မၤတၢ် 9:31 - Sgaw Karen Common Bible

³¹ သတးဒီး, တၢ်မၤအသးလၢတၢ်အိၣ်ဖှိၣ်အိၣ်လၢကီၢ်ယူဒၤ, ကီၢ်ကၤလံၤလါ, ဒီးကီၢ်ၡၤမရံတဖၣ်အပူၤန့ၣ်, အိၣ်ဘၣ်ဝဲလၢတၢ်ဃူတၢ်မုာ်အပူၤဒီးဘၣ်တၢ်ဒုးဒိၣ်ထီၣ်အီၤန့ၣ် လီၤ. ခီဖျိလၢသးစီဆှံဟ့ၣ်ဂံၢ်ဟ့ၣ်ဘါတၢ်အိၣ်ဖှိၣ်န့ၣ်, အဂံၢ်အဘါဆူၣ်ထီၣ်ဒီးတၢ်အိၣ်ဖှိၣ်ဖိအနီၣ်ဂံၢ်အါထီၣ်ဂီၢ်ထီၣ်, ဒီးအိၣ်မူဝဲလၢတၢ်ယူးယီၣ်ကစၢ်အပူၤန့ၣ်လီၤ.

မၤတၢ် 9:31 Iomraidhean Croise

လံာ်ကွဲးနီၣ်တၢ်အခီၣ်ထံးတဘ့ၣ် 22:18

အဝဲစံးဝဲ, “ယွၤ, သုကစၢ်ယွၤအိၣ်ဒီးသုဒီးဟ့ၣ်လီၤသုလၢ တၢ်ဃူတၢ်ဖိးကိးကပၤဒဲးန့ၣ်လီၤ. အဝဲပျဲယမၤနၢၤကွံာ်ပှၤဂီၢ်မုၢ်ခဲလၢာ်လၢညီနုၢ်အိၣ်ဆိးဖဲ ထံကီၢ်အံၤအပူၤဒီးခဲကနံၣ်အံၤအဝဲသ့ၣ်ကဲထီၣ်ပှၤတဖၣ်လၢသု, ဒီးသုကစၢ်ယွၤပၢဘၣ်အီၤန့ၣ်လီၤ.

လံာ်ကွဲးနီၣ်တၢ်အခီၣ်ထံးတဘ့ၣ် 22:9

ဘၣ်ဆၣ်ဒီး, အဝဲမၤတ့ၢ်တၢ်အၢၣ်လီၤတမံၤဒီးယၤလီၤ. အဝဲစံးဘၣ်ယၤလၢယကအိၣ်ဒီးယဖိခွါတဂၤ, လၢအကပၢတၢ်လၢတၢ်ဃူ တၢ်ဖိးအပူၤ, မ့ၢ်လၢသါကဟ့ၣ်အီၤတၢ်ဃူတၢ်ဖိးဒီးအဒုၣ်အဒါ တဖၣ်ခဲလၢာ်အဃိန့ၣ်လီၤ. အဝဲအမံၤကမ့ၢ်စီၤၡလိၤမိၤ, မ့ၢ်လၢဖဲအဝဲပၢဘၣ်တၢ်အကတီၢ်န့ၣ် သါကဟ့ၣ်အံၣ်စရ့လးလၢတၢ်ဃူတၢ်ဖိးဒီးတၢ်ဘံၣ်တၢ်ဘၢအဃိန့ၣ် လီၤ.

လံာ်စီၤနဃ့မယၤ 5:15

ကယဲၢ်ပဒိၣ်ဖးဒိၣ်ခဲလၢာ်လၢအမၤတ့ၢ်လံတၢ်လၢယမဲာ်ညါန့ၣ်ကဲ ထီၣ်တၢ်ဝံတၢ်ယိးလၢပှၤဂီၢ်မုၢ်အဂီၢ်ဒီးလၢတနံၤအတီၢ်ပူၤန့ၣ်, လၢတၢ်အီၣ်တၢ်အီဒီးစပံးထံအမဲာ်ညါဃ့ဝဲစ့ညၣ်အဘ့ၣ်လွံၢ်ဆံ န့ၣ်လီၤ. အဝဲသ့ၣ်အခ့အပှၤသ့ၣ်တဖၣ်ဒၣ်လဲာ်မၤနးမၤဖှီၣ်ပှၤဂီၢ်မုၢ်န့ၣ် လီၤ. ဘၣ်ဆၣ်မ့ၢ်လၢယပာ်ကဲကစၢ်ယွၤအဃိ ယတမၤတၢ်ဒ်အဝဲသ့ၣ်အသိးန့ၣ်ဘၣ်.

လံာ်စီၤနဃ့မယၤ 5:9

တုၤနုၤတစုယစံးဘၣ်အဝဲသ့ၣ် “တၢ်လၢသုမၤန့ၣ်မ့ၢ်တၢ်လၢအကမၣ် လီၤ. သုကဘၣ်ပာ်ကဲကစၢ်ယွၤဒီးမၤတၢ်လၢအဘၣ်န့ၣ်လီၤ. ဒီးသုတဘၣ်ဟ့ၣ်ပဒုၣ်ပဒါတဖၣ်, ပှၤကလုာ်ဂၤတဖၣ်လၢတၢ်ဂ့ၢ်လၢ ကနံၤဘၣ်ဖၣ်လဲပှၤန့ၣ်ဘၣ်.

လံာ်စီၤယိၤဘး 28:28

ဒီးကစၢ်ယွၤစံးဘၣ်ပှၤကညီ, ကွၢ်ကွၢ်တၢ်ပျံၤယွၤန့ၣ်မ့ၢ်တၢ် ကူၣ်သ့ဒီးတၢ်ဟးဆှဲးကွံာ်လၢတၢ်အၢန့ၣ်မ့ၢ်တၢ်သ့ၣ်ညါနၢ်ပၢၢ် န့ၣ်လီၤ.

စံးထီၣ်ပတြၢၤ 111:10

တၢ်ကူၣ်သ့အခီၣ်ထံးန့ၣ် မ့ၢ်တၢ်ပျံၤယွၤလီၤ. ကယဲၢ်ပှၤလၢအတိၢ်န့ၢ်ဝဲခဲလၢာ်န့ၣ် အိၣ်ဒီးအသးလၢအနၢ်ပၢၢ်တၢ်ဂ့ၤဂ့ၤလီၤ. အတၢ်စံးထီၣ်ပတြၢၤန့ၣ် အိၣ်ဂၢၢ်ဆိးကျၢၤ လီၤစိၤလီၤထီလီၤ.

စံးထီၣ်ပတြၢၤ 86:11

ယွၤဧၢ, နဲၣ်လိယၤလၢနကျဲဒ်သိး ယကလဲၤတၢ်လၢနတၢ်မ့ၢ်တၢ်တီအပူၤ, ဒီးဟ့ၣ်ယၤတၢ်သးစၢၢ်ဆၢပံၢ်ကလာ် လၢယကပျံၤနမံၤအဂီၢ်တက့ၢ်.

စံးထီၣ်ပတြၢၤ 94:13

နဟ့ၣ်အီၤတၢ်အိၣ်ဘှံး လၢတၢ်ကိၢ်တၢ်ဂီၤအမုၢ်နံၤတဖၣ်အပူၤန့ၣ် နဒုးအိၣ်ဘှံးအီၤ, တုၤလီၤလၢတၢ်ပူၤတပူၤဘၣ်တၢ်ခူၣ်အီၤလၢ တၢ်ကဖီၣ်န့ၢ်ပှၤတတီတလိၤအဂီၢ်န့ၣ်လီၤ.

တၢ်ကတိၤဒိ. 1:7

ဒ်သိးသုကအိၣ်ဒီးတၢ်ကူၣ်သ့ဒီးအဆိကတၢၢ်သုကဘၣ်ယူးယီၣ် ယွၤန့ၣ်လီၤ. ပှၤဟးဂီၤဖိတဖၣ်တပာ်ကဲတၢ်ကူၣ်သ့ဒီးဂ့ၢ်လိာ် ကမၤလိတၢ်န့ၣ်လီၤ.

တၢ်ကတိၤဒိ. 23:17

သူၣ်က့ၣ်သးကါပှၤတၢ်ဒဲးဘးဖိတဖၣ်တဂ့ၤ. တၢ်ယူးယီၣ်ယွၤန့ၣ်မ်အကမ့ၢ်တၢ်လၢနသးစၢၢ်ဆၢ, လၢနတၢ်အိၣ်မူအပူၤန့ၣ်တက့ၢ်.

တၢ်ကတိၤဒိ. 8:13

တၢ်ပျံၤယွၤန့ၣ်မ့ၢ်တၢ်သးဟ့တၢ်အၢတၢ်သီလီၤ. ယသးဟ့တၢ်ပာ်ထီၣ်ထီသးဒီးတၢ်ပာ်ကဖၢလၢသး, ကျဲအအၢအသီတဖၣ်ဒီးတၢ်ကတိၤလီတၢ်တဖၣ်လီၤ.

လံာ်ယၡါယၤ 11:10

မုၢ်တနံၤကဟဲဝဲဖဲစီၤပၤအသီလၢအဟဲလီၤစၢၤလီၤသွဲၣ်လၢစီၤပၤဒၤဝံးကအိၣ်ထီၣ်ဝဲဒီးကမ့ၢ်တၢ်ပနီၣ်လၢပှၤကလုာ်တဖၣ်အဂီၢ် န့ၣ်လီၤ. အဝဲသ့ၣ်ကပာ်ဖှိၣ်အသးလၢအစီၤပၤအဝ့ၢ်ဒီးကဟ့ၣ် အီၤတၢ်လၤကပီၤန့ၣ်လီၤ.

လံာ်ယၡါယၤ 33:6

ဒီးဟ့ၣ်ပှၤကလုာ်လၢတၢ်အိၣ်ဂၢၢ်ဆိးကျၢၤန့ၣ်လီၤ. အဝဲကဟုကယာ်အပှၤဂီၢ်မုၢ်ဒီးဟ့ၣ်အဝဲသ့ၣ် လၢတၢ်ကူၣ်သ့ဒီးတၢ်သ့ၣ်ညါထီဘိလီၤ. အတၢ်လုၢ်ဒိၣ်ပှ့ၤဒိၣ်အဒိၣ်ကတၢၢ်မ့ၢ်ဝဲအဝဲသ့ၣ်အတၢ်ယူး ယီၣ်ယွၤန့ၣ်လီၤ.

လံာ်စကၤရယၤ 8:20

သ့တၢ်လၢာ်အယွၤစံးဝဲဒၣ်, “တၢ်ဆၢကတီၢ်ကဟဲတုၤဝဲဖဲ ပှၤဂီၢ်မုၢ်လၢဝ့ၢ်အါဝ့ၢ်ကဟဲဝဲဒၣ်ဆူဝ့ၢ်ယရူၤၡလ့ၣ်န့ၣ်လီၤ.

မၤတၢ် 12:24

မ့မ့ၢ်ကစၢ်ယွၤအကလုၢ်ကထါဘၣ်တၢ်ရၤလီၤအီၤဆူညါကွ့ၢ်ကွ့ၢ်, ဒီးပှၤစူၢ်က့ၤနာ်က့ၤတၢ်ဖိအနီၣ်ဂံၢ်အါထီၣ်ဝဲဒၣ်န့ၣ်လီၤ.

မၤတၢ် 16:5

လၢတၢ်န့ၣ်အဃိ, တၢ်အိၣ်ဖှိၣ်တဖၣ်အတၢ်စူၢ်တၢ်နာ်အဂံၢ် အဘါဆူၣ်ထီၣ်, ဒီးပှၤစူၢ်က့ၤနာ်က့ၤတၢ်အနီၣ်ဂံၢ်အါထီၣ်ဝဲ ကိးနံၤဒဲးလီၤ.

မၤတၢ် 2:47

အိၣ်ဒီးတၢ်စံးထီၣ်ပတြၢၤကစၢ်ယွၤ, ဒီးအဝဲသ့ၣ်ဒိးန့ၢ်ပှၤခဲလၢာ်အတၢ်ဘၣ်သူၣ်ဘၣ်သးန့ၣ်လီၤ. ဒီးကိးနံၤဒဲးန့ၣ်, ကစၢ်ပာ်ဖှိၣ်အါထီၣ်ပှၤဒိးန့ၢ်တၢ်အုၣ်က့ၤခီၣ်က့ၤ တဖၣ်ဆူအဝဲသ့ၣ်အတၢ်အိၣ်ဖှိၣ်အပူၤန့ၣ်လီၤ.

မၤတၢ် 20:32

ဒီးခဲကနံၣ်အံၤ, ယဟ့ၣ်လီၤသုဆူကစၢ်ယွၤအတၢ်အံးတၢ်ကွၢ်ဒီးတၢ်ကစီၣ်ဘၣ်ဃး အဝဲဒၣ်အဘျုးအဖှိၣ်အပူၤ, လၢအမၤထီၣ်မၤထီသုသ့ဝဲဒီးဟ့ၣ်သုတၢ်ဆိၣ်ဂ့ၤဆိၣ်ဝါလၢ အကတဲာ်ကတီၤပာ်ဝဲလၢအပှၤဂီၢ်မုၢ်ခဲလၢာ်အဂီၢ်န့ၣ်လီၤ.

မၤတၢ် 5:11

တၢ်အိၣ်ဖှိၣ်ဒီဖုညါဒီးပှၤအဂၤလၢအနၢ်ဟူဘၣ်တၢ်ဂ့ၢ်အံၤကိးဂၤဒဲးန့ၣ်, ပျံၤတၢ်ဒိၣ်ဒိၣ်ကလဲာ်လီၤ.

မၤတၢ် 6:7

အန့ၣ်သတးဒီးကစၢ်ယွၤအကလုၢ်ကထါရၤလီၤအသးအါထီၣ်ဝဲကွ့ၢ် ကွ့ၢ်လီၤ. အပျဲၢ်အဘီၣ်အနီၣ်ဂံၢ်လၢဝ့ၢ်ယရူၤၡလ့ၣ်အပူၤအါထီၣ်ဂီၢ် ထီၣ်ဒိၣ်ဒိၣ်ကလဲာ်, ဒီးပှၤလုၢ်တၢ်အခိၣ်တဘျုးဒံတဘျုးဂၤစူၢ် က့ၤနာ်က့ၤတၢ်လီၤ.

မၤတၢ် 8:1

စီၤစီလူးအၢၣ်လီၤထွဲဝဲတၢ်မၤသံစီၤစတ့းဖၣ်န့ၣ်လီၤ. တနံၤဃီအဝဲန့ၣ်, တၢ်အိၣ်ဖှိၣ်လၢဝ့ၢ်ယရူၤၡလ့ၣ်အပူၤဘၣ်တၢ်စးထီၣ်မၤအၢမၤနး အီၤနးမးလီၤ. မ့တမ့ၢ်ဘၣ်လၢပှၤတၢ်မၢဖိတဖၣ်ဘၣ်ဒီး, ပှၤစူၢ်က့ၤနာ်က့ၤတၢ်ခဲလၢာ်လီၤပြံလီၤပြါဝဲသကုၤကီၢ်ယူဒၤ ဒီးကီၢ်ၡၤမရံန့ၣ်လီၤ.

ရိမ့ၤ 14:17

အဂ့ၢ်ဒ်လဲၣ်န့ၣ်, ယွၤအဘီအမုၢ်တမ့ၢ်တၢ်လၢအဘၣ်ဃးဒီး တၢ်အီၣ်တၢ်အီဘၣ်. မ့မ့ၢ်ဘၣ်ဃးဒီးတၢ်တီတၢ်လိၤ, တၢ်ဃူတၢ်ဖိး, ဒီးတၢ်သးခုလၢသးစီဆှံဟ့ၣ်ဝဲန့ၣ်လီၤ.

ရိမ့ၤ 14:19

မၤသးဒ်န့ၣ်ဒီး, ပကဘၣ်ပညိၣ်ဃီၤပသးထီဘိဒီးမၤတၢ်တဖၣ် လၢအဟဲစိာ်တၢ်ဃူတၢ်ဖိးဒီးကဲထီၣ်တၢ်ဟ့ၣ်ဂံၢ်ဟ့ၣ်ဘါလိာ်သး တဂၤဒီးတဂၤန့ၣ်လီၤ.

ရိမ့ၤ 15:13

မ်ကစၢ်ယွၤ, လၢအမ့ၢ်တၢ်မုၢ်လၢ်အဂံၢ်ထံး, မၤပှဲၤသုဒီးကယဲၢ်တၢ်သးခုဒီးတၢ်ဃူတၢ်ဖိးခီဖျိသုတၢ် စူၢ်တၢ်နာ်အီၤ, ဒ်သိးသုတၢ်မုၢ်လၢ်ကဒိၣ်ထီၣ်အါထီၣ်ခီဖျိသး စီဆှံအစိကမီၤန့ၣ်တက့ၢ်.

ရိမ့ၤ 5:5

တၢ်မုၢ်လၢ်အံၤတဒုးသးဟးဂီၤပှၤဘၣ်, မ့ၢ်လၢကစၢ်ယွၤလူလီၤဂၢ်လီၤအတၢ်အဲၣ်လၢပသးပူၤခီဖျိ သးစီဆှံ, လၢအမ့ၢ်ကစၢ်ယွၤအတၢ်ဟ့ၣ်ပှၤအဃိန့ၣ်လီၤ.

1 ကရံၣ်သူး 14:12

မ့ၢ်လၢသုသးဆူၣ်ဒိးန့ၢ်ဘၣ်သးစီဆှံအတၢ်ဟ့ၣ်အဃိ, သုကဘၣ်ဂုာ်ကျဲးစၢးအါန့ၢ်တၢ်အဂၤ, လၢသုကသူအါထီၣ်တၢ်ဟ့ၣ်သ့ၣ်တဖၣ်လၢအကမၤ စၢၤတၢ်ဒုးဒိၣ်ထီၣ်ထီထီၣ်တၢ်အိၣ်ဖှိၣ်န့ၣ်လီၤ.

1 ကရံၣ်သူး 14:26

တၢ်လၢယသးအိၣ်စံးယဲန့ၣ်မ့ၢ်ဒ်အံၤလီၤ. ယဒီပုၢ်ဝဲၢ်သ့ၣ်ဧၢ, ဖဲသုအိၣ်ဖှိၣ်ဘါသကိးတၢ်န့ၣ်, တဂၤအိၣ်ဒီးတၢ်သးဝံၣ်စံးထီၣ်ပတြၢၤယွၤ, အဂၤတဂၤအိၣ်ဒီးတၢ်သိၣ်လီၤသီလီၤ, မၤကဒီးတဂၤအိၣ်ဒီးတၢ်လီၣ်ဖျါဟဲလၢယွၤအအိၣ်, အဂၤတဂၤအိၣ်ဒီးဝံအတၢ်ကတိၤ, ဒီးအဂၤတဂၤအိၣ်ဒီးတၢ်တဲဖျါထီၣ်တၢ်လၢအဘၣ် တၢ်စံးကတိၤအီၤတဖၣ်အခီပညီလီၤ. တၢ်ကိးမံၤဒဲးကဘၣ်ကဲထီၣ်တၢ်မၤစၢၤလၢတၢ်အိၣ်ဖှိၣ်အဂီၢ်လီၤ.

၂ ကရံၣ်သူး 10:8

အဂ့ၢ်ဒ်အံၤ, ယမ့ၢ်ကတိၤပာ်ကဖၢလၢယသးအါကဲၣ်ဆိးတစဲး ဘၣ်ဃးဒီးတၢ်စိတၢ်ကမီၤလၢကစၢ်ဟ့ၣ်လံယၤ (တၢ်စိတၢ်ကမီၤလၢတၢ်ကမၤထီၣ်မၤထီသုအဂီၢ်ဒီးတမ့ၢ်တၢ် ကမၤဟးဂီၤသုအဂီၢ်ဘၣ်) ဒၣ်လဲာ်န့ၣ်, ယတမဲာ်ဆှးယဲဒၣ်ဘၣ်.

၂ ကရံၣ်သူး 12:19

ဘၣ်တဘၣ်သုဆိကမိၣ်သုဝဲလၢဒီဆၢဒီကတီၢ်ညါန့ၣ်, ပဂုာ်ကျဲးစၢးကတိၤဒီဒၣ်လီၤက့ၤပသးလၢသုမဲာ်ညါလီၤ. တမ့ၢ်ဘၣ်. ပစံးကတိၤတၢ်ဒ်ခရံာ်အဲၣ်ဒိးပကတိၤပဝဲအသိး, လၢကစၢ်ယွၤ အမဲာ်ညါ, ဒီးတၢ်တမံၤလၢ်လၢ်လၢပမၤအီၤန့ၣ်, တံၤသကိးသးဘိသ့ၣ်ဧၢ, မ့ၢ်ဒ်သိးအကမၤစၢၤသုလီၤ.

၂ ကရံၣ်သူး 13:10

လၢတၢ်န့ၣ်အဃိယကွဲးတၢ်အဝဲအံၤဖဲယအိၣ်လီၤဖးဒီး သုလီၤ. အဝဲအံၤန့ၣ်မ့ၢ်ဒ်သိးဖဲယဟဲတုၤန့ၣ်, အလီၢ်သုတအိၣ်လၢယကမၤသုဆူၣ်ဆူၣ်လၢတၢ်သူ တၢ်စိတၢ်ကမီၤလၢကစၢ်ယွၤဟ့ၣ်တ့ၢ်ယၤ (တၢ်စိတၢ်ကမီၤလၢတၢ်ကမၤထီၣ်မၤထီသု အဂီၢ်, တမ့ၢ်တၢ်ကမၤဟးဂီၤသုအဂီၢ်ဘၣ်) အပူၤ တဂ့ၤအဂီၢ်န့ၣ်လီၤ.

၂ ကရံၣ်သူး 7:1

တၢ်အၢၣ်လီၤအီလီၤသ့ၣ်တဖၣ်အံၤခဲလၢာ်ဘၣ်တၢ်ဟ့ၣ်လီၤ အီၤဆူပအိၣ်လီၤ. ယတံၤသကိးသးဘိသ့ၣ်ဧၢ, လၢတၢ်န့ၣ် အဃိ, မ်ပကမၤကဆှီထီၣ်ပသးလၢတၢ်ခဲလၢာ်လၢအတဒုး ကဆှီနီၢ်ခိမ့ၢ်ဂ့ၤ, သးသမူမ့ၢ်ဂ့ၤ, ဒီးမ်ပကစီဆှံပဝဲလၢာ်လၢာ်ဆ့ဆ့ခီဖျိပအိၣ်မူလၢတၢ်ပျံၤ ကစၢ်ယွၤအပူၤန့ၣ်တက့ၢ်.

အ့းဖ့းစူး 4:12

အဝဲဒၣ်မၤတၢ်အံၤမ့ၢ်ဒ်သိးအကကတဲာ်ကတီၤကစၢ်ယွၤ အပှၤဂီၢ်မုၢ်လၢအကမၤတၢ်ခ့တၢ်ပှၤအတၢ်မၤဒ်ခရံာ်ဖိတဖၣ် အသိး, ဒီးလၢအကမၤထီၣ်မၤထီခရံာ်အနီၢ်ခိအဂီၢ်,

အ့းဖ့းစူး 4:16

လၢအဝဲဒၣ်အပူၤန့ၣ်, က့ၢ်ဂီၤလၢအလီၤဆီလိာ်အသးခဲလၢာ်ဘၣ်တၢ်ဒုးစဲဘူးအီၤလၢ နီၢ်တဂၤဃီအပူၤလၢတၢ်အဆၢတဖၣ်လၢအမၤစၢၤတၢ်ဒ်က့ၢ်ဂီၤ တမံၤဒီးတမံၤအတၢ်မၤအိၣ်ဝဲအသိးန့ၣ်လီၤ. ဖဲက့ၢ်ဂီၤတဖၣ်အံၤမၤသကိးတၢ်ဒ်အဂ့ၤမၤဝဲန့ၣ်, နီၢ်ဒီဂၤညါဒိၣ်ထီၣ်ထီထီၣ်ဒီးမၤထီၣ်မၤထီလီၤက့ၤအသးခီ ဖျိတၢ်အဲၣ်တၢ်ကွံန့ၣ်လီၤ.

အ့းဖ့းစူး 4:29

တၢ်ကတိၤအအၢအသီန့ၣ်ဒုးထီၣ်ဖျဲးအီၤလၢသုထးခိၣ် တဂ့ၤ. ကတိၤထဲတၢ်ကတိၤအဂ့ၤလၢအမၤထီၣ်မၤထီတၢ်, လၢအဘၣ်ဘျီးဘၣ်ဒါတဖၣ်, ဒ်သိးဒီးပှၤလၢအနၢ်ဟူအီၤတဖၣ်ကန့ၢ်ဘျုးန့ၢ်ဖှိၣ်အဂီၢ်န့ၣ်တက့ၢ်.

အ့းဖ့းစူး 5:21

ဒိးပၢဒိးဆှၢလိာ်သုသးတဂၤဒီးတဂၤလၢတၢ်ပာ်ဒိၣ်ပာ်ကဲ ခရံာ်အဃိန့ၣ်တက့ၢ်.

လံာ်သိၣ်လီၤသီလီၤတၢ် 12:10

တုၤသုခီဂာ်ထံကျိယၢ်ဒ့ၣ်န့ၣ်, ယွၤကပျဲသုမၤန့ၢ်ကီၢ်န့ၣ် ဒီးအိၣ်ဆိးဖဲန့ၣ်လီၤ. အဝဲကကဟုကယာ်သုလၢကယဲၢ်သုဒုၣ်သုဒါခဲလၢာ်ဒီးသုကအိၣ်ဆိး ပှဲၤဒီးတၢ်ဃူတၢ်မုာ်န့ၣ်လီၤ.

ဖံလံးပံၤ 2:1

သုတၢ်အိၣ်မူလၢခရံာ်အပူၤမ့ၢ်တၢ်လၢအဟ့ၣ်ဂံၢ်ဟ့ၣ်ဘါသု, ဒီးအတၢ်အဲၣ်တၢ်ကွံမၤမုာ်ထီၣ်က့ၤသုလီၤ. သုအိၣ်ဒီးတၢ်ရ့လိာ်မုာ်လိာ်လၢယွၤအသး, ဒီးသုအိၣ်ဒီးတၢ်သး ကညီၤဒီးတၢ်သးအိၣ်မၤစၢၤတၢ်လၢတဂၤဒီးတဂၤအဂီၢ်န့ၣ်လီၤ.

ကလီးစဲ 1:10

ဒ်သိးသုကအိၣ်မူတၢ်အိၣ်မူလၢအကြၢးဒီးကစၢ်, တၢ်အိၣ်မူလၢအမၤမုာ်အီၤသတးဒီးသုတၢ်အိၣ်မူ ကဟ့ၣ်ထီၣ်တၢ်မၤအဂ့ၤကိးကလုာ်ဒဲး, ဒီးသုကဒိၣ်ထီၣ်လၢတၢ်သ့ၣ်ညါကစၢ်ယွၤအပူၤအဂီၢ်န့ၣ်လီၤ.

၁ သ့းစၤလနံ 5:11

မ်ဒ်န့ၣ်ဒီး, ကတိၤဟ့ၣ်ဆူၣ်ထီၣ်လိာ်သုဂံၢ်သုဘါတဂၤဒီး တဂၤ, ဒီးမၤစၢၤလိာ်သုသးဒ်သုမၤတ့ၢ်လံခဲကနံၣ်အံၤအသိး န့ၣ်တက့ၢ်.

၁ တံၤမသ့း 1:4

စံးဘၣ်တဲဘၣ်အဝဲသ့ၣ်လၢအသုတမၤလၢာ်အဆၢကတီၢ် လၢတၢ်စံၣ်ဃဲၤတဲဃဲၤလၢပျၢၤတဖၣ်ဒီးတၢ်ယၢၤထီၣ်ဖးထီ တၢ်ဟဲလီၤစၢၤတဖၣ်န့ၣ်တဂ့ၤ. တၢ်သ့ၣ်တဖၣ်အံၤဒုးအိၣ်ထီၣ်ဒၣ်တၢ်ဂ့ၢ်လိာ်ဘှီလိာ်တဖၣ်ဒီး တမၤထီၣ်မၤထီကစၢ်ယွၤအတၢ်ကူၣ်ထီၣ်ဖးလီၤလၢ တၢ်သ့ၣ်ညါအီၤသ့ဒၣ်ထဲလၢတၢ်စူၢ်တၢ်နာ်န့ၣ်ဘၣ်.

ဧ့ၤဘြံၤ 4:9

လၢတၢ်အံၤအဃိ, တၢ်အိၣ်ဘှံးဒ်လၢကစၢ်ယွၤအတၢ်အိၣ် ဘှံးလၢမုၢ်နွံနံၤတနံၤန့ၣ်, အိၣ်ဒံးဝဲလၢကစၢ်ယွၤအပှၤဂီၢ်မုၢ် အဂီၢ်လီၤ.

လံာ်စီၤယိၤၡူ 21:44

ယွၤဟ့ၣ်အဝဲသ့ၣ်လၢတၢ်ဃူတၢ်ဖိးလၢထံကီၢ်ဒီကီၢ်ညါ, ဒ်အအၢၣ်လီၤတ့ၢ်အမိၢ်ပၢ်ဖံဖုလၢပျၢၤတဖၣ်အသိးန့ၣ်လီၤ. ဒီးလၢအဒုၣ်အဒါခဲလၢာ်အကျါန့ၣ်, ပှၤဆၢထၢၣ်ထီဒါအဝဲသ့ၣ်တသ့နီတဂၤဘၣ်, မ့ၢ်လၢယွၤဟ့ၣ်ပှၤအံၣ်စရ့လးဖိတဖၣ် တၢ်မၤနၢၤလၢအဒုၣ်အဒါခဲလၢာ်အဖီခိၣ်အဃိန့ၣ်လီၤ.

ယူဒၤ 1:20

ဘၣ်ဆၣ်ဒီးယတံၤသကိးသးဘိသ့ၣ်ဧၢ, သူၣ်ထီၣ်ဘှီထီၣ်သုသးလၢသုတၢ်စူၢ်တၢ်နာ်စီဆှံကတၢၢ် အဖီခိၣ်န့ၣ်တက့ၢ်. ဘါထုကဖၣ်လၢသးစီဆှံအစိကမီၤအပူၤ,

လံာ်ပှၤစံၣ်ညီၣ်ကွီၢ် 3:30

ဒီးလၢနံၤအဝဲန့ၣ်ပှၤအံၣ်စရ့လးဖိမၤနၢၤကွံာ်ပှၤမိၤအးဖိ ဒီးဖဲန့ၣ်တၢ်မုာ်တၢ်ခုၣ်အိၣ်လၢကီၢ်အပူၤအနံၣ်ဃိးဆံန့ၣ်လီၤ.