မၤတၢ် 9:34 - Sgaw Karen Common Bible

³⁴ စီၤပ့းတရူးစံးဘၣ်အီၤ, “စီၤအဲၤန့းဧၢ, ယ့ၣ်ၡူးခရံာ်မၤဘျါက့ၤနၤလီၤ. ဂဲၤဆၢထၢၣ်ဒီးထူထီၣ်က့ၤနလီၢ်မံတက့ၢ်.” ဒီးတဘျီဃီအဝဲဒၣ် ဂဲၤဆၢထၢၣ်ဝဲဒၣ်လီၤ.

မၤတၢ် 9:34 Iomraidhean Croise

လံာ်မးသဲ 8:3

ယ့ၣ်ၡူးယူာ်ဃီၤအစု, ထိးဘၣ်အီၤဒီးစံး, “ယသးအိၣ်လီၤ. ကဆှီထီၣ်က့ၤနဲတက့ၢ်.” တဘျီဃီအတၢ်ဆါအၢန့ၣ်ဘျါက့ၤဝဲလီၤ.

လံာ်မးသဲ 9:6

ယကဒုးနဲၣ်သုဒ်သိးသုကသ့ၣ်ညါလၢပှၤကညီအဖိခွါအံၤ အိၣ်ဒီးအစိအကမီၤလၢဟီၣ်ခိၣ်ချၢလၢကပျၢ်တၢ်ဒဲးဘး အဂီၢ်လီၤ.” အန့ၣ်ဒီးအဝဲဒၣ်စံးဘၣ်ပှၤသံတခီပၤန့ၣ်, “ဂဲၤဆၢထၢၣ်, ဟံးထီၣ်နလီၢ်မံဒီးက့ၤဆူနဟံၣ်တက့ၢ်.”

လံာ်ယိၤဟၣ် 2:11

ယ့ၣ်ၡူးမၤတၢ်လီၤလးအခီၣ်ထံးကတၢၢ်တဘျီအံၤလၢဝ့ၢ်ကၤ နါလၢကီၢ်ကၤလံၤလါအပူၤဒီးဖဲန့ၣ်အဝဲလီၣ်ဖျါထီၣ်အလၤ ကပီၤ, ဒီးအပျဲၢ်အဘီၣ်တဖၣ်စူၢ်က့ၤနာ်က့ၤအီၤန့ၣ်လီၤ.

မၤတၢ် 16:18

ဒီးမၤဝဲဒ်အံၤအါနံၤအါသီ, တုၤစီၤပီလူးအသးဒိၣ်ထီၣ်ဒီးဃၣ်တရံးအသးဒီးစံးဘၣ်တၢ်နါန့ၣ်, “လၢယ့ၣ်ၡူးခရံာ်အမံၤအပူၤန့ၣ်, ယဟ့ၣ်လီၤယကလုၢ်လၢနကဟးထီၣ်ကွံာ်လၢပိာ်မုၣ်အံၤ အပူၤလီၤ.” တဘျီဃီဖဲန့ၣ်တၢ်နါဟးထီၣ်ကွံာ်လၢအပူၤလီၤ.

မၤတၢ် 3:12

တုၤစီၤပ့းတရူးထံၣ်ဘၣ်ပှၤတဖၣ်န့ၣ်ဒီး, အဝဲဒၣ်စံးဘၣ်အဝဲသ့ၣ်, “ပှၤအံၣ်စရ့လးဖိသကိးသကိးဒီးယၤသ့ၣ်ဧၢ, ဘၣ်မနုၤသုကမၢကမၣ်လၢတၢ်အံၤအဃိလဲၣ်. ဒီးဘၣ်မနုၤသုကွၢ်ထံကွၢ်ဆးပှၤန့ၣ်လဲၣ်. ပှၤတဂၤအံၤဟးက့ၤလၢအခီၣ်သ့ဝဲန့ၣ်, မ့ၢ်သုဆိကမိၣ်လၢပမၤအီၤ လၢပစိကမီၤဒၣ်ဝဲ, မ့တမ့ၢ်ဘၣ်ဒီးလၢပမ့ၢ်ပှၤစီဆှံအဃိန့ၣ်ဧါ.

မၤတၢ် 3:16

ခီဖျိယ့ၣ်ၡူးအမံၤအစိကမီၤန့ၣ်, ပှၤလၢအခီၣ်ဟးဂီၤတဂၤအံၤအဂံၢ်အဘါဆူၣ်ထီၣ်ဝဲဒၣ်လီၤ. တၢ်လၢသုထံၣ်ဒီးသ့ၣ်ညါဘၣ်အံၤန့ၣ်, ဘၣ်တၢ်မၤအီၤခီဖျိလၢတၢ်စူၢ်တၢ်နာ်ယ့ၣ်ၡူးအမံၤအဃိန့ၣ် လီၤ. မ့ၢ်အစူၢ်အနာ်ယ့ၣ်ၡူးအဃိတၢ်ဒုးအိၣ်ဆူၣ်အိၣ်ချ့ထီၣ်က့ၤအီၤ, ဒ်သုထံၣ်ဘၣ်အသိးန့ၣ်လီၤ.

မၤတၢ် 3:6

ဘၣ်ဆၣ်စီၤပ့းတရူးစံးဘၣ်အီၤ, “ယကျိၣ်ယစ့တအိၣ်နီတဘ့ၣ် ဘၣ်. မ့မ့ၢ်ယဟ့ၣ်နၤတၢ်လၢအအိၣ်ဒီးယၤန့ၣ်လီၤ. လၢပှၤနစၤရ့းဖိယ့ၣ်ၡူးခရံာ်အမံၤန့ၣ်ယမၤလိာ်နၤ, ဂဲၤဆၢထၢၣ်ဒီးဟးတက့ၢ်.”

မၤတၢ် 4:10

သုဝဲခဲလၢာ်သုကြၢးသ့ၣ်ညါ, ဒီးပှၤအံၣ်စရ့လးဖိခဲလၢာ်ကြၢး သ့ၣ်ညါဝဲလၢ, ပှၤတဂၤအံၤအိၣ်ဆၢထၢၣ်ပှဲၤဂံၢ်ပှဲၤဘါလၢသုမဲာ်ညါဖဲအံၤ န့ၣ်ခီဖျိပှၤနစၤရ့းဖိယ့ၣ်ၡူးအမံၤအစိကမီၤအဃိန့ၣ်လီၤ. ယ့ၣ်ၡူးခရံာ်မ့ၢ်ပှၤလၢသုပျၤထီအီၤလၢထူၣ်စုညါအလိၤ, ဘၣ်ဆၣ်ဒီးယွၤဒုးဂဲၤဆၢထၢၣ်က့ၤအီၤလၢတၢ်သံန့ၣ်လီၤ.

မၤတၢ် 9:33

ဖဲန့ၣ်အဝဲထံၣ်လိာ်သးဒီးစီၤအဲၤန့း, ပှၤသံတခီပၤလၢအအိၣ်မံလီၤဝဲလၢလီၢ်မံပူၤယံာ်ဃိးနံၣ်လံ တဂၤန့ၣ်လီၤ.

မၤတၢ် 9:35

ကယဲၢ်ပှၤအိၣ်လၢဝ့ၢ်လူးဒၤဒီးတၢ်ပၢၤခိၣ်ၡၤရိၣ်ခဲလၢာ်ထံၣ်ဘၣ်အီၤ သတးဒီးကဲထီၣ်ပှၤစူၢ်က့ၤနာ်က့ၤကစၢ်န့ၣ်လီၤ.