မၤတၢ် 9:33 - Sgaw Karen Common Bible

³³ ဖဲန့ၣ်အဝဲထံၣ်လိာ်သးဒီးစီၤအဲၤန့း, ပှၤသံတခီပၤလၢအအိၣ်မံလီၤဝဲလၢလီၢ်မံပူၤယံာ်ဃိးနံၣ်လံ တဂၤန့ၣ်လီၤ.

မၤတၢ် 9:33 Iomraidhean Croise

လံာ်မးသဲ 4:24

ယ့ၣ်ၡူးအကစီၣ်ဟူထီၣ်သါလီၤလၢကီၢ်ဒီဘ့ၣ်ညါပၢၢ်တုၤလၢကီၢ် စူၤရံဒီးပှၤဟဲကိးန့ၢ်အီၤလၢပှၤဆူးပှၤဆါလၢအတူၢ်ဘၣ်တၢ်ဆူး တၢ်ဆါအကလုာ်ကလုာ်လၢအတူၢ်ဘၣ်တၢ်နးနးကျံၤကျံၤတဖၣ်, ဒ်ပှၤလၢတၢ်နါဒိးအီၤ, ပှၤလၢအပျုၢ်ထိးတဖၣ်ဒီးပှၤသံတခီပၤတဖၣ်, ဒီးယ့ၣ်ၡူးမၤဘျါက့ၤအဝဲသ့ၣ်ခဲလၢာ်လီၤ.

လံာ်မၢ်ကူး 5:25

အကတီၢ်ဖဲန့ၣ်, ပှၤပိာ်မုၣ်အိၣ်ဝဲတဂၤလၢအအိၣ်ဒီး တၢ်ဆါသွံၣ်လီၤတဆံခံနံၣ်လီၤ.

လံာ်မၢ်ကူး 9:21

ဒီးယ့ၣ်ၡူးသံကွၢ်ဖိသၣ်အပၢ်န့ၣ်, “တၢ်မၤအသးဒီးအီၤဒ်သိးအံၤအိၣ်ဆံးယံာ်လံလဲၣ်.” ဒီးအဝဲဒၣ်စံးဆၢက့ၤဝဲ, “စးထီၣ်လၢအမ့ၢ်ဖိသၣ်လံၤလံၤလီၤ.

လံာ်လူၤကၣ် 13:16

ခဲကနံၣ်အံၤ, ပိာ်မုၣ်လၢအမ့ၢ်စီၤအၤဘြၤဟၣ်အစၢၤအသွဲၣ် အိၣ်ဝဲဒၣ်ဖဲအံၤတဂၤလၢမုၣ်ကီၤလံၢ်ဟံးဃာ်တ့ၢ်အီၤလၢတၢ်စၢဃာ် အပူၤ, အိၣ်လံတဆံဃိးနံၣ်လံန့ၣ်လီၤ. တၢ်ကဒုးထူၣ်ဖျဲးထီၣ်ကွံာ်အီၤလၢအတၢ်စၢဃာ်အပူၤဖဲမုၢ်အိၣ်ဘှံး အနံၤန့ၣ်, တကြၢးဝဲဘၣ်ဝဲဘၣ်ဧါ.”

လံာ်ယိၤဟၣ် 5:5

ပှၤအိၣ်ဖဲန့ၣ်တဂၤလၢအဆိးက့တ့ၢ်လံလၢ သၢဆံဃိးနံၣ်အတီၢ်ပူၤန့ၣ်လီၤ.

လံာ်ယိၤဟၣ် 9:1

ဖဲယ့ၣ်ၡူးလဲၤတၢ်အဖၢမုၢ်ဒီး, အဝဲထံၣ်ပှၤတဂၤလၢအမဲာ်ဘျီၣ်လၢအအိၣ်ဖျဲၣ်ထီၣ်လံၤလံၤ န့ၣ်လီၤ.

လံာ်ယိၤဟၣ် 9:21

ဘၣ်ဆၣ်ဒီးခဲအံၤအဝဲထံၣ်ထီၣ်က့ၤတၢ်လၢကျဲဒ်လဲၣ်န့ၣ် ပတသ့ၣ်ညါဘၣ်. ဒီးမတၤမၤဘျါက့ၤအီၤလဲၣ်န့ၣ်, ပတသ့ၣ်ညါစ့ၢ်ကီးဘၣ်. သံကွၢ်အီၤတက့ၢ်. အဝဲဒၣ်ဒိၣ်တုာ်ခိၣ်ပှဲၤလံ ဒီးစံးဆၢတၢ်လၢအဂီၢ်ဒၣ်ဝဲသ့ကစီဒီလီၤ.”

မၤတၢ် 14:8

တၢ်မၤအသးဖဲဝ့ၢ်လူစတြၤန့ၣ်, ပှၤအခီၣ်ဟးဂီၤတ့ၢ်ဝဲလၢအအိၣ်ဖျဲၣ် ထီၣ်လံၤလံၤဒီးဟးတသ့နီတဘျီဘၣ်အိၣ်ဝဲတဂၤလီၤ.

မၤတၢ် 3:2

ဖဲန့ၣ်ပှၤအခီၣ်ဟးဂီၤလၢအအိၣ်ဖျဲၣ်ထီၣ်လံၤလံၤတဂၤဘၣ် တၢ်ဟဲစိာ်အီၤဆူတၢ်လုၢ်ဟံၣ်အတြဲၤ, လၢတၢ်ကိးန့ၢ်အမံၤလၢတြဲၤဃံလၤအခီၣ်ထံးန့ၣ်လီၤ. ကိးမုၢ်နံၤဒဲးအဝဲဒၣ်ဘၣ်တၢ်ဟဲစိာ်အီၤဒီးတၢ်ပာ်လီၤအီၤဖဲ တြဲၤခိၣ်ထိးန့ၣ်, ဒ်သိးအကဃ့အီၣ်တၢ်လၢပှၤလၢအလဲၤနုာ်ဆူတၢ်လုၢ်ဟံၣ်ပူၤ တဖၣ်အအိၣ်အဂီၢ်န့ၣ်လီၤ.

မၤတၢ် 4:22

ပှၤလၢအဘၣ်တၢ်မၤဘျါက့ၤအီၤလီၤလိၢ်လီၤလးတဂၤအံၤ, အသးအိၣ်အနံၣ်လွံၢ်ဆံအဘျဲၣ်န့ၣ်လီၤ.

မၤတၢ် 9:32

စီၤပ့းတရူးလဲၤဝဲတၢ်လီၢ်တပူၤဘၣ်တပူၤဒီးဘၣ်တဘျီ န့ၣ်, အဝဲလဲၤတုၤဝဲလၢပှၤစီဆှံလၢအအိၣ်ဝဲလၢဝ့ၢ်လူးဒၤအပူၤ တဖၣ်အအိၣ်န့ၣ်လီၤ.

မၤတၢ် 9:34

စီၤပ့းတရူးစံးဘၣ်အီၤ, “စီၤအဲၤန့းဧၢ, ယ့ၣ်ၡူးခရံာ်မၤဘျါက့ၤနၤလီၤ. ဂဲၤဆၢထၢၣ်ဒီးထူထီၣ်က့ၤနလီၢ်မံတက့ၢ်.” ဒီးတဘျီဃီအဝဲဒၣ် ဂဲၤဆၢထၢၣ်ဝဲဒၣ်လီၤ.