မၤတၢ် 9:35 - Sgaw Karen Common Bible

³⁵ ကယဲၢ်ပှၤအိၣ်လၢဝ့ၢ်လူးဒၤဒီးတၢ်ပၢၤခိၣ်ၡၤရိၣ်ခဲလၢာ်ထံၣ်ဘၣ်အီၤ သတးဒီးကဲထီၣ်ပှၤစူၢ်က့ၤနာ်က့ၤကစၢ်န့ၣ်လီၤ.

မၤတၢ် 9:35 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 27:29

စီၤၡံးတြဲၤလၢဝ့ၢ်ၡၤရိၣ်မ့ၢ်ပှၤအခိၣ်အဒိၣ်ကတၢၢ်လၢအကွၢ်ထွဲ ဂီၤဘုၣ်ဂီၤဖံးတဖၣ်လၢၡၤရိၣ်အအီၣ်ဆၣ်လီၢ်လါဟ့ပူၤန့ၣ်လီၤ. စီၤဧၤလဒဲအဖိခွါစီၤၡၤဖးမ့ၢ်ပှၤအခိၣ်အဒိၣ်ကတၢၢ်လၢအကွၢ် ထွဲဂီၤဘုၣ်ဂီၤဖံးတဖၣ်လၢကစၢၢ်ကဆူးပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 5:16

အဝဲသ့ၣ်အိၣ်ဝဲဆိးဝဲလၢကီၢ်ဘၤၡၣ်ဒီးကီၢ်ကံးလဧးအလီၢ်ကဝီၤ တဖၣ်အပူၤ, ဒီးဝ့ၢ်အိၣ်ဖဲန့ၣ်သ့ၣ်တဖၣ်အပူၤဒီးကယဲၢ်တၢ်အီၣ်ဆၣ်လီၢ်တဖၣ် လၢအအိၣ်ဖဲၡၤရိၣ်တၢ်ပျီပူၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 8:12

စီၤအ့လပၤလးအိၣ်ဒီးအဖိခွါသၢဂၤလၢအမ့ၢ်, စီၤဧ့ၤဘ့ၢ်, စီၤမံၡၣ်ဒီးစီၤၡၤမးန့ၣ်လီၤ. စီၤၡၤမးအံၤမ့ၢ်ပှၤသူၣ်ထီၣ်ဝ့ၢ်အိနိၤ, ဝ့ၢ်လိးဒီးဝ့ၢ်အိၣ် ဝးတရံးအဝဲသ့ၣ်တဖၣ်န့ၣ်လီၤ.

လံာ်စီၤဧ့စြၤ 2:33

ပှၤလိး, ပှၤဃၤဒံးဒီးပှၤအိနိၤဖိ, နွံကယၤခံဆံယဲၢ် ဂၤ,

လံာ်စီၤနဃ့မယၤ 11:35

ဝ့ၢ်လိး, ဝ့ၢ်အိနိၤ, ဒီးလၢပှၤစိးပျၤတၢ်ဖိအကစၢၢ်ကဆူးအပူၤန့ၣ်လီၤ.

လံာ်စီၤနဃ့မယၤ 7:37

ပှၤလိးဖိ, ပှၤဃၤဒံးဖိဒီးပှၤအိနိၤဖိ, နွံကယၤခံဆံတ ဂၤ

စံးထီၣ်ပတြၢၤ 110:3

မုၢ်တနံၤလၢနဒုးနဒုၣ်နဒါတဖၣ်န့ၣ်, နပှၤဂီၢ်မုၢ်ကဟ့ၣ်လီၤအသးလၢ တၢ်သးအိၣ်အပူၤလီၤ. ဒ်မုၢ်ဂီၤအပစီၤထံအသိး နပှၤသးစၢ်တဖၣ်ကဟဲဆူနအိၣ်လၢ ကစၢၢ်စီဆှံတဖၣ်အလိၤလီၤ.

စံးထီၣ်ပတြၢၤ 22:27

ပှၤကိးကလုာ်ဒဲးကသ့ၣ်နီၣ်ထီၣ်ယွၤလီၤ. ပှၤလၢအအိၣ်လၢဟီၣ်ခိၣ်ချၢခဲလၢာ် ကဃၣ်က့ၤအသးဆူအအိၣ်လီၤ. ဒူၣ်ထၢခဲလၢာ်ကဘူၣ်ထီၣ်ဘါထီၣ်အီၤလီၤ.

လံာ်ယၡါယၤ 31:6

ယွၤစံးဝဲဒၣ်, “အံၣ်စရ့လးအပှၤဂီၢ်မုၢ်သ့ၣ်ဧၢ, သုမၤတ့ၢ်တၢ်ဒဲးဘးထီဒါယၤဒီးသုထီဒါယၤလီၤ. ဘၣ်ဆၣ်အခဲအံၤ, ဟဲက့ၤဆူယအိၣ်တက့ၢ်.

လံာ်ယၡါယၤ 33:9

ထံဧိၤကီၢ်ဧိၤန့ၣ်အိၣ်ကလီဒီးအိၣ်သယုၢ်ဝဲလီၤ. ကီၢ်လဘၤနိၣ်အသ့ၣ်ဒိၣ်ပှၢ်တီၣ်တဖၣ်လီၤညွံးလီၤဘဲကွံာ်ဝဲ, ၡၤရိၣ်အတြီၤလၢဟီၣ်ခိၣ်ညၣ်ထ့ၣ်ဂ့ၤတဖၣ်လီၤဂာ်ဒ်မဲးမုၢ်ခိၣ် တပူၤအသိး, သ့ၣ်အထူၣ်တဖၣ်လၢကီၢ်ဘၤၡၣ်ဒီးကစၢၢ် ကၢ်မ့ၤလးအလိၤန့ၣ်အလၣ်တဖၣ်လီၤဆှုကွံာ်ဝဲလီၤ.

လံာ်ယၡါယၤ 35:2

မဲးမုၢ်ခိၣ်ကသူၣ်ဝံၣ်သးဆၢဒီးကိးထီၣ်လၢတၢ်သးခုလီၤ. ကဖျါဃံဖျါလၤဒ်လဘၤနိၣ်အကစၢၢ်ကလိတဖၣ်အသိး, ဒီးဟီၣ်ခိၣ်ညၣ်ထ့ၣ်ကဂ့ၤဝဲဒ်ကၢ်မ့ၤလးဒီးၡၤရိၣ်အပျီတဖၣ် အသိးလီၤ. ပှၤကိးဂၤဒဲးကထံၣ်ဘၣ်ယွၤအတၢ်လီၤဘီလီၤမုၢ်, အတၢ်ဒိၣ်တၢ်မုၢ်ဒီးအစိကမီၤန့ၣ်လီၤ.

လံာ်ယၡါယၤ 65:10

အဝဲသ့ၣ်ကဘူၣ်ထီၣ်ဘါထီၣ်ယၤဒီးကဆှၢအသိဒီးဂီၤ ဘုၣ်ဂီၤဖံးတဖၣ်ဆူတၢ်အီၣ်ဆၣ်အလီၢ်လါဟ့ဖဲၡၤရိၣ် အပျီလၢမုၢ်နုာ်တခီဒီးဆူတၢ်ကီတၢ်ခဲအတြီၤလၢမုၢ် ထီၣ်တခီအပူၤန့ၣ်လီၤ.

လံာ်ယၡါယၤ 66:8

ပှၤတဂၤဂၤထံၣ်တ့ၢ်ဒီးနၢ်ဟူတ့ၢ်တၢ်ဒ်သိးအံၤတစုစုဧါ. ပှၤကလုာ်တကလုာ်အိၣ်ဖျဲၣ်ထီၣ်ဝဲလၢတနံၤဃီအတီၢ်ပူၤ တစုစုလံဧါ. တချုးလၢပှၤကလုာ်အိၣ်ဖျဲၣ်ထီၣ်ဒံးဘၣ်န့ၣ်, ကစၢၢ်စံယိၣ်တတူၢ်ဘၣ်တၢ်ယံာ်ယံာ်လၢၤဘၣ်.

လံာ်သးသယုၢ်တၢ် 3:40

မ်ပကွၢ်ထံက့ၤပကျဲတဖၣ်လီၤတံၢ်လီၤဆဲးဒီးဃၣ်ကဒါက့ၤပသး ဆူယွၤအအိၣ်တက့ၢ်.

လံာ်ဟိၤၡ့ 12:6

လၢတၢ်န့ၣ်အဃိခဲကနံၣ်အံၤ, စီၤယၤကိာ်အစၢၤအသွဲၣ်သ့ၣ်ဧၢ, နာ်န့ၢ်သုကစၢ်ယွၤဒီးဃၣ်ကဒါက့ၤသုသးဆူအအိၣ်တက့ၢ်. အိၣ်ဒီးတၢ်သးတီဒီးတၢ်တီတၢ်လိၤဒီးအိၣ်ခိးစူၤသးလၢသု ကစၢ်ယွၤကမၤတၢ်အဂီၢ်တက့ၢ်.

လံာ်ဟိၤၡ့ 14:2

ဟဲက့ၤဆူယွၤအအိၣ်ဒီးဒုးကဲထီၣ်တၢ်ထုကဖၣ်အံၤလၢတၢ်လုၢ်တၢ် ပာ်ဆူအအိၣ်တက့ၢ်. ပျၢ်လၢ်ဘၣ်ပတၢ်ဒဲးဘးတဖၣ်ခဲလၢာ်ဒီးတူၢ်လိာ်ပတၢ်ထုကဖၣ်, ဒီးပကစံးထီၣ်ပတြၢၤနၤဒ်ပအၢၣ်လီၤတ့ၢ်အသိးန့ၣ်လီၤ.

လံာ်ယိၤအ့လး 2:13

မ်သုတၢ်သူၣ်ကၢ်သးလီၤပာ်ဖျါထီၣ် သုတၢ်သူၣ်အုးသးအုး, ဒီးထဲသုဖှီသုကူသုသိးန့ၣ်တလၢတပှဲၤဘၣ်. ဟဲက့ၤကဒါက့ၤဆူယွၤ, သုကစၢ်ယွၤအအိၣ်တက့ၢ်. အဝဲဒၣ်န့ၣ်ပှဲၤဝဲဒီးတၢ်သူၣ်ဂ့ၤသးဝါ, ဒီးတၢ်သူၣ်ကညီၤသးကညီၤန့ၣ်လီၤ. အဝဲဒၣ်အသူၣ်စူၤအသးစူၤဒီးတီ ဒီးအတၢ်အၢၣ်လီၤအီလီၤန့ၣ်လီၤ. အဝဲဒၣ်ထီဘိအိၣ်ကတဲာ်ကတီၤအသးလၢကပျၢ်တၢ်ကမၣ်ဒီးတမ့ၢ်လၢ ကစံၣ်ညီၣ်တၢ်အဂီၢ်ဘၣ်.

မၤတၢ် 11:21

ဒီးကစၢ်အစိကမီၤအိၣ်ဒီးအဝဲသ့ၣ်, ဒီးပှၤဂီၢ်မုၢ်ဂီၢ်ပၤစူၢ်က့ၤနာ်က့ၤတၢ်ဒီး ဃၣ်က့ၤအသးဆူကစၢ်အအိၣ်န့ၣ်လီၤ.

မၤတၢ် 15:19

စီၤယၤကိာ်ကတိၤဒံးတၢ်ဒီးစံးဝဲ, “တၢ်လၢယထံၣ်န့ၣ်, ပတကြၢးမၤတံာ်တာ်ပှၤကလုာ်ဂၤတဖၣ်လၢအဃၣ်က့ၤ အသးဆူကစၢ်ယွၤအအိၣ်န့ၣ်ဘၣ်.

မၤတၢ် 19:10

အဝဲမၤဒ်အံၤလၢခံနံၣ်အတီၢ်ပူၤ, တုၤဒၣ်လဲာ်ပှၤအိၣ်လၢကီၢ်အၤစံ အပူၤခဲလၢာ်, ပှၤယူဒၤဖိမ့ၢ်ဂ့ၤ, ပှၤကလုာ်ဂၤမ့ၢ်ဂ့ၤ, နၢ်ဟူဘၣ်ကစၢ်အကလုၢ်ကထါန့ၣ်လီၤ.

မၤတၢ် 19:20

လၢတၢ်စိတၢ်ကမီၤအကျဲဒ်သိးအံၤအပူၤန့ၣ်, ကစၢ်အကလုၢ်ကထါရၤလီၤအသးလဲၢ်ထီၣ်ဒီးဆူၣ်ထီၣ်ကွ့ၢ်ကွ့ၢ် န့ၣ်လီၤ.

မၤတၢ် 2:47

အိၣ်ဒီးတၢ်စံးထီၣ်ပတြၢၤကစၢ်ယွၤ, ဒီးအဝဲသ့ၣ်ဒိးန့ၢ်ပှၤခဲလၢာ်အတၢ်ဘၣ်သူၣ်ဘၣ်သးန့ၣ်လီၤ. ဒီးကိးနံၤဒဲးန့ၣ်, ကစၢ်ပာ်ဖှိၣ်အါထီၣ်ပှၤဒိးန့ၢ်တၢ်အုၣ်က့ၤခီၣ်က့ၤ တဖၣ်ဆူအဝဲသ့ၣ်အတၢ်အိၣ်ဖှိၣ်အပူၤန့ၣ်လီၤ.

မၤတၢ် 4:4

ဘၣ်ဆၣ်ဒီးပှၤအါဂၤလၢအနၢ်ဟူဘၣ်တၢ်ကစီၣ်န့ၣ်, စူၢ်က့ၤနာ်က့ၤယ့ၣ်ၡူးသတးဒီး, ပှၤစူၢ်က့ၤနာ်က့ၤတၢ်ခဲလၢာ်ကပှဲၤထီၣ်ယဲၢ်ကထိဂၤဃၣ်ဃၣ်န့ၣ်လီၤ.

မၤတၢ် 6:7

အန့ၣ်သတးဒီးကစၢ်ယွၤအကလုၢ်ကထါရၤလီၤအသးအါထီၣ်ဝဲကွ့ၢ် ကွ့ၢ်လီၤ. အပျဲၢ်အဘီၣ်အနီၣ်ဂံၢ်လၢဝ့ၢ်ယရူၤၡလ့ၣ်အပူၤအါထီၣ်ဂီၢ် ထီၣ်ဒိၣ်ဒိၣ်ကလဲာ်, ဒီးပှၤလုၢ်တၢ်အခိၣ်တဘျုးဒံတဘျုးဂၤစူၢ် က့ၤနာ်က့ၤတၢ်လီၤ.

မၤတၢ် 9:34

စီၤပ့းတရူးစံးဘၣ်အီၤ, “စီၤအဲၤန့းဧၢ, ယ့ၣ်ၡူးခရံာ်မၤဘျါက့ၤနၤလီၤ. ဂဲၤဆၢထၢၣ်ဒီးထူထီၣ်က့ၤနလီၢ်မံတက့ၢ်.” ဒီးတဘျီဃီအဝဲဒၣ် ဂဲၤဆၢထၢၣ်ဝဲဒၣ်လီၤ.

မၤတၢ် 9:42

တၢ်ကစီၣ်ဘၣ်ဃးတၢ်မၤအသးတမံၤအံၤဟူထီၣ်သါလီၤဝဲသကုၤ လၢဝ့ၢ်ယၤဖိၤအပူၤ, ဒီးပှၤစူၢ်က့ၤနာ်က့ၤကစၢ်တဘျုးဒံတဘျုးဂၤလီၤ.

၂ ကရံၣ်သူး 3:16

ဘၣ်ဆၣ်ဒီး, ဒ်နီၣ်ကျၢၢ်ဘၢမဲာ်အဝဲန့ၣ် ဘၣ်တၢ်ထုးကွံာ်အီၤသ့ ကစီဒီ, ဒ်တၢ်ကွဲးအသးစီဆှံကတိၤတၢ်လၢ စီၤမိၤၡ့အဂ့ၢ်ဒီးစံးဝဲအဝဲအနီၣ်ကျၢၢ်ဘၢမဲာ်ဘၣ်တၢ်ထုးကွံာ် လံအီၤဖဲ အဃၣ်အသးဆူယွၤအအိၣ်” အသိးန့ၣ်လီၤ.

လံာ်သိၣ်လီၤသီလီၤတၢ် 4:30

ဖဲသုအိၣ်လၢတၢ်ကီတၢ်ခဲအပူၤ, ဒီးကယဲၢ်တၢ်ကိးမံၤအံၤဟဲ ဘၣ်သုဒီး, အန့ၣ်တစုလၢခံကတၢၢ်သုကဃၣ်ကဒါက့ၤသုသးဆူယွၤ အအိၣ်ဒီးစူၢ်အီၤန့ၣ်လီၤ.