအိၣ်သဃီၤလိာ်အသးဒီးဝ့ၢ် ယၤဖိၤန့ၣ်လီၤ.