မၤတၢ် 9:26 - Sgaw Karen Common Bible

²⁶ စီၤစီလူးက့ၤဝဲဆူဝ့ၢ်ယရူၤရှလ့ၣ်ဒီးဂုာ်ကျဲးစၢးဘျုး အသးဒီးအပျဲၢ်အဘီၣ်တဖၣ်န့ၣ်လီၤ. သနာ်က့, အဝဲသ့ၣ်တနာ်လၢအဝဲဒၣ်မ့ၢ်အပျဲၢ်အဘီၣ်တဂၤဘၣ်ဒီးပျံၤဘၣ်အီၤ ခဲလၢာ်လီၤ.

မၤတၢ် 9:26 Iomraidhean Croise

လံာ်မးသဲ 24:10

တုၤနုၤတစု, ပှၤအါဂၤကညိကွံာ်အတၢ်စူၢ်တၢ်နာ်ဖဲအကတီၢ်န့ၣ်လီၤ. အဝဲသ့ၣ်ကဆါလီၤအီၣ်ကွံာ်အသးတဂၤဒီးတဂၤဒီးကသးဟ့လိာ် အသးသကိးသကိးလီၤ.

မၤတၢ် 26:20

ယစံၣ်တဲၤတဲလီၤတၢ်အဆိကတၢၢ်လၢဝ့ၢ်ဒၤမ့ၤစ့းအပူၤဒီး လၢဝ့ၢ်ယရူၤၡလ့ၣ်အပူၤ, အန့ၣ်ဝံၤအလီၢ်ခံလၢကီၢ်ယူဒၤဒီဘ့ၣ်ညါဒီးလၢပှၤကလုာ်ဂၤ တဖၣ်အသိးအကျါ, ဒီးသဆၣ်ထီၣ်အဝဲသ့ၣ်အခံဒ်သိးအကပီၢ်ယၢ်လီၤက့ၤအသးလၢ အတၢ်ဒဲးဘးတဖၣ်, ဒီးဃၣ်လိၤက့ၤအသးဆူကစၢ်ယွၤအအိၣ်ဒီးမၤတၢ်သ့ၣ်တဖၣ် လၢအကအုၣ်အသးလၢအဝဲသ့ၣ်ပီၢ်ယၢ်လီၤတ့ၢ်လံအသး အဂ့ၢ်န့ၣ်လီၤ.

မၤတၢ် 4:23

တုၤတၢ်ပျၢ်ထူၣ်ဖျဲးကွံာ်စီၤပ့းတရူးဒီးစီၤယိၤဟၣ်ဝံၤတဘျီဃီဒီး, အဝဲသ့ၣ်က့ၤက့ၤဆူအတံၤသကိးတဖၣ်အအိၣ်ဒီးစံးဘၣ်တဲဘၣ်အဝဲ သ့ၣ်တၢ်လၢပှၤလုၢ်တၢ်အခိၣ်အဒိၣ်တဖၣ်ဒီးပှၤသူၣ်က့သးပှၢ် တဖၣ်စံးဘၣ်တ့ၢ်အဝဲသ့ၣ်န့ၣ်လီၤ.

မၤတၢ် 9:19

ဒီးတုၤအအီၣ်တၢ်အီတၢ်ဝံၤဒီး, အဂံၢ်အဘါအိၣ်ထီၣ်က့ၤဝဲလီၤ. စီၤစီလူးအိၣ်ဝဲစှၤနံၤစှၤသီလၢအပျဲၢ်အဘီၣ်တဖၣ်အသိးလၢ ဝ့ၢ်ဒၤမ့ၤစ့းအပူၤလီၤ.

မၤတၢ် 9:25

ဘၣ်ဆၣ်ဒီး, ဘၣ်တနၤစီၤစီလူးအပျဲၢ်အဘီၣ်တဖၣ်ကိးထီၣ် အီၤဆူဝ့ၢ်ခိၣ်ဒူအဒီခိၣ်ဒီးစဲၤလီၤအီၤလၢဃၤတဖျၢၣ်အပူၤ, ဆူဝ့ၢ်အချၢန့ၣ်လီၤ.

ကလၤတံ 2:4

သနာ်က့ပှၤတနီၤအဲၣ်ဒိးဝဲလၢအဝဲဒၣ်ကမၤဝဲန့ၣ်လီၤ. ပှၤသ့ၣ်တဖၣ်အံၤပာ်မၤအသးဒ်အမ့ၢ်ပှၤစူၢ်က့ၤနာ်က့ၤတၢ် သကိးသကိးဒီးပှၤဒီးနုာ်လီၤဆူပကျါဒ်ပှၤကွၢ်ဟုၣ်ကွၢ်စုာ် တၢ်တဖၣ်အသိး, ဒ်သိးအကဃုသ့ၣ်ညါတၢ်သဘျ့လၢ အအိၣ်ဒီးပှၤခီဖျိပတၢ်မ့ၢ်တၢ်တမံၤဃီဒီးယ့ၣ်ၡူးခရံာ် န့ၣ်လီၤ. အဝဲသ့ၣ်အသးအိၣ်လၢပကကဲထီၣ်တၢ်အကုၢ် အပှၤလီၤ.