မၤတၢ် 9:41 - Sgaw Karen Common Bible

⁴¹ စီၤပ့းတရူးယူာ်ဃီၤအစုဒီးဝံၢ်ဆၢထၢၣ်စၢၤအီၤလီၤ. အန့ၣ်ဝံၤကိးနုာ်က့ၤပှၤစီဆှံဒီးမုၣ်ကမဲတဖၣ်, ဒီးဒုးနဲၣ်အဝဲသ့ၣ်လၢပိာ်မုၣ်န့ၣ်မူဝဲန့ၣ်လီၤ.

မၤတၢ် 9:41 Iomraidhean Croise

လံာ်တၢ်ကဲထီၣ်အခီၣ်ထံး 45:26

အဝဲသ့ၣ်စံးဘၣ်အပၢ်, “စီၤယိၤသးအိၣ်မူဒံးဝဲလီၤ. အဝဲမ့ၢ်ပှၤပၢတၢ်လၢကီၢ်အဲၤကူပတူးဒီဘ့ၣ်အဖီခိၣ်လီၤ.” စီၤယၤကိာ်ကမၢကမၣ်ဒီးအသးလီၤကတုၤဒီးနာ်အဝဲသ့ၣ်တသ့ဘၣ်.

လံာ်စီၤပၤအခီၣ်ထံးတဘ့ၣ် 17:23

စီၤအ့ၤလံယၤဟဲက့ၤစိာ်လီၤဖိသၣ်ဆူဟံၣ်အဖီလာ်တတီၤဆူ အမိၢ်အအိၣ်ဒီးစံးဘၣ်အီၤ, “ကွၢ်တက့ၢ်. နဖိခွါမူဝဲလီၤ.”

လံာ်စီၤပၤခံဘ့ၣ်တဘ့ၣ် 6:7

စီၤအလံၤၡါမၤလိာ်အီၤ, “ဟံးထီၣ်က့ၤအီၤတက့ၢ်.” ပှၤတဂၤန့ၣ်ယူာ်ဃီၤအစုဒီးဟံးထီၣ်က့ၤအီၤန့ၣ်လီၤ.

လံာ်စီၤယိၤဘး 29:13

ပှၤလၢအအိၣ်လၢတၢ်ကိၢ်တၢ်ဂီၤနးနးကလဲာ်အပူၤတဖၣ် စံးထီၣ်ပတြၢၤယၤ, ဒီးယမၤစၢၤမုၣ်ကမဲသ့ၣ်တဖၣ်ဒ်သိး ကထံၣ်န့ၢ်တၢ်ပူၤဖျဲးန့ၣ်လီၤ.

စံးထီၣ်ပတြၢၤ 146:9

ယွၤအံးထွဲကွၢ်ထွဲပှၤသမှံၤလၢအအိၣ်ဆိးလၢပကီၢ်ပူၤ, အဝဲမၤစၢၤပှၤမုၣ်ကမဲတဖၣ်ဒီးပှၤဖိၣ်ဃဲဖိတဖၣ်လီၤ. မ့မ့ၢ်ပှၤတတီတလိၤအကျဲန့ၣ်ဒုးဟးဂီၤကွံာ်ဝဲလီၤ.

လံာ်မၢ်ကူး 1:31

ယ့ၣ်ၡူးလဲၤဃီၤဆူအအိၣ်, ဟံးထီၣ်အစုဒီးဝံၢ်ထီၣ်အီၤလီၤ. အတၢ်လိၤကိၢ်လီၤက့ၤတကီၢ်ခါဒီးအဝဲဒၣ်ဒုးအီၣ်ဒုးအီ အဝဲသ့ၣ်လီၤ.

လံာ်လူၤကၣ် 7:12

ဖဲအဝဲဒၣ်လဲၤတုၤဝ့ၢ်အကျဲစၢၤန့ၣ်, ပှၤတဖုလၢအကလဲၤခူၣ်လီၤပှၤသံဟဲဟးထီၣ်ဝဲဒၣ်လီၤ. ပှၤလၢအသံတဂၤန့ၣ်မ့ၢ်ဝဲပိာ်မုၣ်လၢအမ့ၢ်မုၣ်ကမဲတဂၤ အဖိခွါထဲတဂၤဧိၤန့ၣ်လီၤ. ဒီးပှၤဂီၢ်မုၢ်ဖးဒိၣ်လၢဝ့ၢ်အဝဲန့ၣ်အပူၤ အိၣ်ဝဲဒီးမုၣ်ကမဲတဂၤန့ၣ်လီၤ.

လံာ်လူၤကၣ် 7:15

ပှၤသံတဂၤန့ၣ်ဆ့ၣ်နီၤဝဲ, ဒီးကတိၤထီၣ်တၢ်, ဒီးယ့ၣ်ၡူးဟ့ၣ်လီၤက့ၤအီၤဆူအမိၢ်အစုပူၤန့ၣ်လီၤ.

မၤတၢ် 20:12

အဝဲသ့ၣ်က့ၤဆှၢပှၤသးစၢ်တဂၤန့ၣ်ဆူအဟံၣ်, ဒီးမ့ၢ်အအိၣ်မူဒံးဝဲ အဃိ, အသူၣ်မုာ်သးမုာ်ဝဲဒိၣ်မးလီၤ.

မၤတၢ် 3:7

အန့ၣ်ဒီးစီၤပ့းတရူးဖီၣ်ထီၣ်အစုထွဲဒီးဝံၢ်ဆၢထၢၣ်အီၤ, ဒီးတဘျီဃီဖဲန့ၣ်အဝဲဒၣ်အခီၣ်လၣ်ဒီးအခီၣ်ဒ့တဖၣ်ဆှိၣ်ထီၣ်ဝဲဒၣ်လီၤ.

မၤတၢ် 6:1

လၢခံက့ၤဖဲအပျဲၢ်အဘီၣ်တဖၣ်အနီၣ်ဂံၢ်အါထီၣ်ဝဲကွ့ၢ်ကွ့ၢ်န့ၣ်, ပှၤယူဒၤဖိလၢအကတိၤထဲကြံးခ်အကျိာ်တဖၣ်ကဒူးကဒ့ၣ်ထီဒါ ပှၤယူဒၤဖိလၢအကတိၤအကျိာ်ဒၣ်ဝဲတဖၣ်န့ၣ်လီၤ. အဝဲသ့ၣ်စံးဝဲလၢဖဲအဘၣ်ဃးဒီးတၢ်ဟ့ၣ်နီၤလီၤလၢတနံၤဂီၢ် တနံၤဂီၢ်န့ၣ်, ပှၤတကနၣ်ဃုာ်အဝဲသ့ၣ်အပှၤမုၣ်ကမဲတဖၣ်ဘၣ် န့ၣ်လီၤ.

မၤတၢ် 9:13

စီၤအနၤနံစံးဆၢက့ၤဝဲ, “ကစၢ်ဧၢ, ယနၢ်ဟူဘၣ်တ့ၢ်လံပှၤအါဂၤတဲဘၣ်ယၤဘၣ်ဃးပှၤတဂၤအံၤအဂ့ၢ်, ဒီးလၢအမၤအၢမၤနးတ့ၢ်နပှၤစီဆှံလၢဝ့ၢ်ယရူၤၡလ့ၣ် အပူၤတဖၣ်အဂ့ၢ်ခဲလၢာ်န့ၣ်လီၤ.

မၤတၢ် 9:32

စီၤပ့းတရူးလဲၤဝဲတၢ်လီၢ်တပူၤဘၣ်တပူၤဒီးဘၣ်တဘျီ န့ၣ်, အဝဲလဲၤတုၤဝဲလၢပှၤစီဆှံလၢအအိၣ်ဝဲလၢဝ့ၢ်လူးဒၤအပူၤ တဖၣ်အအိၣ်န့ၣ်လီၤ.

၁ တံၤမသ့း 5:3

ဒုးနဲၣ်တၢ်ယူးယီၣ်ပာ်ကဲလၢမုၣ်ကမဲနီၢ်နီၢ်တဖၣ်န့ၣ်တက့ၢ်.

၁ တံၤမသ့း 5:5

မုၣ်ကမဲနီၢ်နီၢ်လၢပှၤအံးထွဲကွၢ်ထွဲအီၤတအိၣ်တဂၤန့ၣ်, ပာ်လီၤအတၢ်မုၢ်လၢ်လၢကစၢ်ယွၤအပူၤဒီးဘါထုကဖၣ် တၢ်တထံၣ်ဃီဒီးဃ့ကညးယွၤလၢကမၤစၢၤအီၤ, လၢမုၢ်ဆါဆဲးလၢမုၢ်နၤန့ၣ်လီၤ.