မၤတၢ် 9:24 - Sgaw Karen Common Bible

²⁴ ဘၣ်ဆၣ်အဝဲဒၣ်ဘၣ်တၢ်ဒုးသ့ၣ်ညါအီၤလၢအဝဲသ့ၣ် အတၢ်ကူၣ်အၢအီၤအဂ့ၢ်န့ၣ်လီၤ. အဝဲသ့ၣ်အိၣ်ခိးကွၢ်ဟုၣ်တၢ်ဖဲဝ့ၢ်အတြဲၤန့ၣ်လၢမုၢ်ဆါဒီး မုၢ်နၤ, လၢကမၤသံကွံာ်အီၤအဂီၢ်လီၤ.

မၤတၢ် 9:24 Iomraidhean Croise

စံးထီၣ်ပတြၢၤ 21:11

အဝဲသ့ၣ်အိၣ်ဒီးအတၢ်ကူၣ်ထီၣ်ဖးလီၤထီဒါအီၤ, ဘၣ်ဆၣ်တကဲထီၣ်လိၣ်ထီၣ်ဝဲဘၣ်.

တၢ်ကတိၤဒိ. 24:15

လီၤဂာ်ဒီးပှၤတတီတလိၤလၢအကူၣ်ထီၣ်တၢ်လၢကဂုာ်န့ၢ်ပှၤတီ ပှၤလိၤအတၢ်, မ့တမ့ၢ်, ကဟံးန့ၢ်ကွံာ်အဟံၣ်န့ၣ်တဂ့ၤ.

မၤတၢ် 20:19

လၢတၢ်ဆီၣ်လီၤသးလၢာ်လၢာ်ဆ့ဆ့ဒီး မဲာ်ထံမဲာ်နိအဒိၣ်အအါ အပူၤ, ယမၤယတၢ်ဖံးတၢ်မၤဒ်ကစၢ်အခ့အပှၤတဂၤအသိး ခီဖျိဆၢကတီၢ်အကီအခဲလၢအဟဲတုၤအိၣ်ယၤလၢပှၤယူဒၤ ဖိတဖၣ်အတၢ်ကူၣ်အၢကူၣ်သီအဃိန့ၣ်လီၤ.

မၤတၢ် 20:3

ဖဲန့ၣ်အဝဲဒၣ်အိၣ်ဝဲသၢလါလီၤ. ဖဲအဝဲဒၣ်အိၣ်ကတဲာ်ကတီၤအသးဒ်သိးအကလဲၤဆူကီၢ် စူၤရံန့ၣ်, သ့ၣ်ညါဝဲလၢပှၤယူဒၤဖိတဖၣ်ကူၣ်တၢ်ထီဒါအီၤ, ဒီးလၢတၢ်န့ၣ်အဃိပာ်လီၤအသးလၢအကက့ၤကဒါက့ၤဝဲ ခီဖျိကီၢ်မၤက့းဒနံလီၤ.

မၤတၢ် 23:30

ဒီးဖဲယဘၣ်တၢ်ဒုးသ့ၣ်ညါယၤလၢပှၤယူဒၤဖိတနီၤကူၣ်တၢ်ထီဒါ အီၤန့ၣ်, ယပာ်လီၤယသးလၢယကဆှၢအီၤဆူနအိၣ်တဘျီဃီလီၤ. ယစံးဘၣ်တဲဘၣ်ပှၤပာ်တၢ်ကမၣ်လၢအလိၤတဖၣ်လၢအကလိာ် ကွီၢ်ထီဒါအီၤလၢနမဲာ်ညါလီၤ.”

မၤတၢ် 25:11

ယမ့ၢ်လုၣ်သ့ၣ်ခါပတာ်ဘၣ်ထံကီၢ်အတၢ်သိၣ်တၢ်သီဒီးမၤတၢ် တမံၤမံၤလၢအကြၢးဒီးတၢ်စံၣ်ညီၣ်သံန့ၣ်, ယတဃ့လၢယကပူၤ ဖျဲးဘၣ်. ဘၣ်ဆၣ်ဒီးတၢ်လၢအဝဲသ့ၣ်ပာ်ဖျါထီဒါယၤ တဖၣ်မ့ၢ်တတီတလိၤဘၣ်ဒီး, ပှၤဟ့ၣ်လီၤယၤဆူအဝဲသ့ၣ်အစုပူၤတသ့နီတဂၤဘၣ်. ယပတံထီၣ်တၢ်ဆူစီၤပၤဖးဒိၣ်အအိၣ်လီၤ.”

မၤတၢ် 25:3

ဒ်သိးအကမၤစၢၤအဝဲသ့ၣ်ခီဖျိအဒုးဟဲစီၤပီလူးဆူဝ့ၢ်ယရူၤၡလ့ၣ်, အဂ့ၢ်မ့ၢ်လၢအဝဲသ့ၣ်ကူၣ်ထီၣ်တ့ၢ်ဝဲလၢအကမၤသံအီၤလၢကျဲ န့ၣ်လီၤ.

မၤတၢ် 9:25

ဘၣ်ဆၣ်ဒီး, ဘၣ်တနၤစီၤစီလူးအပျဲၢ်အဘီၣ်တဖၣ်ကိးထီၣ် အီၤဆူဝ့ၢ်ခိၣ်ဒူအဒီခိၣ်ဒီးစဲၤလီၤအီၤလၢဃၤတဖျၢၣ်အပူၤ, ဆူဝ့ၢ်အချၢန့ၣ်လီၤ.

၂ ကရံၣ်သူး 11:32

ဖဲယအိၣ်လၢဝ့ၢ်ဒၤမ့ၤစ့းအဆၢကတီၢ်န့ၣ်, ပဒိၣ်လၢစီၤပၤအရံတၢ်အဖီလာ်တဂၤပာ်လီၤဃာ်ပှၤခိး တၢ်ဖိဖဲဝ့ၢ်အတြဲၤတဖၣ်အခီၣ်ထံးဒ်သိးအကဖီၣ်န့ၢ်ယၤ အဂီၢ်လီၤ.