မၤတၢ် 9:36 - Sgaw Karen Common Bible

³⁶ ဖဲဝ့ၢ်ယၤဖိၤန့ၣ်အပျဲၢ်အဘီၣ်မုၣ်အိၣ်ဝဲတဂၤ, တၢ်ကိးအမံၤလၢနီၢ်တဘံၤသါန့ၣ်လီၤ. (အမံၤလၢကြံးခ်ကျိာ်တခီမ့ၢ်နီၢ်ဒီၢ်ကါ, အခီပညီ, တၤဟိတဒု) အဝဲဒၣ်ဟ့ၣ်လီၤအသးလၢာ်ဆၢလၢာ်ကတီၢ်လၢတၢ်မၤဂ့ၤ ပှၤဂၤဒီးတၢ်မၤစၢၤပှၤဖှီၣ်ဖိယာ်ဖိတဖၣ်အဂီၢ်န့ၣ်လီၤ.

မၤတၢ် 9:36 Iomraidhean Croise

လံာ်ကွဲးနီၣ်တၢ်ခံဘ့ၣ်တဘ့ၣ် 2:16

ပကကူာ်လီၤကယဲၢ်သ့ၣ်ဆှိအ့ရ့းလၢနလိၣ်ဘၣ်, လၢကစၢၢ်တဖၣ်အလိၤလၢလဘၤနိၣ်, ဒီးစၢဖှိၣ်ထီၣ်အီၤဒ်ထိအသိး, ဒီးဟဲစိာ်အီၤခီဖျိပီၣ်လဲၣ်တုၤလၢဝ့ၢ်ယၤဖိၤန့ၣ်လီၤ. စးထီၣ်ဖဲန့ၣ်သုဟဲက့ၤစိာ်အီၤဆူဝ့ၢ်ယရူၤၡလ့ၣ်သ့ဝဲလီၤ.”

လံာ်စီၤဧ့စြၤ 3:7

ပှၤဂီၢ်မုၢ်ဟ့ၣ်လီၤစ့လၢပှၤမၤတၢ်လၢလၢၢ်တဖၣ်ဒီးပှၤစုသ့ တဖၣ်ဒီးဟ့ၣ်တၢ်အီၣ်တၢ်အီ, ဒီးသ့ၣ်စၤယံးအသိဒ်သိးကဘၣ်တၢ်ဆှၢအီၤဆူဝ့ၢ်ထါယၢၣ်ဒီးဝ့ၢ် စံဒိၣ်တဖၣ်လၢတၢ်ကလဲလိာ်အီၤဒီးလဘၤနိၣ်အသ့ၣ်ဆှိအ့ရ့းတဖၣ် လၢကဘၣ်တၢ်ဟဲစိာ်အီၤလၢပီၣ်လဲၣ်အကျဲတကပၤဆူဝ့ၢ်ယၤဖိၤန့ၣ် လီၤ. ကယဲၢ်တၢ်အံၤခဲလၢာ်ဘၣ်တၢ်မၤအီၤဒၣ်လၢကီၢ်ပၤရၣ်အစီၤပၤဖး ဒိၣ်စီၤကိရ့ၣ်အတၢ်ပျဲန့ၣ်လီၤ.

တၢ်ကတိၤဒိ. 5:19

လၢအဃံအလၤဒီးလီၤအဲၣ်ဒ်တၤဟိမိၢ်တဒုအသိးအအိၣ်န့ၣ်တက့ၢ်. မ်အတၢ်လီၤအဲၣ်လီၤကွံမၤမုာ်နသး, ဒီးမ်အတၢ်အဲၣ်ထိၣ်ဂဲၤမၤမူၤနသးထီဘိတက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 2:9

ပှၤလၢယအဲၣ်အီၤတဂၤလီၤဂာ်ဒ်တၤဟိစဘံတဒု, လီၤဂာ်ဒ်တၤဃီၤဖါသးစၢ်တဒုအသိးန့ၣ်လီၤ. အဝဲဆၢထၢၣ်ဝဲလၢတၢ်ဒူၣ်အကပၤ, ကွၢ်နုာ်တၢ်ခီဖျိပဲတြီဖိတဖၣ်, ဒီးကွၢ်တကျ့တၢ်ခီဖျိပဲတြီကဘျံးဖိတဖၣ်န့ၣ်လီၤ.

လံာ်တၢ်သးဝံၣ်တဖၣ်အတၢ်သးဝံၣ် 3:5

ဝ့ၢ်ယရူၤၡလ့ၣ်အဖိမုၣ်သ့ၣ်ဧၢ, အၢၣ်လီၤယၤ, ဒီးဆိၣ်တၢ်ဒီးယၤလၢတၤဟိစဘံဒီးတၤဟိမိၢ်ဖိအမဲာ်ညါ, လၢသုတမၤတံာ်တာ်ဘၣ်ပတၢ်အဲၣ်လိာ်ပသးဘၣ်န့ၣ်တက့ၢ်.

လံာ်တၢ်သးဝံၣ်တဖၣ်အတၢ်သးဝံၣ် 8:14

ယတၢ်အဲၣ်ဧၢ, ဟဲဆူယအိၣ်ဒ်တၤဟိစဘံတဒု, ဒ်တၤဟိဖါဖိတဒုအသိး, ဖဲကစၢၢ်တဖၣ်လၢသ့ၣ်နၢမူ အထူၣ်တဖၣ်မဲထီၣ်ဝဲအလိၤန့ၣ်တက့ၢ်.

လံာ်ယိၤနါ 1:3

ဘၣ်ဆၣ်ဒီးစီၤယိၤနါလဲၤဆူဝ့ၢ် တၢ်ၡံၣ်ဒ်သိးကဃ့ၢ်ပူၤဖျဲးအသးလၢယွၤအမဲာ်ညါအဂီၢ်န့ၣ်လီၤ. အဝဲလဲၤလီၤဆူဝ့ၢ်ယၤဖိၤဒီးထံၣ်န့ၢ်ကဘီလၢကလဲၤဆူ ဝ့ၢ်တၢ်ၡံၣ်, ဒီးဟ့ၣ်အဘူးအလဲ, ဒီးလဲၤနုာ်ဆူကဘီပူၤလၢ ကလဲၤသကိးတၢ်ဒီးပှၤကဘီဖိတဖၣ်ဆူဝ့ၢ်တၢ်ၡံၣ်ဒ်သိး ကယံၤဒီးယွၤအဂီၢ်န့ၣ်လီၤ.

လံာ်မးသဲ 25:17

ပှၤလၢအဒိးန့ၢ်စ့ခံတၤလၣ်တဂၤန့ၣ်, မၤစ့ၢ်ကီးဝဲဒၣ်ဒ်န့ၣ်ဒီးဒိးန့ၢ်အါထီၣ်စ့ခံတၤလၣ်န့ၣ် လီၤ.

လံာ်ယိၤဟၣ် 15:5

ယဲဒၣ်အံၤယမ့ၢ်စပံးမုၢ်, ဒီးသုဝဲသ့ၣ်အံၤသုမ့ၢ်အဒ့တဖၣ် လီၤ. ပှၤတဂၤလၢ်လၢ်လၢအအိၣ်ဆိးလၢယပူၤဒီးယအိၣ် ဆိးလၢအပူၤန့ၣ်, ကသၣ်ထီၣ်ဝဲဒၣ်အါဖျၢၣ်လီၤ. မ့တမ့ၢ် ဘၣ်လၢယၤဘၣ်ဒီး, သုမၤတၢ်တသ့ဘၣ်နီတမံၤဘၣ်.

လံာ်ယိၤဟၣ် 15:8

ယပၢ်အလၤကပီၤဘၣ်တၢ်ဒုးနဲၣ်ဖျါထီၣ်အီၤခီဖျိလၢ သုသၣ်ထီၣ်အါမး, ဒီးလၢတၢ်အံၤအဃိ, သုကဲထီၣ် ယပျဲၢ်ယဘီၣ်တဖၣ်လီၤ.

မၤတၢ် 10:23

စီၤပ့းတရူးကိးနုာ်အီၤဆူဟံၣ်ပူၤဒီးစံးဝဲ, “ဟဲနုာ်, ဒီးတနၤအံၤမံဖဲအံၤတက့ၢ်.” မုၢ်ဆ့ၣ်ထီၣ်တနံၤန့ၣ်အဝဲဒၣ်အိၣ်ကတဲာ်ကတီၤထီၣ်အသးဒီး လဲၤပိာ်အဝဲသ့ၣ်အခံလီၤ. ဒီးပှၤစူၢ်က့ၤနာ်က့ၤတၢ်အဂၤတနီၤဖဲဝ့ၢ်ယၤဖိၤလဲၤဃုာ်ဒီးအီၤလီၤ.

မၤတၢ် 10:31

ဒီးစံးဘၣ်ယၤ, ‘စီၤကန့လံးဧၢ, ကစၢ်ယွၤနၢ်ဟူလံနတၢ်ထုကဖၣ်ဒီး ထံၣ်ဘၣ်လံနတၢ်ဟ့ၣ်သးကညီၤတဖၣ်လံ.

မၤတၢ် 10:8

အဝဲစံးဘၣ်တဲဘၣ်အဝဲသ့ၣ်တၢ်လၢအမၤတ့ၢ်အသးခဲလၢာ်ဝံၤ ဒီးဆှၢလီၤအဝဲသ့ၣ်ဆူဝ့ၢ်ယၤဖိၤလီၤ.

မၤတၢ် 11:13

အဝဲဒၣ်တဲဘၣ်ပှၤဘၣ်ဃးအထံၣ်ဘၣ်တ့ၢ်ကလူးတဂၤအိၣ်ဆၢထၢၣ် လၢအဟံၣ်ပူၤဒီးစံးဘၣ်အီၤ, ‘မၢလီၤပှၤတဂၤဂၤဆူဝ့ၢ်ယၤဖိၤဒ်သိးအကလဲၤကိးန့ၢ်ပှၤတဂၤ လၢအမံၤအလၢအပှဲၤမ့ၢ်ဝဲစီၤၡံမိၣ်ပ့းတရူးန့ၣ်တက့ၢ်.

မၤတၢ် 11:5

“ဖဲယအိၣ်လၢဝ့ၢ်ယၤဖိၤဒီးဃ့ဘါထုကဖၣ်တၢ်အဖၢမုၢ်န့ၣ်, ယဒိးန့ၢ်ဘၣ်တၢ်ထံၣ်လၢညါခီတမံၤလီၤ. ယထံၣ်ဘၣ်တၢ်တမံၤဟဲလီၤဝဲလီၤဂာ်ဒီးယၣ်ဖးဒိၣ်တဘ့ၣ်လၢတၢ် စဲၤလီၤအီၤလၢမူခိၣ်လၢအနၢၣ်လွံၢ်နၢၣ်, ဒီးဟဲအိၣ်ကတီၢ်ဝဲဘူး ဒီးယၤလီၤ.

မၤတၢ် 9:38

ဝ့ၢ်လူးဒၤအိၣ်ဘူးဝဲဒီးဝ့ၢ်ယၤဖိၤအဃိ, တုၤအပျဲၢ်အဘီၣ်တဖၣ်နၢ်ဟူဘၣ်လၢစီၤပ့းတရူးအိၣ်ဝဲလၢဝ့ၢ် လူးဒၤန့ၣ်ဒီး, အဝဲသ့ၣ်မၢလီၤပှၤခံဂၤဆူအဝဲဒၣ်အအိၣ်, ဒီးဃ့သကွံၢ်ကညးအီၤဒီးစံး, “ဝံသးစူၤမၤချ့ချ့ဒီးဟဲဘၣ်ဆူပအိၣ်တက့ၢ်.”

မၤတၢ် 9:42

တၢ်ကစီၣ်ဘၣ်ဃးတၢ်မၤအသးတမံၤအံၤဟူထီၣ်သါလီၤဝဲသကုၤ လၢဝ့ၢ်ယၤဖိၤအပူၤ, ဒီးပှၤစူၢ်က့ၤနာ်က့ၤကစၢ်တဘျုးဒံတဘျုးဂၤလီၤ.

အ့းဖ့းစူး 2:10

အဂ့ၢ်ဒ်အံၤ, ပမ့ၢ်ကစၢ်ယွၤအစုအတၢ်ဘၣ်တ့, တ့လီၤဝဲလၢပကမူလၢယ့ၣ်ၡူးခရံာ်အပူၤ, လၢတၢ်မၤဂ့ၤတၢ်အတၢ်အိၣ်မူလၢအဝဲကတီၤပာ်စၢၤဝဲလၢပဂီၢ် အပူၤန့ၣ်လီၤ.

ဖံလံးပံၤ 1:11

သုတၢ်အိၣ်မူတဖၣ်ကဘၣ်တၢ်မၤပှဲၤအီၤဒီးတၢ်ဂ့ၤ တၢ်ဝါနီၢ်နီၢ်တဖၣ်လၢထဲဒၣ်ယ့ၣ်ၡူးခရံာ်ဒုးအိၣ်ထီၣ် အီၤသ့, လၢယွၤလၤကပီၤဒီးတၢ်စံးထီၣ်ပတြၢၤကစၢ်ယွၤ အဂီၢ်န့ၣ်လီၤ.

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

၁ သ့းစၤလနံ 4:10

နီၢ်နီၢ်တခီ, သုမၤထွဲတ့ၢ်လံတၢ်အံၤလၢသုဒီပုၢ်ဒီဝဲၢ်အကျါ သကုၤကီၢ်မၤက့းဒနံန့ၣ်လံ. ဘၣ်ဆၣ်ဒီးပဃ့ကညးသုလၢသုကမၤဂ့ၤန့ၢ်ဒံးအန့ၣ်တက့ၢ် လီၤ.

၁ တံၤမသ့း 5:10

ဒီးအမံၤကဘၣ်ဂ့ၤလၢအတၢ်မၤဂ့ၤတဖၣ်အဃိ, လၢအမ့ၢ်တ့ၢ်လံပိာ်မုၣ်တဂၤလၢအအံးကွၢ်ဒုးဒိၣ်ထီၣ်ဖိလံၤ ဂ့ၤဂ့ၤဘၣ်ဘၣ်, တူၢ်လိာ်သမှံၤသပျီၤတဖၣ်လၢအဟံၣ်ပူၤဃီပူၤ, သ့စီပှၤစီဆှံတဖၣ်အခီၣ်, မၤစၢၤပှၤဘၣ်ကီဘၣ်ခဲတဖၣ်, ဒီးဟ့ၣ်လီၤအသးလၢတၢ်မၤဂ့ၤတၢ်အပူၤန့ၣ်လီၤ.

တံတူး 2:14

အဝဲဒၣ်ဟ့ၣ်လီၤအသးလၢပဂီၢ်ဒ်သိးကမၤထူၣ်ဖျဲးပှၤလၢတၢ် အၢတၢ်သီခဲလၢာ်ဒီးကဒုးကဲထီၣ်ပှၤ, ပှၤတကလုာ်လၢအကဆှီဝဲလၢအဘၣ်ဃးထဲဒၣ်ဒီးအီၤဒီး အသးဆူၣ်လၢတၢ်မၤဂ့ၤတၢ်အဂီၢ်န့ၣ်လီၤ.

တံတူး 2:7

လၢတၢ်ခဲလၢာ်အပူၤန့ၣ်, နကစၢ်ဒၣ်နဲနကဘၣ်ကဲထီၣ် တၢ်ဒိတၢ်တဲာ်လၢတၢ်သကဲာ်ဂ့ၤပဝးဝါအဂီၢ်န့ၣ်လီၤ. အိၣ်ဒီးတၢ်သူၣ်တီသးလိၤဒီးပာ်နသးသညူးသပှၢ် လၢနတၢ်သိၣ်လိသီလိအပူၤန့ၣ်တက့ၢ်.

တံတူး 3:8

တၢ်အံၤမ့ၢ်တၢ်ကတိၤအမ့ၢ်အတီလီၤ. ယသးအိၣ်လၢနကတိာ်သူၣ်ပာ်သးလီၤဆီဒၣ်တၢ်လၢတၢ်ဂ့ၢ် တဖၣ်အံၤ, ဒ်သိးဒီးပှၤလၢအစူၢ်က့ၤနာ်က့ၤကစၢ်ယွၤတဖၣ် ကပာ်သူၣ်ပာ်သးဘၣ်ဃးတၢ်ဟ့ၣ်လီၤအသးလၢတၢ်မၤဂ့ၤ တဖၣ်, လၢအဂ့ၤဒီးကဲဘျုးလၢပှၤကိးဂၤဒဲးအဂီၢ်န့ၣ်လီၤ.

ဧ့ၤဘြံၤ 13:21

မ်တၢ်ဃူတၢ်ဖိးအကစၢ်ယွၤမၤလၢမၤပှဲၤသုလၢတၢ် အဂ့ၤခဲလၢာ်လၢသုလိၣ်ဘၣ်အီၤ, ဒ်သိးသုကမၤအတၢ်ဘၣ် အသး, ဒီးခီဖျိယ့ၣ်ၡူးခရံာ်န့ၣ်, မ်အဝဲမၤအတၢ်ဘၣ်အသး လၢပပူၤန့ၣ်တက့ၢ်. မ်ခရံာ်ဒိးဘၣ်တၢ်လၤကပီၤအစိၤစိၤ အဃၣ်ဃၣ်တက့ၢ်. အၤမ့ၣ်.

ယၤကိာ် 1:27

တၢ်လၢပၢ်ကစၢ်ယွၤပာ်ဝဲလၢအမ့ၢ်တၢ်အကဆှီဒီးတၢ်ဘူၣ်တၢ် ဘါနီၢ်နီၢ်န့ၣ်မ့ၢ်ဝဲ, တၢ်အံးက့ၤကွၢ်က့ၤဖိၣ်ဃဲဒီးမုၣ်ကမဲတဖၣ်လၢ အတၢ်နးတၢ်ဖှီၣ်အပူၤဒီးတၢ်ပၢၤလီၤက့ၤပသးဒ်သိးပသုတဘၣ် တၢ်မၤဘၣ်အၢပှၤလၢဟီၣ်ခိၣ်အဃံၣ်အမူးတဖၣ်တဂ့ၤအဂီၢ် န့ၣ်လီၤ.

လံာ်စီၤယိၤၡူ 19:46

မ့ယၢ်ကိၣ်, ရးကိၣ်, ဃုာ်ဒီးကီၢ်လၢအအိၣ်သဃီၤလိာ်အသးဒီးဝ့ၢ် ယၤဖိၤန့ၣ်လီၤ.